Posts Tagged ‘சோழர்’

அன்னவாசல் அருகே வயலோகம் அகத்தீஸ்வரமுடைய விஸ்வநாதர் கோவில் கண்டுபிடிக்கப்பட்டதா, மீட்டெடுக்கப் பட்டதா, உழவாரப் பணி நடந்ததா?

ஒக்ரோபர் 10, 2017

அன்னவாசல் அருகே வயலோகம் அகத்தீஸ்வரமுடைய விஸ்வநாதர் கோவில் கண்டுபிடிக்கப்பட்டதா, மீட்டெடுக்கப் பட்டதா, உழவாரப் பணி நடந்ததா?

Vayalogam Sivan temple-google

உழவாரப்பணி நடந்த கோவில் செய்தி வெளியானதும், கண்டு பிடிப்பு போல நடக்கும் விவாதமும்: புதுக்கோட்டை மாவட்டம், அன்னவாசல் அருகே வயலோகத்தில் மிகவும் சிறப்பு பெற்ற சிவன்கோயில் உள்ளது. மிகவும் பழைமைவாய்ந்த இக்கோயிலின் உள்புறம் மற்றும் கோயிலைச் சுற்றியுள்ள பகுதியில் முள்புதர் மண்டிக்கிடந்தது. இதனால், கோயிலுக்குள் யாரும் செல்லமுடியாத நிலை இருந்தது. இதுகுறித்து தகவலறிந்த வரலாற்று ஆர்வலரும், கங்கைகொண்ட சோழபுரம் மேம்பாட்டுக் குழுத் தலைவருமான கோமகன் தலைமையில், வீரசோழன் அணுக்கன் படையைச் சேர்ந்த சசிதரன் உள்ளிட்ட காஞ்சிபுரம், திருவள்ளூர், சென்னை, திருச்சி, காரைக்குடி, தஞ்சாவூர், பெரம்பலூர் உள்ளிட்ட பல்வேறு மாவட்டங்களைச் சேர்ந்த அரசு மற்றும் தனியார் துறைகளில் பணியாற்றும் தன்னார்வலர்கள், வரலாற்று ஆர்வலர்கள், கல்வியாளர்கள், சமூக ஆர்வலர்கள் என 60-க்கும் மேற்பட்டோர் வயலோகம் வந்தனர்[1]. அவர்கள், இந்தக் கோயிலில் கடந்த செப். 29 ஆம் தேதி தொடங்கி, அக். 1 ஆம் தேதி வரை 3 நாள்கள் உழவாரப் பணியை மேற்கொண்டனர்[2]. Vayalogam temple cleaning- Dinamani-03-10-2017இதையறிந்த புதுக்கோட்டை தொல்லியல் ஆய்வுக் கழகத் தலைவர் ராஜேந்திரன், மணிகண்டன் உள்ளிட்டோர் வயலோகம் சென்று சிவன்கோயிலில் உள்ள கல்வெட்டு மற்றும் கோயில் குறித்த தகவல்களை தன்னார்வலர்களுக்கு விளக்கினர்.

Vayalogam Sivan temple-google-close view

1,000 ஆண்டுகள் பழமை வாய்ந்த சிவன் கோவில், மீட்டெடுக்கப் பட்டுள்ளது: தினமலர், தனக்கேயுரிய பாணியில் இவ்வாறு செய்தி வெளியிட்டுள்ளது. புதுக்கோட்டை அருகே, 1,000 ஆண்டுகள் பழமை வாய்ந்த சிவன் கோவில், மீட்டெடுக்கப் பட்டுள்ளது[3]. சமூகவலைதள உதவிபுதுக்கோட்டை மாவட்டம், அன்னவாசல் அருகே வயலோகம் பகுதியில், 1,000 ஆண்டுகள் பழமை வாய்ந்த, அகத்தீஸ்வரமுடைய விஸ்வநாதர் கோவில் உள்ளது. இந்த கோவிலை மீட்டெடுத்து, சீரமைக்க, ‘வாட்ஸ் ஆப், பேஸ்புக்’ மூலம் அழைப்பு விடுக்கப்பட்டது. Vayalogam temple discovered - Dinamalar-03-10-2017புதுக்கோட்டை மாவட்ட சமூக வலைதள நண்பர்கள் கொடுத்த தகவலின்படி, செப்., 29ல், வயலோகம் கிராமத்தில், தமிழகத்தின் பல பகுதிகள் மற்றும் புதுச்சேரியை சேர்ந்த வரலாற்று ஆர்வலர்கள், இளைஞர்கள், 60 பேர் ஒன்று திரண்டனர்[4]. அவர்கள், சிதைந்த கோவிலை சுற்றி, மண்டிக் கிடந்த புதர்களை சுத்தம் செய்தனர்[5]. மூன்று நாட்கள்தொடர்ந்து, மூன்று நாட்கள் மண் மேடு, செடி கொடிகளை அகற்றி, சுத்தம் செய்தனர். கோவிலை சுற்றி மண்டிக்கிடந்த முட்புதர்களை பொக்லைன் இயந்திரம் மூலம் அகற்றினார்கள்[6].

Vayalogam temple cleaning-Nakkeeran-03-10-2017.1

1000 வருடக்களாக இருந்து வந்த கோவிலை கண்டு பிடித்தது என்பது விசித்திரமே: அங்கிருந்த கல்வெட்டுகள் மூலம், 1,000 ஆண்டுகள் பழமையான கோவில் என்பதும், மூன்றாம் குலோத்துங்கன் சுந்தரபாண்டியன், குலசேகர பாண்டியன் ஆகிய மன்னர்கள் காலத்தில், திருப்பணிகள் செய்யப்பட்டதாகவும் அறியப்படுகிறது[7]. கோபுரம், மடப்பள்ளி என, அனைத்தும் சிதிலமடைந்துள்ளன. அங்கிருந்த இரண்டு சிவலிங்கம், இரண்டு அம்மன் சிலைகள், ஆறு முகங்கள் கொண்ட முருகன் சிலை, தெய்வானை, தட்சிணாமூர்த்தி, விநாயகர், நந்தி சிலைகள் சேதமடையும் நிலையில் இருப்பதால், அவற்றை தனியே எடுத்து பாதுகாத்து வருவதாக, பொதுமக்கள் தெரிவித்தனர்.Vayalogam temple discovered - Dinamalar-03-10-2017.anotherநடவடிக்கை வேண்டும்’கோவிலை புனரமைக்கவும், அழகிய வேலைப்பாடுடன் கூடிய கற் சிலைகளை பாதுகாக்கவும், இந்து சமய அறநிலையத் துறை நடவடிக்கை எடுக்க வேண்டும்’ என, கோரிக்கை விடுக்கப்பட்டுள்ளது. மேலும் தன்னார்வ பணியில் ஈடுபட்டவர்களை புதுக்கோட்டை தொல்லியல் ஆய்வுக் கழகத்தினரும், வயலோகம் மற்றும் வயலோகம் சுற்றுவட்டாரப் பகுதியினை சேர்ந்த பொதுமக்களும் வெகுவாக பாராட்டினார்கள்[8].

Vayalogam temple cleaning-Nakkeeran-03-10-2017.2

அன்னவாசல் அருகே விசலூரில் CE 10- ம் நூற்றாண்டை சேந்த கற்சிற்பங்கள் கண்டுபிடிப்பு: புதுக்கோட்டை மாவட்டம் அன்னவாசல் அருகே விசலூரில் CE 10- ம் நூற்றாண்டை சேந்த கற்சிற்பங்கள் கண்டுபிடிப்பு. அன்னவாசல்,நவ.15- புதுக்கோட்டை மாவட்டம் அன்னவாசலை அடுத்த விசலூரில் கிபி 10 – ம் நூற்றாண்டை சேர்ந்த 10 – கற்சிற்பங்கள் கண்டுபிடிக்கப்பட்டன. இதை எடுக்க வருவாய்துறை மற்றும் அருங்காட்சியத்துறையினர் சென்றதால் சிலைகளைஎடுக்க கூடாது என ஊர் பொதுமக்கள் எதிர்ப்பு தெரிவித்ததால் பரபரப்பு ஏற்பட்டது. புதுக்கோட்டை மாவட்டம் அன்னவாசல் அருகே உள்ள விசலூர் பெரிய குளத்தில் கருவைகள்சூழ்ந்த முற்புதருக்குள் கற்சிற்பங்கள் இருப்பதாகவும் இதை அருங்காட்சிய காப்பாச்சியரிடம் ஒப்படைக்கும் படியும் இலுப்பூர் வட்டாச்சியருக்கு மாவட்ட ஆட்சி தலைவர் பரிந்துரை செய்தார் இதனை அடுத்து விசலூரில் உள்ள சம்பவ இடத்திற்கு இலுப்பூர் வட்டாச்சியர் தமிழ்மணி மற்றும் புதுக்கோட்டை அருங்காட்சிய காப்பாச்சியர் பக்கிரிசாமி ஆகியோர் கொண்ட குழுக்கள் சென்றன மேலும் அங்கிருந்த கிபி 10 – ம் நூற்றாண்டை சேர்ந்த கற்சிற்பங்களை எடுக்க முயன்றனர் ஆனால் ஊர் பொதுமக்கள் ஒன்று கூடி எங்கள் ஊர் சாமி சிலைகளை எடுக்க கூடாது என எதிர்பு தெறிவித்தனர். இதனை அடுத்து பரபரப்பு ஏற்பட்டது பின்பு சம்பவ இடத்திற்கு வந்த அன்னவாசல் காவல்துறை ஆய்வாளர் செந்தில்மாறன் மற்றும் தாசில்தார் தமிழ்மணி ஆகியோர் பொதுமக்களிடம் பேச்சுவார்த்தை நடத்தினார்கள் இதில் உடன்பாடு ஏற்பட்டதை அடுத்து பின்பு ஜேசிபி இயந்திரம் மூலம் அந்த இடம் சுத்தம் செய்யப்பட்டு கற்சிற்பங்களை எடுக்கும் பணி தொடங்கியது இதைகான சுற்றுவாட்டார பொதுமக்கள் குவிந்ததால் பரபரப்பு ஏற்பட்டது பாதுகாப்பிற்காக போலீஸ் குவிக்கப்பட்டது.

Annavasal, Visalur, sculptures found - Dinathanthi-1

கிடைத்த 10- சிலைகளின் விபரங்கள்[9] ; 1 – சேஷ்டா தேவி – அமர்ந்த நிலையிலும் 2 – தெட்சிணா மூர்த்தி – அமர்ந்த நிலையிலும் 3 – பிரம்மா – அமர்ந்த நிலையிலும் 4 – நரசிம்மா – அமர்ந்த நிலையிலும் 5 – துவார பாலகர் – அமர்ந்த நிலையிலும் 6 – சாண்டிகேஸ்வர – அமர்ந்த நிலையிலும் 7 – இந்திரன் – அமர்ந்த நிலையிலும் 8 – நந்தி சிலைகள் 3. என 10 – கற்சிற்பங்கள் உள்ளே இருந்து எடுக்கப்பட்டன பின்பு இவை அனைத்தும் பாதுகாப்புடன் புதுக்கோட்டை அருங்காட்சியத்திற்கு கொண்டுசென்று மக்கள் பார்வைக்கு வைக்கப்பட்டது. மேற்கண்ட கற்சிற்பங்கள் காணப்படும் கலை நுணுக்கங்களையும் வேலைபாடுகளையும் ஆராயும் போது இவைகள் கிபி – 10 ம் நூற்றாண்டை சேர்ந்தாக இருக்கலாம் எனவும் இதை அருங்காட்சியத்தில் வைத்து காட்சிபடுத்தினால் பார்வையாளர்கள் பயன்பெறுவார்கள் எனவும் தெரிவித்தனர் மேலும் 10 – கற்சிற்பங்களையும் இலுப்பூர் வட்டாச்சியர் தமிழ்மணி புதுக்கோட்டை அருங்காட்சிய காப்பாச்சியர் பக்கிரிசாமியிடம் ஒப்படைத்தார். இதற்கான பாதுகாப்பு ஏற்பாடுகளை அன்னவாசல் காவல்துறை ஆய்வாளர் செந்தில்மாறன் தலைமையில் போலீசார் செய்துருந்தனர். ஜேஸ்டா தேவி மற்ற உக்கிரதேவிகளின் உருவங்களை அப்புறப்படுத்துவது வழக்கமாக இருந்து வந்துள்ளது. மறுபடியும் உபயோகிக்கக் கூடாது என்று புதைப்பதும் வழக்கமாக இருந்தது. ஆகையால் இவற்றைக் கண்டுபிடிப்பது என்பது ஒன்றும் இல்லை.

© வேதபிரகாஷ்

30-09-2017

Annavasal, Visalur, sculptures found - Dinathanthi-2

[1] தினமணி, வயலோகம் சிவன் கோயிலில் உழவாரப் பணி நிறைவு,  Published on : 03rd October 2017 09:50 AM

[2]  http://www.dinamani.com/all-editions/edition-trichy/pudukottai/2017/oct/03/%E0%AE%B5%E0%AE%AF%E0%AE%B2%E0%AF%8B%E0%AE%95%E0%AE%AE%E0%AF%8D-%E0%AE%9A%E0%AE%BF%E0%AE%B5%E0%AE%A9%E0%AF%8D-%E0%AE%95%E0%AF%8B%E0%AE%AF%E0%AE%BF%E0%AE%B2%E0%AE%BF%E0%AE%B2%E0%AF%8D-%E0%AE%89%E0%AE%B4%E0%AE%B5%E0%AE%BE%E0%AE%B0%E0%AE%AA%E0%AF%8D-%E0%AE%AA%E0%AE%A3%E0%AE%BF-%E0%AE%A8%E0%AE%BF%E0%AE%B1%E0%AF%88%E0%AE%B5%E0%AF%81-2783635.html

 

[3] தினமலர், 1,000 ஆண்டு பழமை வாய்ந்த சிவன் கோவில் மீட்டெடுப்பு, பதிவு செய்த நாள். அக்டோபர்.2, 2017, 21.26.

http://www.dinamalar.com/news_detail.asp?id=1867161

[4] நக்கீரன், சிவன் கோவிலில் தன்னார்வலர்களின் உழவாரப்பணி: பொதுமக்கள் பாராட்டு, Monday, 02 Oct, 2.08 pm- இரா.பகத்சிங்.

[5] http://www.nakkheeran.in/Users/frmNews.aspx?N=199623

[6] நக்கீரன், சிவன் கோவிலில் தன்னார்வலர்களின் உழவாரப்பணி: பொதுமக்கள் பாராட்டு, Monday, 02 Oct, 2.08 pm- இரா.பகத்சிங்

[7] புதுக்கோட்டை மாவட்டம் மற்றும் தென்னிந்திய சாசனங்களில் இவை பதிவாகியுள்ளன. அதாவது, கோவில் இருப்பது தெரிந்த விசயம் தான்.

[8] https://m.dailyhunt.in/news/india/tamil/nakkheeran-epaper-nakkh/sivan+kovilil+tannarvalarkalin+uzhavarappani+bothumakkal+barattu-newsid-74169188

[9] https://peravuranitown.blogspot.in/2016/11/151103.html

Advertisements

சோழ மன்னரின் பரம்பரையை சேர்ந்த சிதம்பரநாத சூரப்ப சோழகனார் திடீர் மரணம்!

திசெம்பர் 10, 2013

சோழ மன்னரின் பரம்பரையை சேர்ந்த சிதம்பரநாத சூரப்ப சோழகனார் திடீர் மரணம்!

Chola lineage claiming dead

 

சோழ வம்சாவளியில் வந்தவர் என்று சொல்லிக் கொள்ளும் இவர், திடீரென்று காலடைந்த செய்தி வந்துள்ளது.

ஆண்டியப்ப சோழ வளகனார்.2

சோழ  மன்னரின்  பரம்பரையை  சேர்ந்த  சிதம்பரநாத  சூரப்ப  சோழகனார்  திடீர்மரணம்[1]: சிதம்பரத்தை அடுத்த பிச்சாவரத்தை சேர்ந்தவர் சிதம்பரநாத சூரப்ப சோழகனார் (வயது 68 / 63[2]). கடந்த 10 ஆண்டுகளாக சிதம்பரம் பாவா முதலிதெருவில் குடும்பத்துடன் வசித்து வந்தார். இவர் சோழமன்னர்கள் பரம்பரையை சேர்ந்தவர் என சில வரலாற்று சுவடுகளில் குறிப்பிட்டிருப்பதாக கூறப்படுகிறது[3]. சோழர் பரம்பரையில் வந்த வாரிசுகள் சிதம்பரத்தையடுத்த பிச்சாவரத்தில் வாழ்ந்து வந்தனர். இவர்கள் பிச்சாவரம் பாளையக்காரர்கள் என்று அழைக்கப்படுகின்றனர். சிதம்பரநாத சூரப்ப சோழகனாரின் முன்னோர்கள்தான் சிதம்பரம் நடராஜர் கோவிலை நிர்வகித்து வந்ததாகவும் அந்த வரலாற்று சுவடுகள் குறிப்பிடுகின்றன. மேலும் சிதம்பரம் நடராஜர் கோவிலில் தினமும் பூஜைகள் முடிந்தபிறகு அந்த கோவில் சாவியை பல்லக்கில் வைத்து இவரது முன்னோர்களின் வீட்டுக்கு கொண்டு வந்து ஒப்படைக்கப்பட்டதாகவும் அந்த சுவடுகள் தெரிவிக்கின்றன. ஆனால் பிற்காலத்தில் இந்த நடைமுறை நிறுத்தப்பட்டு விட்டது. எனவே மீண்டும் இந்த உரிமையை வழங்ககோரி சிதம்பரநாத சூரப்ப சோழகனார் சிதம்பரம் நடராஜர் கோவில் நிர்வாகத்திடம் வலியுறுத்தி வந்தார். எனினும் சிதம்பரம் நடராஜர்கோவில் ஆண்டுதோறும் நடைபெறும் ஆனி திருமஞ்சனம் மற்றும் ஆருத்ரா தரிசன விழாக்களின்போது இவருக்கு முதல் மரியாதை அளிக்கப்பட்டு வந்தது.

ஆண்டியப்ப சோழ வளகனார்

திடீரென  மயங்கி  விழுந்து  சிகிச்சையளித்தும்  பலனின்றி  இறந்த  சிதம்பரநாத  சூரப்ப  சோழகனார்    சிதம்பரநாத  சூரப்ப  சோழகனார்: நடப்பு ஆண்டில் இந்த கோவிலில் ஆருத்ரா தரிசன விழா இன்று தொடங்கியுள்ள நிலையில், நேற்று இரவு சிதம்பரநாத சூரப்ப சோழகனார் வழக்கம்போல் நடைபயிற்சியில் ஈடுபட்டிருந்தார். சிதம்பரம் கீழ ரதவீதியில் இரவு 8.30 மணி அளவில் இவர் நடந்து சென்றபோது திடீரென மயங்கி விழுந்தார். உடனடியாக அவர் மீட்கப்பட்டு சிதம்பரத்தில் உள்ள தனியார் மருத்துவமனையில் சேர்க்கப்பட்டார். அங்கு தீவிர சிகிச்சையளித்தும் பலனின்றி இறந்தார். இவரது இறுதி சடங்கு நாகை மாவட்டம் பந்தநல்லூர் அருகே உள்ள செல்லப்பன்பேட்டையில் நடைபெற உள்ளது. சிதம்பரநாத சூரப்ப சோழகனாருக்கு சாந்திதேவி என்ற மனைவியும், சக்கரவர்த்தி, மன்னர் மன்னன் என்ற மகன்களும், ஐஸ்வர்யா என்ற மகளும் உள்ளனர்.

Cholas-Kanal1

பாமக  நிறுவனர்  ராமதாஸ்  வெளியிட்ட   இரங்கல்  செய்தி: பாமக நிறுவனர் ராமதாஸ் வெளியிட்டுள்ள இரங்கல் செய்தியில்[4], “சோழ மன்னர்களின் வாரிசும், வன்னிய குலத்தைச் சேர்ந்தவருமான ஸ்ரீ சிதம்பரநாத சூரப்ப சோழனார் உடல்நலக் குறைவால் சிதம்பரத்தில் நேற்றிரவு காலமானார் என்ற செய்தி கேட்டு மிகுந்த அதிர்ச்சியும், வேதனையும், தாங்கமுடியாத துயரமும் அடைந்தேன். சோழர் பரம்பரையில் வந்த வாரிசுகள் சிதம்பரத்தையடுத்த பிச்சாவரத்தில் வாழ்ந்து வந்தனர். இவர்கள் பிச்சாவரம் பாளையக்காரர்கள் என்று அழைக்கப்படுகின்றனர். சோழர் பரம்பரையில் வந்த சிதம்பரநாத சூரப்ப சோழனாருக்கு கடந்த 1978 ஆம் ஆண்டு சோழர்களின் குலக் கோவிலான சிதம்பரம் நடராஜர் ஆலயத்தில் தீட்சிதர்களால் முடிசூட்டப்பட்டதுசோழ மன்னர்களுக்கு மட்டும் தான் சிதம்பரம் நடராஜர் ஆலயத்தில் முடி சூட்டப்படும் என்பதும், சோழர்களை வெற்றி கண்ட களப்பிரர் மன்னர் கூற்றுவநாயனார் தமக்கு முடி சூட்டும்படி கோரிய போது அதை ஏற்க சிதம்பரம் தீட்சிதர்கள்  மறுத்துவிட்டனர் என்று வரலாற்று நூல்களில் குறிப்பிடப்பட்டிருப்பதும் சிதம்பரநாத  சூரப்ப சோழனார் சோழர் குலத்தைச் சேர்ந்தவர் என்பதற்கான சான்றாகும்[5].

 Cholas-Kanal2

செல்லப்பன்  பேட்டையில்  நடைபெறும்   இறுதிச்சடங்குகளில்   வன்னியர்கள்  கலந்து   கொள்வார்கள்: ஆன்மிக வளர்ச்சிக்கும், கல்வி வளர்ச்சிக்கும் சூரப்ப சோழனாரின் முன்னோர்கள் ஏராளமான உதவிகளை செய்திருக்கின்றனர். சிதம்பரம் அண்ணாமலைப் பல்கலைக் கழகம் அமைந்துள்ள ஆயிரக்கணக்கான ஏக்கர் நிலத்தை இலவசமாக வழங்கியது சூரப்ப சோழனார் குடும்பத்தினர் தான். சிதம்பரம் நடராஜர் கோயில் சிறிது காலத்திற்கு முன்புவரை இவர்களின் கட்டுப்பாட்டில் தான் இருந்தது[6]. சமூக முன்னேற்றத்திற்காகவும், மக்களின் நலனுக்காகவும் ஏராளமான உதவிகளை வாரிவழங்கிய மன்னர் பரம்பரையைச் சேர்ந்த சிதம்பரநாத சூரப்ப சோழனாரின் மறைவு அவரது குடும்பத்தினருக்கு மட்டுமின்றி, ஒட்டுமொத்த வன்னிய சமுதாயத்திற்கும் ஈடு செய்ய முடியாத இழப்பாகும். அவரை இழந்து வாடும் அவரது குடும்பத்திற்கும், வன்னிய குல மக்களுக்கும் எனது ஆழ்ந்த இரங்கலையும், அனுதாபத்தையும் தெரிவித்துக் கொள்கிறேன்[7]. தஞ்சை மாவட்டம் பந்தநல்லூர் அருகில் உள்ள செல்லப்பன்பேட்டையில் நடைபெறும் இறுதிச் சடங்குகளில் பாட்டாளி மக்கள் கட்சி மற்றும் வன்னியர் சங்க நிர்வாகிகள் கலந்து கொள்வார்கள் என்பதையும் தெரிவித்துக் கொள்கிறேன்”.

Cholas-Kanal.3

“மஹா ராஜ ராஜ ஸ்ரீ சிதம்பரநாத சூரப்ப சோழனாருக்கு 16 . 06 . 1978 அன்று சிதம்பரம் நடராஜர் கோயிலில் சோழ மன்னராக பாரம்பரிய முறைப்படி முடிசூட்டப்பட்டது. அடுத்த நாள் (17. 06 .1978 ) சோழ மன்னருக்கும் உடையார் பாளையம் சமஸ்தானம் ஜெயவிலாஸ் அரண்மனை உயர் திரு. சின்ன குழந்தை ராஜா காலாட்கள் தோழ உடையார் அவர்களின் மகள் சாந்தி தேவி என்கிற ஜெலஜகந்தி ஆயாள் அவர்களுக்கும்  உடையார் பாளையம் ஜெயவிலாஸ் அரண்மனையில் திருமணம் நடைபெற்றது”, என்று ஒரு இணைத்தளப் பதிவு குறிப்பிடுகின்றது[8].

09-03-2005 தினமலர் செய்திஇன்னொரு  இணைத்  தளப்பதிவு   கீழ்கண்ட   விவரங்களைக்   கொடுக்கிறது[9]: இவர்கள் சிதம்பரம் பகுதியில் ஆட்சியாளாராக விளங்கியவர்கள். நாயக்கர் காலத்தில் பாளையக்காரர்களாக பிச்சாவரம் பகுதியில் ஆட்சி செய்தவர்.இவர்கள் “சோழனார்” என்று அழைக்கப்பட்டனர். கி.பி. 16 ஆம் நூற்றாண்டில் பிச்சாவரம் (பித்தர்புரம் என்பதே சரி) பகுதியை ஆண்ட விட்டலராயச் சோழனார் இம்மரபினர் ஆவார். இவரைக் குறித்த கல்வெட்டு சில ஆண்டுகளுக்கு முன் பிச்சாவரத்தில் கண்டறியப்பட்டுள்ளது. இம்மரபினர் முடி சூடிக்கொள்வதற்கு முன்பு அபிஷேகம் செய்யப்பெற்று தில்லை நடராசரின் திருநீற்றைப் பெற்று அங்குள்ல பஞ்சாக்கரப் படி மீதமர்ந்து பட்டம் புனைந்துகொண்டு தில்லையில் சிம்மாசனத்தில் அமர்ந்து நல்லறம் புரிந்தனர். இந்தச் செய்தி “திருக்கை வளம்” என்ற நூலில் காணப் பெறுகிறது. இந்நூலை இயற்றியவர் கூடல் இருவாட்சிப் புலவர் என்பவர். இவர் அரியலூர் மன்னரான விஜயரங்க ஒப்பிலாத மழவராயர் அரசவையில் இதனைப் பாடினார். இவ்வாறு பாடப்பெற்ற இம்மரபினர் சோழனார் என்றும் தில்லைச் சோழர் என்றும் அழைக்கப்பட்டனர். இம்மரபினரில் ஒருவர் பெயர்: புலிக்குத்திப் புலிவாயில் பொன்னூஞ்சல் ஆடிய வீரப்ப சூரப்பச் சோழனார். தில்லை வாழ் அந்தணர் முடியெடுத்துக் கொடுக்க சைவ வேளாளர் ஒருவர் இம்மரபினருக்கு முடிசூட்டுவார். இவ்வாறு பிச்சாவரம் சோழனாருக்கு முடி சூட்டும் வேளாளர் சோழ மன்னர்களின் அமைச்சராக இருந்தவரின் வழி வந்தோர் எனக் கூறுவர்.

19-20 நூற்றாண்டுகளில்  வம்சாவளி: இந்த சோழனார் மரபில் –

  • கி.பி 1844 -இல் இரத்தினசாமி சூரப்ப சோழனார்
  • பிறகு இராமபத்திர சூரப்ப சோழனார்,
  • கி.பி. 1911 -இல் தில்லைக்கண்ணு சூரப்ப சோழனார்,
  • 1943 – இல் ஆண்டியப்ப சூரப்ப சோழனார்,
  • பின்பு 1978 – இல் சிதம்பரநாத சூரப்ப சோழனார்

முதலானோர் நடராசர் திருமுன் பட்டம் புனைந்திருக்கிறார்கள்.பிச்சாவரம் குறுநில மன்னர் ஸ்ரீ ஆண்டியப்ப சூரப்ப சோழனார் திருமணம் சிதம்பரத்தில் நடைபெற்றதையும், இம்மன்னருக்குத் தில்லைக் கோயில் மரியாதைகளுடன் சங்காபிஷேகமும், பட்டாபிஷேகமும் நடைபெற்றதையும் 24/8/1943 – இல் வெளிவந்த ஆங்கில நாளேடு இந்தியன் எக்ஸ்பிரஸ் குறிப்பிட்டுள்ளது. இந்த மன்னர் 19/8/1943 – இல் முடி சூடித் திருமணம் செய்துகொண்டதைப் பாராட்டுவதற்காக சிதம்பரத்தில் ஒரு கூட்டம் நடைபெற்றது.இந்தச் செய்தி 16/10/1943 – இல் வெளிவந்த சுதேசமித்திரன் என்ற இதழில் வெளியாகியுள்ளது. தில்லையில் நடராசர் திருமுன் முடி சூடும் உரிமை சோழர்க்குரியது. வேறு எந்த அரச மரபினரும் இந்த உரிமையைப் பெற்றிருக்கவில்லை என்பது தேற்றம். அத்தகைய உரிமையை பிச்சாவரம் பாளையக்காரர்களான சோழனார்கள் மட்டும்தான் பெற்றிருந்தனர். இவர்கள் சோழர் பரம்பரை என்பதால் இந்த முடி சூடும் உரிமை பெற்றிருந்தனர். பிச்சாவரம் பாளையக்காரர்களான சோழனார்கள் வன்னிய குலத்தினர் ஆவர். நடன காசிநாதன் கட்டுரையும் ஆதாரமாகக் காட்டப் படுகிறது[10].தொண்டை மண்டல முதலியார்களும் சோழ பரம்பரையில் வந்ததாகக் குறிப்பிட்டுக் கொள்கின்றனர்.

குறிப்பு: குறிப்பிட்ட இணைதளங்களிலிருந்து புகைப்படங்கள் எடுத்தாளப் பட்டுள்ளது. நன்றி.


[1] மாலைமலர், சோழமன்னரின்பரம்பரையைசேர்ந்தசிதம்பரநாதசூரப்பசோழகனார்திடீர்மரணம் , பதிவு செய்த நாள் : திங்கட்கிழமை, டிசம்பர் 09, 12:35 PM IST

[4] நக்கீரன், சோழமன்னர்சிதம்பரநாதசூரப்பசோழனார்மறைவுக்குமருத்துவர்ராமதாஸ்இரங்கல்   , திங்கட்கிழமை, 9, டிசம்பர் 2013 (15:18 IST)

மலாக்கா எப்படி இஸ்லாமாக்கப் பட்டது?

ஜனவரி 5, 2010

மலாக்கா எப்படி இஸ்லாமாக்கப் பட்டது?

மலாக்கா / மலேசியா இஸ்லாமிய மயமாக்கப்பட்ட கதைகள் இவ்வாறு உள்ளன. பரமேஸ்வரன் என்ற இந்து ராஜா 1409ல் “பசை” என்ற இளவரசியைத் திருமணம் செய்து கொண்டானாம். இஸ்கந்தர் ஷா என்று தனது பெயரை மாற்றிக் கொண்டானாம். தென்னிந்திய ராவுத்தர்கள், மரக்காயர்கள்தாம் திருமணத்தை அறிமுகப்படுத்தினார்களாம்.

மலாக்காவின் சுல்தான் ஆட்சிசெய்த காலம்
பரமேஸ்வரன் எனப்படும் இஸ்கந்தர் ஷா 1400 – 1414
மேகத் இஸ்கந்தர் ஷா 1414 – 1424
முஹம்மத் ஷா 1424 – 1444
அபு ஸைய்யத் 1444 – 1446
முஸாஃபிர் ஷா 1446 – 1459
மன்சூர் ஷா 1459 – 1477
அலவுத்தீன் ரியாத் ஷா 1477 – 1488
மஹுமுத் ஷா 1488 – 1528

இருப்பினும் உண்மையாகவே பரமேஸ்வரன் மதம் மாறினானா இல்லையா என்று தெளிவான ஆதாரங்கள் இல்லையாம். மேற்குறிப்பிடப்பட்டது சப்ரி ஸைன் என்பவரது கருதுகோளாகும். சோழர் காலத்திலேயே தமிழ் / இந்திய வணிகர்கள் சீன ஆவணங்களில் முகமதிய பெயர்களில் குறிப்பிடப்பட்டார்கள். இது இன்றும் வளைகுடா நாடுகளுக்குச் சென்று வேலை செய்யும் இந்தியர்கள், குறிப்பாக இந்துக்கள், தங்கள் பெயர்களை முஸ்லிம் பெயர்கள் போல மாற்றிக் கூறுவதற்கு ஒப்பாகும். டி.வி.எஸ் கம்பெனிக்கு வேலைக் கேட்டுச் செல்பவர்கள் நாமம் போட்டுக் கொண்டு செல்வது மாதிரிதான். இந்த கதை / பழக்கம்.

 

An artist’s impression of Parameswara, who ruled Singapore in the 1390s.

பரமேஸ்வரன் இறந்ததும் அவனது மகன் மலாக்காவின் இரண்டாவது அரசனாக சீனர்களால் எற்றுக் கொள்ளப்பட்டானாம், அவனுக்கு ராஜா ஸ்ரீ ராம விக்ரம, டெமாசிக் மற்றும் மெலகவின் என்று அங்கீகரிக்கப்பட்டானாம். அவன் இறந்ததும் மலைமேல் “தஞ்சுங் துயான்” (also known as Cape Rachado), near Port Dickson என்ற இடத்தில் புதைக்கப்பட்டானாம். ஒரு அடையாள சமாதி கானிங் கோட்டை அருகில் சிங்கப்பூரிலும் (Fort Canning in Singapore) உள்ளாதாம்! “துஞ்சும் தூயான்” என்று தமிழில் பொருள் கொண்டால் தூங்கினாலும், தூங்கவில்லை என்று பொருள் வருகிறது அதாவது இறந்த பிறகும் வாழ்கிறான் என்றாகிறது!

ராஜராஜ சோழன், ராஜேந்திர சோழன் காலத்தில் எப்படி ஸ்ரீவிஜய அரசர்கள் சைனர்களுடன், அரேபியர்களுடன் சேர்ந்து கொண்டு துரோகம் செய்தனரோ, அதே நிலை இன்றும் தொடர்கிறது. பரமேஷ்வரன் 1411ல் சீனாவிற்குச் சென்று, மிங் வம்சாவளி அரசனைப் பார்த்து 1414ல் தனது பெயரை மாற்றிக் கொள்கிறானாம். அவனது மகன் செரி மஹாராஜாவும் “சுல்தான்” என்ற பட்டத்துடன் 1424ல் பட்டத்திற்கு வருகிறானாம். 50 ஆண்டுகளுக்கும் குறைவான காலத்தில் ஆட்சியாளர்கள் முஸ்லீம்களக மாறியவுடன், நாடே மாறிவிடுகிறது. இன்று நவீன காலத்திலும், மதமாற்றம் சட்டப்படி ஊக்குவிக்கப் படுகிறது. 1946ல் சுதந்திரம் பெற்றும், மலேசியா இஸ்லாமிய நாடாக மாறுகிறது. கோவாவிலிருந்து அல்பான்ஸோ அல்புகுர்க், சேவியர் எல்லோரும் இங்கு வந்தாலும் கிருத்துவர்கள் ஆகவில்லை. கோவாவில் இருந்த இந்துக்கள் கொல்லப்பட்டு, கோவில்கள் இடிக்கப்பட்டு கிருத்துவமயமாக்கப் பட்டது. ஆனால், மலேசியா முஸ்லீமாகியது ஆச்சரியமே.

Parameswara (aka Iskandar Shah)
1st Ruler of Malacca

An artist’s impression of Parameswara, who ruled Singapore in the 1390s.
Reign Malacca Sultanate: c. 1400-1414
Titles Prince of Srivijaya, Raja of Temasek
Born 1344
Birthplace Palembang, Sumatra
Died 1414 (aged 69 or 70?)
Place of death Malacca, Sultanate of Malacca
Buried Disputed
Predecessor Paduka Seri Rana Wira Kerma, Raja of Temasek
Successor Megat Iskandar Shah (Sultan of Malacca)
Offspring Megat Iskandar Shah (Sultan of Malacca)
Royal House Srivijaya
Father Paduka Seri Rana Wira Kerma, Raja of Temasek

நன்றி:
http://en.wikipedia.org/wiki/Parameswara_(sultan)