Archive for the ‘மடாதிபதிகள்’ Category

மதுரை ஆதீனத்தை முஸ்லீம்கள் மிரட்டியபோது, இந்த அர்ஜுன் சம்பத், நெல்லை கண்ணன் முதலிய இந்துக்கள், இயக்கங்கள் என்ன செய்து கொண்டிருந்தன?

மே 19, 2012

மதுரை ஆதீனத்தை முஸ்லீம்கள் மிரட்டியபோது, இந்த அர்ஜுன் சம்பத், நெல்லை கண்ணன் முதலிய இந்துக்கள், இயக்கங்கள் என்ன செய்து கொண்டிருந்தன?

சமீபத்தில், சில இயக்கங்கள் “இந்து” என்ற அடைமொழியை வைத்துக் கொண்டு ஊடகங்களின் ஆதரவோடு ஆக்கிரமித்துக் கொண்டு, அதிரடியாக பேட்டிகள், வழக்குகள், புகார்கள், அதிலுள்ள விவரங்களையே செய்தியாக போட்டு மிரமிக்க வைக்கும் போக்கைக் காணும் போது, தமிழக ஊடகங்களின் சிரத்தை, அக்கரை, விழிப்புணர்வு முதலியவை புல்லரிக்க வைக்கின்றன.

ஆனால், மதுரை ஆதீனத்தை முஸ்லீம்கள் மிரட்டியபோது, இந்த அர்ஜுன் சம்பத், நெல்லை கண்ணன் முதலிய இந்துக்கள், இயக்கங்கள் என்ன செய்து கொண்டிருந்தன என்று தெரியவில்லை.

முஸ்லீம்கள் அவரை கேவலமாக பேசி, இழிவு படுத்தியபோதும், எந்த இந்துவிற்லும் சூடு, சுரணை, ரோஷம் வரவில்லை.

முஸ்லீம்கள், “உங்களை இறைவன் நேர்வழியில் செலுத்தவும், உங்களுக்கு நேர்வழி கிடைக்கவும் நாங்கள் இறைவனிடம் பிரார்த்திக்கிறோம்…”, என்று சொல்லி சென்றார்களாம். பாவம், அவரை இறைவன் ஏதோ நேரில்லா வழியில் செல்ல வைத்ததைப் போலவும், இவர்கள் வந்துதான், அந்த ஆயிரக்கணக்கான பாரம்பரியம் மிக்க வழிவந்த மடாதிபதி நேர்வழியில் சென்றது மாதிரியும் எழுதி பரப்பினர்.

இஸ்லாமே இல்லாதபோது, சைவம் இருந்தது, இந்த மடம் இருந்தது என்றெல்லாம் இவர்களுக்குத் தெரியாமலா போய்விட்டது?

விவரங்களுக்கு இங்கே பார்க்கவும்:

https://tamilheritage.wordpress.com/2010/01/02/madurai-pontiff-confronting-with-christians-muslims/

Advertisements

நித்யானந்தாவும், லீலா சாம்ஸனும்: பதவியேற்றம், பதவியிறக்கம் – கலாச்சார-மத சம்பந்தமான நிறுவனங்களில் நியமனங்கள்-சர்ச்சைகள்!

மே 2, 2012

நித்யானந்தாவும், லீலா சாம்ஸனும்: பதவியேற்றம், பதவியிறக்கம் – கலாச்சார-மத சம்பந்தமான நிறுவனங்களில் நியமனங்கள்-சர்ச்சைகள்!

கலாச்சார நிறுவனங்களில் அரசு நியமனம்: ஒரு முஸ்லீம் அல்லது கிருத்துவ நிறுவனத்தில் ஒரு இந்து எப்பொழுதும் நிர்வாகியாக, தலைவராக, ஆளுனராக நியமிக்கப்படுவதில்லை. அவ்வாறு நினைப்பதே தவறானது, பாவமானது ஏன் மாபெரும் குற்றமாகக் கருதப் படுகிறது. ஸ்ரீ ஆதிசங்கரர் சமஸ்கிருத பல்கலைகழகத்திற்கு, முஸ்லீம், நாத்திகர், கம்யூனிஸ்ட் என்று பலர் துணைவேந்தர்களாக நியமிக்கப் படுகின்றனர். முஸ்லீம் அல்லது கிருத்துவ சார்புடைய பல்கலைக்கழகத்திற்கு ஒரு இந்து துணைவேந்தராக முடியாது. சோனியா மெய்னோ ஒரு கத்தோலிக்க எதேச்சதிகாரி என்பதால், பல குறிப்பிட்ட பதவிகளில் கிருத்துவர்கள் நியமிக்கப் பட்டுள்ளார்கள் என்பது தெரிந்த விஷயமே. அம்பிகா சோனி என்று வலம் வரும் அமைச்சரே கிருத்துவர் தாம். இது கூட பலருக்கு தெரியாது. மேலும் அவர்கள் “உள்கலாச்சாரமயமாக்கல்” என்ற கொள்கையைப் பின்பற்றுவதால், கிருத்துவர்களாக மாறினாலும், இந்துக்களைப் போலவே பெயர்களை தொடர்ந்து வைத்துக் கொண்டு, உடை-அலங்காரம் செய்துகொண்டு உலா வருகிறார்கள்.

லீலா சாம்ஸன் கலாச்சேத்திரத்தின் இயக்குனராக நியமிக்கப் பட்டார்: லீலா சாம்ஸன் என்ற கிருத்துவ நாடகி கலாச்சேத்திரத்தின் இயக்குனராக 2005ல் நியமிக்கப் பட்டார். அப்பொழுது அவர் கிருத்துவர் என்று யாரும் எண்ணவில்லை. லீலா சாம்ஸன் சந்தேகமில்லாமல் நிச்சயமாக ஒரு திறமைமிக்க நர்த்தகிதான். ஆனால், அவர் கலாசேத்திராவின் இயக்குனராக பதவியேற்றபோது, யாரும் அவரது நடனத்திறமையில் எந்த மாற்று-எதிர்க்கருத்தையோ கொண்டிருக்கவில்லை. ஆனால், சிறிது சிறிதாக அவர் ஏற்படுத்திய மாற்றங்கள் அல்லது மாறுதல்கள், நிச்சயமாக சிலரின் மனங்களில் கேள்விகளை எழுப்பின. இப்பொழுது கூட இந்தியன் எக்ஸ்பிரஸில், லீலா சாம்ஸனை ஆதரித்து இப்படி ஒரு கருத்து மானினி சட்டர்ஜி என்ற பெண்மணியால் பதிவுசெய்யப்பட்டுள்ளது[1].

Attack on Leela SamsonLeela Samson, famous Bharatanatyam dancer and current head of the prestigious Kalakshetra Foundation in Chennai, is the target of a vicious attack this week. According to writer P. Deivamuthu, the Mumbai-based editor of Hindu Voice, Samson “has destroyed the values for which this institution stands for and is still continuing the destruction in a subtle way.”Her alleged crimes include a “disdain” for idol worship, removal of Vinayaka idols for which regular poojas used to be conducted by students, discouragement of prayers within Kalakshetra, and setting up a movie club “which has completely spoilt the gurukulam atmosphere of this traditional institution.” She is also accused of planning to demolish the temple structure of the Kalakshetra Auditorium[2]“under the pretext of modernising it”, removing religious symbols which earlier adorned the certificates issued by the institution, and removing earlier restrictions and “thus encouraging the meeting of boys and girls in any hostel room at any time of the day and night.”There is no mention of the fact that Leela Samson is herself an illustrious alumnus of the institution[3]. Instead, the author says “members of the performing arts world outside Kalakshetra Foundation and members of the Hindu community should initiate an action immediately to stop the planned destruction of a glorious institution teaching and nurturing the ancient traditions of Sanatana Dharma.”

உபி தேர்தலில் இருந்து ஆரம்பித்து, பி.ஜே.பியின் வரும் தேர்தல் யுக்தி என்று விவரித்து லீலா சாம்ஸனில் வந்து முடிக்கிறார் அந்த பெண்மணி. இவற்றிற்குள் உள்ள ரகசியத்தை, சம்பந்தத்தை, இணைப்பை அந்த மானினி சட்டர்ஜி அம்மையார் எடுத்துக் கட்டவில்லை, விளக்கவில்லை.

ஊடகக்காரர்களின் பாரபட்ச, நடுநிலைமையற்ற கருத்துகள்-எழுத்துகள்: எனவே, இதைப் பற்றி அலச வேண்டியுள்ளது. துரதிருஷ்டவசமாக ஊடகத்துறையில் உள்ளவர்களில் பெரும்பாலானவர்கள் மேற்கத்தைய கலாச்சாரத்தில் ஊன்றியிருக்கிறார்கள் அல்லது சித்தாந்தங்களில் கட்டுண்டுக் கிடக்கிறார்கள். இந்த நாட்டின் கலாச்சாரம், பாரம்பரியம், நாகரிகம், தொன்மை முதலிய விஷயங்களில் உண்மைக்குப் புறம்பான பல கருத்துகளைக் கொண்டிருக்கிறார்கள். குறிப்பாக இந்து மதத்தைப் பற்றி பல தவறுதலான, எதிர்மறையான எண்ணங்களைக் கொண்டிருக்கிறார்கள். அதனால். இந்து மதம், இந்துக்கள் என்றாலே அவர்களுக்கு, அவையெல்லாம் ஏதோ ஆர்.எஸ்.எஸ், பி,ஜே.பி விவகாரங்களைப் போல சித்திரிக்கிறார்கள் அல்லது அவ்வாறே முடிவாக எடுத்துக் கொள்கிறார்கள். மற்றவர்கள் இந்துக்களின் பிரச்சினைகளை அலசினாலோ, விமர்சித்தாலோ, அல்லது இந்துக்களின் உரிமைகள் பற்றி பேசுவது-எழுதுவது செய்தாலோ அவ்வாறே முத்திரைக் குத்துகிறார்கள். இதனால், பல இந்துக்கள், நமக்கேன் இந்த வம்பு என்று சும்மா இருந்துவிடுகிறார்கள்; சில அதிகபிரங்கி இந்துக்கள் மற்றவர்களின் நல்லபெயர் வாங்கிக் கொள்ளவேண்டும் என்பதற்காக இந்து-விரோத கருத்துகளை, விமர்சனங்களையும் செய்து வருகிறார்கள், இரண்டுமே இந்துமதத்திற்கு சாதகமானவை அல்ல என்று அவர்கள் புரிந்து கொள்ள வேண்டும். லீலா சாம்ஸன் விவகாரத்தில் இது அதிகமாகவே வெளிப்பட்டுள்ளன.

லீலா சாம்ஸன் யார்? ஏனிந்த சச்சை? லீலா சாம்ஸன் பெஞ்சமின் அப்ரஹாம் சாம்ஸன் என்ற யூதமத ராணுவ அதிகாரிக்கும், லைலா என்ற இந்திய கத்தோலிக்கப் பெண்மணிக்கும் 1951ல் பிறந்தார். அவர் இளமைக் காலத்தைப் பற்றி எப்படி தேடி பார்த்தும் எந்த குறிப்பும் கிடைக்கவில்லை.

பேட்டிகளில் தனது தந்தையார் இரண்டாயிரம் வருடங்களுக்கு இந்தியாவிற்கு வந்த பெனி-இஸ்ரவேலர்களுடைய பரம்பரையைச் சேர்ந்தர் என்று கூறி பெருமைப் பட்டுக்கொள்கிறார் (My father was part of the Bene-Israelites who came to India two millennia ago[4]). அதாவது இந்தியாவில் கிருத்துவத் தொன்மையை நிலைநாட்ட கூறுகிறார்.

என்னுடைய பெயர் யூதமதத்தினுடையதாக இருக்கிறது, ஆனால் பழக்க-வழக்கங்களில் நானொரு கத்தோலிக்கப் பெண்மணி, இருப்பினும் நடைமுறையில் இந்து என்றும் சொல்லிக் கொள்கிறார் (“I’m Jewish by name. I’m Catholic by habit. I’m Hindu by practice.”). பி.ஏ பட்டம் பெற்று ருக்மணி அருந்தேல் கீழ் பரத நாட்டியம் கற்றார்[5]. முன்னமே சொன்னபடி மற்ற விஷயங்கள் என்னவென்று தெரியவில்லை.

மேலேயுள்ள படத்தில் அம்மையார், பிராமணர்களுடன் சந்தோஷமாக போஸ் கொடுத்து போட்டோ எடுத்துக் கொண்டுள்ளார். ஹில்லரி கிளிண்டன் இந்தியாவிற்கு வந்தபோது, இவரை சந்தித்துள்ளார். மேற்கத்தையபாணியில் அவரது வருகையை இவ்வாறு சித்தரிக்கப் பட்டுள்ளது[6].

அதில் பரதநாட்டியம் ஏதோ கேவலமானது என்றும், அதனை உய்க்கவந்தவர்களே இந்த லீலா தாம்ஸன் போன்றவர்கள் என்று விவரிக்கப்பட்டுள்ளது வேடிக்கையாக இருக்கிறது. பரதநாட்டியம் கீழ்த்தரமானது மற்றும் ஆபாசமானது என்றிருந்தபோதுதான், ருக்மணி இதனை குருகுல சம்பிரதாயத்தில் பிரமலமாக்கி, சமூகத்தில் ஏற்புடையதாக்கினார். அதுமட்டுமல்லாது, அருண்டேல் என்ற ஆங்கிலேயரை மணந்து கொண்டு, சம்பிரதாயத்தை உடைத்தெரிந்தார். Interestingly, decades ago, Chennai’s orthodox community shunned this institution that is praised today as an upholder of Tamil art and culture—and where visiting dignitaries are taken to showcase the best of the arts. Its founder Rukmini Devi Arundale faced immense social pressure in the 1930s when she learnt Bharatanatyam, which was considered a lowly and vulgar art form by the upper classes. Despite the opposition, she learnt dance from Devadasi women or temple dancers and set up the Kalakshetra Foundation in 1936, which embraced the gurukul system that allowed students to stay on campus and learn the art form. Arundale, who also broke convention by marrying a Britisher, George Arundale, finally did succeed in making Bharatanatyam socially acceptable.

Rani David laid down facts and demonstrated that Christianity existed along with Bharatanatyam and Sanga Thamizh, but history lost in time has given Christianity a western outlook[7].

அவர் செய்த மாற்றங்கள் என்று விவாதிக்கப்பட்டவை[8]:

  1. கணேசன் / விநாயகரின் விக்கிரகத்தை அகற்றினார்[9].
  2. அதனை மாணவர்கள் வழிபடுவதை தடுத்தார்.
  3. தியோசோபிகல் தத்துவத்தின்படி விக்கிரகங்கள் வழிபடுவதில்லை என்று தனது காரியத்திற்கு அவரே விளக்கம் அளித்துள்ளார்.
  4. கீதகோவிந்தம் என்ற நடத்தில், மாணவர்களுக்கு கொச்சையான சைகைகளை “முத்திரைகள்” என்ற போர்வையில் கற்றுக் கொடுக்கப் படுகின்றன[10].
  5. அவர் ஒரு கிருத்துவர் என்பதனால், இவ்வாறு செய்கிறார்[11].

 

Kalakshetra never had idols that were worshipped. A lamp was all that was lit in every place we worshipped, according to Theosophical principles and the highest philosophical principles upheld by our elders. However, one of the wardens, now retired, collected on her own and without the instruction from the management, and much after Athai and Sankara Menon’s time, 4 Ganeshas and had them placed outside the dining hall on a pathway, through which all stores and workers pass. It was a place without sanctity. Students were forced to contribute towards pujas and vastrams for the images. All this had to be stopped. It would not have been encouraged nor allowed in Athai’s time. We decided instead, to put each of the Ganeshas, one in each of the hostel blocks, on a pedestal where the students would look after the images.
In 2005, Samson was appointed as the new director of Kalakshetra. In 2006, she provoked a media storm by justifying the elimination of the spiritual roots of Bharata Natyam. Trouble started in 2006 when Sri Sri Ravi Shankar, the head of “Art of living” meditation, expressed his concern over the attempt of Leela Sampson to thwart the participation of Kalakshetra students in the inaugural function of a “Health and Bliss” religious course being conducted by him in Chennai. According to Ananda Vikatan, a popular Tamil weekly, the most disturbing aspect was the reason cited by Leela Samson. She explained: “This function is concerned with Hindu religion. So Kalakshetra students need not participate in it[12]. 2006ல் ஆரோக்கியமும், அந்தோஷமும் என்ற நிகழ்ச்சி “ஆர்ட் ஆப் லிவிங்” என்ற அமைப்பின் சார்பில் சென்னையில் நடந்தது. செக்யூலரிஸ போர்வையில் லீலா சாம்ஸன் கலாச்சேத்திர மாணவர்கள் ரவிசங்கர் ஏற்பாடு செய்துள்ள நிகழ்ச்சியில் கலந்து கொள்ளவேண்டாம், ஏனென்றால் அது ஒரு இந்துமத நிகழ்ச்சி என்று விளக்கம் அளித்து தடுத்தது, சர்ச்சையை பெரிதாக்கியது[13]. கலாச்சேத்திராவில் படிக்கும் மாணவர்களுக்கு, இவ்வாறு ஏன் தடை விதிக்க வேண்டும்? அம்மையார் கத்தோலிக்கராக இருந்தால், மாணவர்களும் அவ்வாறே இருக்க வேண்டும் என்று எதிர்பார்க்கலாமா?

அதோடல்லாமல், சிலரின் போக்குவரத்தும் அதிகமாகியது. அதாவது கிருத்துவர்கள் வந்து செல்ல ஆரம்பித்தனர். இங்கு பல கிருத்துவர்கள், குறிப்பாக வெளிநாட்டவர் பயின்று வந்தாலும், வித்தியாசமாகப் பார்ப்பதில்லை. ஆனால், சர்ச்சை எழுந்த பின்னர், அவர்கள் போக்குவரத்து வேறுவிதமாகவே பாவிக்கப்பட்டது. இதையறிந்த கலாசேத்திராவின் பாரம்பரிய உறுப்பினர்கள், அக்கரையாளர்கள் வருத்தம் அடைந்தனர். பற்பல நிலைகளில் இதைப் பற்றி சர்ச்சைகளும் ஏற்பட்டு விவாதிக்கப் பட்டன[14]. இவையெல்லாம் “பிரக்ருதி பவுண்டேஷன்” என்ற இணைத்தளத்தில் விவாதிக்கப் பட்டுள்ளன. அங்கு லீலா தாம்ஸனை ஆதரித்து கருத்துகள் இருந்தாலும், அதிலிருந்து பிரச்சினை என்ன என்று அறியமுடிகின்றது. இந்நிலையில் தான் அவர் பதவி விலகினார் என்ற செய்தி வருகிறது.


ராஜினாமா பற்றி முரண்பட்ட செய்திகள்: லீலா தாம்ஸன் ராஜினாமா கடிதம் கொடுத்ததாக முதலில் செய்தி வந்தது. அவருடைய வயது குறித்து விவாதம் வந்ததால் ராஜினாமா செய்ததாக செய்தி. கலாசேத்திரத்தின் தலைவர் கோபால கிருஷ்ண காந்தி, லீலா தாம்ஸனின் ராஜினாமா ஏற்றுக் கொள்ளப்படுவதாகவும், அது அவர் உள்மனதில் இருந்த வந்துள்ள வெளிப்பாடாக தான் எடுத்துக் கொள்வதாகவும், மக்களின் பலதரப்பட்ட விமர்சனங்களின் விளக்கங்களுக்குட்பட்டாத எடுத்துக் கொள்ளவில்லை என்றும், மேலும் கலாச்சார அமைச்சகம் அத்தகைய நியமனங்களை செய்வதால், ராஜினாமாவை ஏற்றுக் கொள்ளப்படுவதைப் பற்றிய முடிவு அங்குதான் உள்ளது என்றும் கூறியுள்ளார்[15]. இருப்பினும் “தி ஹிந்து” இதனை கீழே போட்டு, மேலே அவர் தொடர்வதற்கு அனைவரும் ஆதரவாக உள்ளதாக – “Kalakshetra board members want Leela to continue” செய்தி வெளியிட்டுள்ளது[16].

கிருத்துவரே கிருத்துவரின் மீது வழக்குத் தொடுப்பது: சென்ற ஜூன் 2011ல் சி.எஸ். தாமஸ் என்ற கலாச்சேத்திரத்தின் ஓய்வு பெற்ற ஆசிரியர், 60 வயதைத் தாண்டியும், லீலா சாம்ஸன் பதவியில் இருப்பதைச் சுட்டிக் காட்டி சென்னை உயர்நீதி மன்றத்தில் மனு ஒன்றை தாக்குதல் செய்தார்[17]. இப்படி கிருத்துவரே கிருத்துவரின் மீது வழக்குத் தொடுப்பதை செக்யூலரிஸமாக எடூத்துக் கொள்ளவேண்டாம். இது ராபர்டோ நொபிலி காலத்திலிருந்து பின்பற்றப்பட்டு வரும் யுக்திதான். ஆமாம், அப்பொழுது கிருத்துவர் தான் நொபிலி கிருத்துவத்தை சீர்குலைக்கிறார் என்று குற்றஞ்சாட்டப்பட்டு, தண்டனக்க்குள்ளாக்கபட்டார். 30 ஆண்டுகளுக்கு முன்பு, ஆச்சார்ய பால் என்பவர் மீது ஆர்ச் பிஷப் அருளப்பா வழக்கு தொடர்ந்தார். இப்பொழுது தாமஸ், லீலா தாம்ஸன் மீது வழக்குத் தொடர்ந்துள்ளார்.

பதவி இல்லையென்றலும், நாட்டியம் உள்ளது: இப்படி கூறி ராஜினாமா செய்துள்ளார். அப்படியென்றால், ஏன் நாட்டியத்தை விட்டு பதவிக்கு வந்தார் என்ற கேள்வி எழுகின்றது. பதவி மீது ஆசையா, இல்லை இன்னும் செய்ய வேண்டிய பணிகள் பாக்கியுள்ளனவா என்று தெரியவில்லை. ஆரம்பத்திலிருந்தே, சர்ச்சைகள் வெளிப்படையாக வந்துவிட்டப் பிறகு, முன்னரே ராஜினாமா செய்து சென்ரிருக்க வேண்டும். அவ்வாறு செல்லாததால்தான், இப்பொழுது கிருத்துவர்களுக்கேயுரித்த வகையில் நீதிமன்றம், வழக்கு என்றெல்லாம் சென்றுள்ளது. உண்மையில் கலைச்சேவைதான் மகேசன் சேவை என்றால், பாரம்பரியப்படி ஆசிரமம் அமைத்து, ஏழை-எளிய மாணவி-மாணவர்களுக்கு நாட்டியம் சொல்லிக் கொடுக்கலாம். இசைக்கல்லூரியின் தலைவராகி சேவை செய்யலாம். ஆனால், அனைத்தையும் விடுத்து, கலாச்சேத்திராவை பிடித்தது தான் விவகாரமாகியுள்ளது.

அமைச்சகம் இது பற்றி கருத்து கேட்டதற்கு, 60 வயது ஆகியிருந்தால், அவர் ஓய்வு பெற்றிருக்கவேண்டும், இருப்பினும் 28-02-2005 அன்று அவரது நியமன ஆணையில் மற்றும் கலாச்சேத்திரா சட்டத்தின் பிரிவுகளில் அவ்வாறு குறிப்பிடப்படவில்லை என்று அதிகாரி விளக்கம் அளித்துள்ளார்[18]. In response, the undersecretary to the government of India had informed him that ” Leela Samson, director, Kalakshetra Foundation should have retired at the age of 60 years even though the age of retirement is not mentioned in the Kalakshetra Foundation Act[19], or in the recruitment rules for the post of director nor in the order of appointment (notification) dated February 28, 2005″.

இப்பிரச்சினை கமிட்டி கூட்டத்தில் ஏப்ரல் 12, 2012 விவாதத்திற்கு அன்று வந்ததால், இப்பொழுது ஊடகங்களில் வர ஆரம்பித்துள்ளன.

“கௌன் ஹை ஹோ?” என்ற ஹிந்தி திகில் படம், ஒருவேளை லீலா சாம்ஸனின் உண்மை உருவத்தைக் காட்டிக் கொடுத்ததோ என்று தோன்ருகிறது. பொதுவாக, ஹாலிவுட்டில் எடுத்து வெளிவரும் திகில் படங்கள் கிருத்துவமதத்தைப் பின்னணியாகக் கொண்டுதான் வரும். இந்தியாவில் 30 ஆண்டுகளுக்கும் மேலாக அத்தகைய படங்களில் (எக்சார்சிஸ்ட், ஓமன், முதலியன) பல காட்சிகளை, கிருத்துவமத கருத்துகளை கண்டும் புரிந்தும் புரியாமல் இருந்தனர் என்பது தான் உண்மை, இருப்பினும் டா வின்சி கோட், தி லாஸ்ட் டெம்ப்டேஷன் ஆப் கிரைஸ்ட், தி ஜீஸஸ் கிரைஸ்ட் சூபர் ஸ்டார்………………….என பல படங்கள் இந்தியாவில் கிருத்துவர்களின் கோரிக்கோளுக்கு இணங்க தடை செய்யப் பட்டது. இந்த திகில் படமும் அவ்வாறே ஹாலிவுட்டை பின்பற்றி காட்சிகளை சேர்த்தனர். ஆனால், திடீரென்று அவை கிருத்துவர்களுக்கு எதிராக உள்ளது என்று இந்திய கிருத்துவர்கள் கண்டு பிடித்துள்ளனர். உடனே சென்சார் போர்டில் இருக்கும் லீலா சான்ஸனின் மனு கொடுத்துவிட்டனர். அம்மையார் உடனே அதனை தடை செய்ய ஏற்பாடு செய்து விட்டார்.

வேதபிரகாஷ்

02-05-2012


[5] She is the daughter of Vice-Admiral (Ret) Benjamin Abraham Samson, from the Jewish Bene-Israelite community of India, and Laila, a Roman Catholic Indian. After doing her B.A., she learnt Bharatanatyam at the Kalakshetra under the founder Rukmini Devi Arundale.

http://www.rediff.com/news/2003/sep/11spec.htm

[12] ஆனந்த விகடன், வார இதழ், டிசம்பர் 20, 2006.

[15] Chairman of the Kalakshetra board Gopalkrishna Gandhi said: “Leela Samson’s decision to leave her position as director of Kalakshetra was taken in the autonomy of her moral intelligence. Relinquishings such as hers should be taken in the light and echo of her inner voice, not in the script of other people’s vocabularies. We must respect her decision and that of the Ministry of Culture. The Ministry appoints the director, and the Ministry alone can decide on her resignation.”

http://www.thehindu.com/arts/dance/article3367813.ece

[16] The Hindu, Kalakshetra board members want Leela to continue, Chennai edition, April 29, 2012; http://www.thehindu.com/arts/dance/article3367813.ece

[17] In June 2011, C S Thomas, a retired teacher at Kalakshetra, had filed a writ petition in the Madras high court challenging the legality of Samson remaining director of the foundation after the age of 60, the statutory retirement age for Central government employees. After she resigned on April 12, Samson said the issue had come up in a board meeting on April 10 and she saw no reason to stay on in the post if she did not have the support of the ministry, the chairman and the board.

http://timesofindia.indiatimes.com/city/chennai/Samson-had-Centres-backing-to-continue/articleshow/12945323.cms

[18] According to the Kalakshetra Act, appointments to the post of director are governed by the Ministry of Tourism and Culture, Department of Culture, Kalakshetra Foundation, Chennai, (Director) Recruitment Rules, 2002. Although the rules specify 55 as the upper age limit for a person to assume the post of director, they do not mention a retirement age.

http://timesofindia.indiatimes.com/city/chennai/Samson-had-Centres-backing-to-continue/articleshow/12945323.cms

திருவாடுதுறை பெரிய ஆதீனத்தை கொலை செய்ய முயன்றதாக தொடரப்பட்ட வழக்கில் இளைய ஆதீனம் முதலியோர் விடுவிக்கப்பட்டனர்!

ஓகஸ்ட் 14, 2011

திருவாடுதுறை பெரிய ஆதீனத்தை கொலை செய்ய முயன்றதாக தொடரப்பட்ட வழக்கில் இளைய ஆதீனம் முதலியோர் விடுவிக்கப்பட்டனர்!

மடங்கள் சர்ச்சைகளில் சிக்கிக் கொள்வது: 2002ல் பரபரப்பாக தினமும் செய்திகள் ஊடகங்களில் வெளிவந்து கொண்டிருந்தன. 650 ஆண்டுகளுக்கும் மேலாக விளங்கி வரும், அத்தகைய மடம் சர்ச்சைகளில் சிக்கிக் கொண்டது அடியார்களுக்கு மிகவும் வருத்தத்தை அளித்தது. சொத்துக்களை நிர்வகிக்கத் தெரியாமல், மடாதிபதிகள் இருப்பது, அரசியல் சார்புடன் குத்தகைக்கு விடுவது, அத்தகைய ஆட்களை கோவில்களில் தக்கார் போன்ற வேலைகளுக்கு நியமிப்பது முதலியவை மடங்களில் பிரச்சினைகளை உண்டாக்குகின்றன. கடந்த ஆட்சியில், தமிழக மடங்கள் மிரட்டப் பட்டன, மறைமுகமாக பணம் கொடுக்கச் சொல்லியும் வற்புறுத்தப் பட்டன என்று மடாதிபதிகள் புழுங்கிக் கொண்டிருந்தனர். செந்தமிழ் மாநாட்டில் கூட அவர்கள் ஒதுக்கப்பட்டது, மற்றும் இந்து மதத்திற்கு உரிய இடம் அளிக்காதது முதலியவை கருணநிதியின் மனத்தை வெளிக்காட்டுவதாக இருந்தது. இந்நிலையில் திருவாடுதுறை பெரிய ஆதீனத்தை கொலை செய்ய முயன்றதாக தொடரப்பட்ட வழக்கில் இளைய ஆதீனம் உட்பட 11 பேருக்கு செசன்ஸ் நீதிமன்றம் விதித்த சிறைத் தண்டனையை ரத்து செய்து சென்னை உயர்நீதிமன்றம் உத்தரவிட்டுள்ளது.

திருவாவடுதுறை ஆதீனத்தை கொல்ல முயற்சி? அப்பொழுதைய செய்தி:  திருவாவடுதுறை:செவ்வாய்க்கிழமை, ஜூலை 9, 2002, திருவாவடுதுறை ஆதீன மடாதிபதியைக் கொலை செய்ய முயன்றதாகக் கருதப்படும் 4 பேரைப் போலீசார் தேடிவருகின்றனர்[1].  நாகப்பட்டினம் மாவட்டம் குத்தாலத்தை அடுத்த திருவாவடுதுறையில் திருக்கயிலாய பரம்பரை ஆதீனம் அமைந்துள்ளது. 14ம் நூற்றாண்டில் தொடங்கப்பட்ட இதன் 23வது குருமகா சன்னிதானமாக சிவப்பிரகாச தேசிகபரமாச்சாரிய சுவாமிகள் உள்ளார். புகழ்பெற்ற திருவாவடுதுறை ஆதீனத்திற்குச் சொந்தமாக தமிழகத்தில் பல்வேறு பகுதிகளிலும் கோவில்கள் மற்றும்சொத்துக்கள் உள்ளன.

07-07-2002 கொலை முயற்சி: நேற்று முன்தினம் இரவு வழக்கமான பூஜையில் கலந்து கொண்டு விட்டு, பக்தர்களுக்கு ஆசி வழங்கிக்கொண்டிருந்தார் சிவப்பிரகாச சுவாமிகள். அப்போது அவருடைய மெய்க்காப்பாளரான வரதராஜன் மாடியில் உள்ள மடாதிபதியின் படுக்கையறைக்குச்சென்றார். அந்த அறையின் அருகே அடையாளம் தெரியாத நான்கு பேர் நின்று கொண்டிருந்ததைப் பார்த்ததும், அவர் பெரும் அதிர்ச்சி அடைந்தார். உடனே அவர் சத்தம் போட்டார். சத்தம் கேட்டவுடன் அந்த நான்கு பேரும் வேகமாகத் தப்பி ஓடிவிட்டனர்.இதையடுத்து மற்ற ஆதீன ஊழியர்களும் ஓடி வந்து அவர்களைத் தேடினர். ஆனால் அதற்குள் அந்த மர்மமனிதர்கள் எங்கோ ஓடி மறைந்து விட்டனர்.

விஷ ஊசி போட்டு கொலை செய்ய முயற்சி: அவர்கள் ஓடுவதற்கு முன் அந்த அறைக்கு அருகிலேயே விஷ ஊசி, தலையணை, கையுறைகள் மற்றும் கயிறு ஆகியவற்றைப் போட்டு விட்டு ஓடியுள்ளனர். இவற்றையெல்லாம் பார்த்து மேலும் அதிர்ச்சி அடைந்த ஊழியர்கள், உடனடியாகப் போலீசாருக்குத் தகவல்கொடுத்தனர். மோப்ப நாயுடன் விரைந்து வந்த போலீசார் தீவிர விசாரணை நடத்தினர். சிவப்பிரகாச சுவாமிகள் படுக்கையறைக்கு வந்தவுடன் அவரைக் கொலை செய்வதற்காகத் தான் அந்நபர்கள்வந்துள்ளனர் என்று கூறப்படுகிறது. மிகவும் பாதுகாப்பான சூழ்நிலையில் அமைக்கப்பட்டுள்ள மடாதிபதியின் படுக்கையறைப் பக்கம் வெளி நபர்கள்யாரும் அவ்வளவு எளிதில் நுழைந்து விட முடியாது. எனவே மடத்தைப் பற்றி நன்கு அறிந்தவர்கள் தான் அங்கு வந்திருக்கக் கூடும் என்று போலீசார்சந்தேகப்படுகின்றனர். தப்பியோடிய நான்கு பேரையும் தேடும் பணியில் போலீசார் முழு வீச்சில் ஈடுபட்டுள்ளனர்.

08-07-2002: இளையபட்டம் தற்கொலை முயற்சி:  திருவாவடுதுறை ஆதீனத்தைக் கொலை செய்ய சிலர் முயற்சித்து தோல்வியடைந்த நிலையில் அதன் துணைமடாதிபதி நேற்று மாலை அளவுக்கு அதிகமாகத் தூக்க மாத்திரைகளை சாப்பிட்டு தற்கொலைக்கு முயன்றுள்ளார்[2]. இது நாடகமா அல்லது கொலை முயற்சியில் தப்பித்துக் கொள்ள செய்த செயலா என்று தெரியவில்லை. இருப்பினும், கொலை முயற்சியில், இவர் சந்தேகிக்கப் பட்டார். ஆனால், மயங்கிய நிலையில் கிடந்த அவரை மடத்தின ஊழியர்கள் மருத்துவமனையில் சேர்த்ததால் உயிர் பிழைத்தார். தன் மீது எல்லோரும் சந்தேகப் பார்வை வீசுவதால் இந்தத் தற்கொலைக்கு முயன்றதாக போலீசாரிடம் அவர் கூறினார்.

முன்னாள் ஊழியர் உள்பட 5 பேர் கைது: திருவாவடுதுறை: மூத்த மடாதிபதியை கொல்ல சதி செய்த இளைய மடாதிபதி கைது[3]:  இந் நிலையில் கொலையாளிகளைப் பிடிக்க அமைக்கப்பட்ட தனிப் படை போலீசார் மடத்தில் வேலை செய்த சாமிநாதன், தியகராஜன்ஆகிய 2 ஊழியர்கள் உள்பட 5 பேரைக் கைது செய்தனர். இதில் சாமிநாதன், தியாகராஜன் ஆகிய இருவரையும் சமீபத்தில் பெரிய மடாதிபதி சமீபத்தில் இடமாற்றம் செய்தார். இதனால் அவர்கள் அதிருப்தியில் இருந்தனர். கூலிப் படையின் மூன்றாவது நபரான தமிழ்ச்செல்வன் தனது மனைவியை மடத்துக்கு சொந்தமான பள்ளியில் ஆசிரியையாக சேர்க்கமுயன்றார். இதற்கு மடாதிபதி ஒப்புக் கொள்ளவில்லை. இதனால் இவர் மடாதிபதி மீது அதிருப்தியுடன் இருந்தார். இவர்கள் தவிர சக்திவேல், சிவக்குமார் ஆகிய இருவரும் கைது செய்யப்பட்டுள்ளனர். இந்த இருவரும் பணத்துக்காக இந்தக் கொலைசெய்ய முன் வந்தவர்கள். இந்தக் கும்பலுக்கு தலைவனாக சக்திவேல் இருந்துள்ளார். இவர்களிடம் விசாரணை நடத்தியபோது இளைய மடாதிபதி தான் இந்தக் கொலைக்கு சதித் திட்டம் தீட்டியதாத் தெரியவந்துள்ளது. சொத்துக்களை அபகரிக்கவும், மூத்த மடாதிபதி பதவியைப் பிடிக்கவும் இளைய மடாதிபதி இந்த சதித் திட்டம் போட்டுள்ளார். மேலும் இந்தக் கும்பலை தனது அறையில் பதுங்கியிருக்கச் செய்தும் இளைய மடாதிபதி உதவி செய்திருக்கிறார். தூக்க மாத்திரை சாப்பிட்டு மயங்கி மருத்துவமனையில் சிகிச்சை பெற்று வந்த இளைய மடாதிபதி இன்று கைது செய்யப்பட்டார்.

மூத்த மடாதிபதி மீது இளையவர் புகார்: இந் நிலையில் இளைய மடாதிபதி காசி விஸ்வாநாதனை கொலைப் பழியில் சிக்க வைக்க மூத்த மடாதிபதி சதி செய்வதாகவும் புகார்எழுந்துள்ளது. பிடிபட்ட 5 பேருக்காக ஆஜராகும் வழக்கறிஞர் இந்தக் குற்றச்சாட்டைக் கூறியுள்ளார். ஆனால், கைது செய்யப்பட்ட 5 பேரும் இளைய மடாதிபதியின் தூண்டுதலால் தான் இந்தக் கொலை முயற்சியில் ஈடுபட்டதாக வாக்குமூலம்தந்துள்ளனர். இதையடுத்து அவரை மருத்துவமனையில் வைத்தே போலீசார் கைது செய்தனர். இந்த வழக்கில் மேலும் 4 பேரையும் இன்று போலீசார் கைது செய்தனர். இவர்களும் 5 பேர் கூலிப் படைக்கு உதவியாக இருந்ததுதெரியவந்துள்ளது.

20-07-2002:: கொலை முயற்சி நடந்தது: திருவாவடுதுறை ஆதினத்தின் மூத்த சன்னிதானம் சிவப்பிரகாச பண்டார சந்நிதி, இளைய சன்னிதானம் காசி விஸ்வநாத பண்டார சந்நிதி. ஆதினத்தில் ஊழியர்களாக சுவாமிநாதன், தியாகராஜன், சரபோஜி பணியாற்றினர். முன்விரோதம் காரணமாக, விஷ ஊசி மூலம் மூத்த சன்னிதானத்தைக் கொலை செய்ய, தமிழ்ச்செல்வன், சங்கரன், சிவக்குமாருடன் சேர்ந்து சுவாமிநாதன், தியாகராஜன், இளைய சன்னிதானம் சதி செய்ததாக சொல்லப்பட்டது. கூலிப்படையினரை இளைய சன்னிதானத்தின் அறைக்கு, சுவாமிநாதன் அழைத்துச் சென்றார். மூத்த சன்னிதானத்தின் அறைக்குள் நுழைந்து, அவரைக் கொலை செய்வதற்காக விஷ ஊசி, தலையணையுடன் தயாராக இருந்தனர். அறைக்குள் இருந்த கதவின் பின்புறம், இவர்கள் மறைந்திருந்தனர். அப்போது, வரதராஜன் என்பவர், இதைக் கவனித்து விட்டார். உடனே, கூலிப்படையினர் அங்கிருந்து தப்பி ஓடினர்[4]

27.8.2002: குற்றப்பத்திரிகை மயிலாடுதுறை செசன்சு நீதிமன்றத்தில் தாக்கல் செய்யப்பட்டது:. சிவபிரகாச பண்டார சன்னதி, திருவாடுதுறை ஆதீனத்தின் பெரிய சன்னதியாக செயல்பட்டு வருகிறார். அங்கு காசிவிஸ்வநாத பண்டார சன்னதி, இளைய ஆதீனமாக இருந்தார். முன்விரோதம் காரணமாக, பெரிய ஆதீனத்தை கொலை செய்ய முயன்றதாக குத்தாலம் காவல் நிலையத்தில் புகார் கொடுக்கப்பட்டது. புகாரின் அடிப்படையில் இளைய ஆதீனம் உட்பட 11 பேர் மீது வழக்குப்பதிவு செய்யப்பட்டது. இந்த வழக்கின் குற்றப்பத்திரிகை 27.8.2002 அன்று மயிலாடுதுறை செசன்சு நீதிமன்றத்தில் தாக்கல் செய்யப்பட்டது. அதில், பெரிய ஆதீனத்தை கொலை செய்வதற்காக இளைய சன்னிதானத்துடன் சேர்ந்து ஆதீன ஊழியர்கள், கூலிப்படையினர் சதித்திட்டம் தீட்டியதாகவும், அவருக்கு சயனைடு மருந்தை ஊசிமூலம் செலுத்தியும், தலையணையால் அமுக்கியும் கொலை செய்ய திட்டமிட்டு இருந்ததாகவும் குறிப்பிடப்பட்டு உள்ளது.

22.12.2003: சிறைதண்டனை, அபராதம் விதிக்கப்பட்டது:[5]  இச் சம்பவத்தையடுத்து இளைய மடாதிபதியை அந்தப் பதவியில் இருந்து நீக்கப் பட்டார். மயிலாடுதுறை நீதிமன்றத்தில் இந்த வழக்கு விசாரிக்கப்பட்டது.  வாக்குமூலங்கல், மற்ற சுற்றுப்புற சாட்சியங்கள் முதலியவற்ரின் ஆதாரமாக குற்றம் சாட்டப்பட்ட இளைய சன்னிதானம் உட்பட 11 பேருக்கும் 3 ஆண்டு சிறை தண்டனையும், ரூ.6 ஆயிரம் அபராதமும் விதித்து 22.12.03 அன்று நீதிபதி பாண்டியன் தீர்ப்பளித்தார்[6].

மார்ச் 8, 2005: நாகப்பட்டினம் முதன்மை செசன்ஸ் கோர்ட் உறுதி செய்தது: குற்றஞ்சாட்டப்பட்டவர்கள், தண்டனை விதிக்கப் பட்டவர்கள், மயிலாடுதுறை தீர்ப்பிற்கு எதிராக, கீழ் முறையீடு-நாகபட்டினம் முதன்மை செசன்ஸ் கோர்ட்டில் முறையீடு செய்தனர். ஆனால், தண்டனையை உறுதி செய்ததால், சென்னை உயர்நீதி மன்றத்தில் மேல் முறையீடு செய்தனர்[7].

மேல் முறையீடு செய்யப்பட்டது: இந்த தீர்ப்பை எதிர்த்து தாக்கல் செய்யப்பட்ட மேல்முறையீட்டு வழக்குகளை நாகை மாவட்ட முதன்மை செசன்சு நீதிமன்றம் தள்ளுபடி செய்து, மயிலாடுதுறை நீதிமன்றம் வழங்கிய தீர்ப்பை உறுதி செய்தது. இந்தத் தீர்ப்பை எதிர்த்து சென்னை உயர்நீதிமன்றத்தில் அவர்கள் மேல்முறையீடு தாக்கல் செய்தனர். இந்த வழக்கை நீதிபதி கே.பி.கே.வாசுகி விசாரித்தார். இளைய சன்னிதானம் சார்பில் வழக்கறிஞர் என்.சந்திரசேகரன் ஆஜரானார். மேல்முறையீட்டு வழக்கில் நீதிபதி கே.பி.கே.வாசுகி பிறப்பித்த உத்தரவு வருமாறு:- “இந்த வழக்கில் குற்றம் சாட்டப்பட்டிருந்த சங்கரன் இறந்துவிட்டார். அவர் மீதான குற்றச்சாட்டு தள்ளுபடி செய்யப்படுகிறது. கொலை முயற்சி குற்றத்துக்கான நோக்கத்தை ஆதாரங்கள் மூலம் அரசுத் தரப்பு நிரூபிக்கவில்லை. காவல்துறையினர் கூறியுள்ள குற்றச்சாட்டுகளுக்கும், சாட்சியங்களுக்கும் இடையே முரண்பாடுகள் உள்ளன. குற்றவாளியின் அடையாள அணிவகுப்பும் முறையாக நடத்தப்படவில்லை. எனவே இளைய சன்னிதானம் உட்பட அனைவரும் தாக்கல் செய்த மேல்முறையீட்டு மனுக்கள் ஏற்கப்படுகின்றன. இளைய சன்னிதானம் காசி விஸ்வநாத பண்டார சன்னதி உட்பட 10 பேரும் வழக்கில் இருந்து விடுதலை செய்யப்படுகிறார்கள்”, இவ்வாறு அதில் கூறப்பட்டுள்ளது.

திருவாடுதுறை ஆதினம் சிவப்பிரகாச தேசிக பரமாச்சாரியார் செம்மொழி மாநாட்டினை விமர்சித்தது: ஆதினம் தமது கருத்தை வெளியிட்டபோது, பத்திரிகைகள் விதவிதமாக அதை வெளியிட்டன. தினமலர், “தியானத்தை வியாபாரமாக்கிவிட்டனர் : திருவாடுதுறை ஆதினம் ஆதங்கம்[8] என்று வெளியிட்டபோது, நக்கீரன் நக்கலாக, “ஆசிரமத்துக்கு பெண்கள் தனியாக போகக்கூடாது: திருவாடுதுறை ஆதினம்” என்று வெளியிட்டது. எந்த ஆசிரமமாக இருந்தாலும் பெண்கள் தனித்து போகக்கூடாது என்று திருவாடுதுறை ஆதினம் சிவப்பிரகாச தேசிக பரமாச்சாரியார் கூறினார்.

இங்குதான் நாத்திக சித்தாந்திகள் எப்படி தவறாக திரித்துக் கூறுகிறர்கள், செய்திகளை வெளியிடுகிறார்கள் என்பதைப் பார்க்க முடிகிறது. குறிப்பாக அவர்  “பசுவதை தடை சட்டம் கொண்டு வரவேண்டும்” என்று சொன்னதை, அப்படியே தலைப்பாக வைத்து, எந்த பத்திரிக்கையும் செய்தி வெளியிடவில்லை! ஆனால்,  “ஆசிரமத்துக்கு பெண்கள் தனியாக போகக்கூடாது: திருவாடுதுறை ஆதினம்” என்று மட்டும் தலைப்பிடத் தெரிந்துள்ளது!

இதுகுறித்து ராமேஸ்வரத்தில் செய்தியாளர்களிடம் பேசிய அவர், “தாய்ப்பாலுக்குப்பின் பசுவின் பாலைத்தான் மக்கள் குடிக்கின்றனர். கோயிலுக்கு தேவையான திருநீறு உட்பட அனைத்து பொருட்களும் பசுவிடம் இருந்தே கிடைக்கிறது. இதனால் நாடு முழுவதும் பசுவதை தடை சட்டம் கொண்டு வரவேண்டும். தேவாரம், திருவாசகம் நாள்தோறும் படிப்பதால் துன்பங்கள் விலகும். நன்மைகள், அமைதி ஏற்படும். எந்த ஆசிரமமாக இருந்தாலும் பெண்கள் தனித்து போகக்கூடாது. ஆசிரமங்களில் நடைபெறும் பல்வேறு பிரச்னைகளுக்கு சமுதாயமும் ஒரு காரணம். மக்கள்தான் விழிப்புடன் இருக்க வேண்டும். உடல், மனரீதியான பயிற்சிகளை செய்தபின்தான் தியானத்திற்கு செல்ல வேண்டும். தியானத்தினால் மனோசக்தி வரும். இன்று தியானத்தை பலரும் வியாபாரமாக்கி விட்டனர்.  செம்மொழி மாநாட்டில் சைவ, வைணவ பக்தி இலக்கியங்கள் சேர்க்கப்படவில்லை. பெரியபுராணம், நாலாயிர திவ்ய பிரபந்தம் போன்ற ஆன்மிகம் சார்ந்த தமிழ் நூல்களும் செம்மொழி மாநாட்டில் சேர்க்கவேண்டும்”, என்றார்.

இந்து மடாதிபதிகள் தெரிந்து கொள்ள வேண்டிவை என்ன? இத்தீர்ப்பிற்கு எதிராக மேல் முறையீடு செய்யப்படுமா இல்லையா என்று தெரியவில்லை. இருப்பினும், கடந்த 9 ஆண்டுகளில், இப்பிரச்சினைப் பற்றி, பலரும் பலவிதமாக அலசி, விமர்சித்துள்ளனர். மாற்று சித்தாந்திகள், மதத்தவர்களுக்குத் தேவையில்லை, நன்றாகவே மென்று உமிழ்ந்துள்ளனர். இருப்பினும், மடாதிபதிகள் முதலில் தாங்கள் எப்படி முறைப்படி இருக்க வேண்டும் என்று கற்றுக் கொள்ள வேண்டிய அவசியம் உண்டாகி வருகிறது. இந்தியாவில் உள்ள சந்நியாசிகள், மடாதிபதிகள், குருக்கள் முதலியோர், தெய்வ நம்பிக்கை, ஆன்மீகம் முதலிய காரணிகளைக் கொண்டே, தமது சீடர்கள், பக்தர்கள், மற்றவர்களை திருப்தி படுத்தி வரலாம். ஆனால், இன்று அவர்கள், அதையும் மீறி மற்ற காரணிகளால் கட்டுண்டுக் கிடக்கின்றனர். ஆகையால், ஒற்றர்களைப் போல உள்ளே நுழைந்து, விஷயங்களை அறிந்து, அவற்றைத் திரித்துக் கூறி, எழுதி குழப்பத்தைக் கூட உண்டாக்கலாம். குறிப்பாக, மடங்கள் இடைக்காலங்களிலிருந்து முகமதிய, கிருத்துவ மதத்தினர்களால் அதிகமாகவே பாதிக்கப் பட்டு வந்துள்ளன. இப்பொழுது கூட திருவாடுதுறை ஆதினம் என்று சொல்லிக் கொண்டு, இந்துமதத்திற்கு, தமிழர்களுக்கு எதிராக செயல்பட்டு வரும் தெய்வநாயகம் போன்றவர்களுடன், ஒரு சாமியார் உலவி வருகின்றார்[9]. அவர் பட்டத்தில் / பதவியில் இல்லை என்கிறார்கள். இருப்பினும், ஜடாமுடியுடன், உத்திராக்ஷகோட்டை மாலை, நெற்றியில் திருநீற்றுப்பட்டை, காவி உடை சகிதம் வந்து, கிருத்துவர்களை ஆதரித்து பேசி வருகிறார்[10]. வெளிநாட்டவர்கள் கொடுக்கும் டாலர்கள் அல்லது அவர்களுடைய நிலை அல்லது வெளிநாட்டுப் பயணம் கிடைக்கும் என்ற ஆசி முதலியவற்றில் மயங்கிக் கூட, பற்பல மத விஷயங்கள், தத்துவ நுணுக்கங்கள், கூர்மையான வாதங்கள், முக்கியமான கிரியைகள் முதலியவற்ரைப் பற்றி சொல்லிக் கொடுக்கின்றனர்[11]. ஆனால், அவர்களோ அவற்றைத் திரித்து அவர்களது மதநம்பிக்கைகளுக்கு ஏற்ப மாற்றி, சாதுர்யமாக விளக்கம் கொடுக்கின்றனர். அதிலும், நம்மவர்கள் மயங்கி, அவர்களது நுணுக்கங்களை, வஞ்சகங்களை, ஏமாற்று வித்தைகளை அறிந்து கொள்ளாமல், இங்கு நடக்கும் நிகழ்சிகளில், மாநாடுகளில், கூட்டங்களில் தாராளமாக இடம் கொடுத்து, மேடைகளில் அமர்த்தி, மாலை-சால்வை போட்டு மரியாதை செய்கின்றனர். ஆனால், அவர்களோ, தங்களது இடங்களுக்கு / நாடுகளுக்கு சென்றவுடன் தத்தமது உள்ளெண்ணங்களுக்கேற்ப, அவர்களுடைய திட்டங்களுக்கேற்ப, அவர்களது தலைவர்களின் ஆணைகளுக்கேற்பத்தான் செயபடுகிறார்கள்.

வேதபிரகாஷ்

14-08-2011


[7] The lower appellate court — Principal Sessions Judge in Nagapattinam — on March 28, 2005 confirmed the conviction and  sentence.  Hence, the present revision petition before the High Court.

http://expressbuzz.com/cities/chennai/all-accused-in-adheenam-murder-bid-case-acquitte/301196.html

[9] தமிழர் சமயம் மாநாடு நடந்தபோது, இவர் மேடையில் தெய்வநாயகம், சின்னப்பா, லாரன்ஸ் பயாஸ் போன்றவகளுக்கு பக்கத்தில் உட்கார்ந்து கொண்டு, நெருக்கமாக பேசி, அளவளாவிக்கொண்டிருந்தார். போதாகுறைக்கு, ஒரு ஜீயர் வேறு வந்திருந்தார்!

[10] சிவஸ்தலங்களில் இத்தகைய உருவங்களுடன் பிச்சைக்காரர்கல் கூட உலவி வருகிறார்கள். உண்மை சொல்லப் போனால், அத்தகைய பிச்சைக்காரர்கள் மற்றும் போலிகள், உண்மை மடாதிபதிகளை விட நன்றாகவே தோற்றளிக்கிறார்கள், புதியதாக வருபவர்கள், தெரியாதவர்கள் இவர்களைப் பார்த்தால், நம்பி ஏமாந்தே விடுவார்கள்!

[11] அவர்களுக்கு அத்தகைய தகுதி உண்டா இல்லையா என்று கூட பார்ப்பதில்லை. குறிப்பாக ஆராய்ச்சிற்காக என்ரு வரும் மாணவ-மாணவிகளுக்கு அத்தகைய நுணுக்கங்களைச் சொல்லிக் கொடுத்து, அவர்கள் ஏதோ எல்லாவற்றையும் கரைக்கண்டவர்கள் போல எழுதுவதை மற்றும் சொல்லிக்கொடுத்தவகளையே பாதகமாக விமர்சிப்பது, இந்து மதத்தை கேவலமாக குறிப்பிடுவது, முதலியவற்றை அவர்கள் அறிய மாட்டார்கள்.

திருவாவடுதுறை ஆதீனத்தின் ஆன்மீகப் புரட்சி!

மார்ச் 2, 2010

“ஆதீனங்களும் மடாதிபதிகளும் தாழ்த்தப்பட்டோரைத் தேடிச் செல்லவேண்டும்!

திருவாவடுதுறை ஆதீனத்தின் ஆன்மீகப் புரட்சி

– அ.துரைசாமி, குமுதம் ரிப்போர்ட்டர் (04-03-2010)

திருவாவடுதுறை ஆதீனம் செய்திருக்கும் ஆன்மீகப் புரட்சியைப் பார்த்து மூக்கின் மேல் விரலை வைக்கிறார்கள் மக்கள். அருந்ததியர் கிராமத்திற்குச் சென்று அவர்களோடு அமர்ந்து, அவர்களைத் தொட்டு திருநீறு பூசி அவர் ஆசீர்வதிப்பதே இதற்குக் காரணம்.

கும்பகோணத்திலிருந்து மயிலாடுதுறை செல்லும் சாலையில் அமைந்துள்ள திருவாவடுதுறை ஆதீனம், சுமார் 600 ஆண்டுகளுக்கு முன்பு அருட்திரு நமச்சிவாய மூர்த்தி ஸ்வாமிகளால் ஸ்தாபிக்கப் பட்டது. திருநெல்வேலி, கன்யாகுமரி, காஞ்சிபுரம், திருநள்ளாறு, ராமேஸ்வரம், மதுரை, திருச்செந்தூர் தவிர காசி, காளஹஸ்தி உட்பட 50 இடங்களில் இதன் கிளை மடங்கள் உள்ளன.

நெல்லையில் பிரபலமான சந்திப்பிள்ளையார், குறுக்குத்துறை முருகன் கோவில், திருவாவடுதுறை, திருநள்ளாறு, திருவிடைமருதூர் உள்ளிட்ட 35-க்கும் மேற்பட்ட இடங்களில் திருவாவடுதுறை மடத்திற்குச் சொந்தமான கோயில்கள் உள்ளன. குறிப்பாக திருநள்ளாறு, சூரியனார் கோயில், ஆதீனத்தின் கட்டுப்பாட்டில் தான் இருக்கின்றன.

திருவாவடுதுறை ஆதீனத்தின் 23-வது குருமாஹாசன்னிதானமாக கடந்த 25 ஆண்டுகளாய் பொறுப்பேற்றிருப்பவர் சீர்வளர்சீர் சிவப்பிரகாச தேசிக பரமாச்சார்ய ஸ்வாமிகள். அறுபது வயதாகும் ஸ்வாமிகளுக்குத் தமிழ் மீது அதீத ஆர்வம். மடாதிபதிகள் தங்கள் பெயருக்கு முன்னால் ‘ஸ்ரீலஸ்ரீ’ என்கிற அடைமொழியைப் போடுவது வழக்கம். ஆனால், இவர் ஆதீனமாகப் பொறுப்பேற்றுக் கொண்டவுடன் செய்த முதல் காரியமே ‘ஸ்ரீலஸ்ரீ’யைத் தமிழ் படுத்தி ‘சீர்வளர்சீர்’ என்று மாற்றிக் கொண்டதுதான். ‘காலம் காலமாக இருந்து வந்த பழக்கத்தை எப்படி மாற்றலாம்?’ என்று இதற்குப் பல இடங்களிலிருந்தும் எதிர்ப்புகள் வந்தாலும் ஆதீனம் அசைந்து கொடுக்கவில்லை. அதனைத் தொடர்ந்து ஆதீனம் செய்த இன்னொரு தடாலடி காரியம் தான் அவரைப் ‘புரட்சி ஆதீனம்’ என்று அழைக்க வைத்திருக்கிறது.

மடாதிபதிகள் பல்லக்கில் வலம் வந்து பக்தர்களுக்கு ஆசி வழங்குவது வழக்கம். ஆனால் இவர் ஆதீனமானவுடன் அந்த வழக்கத்திற்குத் தடா போட்டுவிட்டார். மனிதனை மனிதன் தூக்குவது சரியல்ல என்பது அவரது வாதம். தேவாரத்தைத் தமிழ் வேதம் என்று சொல்லும் இவர், கடந்த 15-ஆம் தேதியன்று தூத்துக்குடி மாவட்டம் தாமிரபரணிக் கரையிலுள்ள முறப்பநாடு மடத்திற்கு வந்தார். பின்னர் அங்கிருந்து புறப்பட்டு வடக்குத் தாழையூத்து கிராமத்திற்குத் திடீர் விஸிட் அடித்திருக்கிறார். அங்கு முழுக்க முழுக்க அருந்ததியர் இன மக்களே வசிக்கிறார்கள். ஆதீனம் அங்கு வந்து சேர்ந்த போது இரவு மணி 7.45. அப்போது நாமும் அங்கே இருந்தோம்.

அங்கிருந்த அருந்ததியர் இன மக்களுக்கு அவரைப்பற்றிப் பெரிதாய் எதுவும் தெரியவில்லை. ‘ஏதோ ஒரு காவி வேட்டி சாமி வருகிறார். ஊரைத் தேடி வருபவரை வரவேற்க வேண்டும். அவ்வளவு தான்’ என்கிற ரீதியிலேயே இருந்தனர். ஸ்வாமிகளும் அதைப் பற்றியெல்லாம் கவலைப் படாமலும், எந்த சங்கோஜமும் இல்லாமலும், ஊர்த்தலைவர்களிடம் பேசிவிட்டு அங்குள்ள காளியம்மன் கோவிலுக்குச் சென்றார். அங்கு அவருக்காக விசேஷ பூஜைகள் நடந்தன. நின்றபடியே பூஜையில் பங்கேற்ற ஸ்வாமிகளுக்கு அருந்ததியின பூசாரி தீபத்தைக் காட்டி மாலை அணிவித்ததோடு அவரது நெற்றியில் திருநீறும் இட்டது வேறு எங்கும் நடைபெறாத விஷயம்.

பின்னர் கோயில் முன்பாகவே ஒரு சேரில் அமர்ந்தார் ஸ்வாமிகள். அப்போது அவருடன் வந்த பாளையங்கோட்டை தமிழ் ஆசிரியர் கணபதி சுப்ரமணியன், “வந்திருப்பது மகா மகா சன்னிதானம். அவர் சுட்டு விரலசைத்தால் ஆன்மீக உலகில் பல விஷயங்கள் சுலபமாக நடக்கும்” என்று சின்னதாய் ஒரு அறிமுகம் செய்த பிறகு தான் ஊர் மக்களுக்கு அவரது சக்தி தெரியவந்துள்ளது. அதன் பிறகே ஆங்காங்கு நின்று கொண்டிருந்தவர்களும் கோயிலுக்கு வந்து அவரைச் சுற்றி ஆர்வத்துடன் அமர்ந்து கொள்ள, சுருக்கமான சமயச் சொற்பொழிவொன்றைச் செய்தார் சுவாமிகள்.

பிறகு ஊரில் உள்ள சிறுவர், சிறுமியர்களுக்கு திருக்குறள் புத்தகத்தை வழங்கிய சுவாமிகள், அதன் பின்னர் செய்த காரியம் தான் நம்மை வியப்பின் எல்லைக்கே அழைத்துச் சென்றது. பொதுவாக மடாதிபதிகள் பிறர் கையைத் தொடாமல் திருநீறு, குங்குமம் கொடுப்பது தான் வழக்கம். ஆனால் சுவாமிகளோ, பெண்களுக்கு மட்டும் விபூதியைக் கொடுத்துவிட்டு, மற்றபடி எல்லா அருந்ததியர் ஆண்களுக்கும் தனது கையாலேயே திருநீறு பூசிவிட்டார். தவிர, இருக்கையை விட்டு எழுந்து, தானே போய் ஒவ்வொருவருக்கும் திருநீறு பூசிவிட்டதைப் பார்த்து, ஊர் மக்களே நம்பமுடியாமல் திகைத்தனர். இப்படி சுமார் ஒன்றரை மணிநேரம் அருந்ததியின மக்களிடம் செலவிட்ட சுவாமிகளிடம், ஊர்மக்கள் காளியம்மன் கோவிலுக்குப் பிராகாரம் கட்டித் தருமாறு கோரிக்கை விடுத்ததைக் கேட்டு புன்சிரிப்புடன் விடை பெற்றார்.

“தாழ்த்தப்பட்ட மக்கள் வசிக்கும் கிராமத்திற்குப் போய் அவர்களுடன் அன்னியோன்யமாய்ப் பேசிக் கலந்தது ஏன்?” என முறப்பநாடு மடத்தில் தங்கியிருந்த சீர்வளர்சீர் சிவப்பிரகாச தேசிக பரமாச்சாரிய சுவாமிகளை நேரில் சந்தித்துக் கேட்டோம். நம்மையும் அவருக்கு இணையான நாற்காலியில் அமரச் சொல்லிவிட்டு, நிதானமாய் பதில் சொன்னார்.

“நான் திருவாவடுதுறையை விட்டுக் கிளம்பி எந்த ஊருக்குப் போனாலும் அங்குள்ள அனாதை ஆசிரமம் மற்றும் தாழ்த்தப்பட்டோர் கிராமங்களுக்குச் செல்வதை வழக்கமாகவே கொண்டிருக்கிறேன். பொதுவாக தாழத்தப்பட்ட மக்களுக்கு ஏதாவது பிரச்சனை என்றால் கிறுஸ்துவர்கள் முதல் ஆளாய் ஓடிவந்து, “பார்த்தீர்களா, உங்கள் பிரச்சனகளைத் தீர்க்க நாங்கள் தான் வருகிறோம். இந்து மடாதிபதிகள் வருவதில்லை, என்று கிண்டல் கேலி செய்வதோடு மதமாற்றமும் செய்கிறார்கள். மக்களும் மதமாற்றத்திற்குத் தயாராகிறார்கள். சுனாமி வந்தால் கிறுத்துவப் பாதிரியார்கள் ஓடோடிப்போய் பணம் கொடுத்து மக்களோடு தொடர்பிலிருக்கிறார்கள்.

இந்து மதத்தில் பாகுபாடே கிடையாது என்று திருஞான சம்பந்தரே கூறியிருக்கிறார். சுவாமிகள், துறவிகள், சாமானியர்கள் என்கிற பாகுபாடும் கிடையாது. ஆனால் உண்மை நிலை அப்படியா இருக்கிறது? அதனால் தான் ‘சுவாமிகள் நம்மை எல்லாம் பார்க்க மாட்டார், பேச மாட்டார், தொட மாட்டார்’ என எண்ணி ஆதீனத்தை மக்கள் விலக்கியே பார்க்கிறார்கள். அந்த எண்ணத்தை மாற்றவேண்டும். ஆதீனமும் மனிதர் தான், இறைவனின் அருளால் தான் ஆதினமாகியிருக்கிறார், என்கிற என்ணத்தை மக்களிடம் விதைக்க வேண்டும். சாமானியர்கள் பொருட்செலவு செய்து திருவாவடுதுறைக்கு வருவது சிரமமான காரியம். எனவே தான் நாமே அவர்களைத் தேடிப் போகிறோம்.

கடந்த 5, 6, 7 ஆகிய தேதிகளில் சிதம்பரத்தில் ‘உலக சைவ மாநாடு’ நடைபெற்றது. அதில் கூட ‘நம்மிடம் தீண்டாமை இருக்கிறது. அதைப் போக்கத் தாழத்தப்பட்டோரைத் தேடிப் போக வேண்டும். அப்போது தான் மதமாற்றம் நடக்காது’ என்று பேசியிருக்கிறேன். இலங்கையில் பல இந்துக் கோயில்கள் இடித்துத் தள்ளப் பட்டிருக்கின்றன. அவற்றைப் புதுப்பிக்க வேண்டும். அங்கு துன்பப்படுவோருக்கு உதவி செய்ய வேண்டும். அதுபோல குக்கிராமங்களிலுள்ள பூஜை நடைபெறாத கோயில்களில் உள்ளூர்க்காரர்களுக்கே பயிற்சி கொடுத்து பூஜை புனஸ்காரங்களைச் செய்யவேண்டும் என்கிற தீர்மானங்களும் நிறைவேற்றப் பட்டிருக்கின்றன” என்றார் அவர்.

தாழ்த்தப்பட்ட மக்களைத் தேடிச்சென்று புதிய ஆன்மீகப் புரட்சிக்கு வித்திட்டிருக்கும் திருவாவடுதுறை ஆதீனத்தை மற்றவர்களும் பின்பற்றினால் தீண்டாமை ஒழியும் என்பதில் எள்ளளவும் சந்தேகமில்லை.

கைலாயம் செல்பவர்களுக்கு நிதி : அரசுக்கு மடாதிபதிகள் கோரிக்கை!

பிப்ரவரி 4, 2010
கைலாயம் செல்பவர்களுக்கு நிதி : அரசுக்கு மடாதிபதிகள் கோரிக்கை
பிப்ரவரி 04,2010,00:00  IST

http://www.dinamalar.com/General_detail.asp?news_id=21519

General India news in detail

ஹஜ் யாத்திரை மாதிரி கொடு என்று கேட்க வேண்டுமா?: சிதம்பரம் : “ஹஜ்’ யாத்திரை செல்பவர்களுக்கு வழங்குவது போல் கைலாய யாத்திரை செல்லும் இந்துக்களுக்கும் அரசு நிதியுதவி வழங்க வேண்டும் என, அரசுக்கு மடாதிபதிகள் கோரிக்கை வைத்துள்ளனர். சிதம்பரம் உலக சைவ மாநாட்டு ஏற்பாட்டிற்கு வந்துள்ள பேரூர் ஆதீனம் மருதாச்சல அடிகள், திருப்பனந்தாள் ஆதீனம் சுந்தரமூர்த்தி தம்பிரான் ஆகியோர் கூறியதாவது: சைவ சமய தொன்மை, பெருமைகளை யாவரும் உணர வேண்டும் என்பதற்காகவும், சைவ சமய ஆர்வத்தை தூண்டும் வகையிலும் உலக சைவப் பேரவை மாநாடு நடத்தப்பட்டு வருகிறது. இதனால், உலகம் முழுவதும் வாழ்கின்ற தமிழர்களுக்கு சைவம் பற்றிய புத்துணர்ச்சியும், சமய கருத்துக்களை பரிமாற வாய்ப்பும் ஏற்படும். திருமுறைகள் கண்டெடுத்த சிதம்பரத்தில் மாநாடு நடத்துவது சிறப்பு.

கோவிலுக்கு செல்வது மட்டும் போதாது; சைவ சமய தத்துவங்களை உணர்ந்து கடைபிடிக்க வேண்டும். உலகம் முழுவதும் மொழி தெரியாதவர்கள் கூட, திருமந்திரத்தை படிக்க விரும்புகின்றனர். அதையொட்டி, திருமந்திர பாடல்கள் 300 அடங்கிய 10 பகுதிகள் ஆங்கிலத்தில் மொழிபெயர்த்து, கடந்த 17ம் தேதி சென்னையில் வெளியிடப்பட்டுள்ளது.
முஸ்லிம்களைப் போல நிர்வாகம் வேண்டும்: முஸ்லிம் மக்களுக்கு வக்பு வாரியம் இருப்பது போன்று, இந்து கோவில்களை துறவிகள், ஓய்வு பெற்ற நீதிபதிகள், ஓய்வு பெற்ற ஐ.ஏ.எஸ்., அதிகாரிகள் கொண்ட குழு அமைத்து நிர்வகிக்க வேண்டும். முஸ்லிம்கள் “ஹஜ்’ யாத்திரை செல்வதற்கு நிதியுதவி வழங்க, ஆண்டுக்கு 230 கோடி ரூபாய் அரசு செலவிடுகிறது. அதே போன்று, இந்துக்கள் கைலாயம் செல்வதற்கும் நிதியுதவி வழங்க வேண்டும். சீன நாட்டின் கெடுபிடியால், ஒவ்வொருக்கும் ஒரு லட்சம் ரூபாய் வரை செலவாகிறது. எனவே, அரசு நிதியுதவி வழங்க முன்வர வேண்டும். கர்நாடகா, குஜராத் மாநிலங்களில் கைலாய யாத்திரை செல்பவர்களுக்கு தலா 25 ஆயிரம் ரூபாய் நிதியுதவி வழங்கப்படுகிறது. அதை, அனைத்து மாநிலத்திலும் பின்பற்றி வழங்க வேண்டும்.

இந்துக்கள் சிறுபான்மை ஆகிவிடுவர்!: இந்தியாவில் உள்ள 600 மாவட்டங்களில், 15 மாவட்டங்களில் பெரும்பான்மை சமுதாயமான இந்துக்கள் 40 சதவீதமாகக் குறைந்துள்ளனர். இதே நிலை நீடித்தால், 2050ம் ஆண்டில் இந்தியாவில் இந்துக்கள் சிறுபான்மை சமுதாயமாக மாறிவிடும் நிலை உள்ளது. இந்த நிலை மாற்றப்பட வேண்டும். இவ்வாறு ஆதீனங்கள் கூறினர். ஓஹோ, ஒருவேளை மறைமுகமாகக் கூறுகிறாரா, அப்பொழுது, “இந்துக்கள்” முஸ்லிம்களைப் போல எல்லாவற்றிற்கும் அரசிடமே கேட்டுப் பெற்றுக்க் கொள்ளலாம் என்று?

சிதம்பரத்தில் உலக சைவ பேரவை மாநாடு நாளை துவக்கம்; 13 நாட்டினர் பங்கேற்பு
பிப்ரவரி 04,2010,00:00  IST

http://www.dinamalar.com/General_detail.asp?news_id=21525

General India news in detail

12வது சிதம்பரத்தில் உலக சைவ மாநாடு: சிதம்பரத்தில் 12வது உலக சைவப் பேரவை மாநாடு நாளை துவங்கி மூன்று நாட்கள் நடக்கிறது; 13 நாடுகளில் இருந்து சைவ சான்றோர் 200 பேர் பங்கேற்கின்றனர். தமிழர்கள், சிவ நெறியில் சிறக்க வேண்டும்; சைவ சமயத்தின் தொன்மை, பெருமைகள், உலகில் உள்ள அனைவரும் உணர வேண்டும் என்பதற்காக உலக சைவப் பேரவை அமைப்பு, லண்டனில் சிவநந்தியடிகள் என்பவரால் துவக்கப்பட்டது. இந்த அமைப்பு, இரண்டு ஆண்டுக்கு ஒரு முறை உலக சைவப் பேரவை மாநாட்டை, ஒவ்வொரு நாட்டிலும் நடத்தி வருகிறது. லண்டன், சிங்கப்பூர், பிரான்ஸ், இலங்கை, தென்னாப்ரிக்கா, மொரீசியஸ், மலேசியா, ஆஸ்திரேலியா, சுவிட்சர்லாந்து உள்ளிட்ட நாடுகளில் மாநாடு நடத்தப்பட்டுள்ளது. இந்தியாவில் ஆறாவது மாநாடு, தமிழகத்தில் தஞ்சை பல்கலைக் கழகத்தில் நடத்தப்பட்டது. இரண்டாவது முறையாக, தமிழகத்தில் சிதம்பரத்தில் நடத்தப்படுகிறது. சிதம்பரம் அண்ணாமலை பல்கலைக் கழகத்தில் சாஸ்திரி அரங்கில், மாநாடு நாளை துவங்கி 7ம் தேதி வரை நடக்கிறது. தமிழகம் மற்றும் வெளிநாடுகளில் உள்ள திருமுறை, சைவ சித்தாந்த குழுக்கள், ஆதீனங்கள், சிவநெறி சிந்தனையாளர்கள், அறிஞர்கள் என 1,500 பேர் பங்கேற்கின்றனர்; 13 நாடுகளைச் சேர்ந்த 200 பேர் பங்கேற்கின்றனர். மாநாட்டில், சைவம் பற்றிய சிறப்பு சொற்பொழிவுகள், கருத்தரங்குகள், திருமுறை இசை, கலை நிகழ்ச்சிகள் நடக்கின்றன.

இந்து மடாதிபதிகளும் முஸ்லிம்களும் – I

ஜனவரி 8, 2010

இந்து மடாதிபதிகளும் முஸ்லிம்களும் – I

© வேதபிரகாஷ்

இந்து மடாதிபதிகளை எதிர்க்கும் முஸ்லிம்கள்: சமீபத்தில் சில குறிப்பிட்ட தமிழ் பத்திரிக்கைகள் மற்றும் இணைதளங்களில் வெளியிடப்படும் செய்திகள் முஸ்லிம்களின் ஆக்கிரமிப்பு, எதிர்ப்புத்தன்மை, தாக்கும்-மனப்பாங்குகளுடன் மடாதிபதிகளுடம் பொருதும் நோக்குப் புலப்படுகிறது[1]. ஆனால் இந்துக்கள் இதனுடைய விளைவுகளை அறியாமல் இருக்கின்றனர் எனலாம். ஏனெனில் மடாதிபதிகளுக்கு இணையாக முஸ்லிம்களின் மடாதிபதிகள் அவ்வாறு எதிர்கொண்டு வருவதில்லை. மாறாக அடிப்படைவாதம் மிக்க பிரச்சாரகர்கள், அரசியல்வாதிகள் மற்ற கூட்டங்கள் ஏதாவது ஒரு அடையாளத்தின் கீழ் எதிர்ப்புத் தெரிவித்து ஆக்கிரமிப்பு மற்றும் எதிர்க்கும் போக்குடன் பாய்ந்து சென்று, அமைதியுடன் இருக்கும் இந்து மடாதிபதிகளை மிரட்டுகின்ற தோரணையில் செயல்படுவதாகத் தெரிகின்றது.

மதுரை ஆதீனத்தின் மடத்தை முற்றுகையிடுவோம்!: இப்படி மிரட்டி, உருட்டி அச்சமூட்டி, மடத்தலைவர்களை தாக்கும் தோரணையில் உள்ளபோது, போலீஸார் என்ன செய்து கொண்டிருந்தனர்? ஏன் மடத்தவருக்கு ஒன்றும் புரியவில்லையா? இந்துமதம், இந்துமத கடவுளர், இந்து புனித நூல்கள், முதலியவை தொடர்ந்துத் தாக்கப் படுகின்றனவே. எந்த மதசார்புள்ள-மதசார்பற்ற இந்தியர்கள் அப்பொழுது அவர்களை, அவர்களது மடங்களை முற்றுகையிடுவோம் என்று கிளம்பவில்லையே? கிருத்துவர்களும்[2], முகமதியரும் வண்டி-வண்டியாக அத்தகைய அவதூறுகளைக் கொட்டியுள்ளனரே? அப்பொழுது பொறுப்பான, பண்புள்ள, அன்புள்ள, சகோதரத்துவமுள்ள, நேசமுள்ள, அமைதியைப் பின்பற்றும் எந்த கிருத்துவனோ, முஸ்லீமோ தட்டிக்கேட்கவில்லையே, தடுக்கவில்லையே? ஏன்?

முஸ்லிம் மேடைகளில் தமிழ்-திராவிட பாரம்பரிய பேச்சுகள்: முஸ்லிம்கள் திராவிடத்தலைவர்களை, நாத்திக அரசியல்வாதிகளை, குறிப்பாக இந்து-விரோதி சித்தாந்திகளை தமது மத-விழாக்களிலிருந்து, கருத்தரங்கங்கள் முதலியவற்றிற்கு வரை வரவழைத்துப் பேச வைப்பது பாரம்பரியமாக உள்ளது. இப்பேச்சாளர்களின் சொல்லாடல்கள், வார்த்தைப் பிரயோகங்கள், உயர்வு நவிர்ச்சியில் பேசும் விதம், இரட்டை அர்த்தங்களில் கொக்கரிக்கும் அல்லது ஏளனம் செய்யும் விதம் எல்லோரும் நன்றாக அறிந்ததே[3]. மேலும் இவர்களின் உண்மையான மதசித்தாந்தத்தின்படி இந்த திராவிடத்தலைவர்கள், நாத்திக அரசியல்வாதிகள் மற்ற பேச்சாளிகள் எல்லோரும் காஃபிகளே. அவர்களுடன் சரிசமமாக உட்காருவது, பேசுவது, உறவாடுவதே இஸ்லாமிற்கு எதிரானதே! இருப்பினும் இந்துவிரோதம், இந்து-துரோகம், இந்து-எதிர்ப்பு உள்ளதால் வீரப்பாண்டியன்-மாலிக்காஃபூர்/அலாவுத்தீன் கில்ஜி கூட்டணி போல சேர்ந்து கொண்டு சொந்த மண்ணிலிலேயே உப்பையுண்டு வளர்ந்த துரோகம் பேசுகிறது, பகைமை பாராட்டுகிறது, உடன் பிறவா சகோதரர்கள், ரத்தத்தின் ரத்தங்களை எதிர்க்கின்றது.

கடவுளில்லை என்பரைக் கட்டிப்பிடிப்பது, கடவுள் உள்ளார் என்பவருடன் பகைமை பாராட்டுவது என்ன? திராவிடர்கள், திராவிட நாத்திகர்கள், பகுத்தறிவு பகலவன் ராமசாமி நாயக்கர் வழிவந்துள்ள கருணாநிதி, வீரமணி முதலியோர் “கடவுள் இல்லை” என்று கொக்கரிக்கும்போது, எப்படி முஸ்லிம்கள் அவர்களைக் கட்டிப் பிடித்து சரசமாடுகின்றனர்? இப்பொழுது தானே “கடவுள்” என்றவகையில் கருணாநிதி செயல்பட்டு வருகிறார், பேசுகிறார், விளம்பரங்கள் செய்து கொள்கிறார், கவிக்கோக்கள்-கவிப்பேரரசுகளை வைத்துக் கொண்டு பிரகடனம் செய்கிறார். அதாவது அல்லா இருக்கும் போதே தான்தான் கடவுள் என்று பிரகடனம் செய்து வருகிறார்! பிறகு ஏன் அவரை எதிர்க்கவில்லை? ஆனால் கடவுள் உள்ளார் எனும் நம்பிக்கையாளர்களை ஏன் எதிர்க்கவேண்டும்? நாத்திகர்களே “காஃபிர்கள்” என்ற நிலையிலினின்று விலக்குக் கொடுத்து ஒட்டிக்கொள்ளும் பட்சத்தில், ஏன் “ஆத்திகர்கள்”, “காஃபிர்கள்” நிலையிலேயே வைக்கப்படுகிறார்கள்? இஸ்லாத்திற்கு எதிராக இன்னொரு இஸ்லாத்தை இந்தியாவில்-தமிழகத்தில் உருவாக்கப் பார்க்கிறார்களா?

முகமதிய தசாவதாரம், அல்லா உபநிஷதம் முதலியவற்றை மறந்து விட்டார்களா? இன்று வேதங்கள், பவிஷ்ய புராணம் எல்லாம் முகமதுவின் வரவை எடுத்துரைக்கின்றன என்று பேசுகின்றனர். பிறகு ஏன் முகமதிய தசாவதாரம், அல்லா உபநிஷதம் முதலியவற்றை மறந்து விட்டார்கள்? அக்பரும் “தீன் இலாஹி” ஏற்படுத்தி, தானே கடவுள் என்று பிரகடனப் படுத்தியதாக உள்ளது!

ஸ்ரீரவிசங்கரும், தருமபுர ஆதீனமும்: ஸ்ரீரவிசங்கர் என்பவர் ஜகீர் நாயக்குடன் வாதம் புரிந்தபோது, “எல்லாமதங்களும் ஒன்று” என்று பரந்த மனபான்மையுடன் வாதிட்டபோது, பின்னவர் இஸ்லாமிய அடிப்படைவாதத்தையேப் பிடித்துக் கொண்டு அவ்வாறு முடியாது என்று வாதித்தார்[4]. குரானுடன் எதையும் ஒப்பிடமுடியாது என்று மிரட்டி குரானை கையில் கொடுத்து “இஸ்லத்தை ஏற்றுக் கொள்” என்ற முறையில் அதட்டல் முறையில் விதண்டாவாதம் செய்தார். அந்நிலையில், “ஓகே, அவ்வாறே வைத்துக் கொள்”, என்றதை அவர் தோற்றுவிட்டனர் என்று பிரச்சாரம் செய்துவருகின்றனர்[5]. அதே போக்குதான் இங்கும், இந்த தருமபுர ஆதீன விஷயத்தில் தெரிகின்றது. முஸ்லிம்கள் இந்த சந்தர்ப்பத்தைப் பயன்படுத்தி பிரச்சினை ஏற்படுத்தியுள்ளது நன்றாகவே தெரிறது. உண்மையென்னவென்றால் இந்தியர்களுக்கு, இந்துக்களுக்கு, இந்த இந்து மடாதிகளுக்கு “இஸ்லாம்” என்ற “அதிப்படைவாத இஸ்லாத்தை”ப் பற்றி ஒன்றும் தெரியாது. “சர்வ மத சமபாவம்” என்ற நோக்கில் எல்லா மதங்களும் ஒன்றே, எல்லா கடவுளர்களும் ஒன்றே, எல்லா மதநூல்களும் ஒன்றே என்ற விதத்தில் பேசிக் கொண்டிருப்பார்கள். அவ்வாறே “ஈஸ்வர அல்லா தேரோ நாம், சப்கோ சன்மதி தே பகவான்” என்று பாடிக்கொண்டிருப்பார்கள் ஆகவே அத்தகைய நோக்கை-போக்கை முஸ்லிம்கள் எதிர்க்கின்றனர் என்பதனை குறிப்பாக அறிந்து கொள்ளும் திறனும் அவர்களுக்கு இல்லை[6]. ஏனெனில் இந்தியர்கள் அவ்வாறு வளர்க்கப்பட்டிருக்கிறார்கள்.

நக்கிரனில் வந்த செய்தி!

தருமபுர ஆதினத்தின் “சரண்டரும்”, “ஒப்புதல் வாக்குமூலமும்”: எதிர்பார்த்தபடியே “நக்கீரத்தனம்” கொண்ட விஷமிகள் ‘சண்டரான தருமபுர ஆதினம்” என்று பிரச்சார பீரங்கிகளை முழக்க ஆரம்பித்துவிட்டன! முஸ்லிம்களும் தமது இணைதளங்ககளில் குண்டு வெடிக்கத் தொடங்கிவிட்டனர்! ஆமாம், ஜிஹாத் தொடங்கிவிட்டதைப் போன்ற உணர்வை ஏற்படுத்துகின்றனர். சிதம்பரம் ஜிஹாத் என்று குறிப்பிட்டதையும் எதிர்க்கின்றனர். சரி, இதன் உண்மைதான் என்ன?

தருமபுர ஆதினம் என்ன ஒப்புதல் வாக்குமூலம் கொடுத்தார்? தருமபுர ஆதீனம் சரண்டர்,..என்றெல்லாம் வெளியிட்ட “நக்கீரன்” மற்ற விவரங்களைப் பார்ப்போம்: இதோ அந்த தருமபுர ஆதீனம் கொடுத்ததாக வெளியிடப்பட்டுள்ள கடிதம்!

பெறுநர்:-

பொறுப்பாளர் பெருமக்கள்

தமிழ்நாட்டு தவ்ஹீத் ஜமா அத்

—-

திருப்பெருந்திரு

மதுரை ஆதினம்

குருமகாசன்னிதானம்

தலைமை அலுவலகம்

மதுரை – 625 001

எச்சமயமாக இருந்தாலும் அனைவரும் கடவுளின் குழந்தைகளே!

மதுரை ஆதீனம்

நாம் குருமகாசன்னிதானமாக பட்டம் ஏற்ற காலத்தில் இருந்தே இந்து, கிறிஸ்தவ, இஸ்லாம் சமயங்களைப் பற்றிய தத்துவங்களை எல்லாம் எடுத்துச் சொல்லி ஒற்றுமைப் படுத்தி எச்சமயமாக இருந்தாலும் அனைவரும்  ஒரே கடவுளின் பிள்ளைகளாகவே வாழ்ந்து வருகிறோம். மதங்களால்  வேறுபட்டாலும் நாம் அனைவரும் ஒருவருக்கொருவர் சகோதர சகோதரிகளே, என்பதையே நாம் தொடர்ந்து வலியுறுத்தி வருகிறோம். அது மாத்திரமல்லாமல், நாம் கிறிஸ்தவ, இஸ்லாம் சமயங்களின் மத நல்லிணக்க விழாக்களில் கலந்து கொண்டு மத ஒற்றுமை குறித்து வலியுறித்தி வருகிறோம். எனவே, நம்மிடத்தில் ஒற்றுமைப்பட்ட வளம் வேண்டும் என்பதுதான் என்விருப்பம். திருச்சியில் நடைப்பெற்ற சங்கராச்சாரியார் பிறந்த தின விழாவில் நாம் உரையாற்றியபோது, யார் மனதையும், எந்த மதத்தையும் குறைவாக பேசவில்லை என்பதைத் தெரிவித்துக் கொள்கிறோம். எல்லோருக்கும் ஆசிர்வாதம்.

மேலும், நாம் உரையாற்றியதில் இஸ்லாமிய சகோதர்களின் மனம் புண்பட்டிருந்தால், எமது மனமும் புண்பட்டதாகவே உணருகிறோம். உலகில் மனிதானகப் பிறந்த எவரும் இதற்கு முன்பும் இனியும் என்றும் இறைத்தூதர் நபிகள் நாயகத்திற்கு ஈடாக முடியாது. இவ்வுலகத்தில் எவரும் நாயகம் அவர்களின் அவதாரமும் ஆகமுடியாது என்பதில் எமக்கு எந்த மாற்றுக் கருத்தும் இல்லை என்பதனை இஸ்லாமிய சகோதர்களுக்குத் தெரிவித்துக் கொள்கின்றோம்!

இதில் காணப்படும் புதிர்கள்: இந்த கடிதத்தைப் பற்றி பல வினாக்கள் எழுகின்றன.

  1. கோடுபோட்ட நோட்டுப்புத்தக பக்கத்தில் அக்கடிதம் எழுதப்பட்டுள்ளது.
  2. முதல் பத்தி ஒரு கையெழுத்தில் உள்ளது.
  3. இரண்டாம் பத்தி வேறொரு கையெழுத்தில் உள்ளது.
  4. எங்குமே மடாதிபதி கையெழுத்திட்டதாக இல்லை.
  5. மேலும் அக்கடிதம் அறிவுரைக் கூறுவதாக உள்ளது.
  6. அதற்கும் மேலாக அக்கடித்தத்தில் காணப்படுவது வேடிக்கையாக உள்ளது.
  7. உலகில் மனிதானகப் பிறந்த எவரும் இதற்கு முன்பும் இனியும் என்றும் இறைத்தூதர் நபிகள் நாயகத்திற்கு ஈடாக முடியாது” – அப்படியென்றால், முன்னமுள்ளவர்களின் நிலை மறுக்கப்படுகிறது. இதனை உண்மையான முஸ்லிம்கள் ஏற்பார்களா?
  8. இவ்வுலகத்தில் எவரும் நாயகம் அவர்களின் அவதாரமும் ஆகமுடியாது” – அப்படியென்றால், “நாயகம் அவர்களின் அவதாரம்” உள்ளதை ஏற்றுக் கொள்கிறார்களா? பிறகு எதற்கு இந்த வம்பெல்லாம்?
  9. மடாதிபதி சொல்கிறார்: “அனைவரும்  ஒரே கடவுளின் பிள்ளைகளாகவே வாழ்ந்து வருகிறோம்”, மயிலை சின்னப்பா, சாம் ஜெயபால், கே. ராபின், ஜைனுலாபுதீன் முதலியோர் இதனை ஏற்றுக் கொள்கிறார்களா இல்லையா?.

10.  மேலே, “திருச்சியில் நடைப்பெற்ற சங்கராச்சாரியார் பிறந்த தின விழாவில் நாம் உரையாற்றியபோது, யார் மனதையும், எந்த மதத்தையும் குறைவாக பேசவில்லை என்பதைத் தெரிவித்துக் கொள்கிறோம்”, என்றுதான் உள்ளது.

11.  “எல்லோருக்கும் ஆசிர்வாதம்” என்கிறார், ஏற்றுக் கொள்வார்களா?.

12.  “ஏசுவே சிலுவையில் மரிக்கவில்லை”, Crucifixuon பொய் என்கின்றனர் முஸ்லிம்கள்[7]. கிருத்துவர்கள் ஏற்றுக் கொள்வார்களா?

ஆகவே, இந்திய நாட்டில் “செக்யூலரிஸம்” பேசி, இவ்வாறு அனைவரும் கூடி இந்துக்களுக்கு எதிராக செயல்படுவதுதான் தெரிகிறது.

© வேதபிரகாஷ்

08-01-2010


[1] குறிப்பாக இவ்விஷயத்தில் “நக்கீரன்”. இவ்வாறு சிண்டு முடித்துவிடும் வேலையை செய்துகொண்டே இந்துமதம், ஆன்மீகம் என்றெல்லாம் வேறு சஞ்சிகைகள், புத்தகங்கள், தகடுகள் முதலியவற்றை வெளியிட்டு இந்துக்களை ஏமாற்றுகிறது. இதன் புத்தகங்களை விற்பது “திக” என்பதிலிருந்து இதன் “நக்கீரத்தனம்” நன்றாகவே தெரிறது!

[2] வேண்டுமானால் பட்டியல் போட்டுத்தரப்படும், காட்டப்படும். ஆராய்ச்சி என்ற போர்வையிலேயே அத்தகைய அவதூறுகளைப் பதிவு செய்துள்ளார்கள்.

[3] அப்பொழுது ஏன் இவ்வாறு ஒப்பீடு செய்கிறிர்கள் என்று கஞ்சி குடித்த நாத்திக மடாதிபதிகளைக் கேட்கவில்லையே?

[4] அபூ உமர், ஸ்ரீஸ்ரீரவிசங்கர் Vs Dr. ஜாகிர் நாயக் (Debate), முழுவிவரங்களை இங்கே பார்க்கவும்:

http://www.islamkalvi.com/portal/?p=163

[5] ஜாகிர் நாயக்கைப் பற்றிய மாற்றுக் கருத்துகளை இங்ஏ பார்க்கலாம்:

Dr.ஜாகிர் நாயக் அவர்களின் புளுகு மூட்டை அம்பலம் (வீடியோ ஆதாரத்துடன்)

Dr.ஜாகிர் நாயக் இவரைத் தெரியாதவர்கள் இஸ்லாமிய வட்டாரத்தில் யாரும் இருக்க முடியாது.அது போலவே மற்ற மதங்களை சேர்ந்தவர்களும் இவரை நன்கு அறிந்து இருப்பார்கள்.அவ்வளவு அருமையான விவாத திறமை உடையவர்.இஸ்லாமை காப்பாற்ற எந்த ஒரு பொய்யையும் துணிந்து சொல்லக்கூடியவர்.எதிர் அணியில் இவரோடு விவாதம் செய்யும் நபர்களின் பலவீனங்களை நொடிப்பொழுதில் பயன்படுத்தி அவர்களை வீழ்த்தி மகிழ்ச்சி அடைபவர்.அதற்காக எந்த ஒரு தவறான தகவலையும் தரக்கூடியவர்.ஏன் குரான்,ஹாதீஸ் வசனங்களை கூட  இவர் விரும்பியபடி வளைத்து விஞ்ஞான பூர்வமாக ஆக்கி அர்த்தம் சொல்லக்கூடியவர்.இவ்வளவு புகழுக்குரிய இவருடைய முகமூடிகள் அநேக தரம் கிழிக்கப்பட்டு வருகிறது.

http://sathyavaan.blogspot.com/2008/07/dr.html

[6] “எல்லாமே கடவுள்தாம்” என்பதற்கும் “எல்லாமே கடவுளையுடையது” என்பதற்கும் வித்தியாசம் காண்கிறார்களாம். பிறகெப்படி, கடவுள் தன்னுடைய உருவத்தில் மனிதனைப் படைத்தான்?

[7] இதைப் பற்றி பல புத்தகங்கள் உள்ளன. ஏன் குரான் தான் அத்தாட்சி என்று முஸ்லிம்கள் கூறுகின்றனர். கிருத்துவர்கள் தமது பைபிள் சொலவதை விடுத்து, ஏற்றுக்கொள்வார்களா?