Archive for the ‘பாடல்’ Category

இந்து ஆன்மிக மற்றும் சேவைகள் கண்காட்சி 2020 மற்றும் பாரதிய இதிகாச சங்கலன சமிதி [3]

பிப்ரவரி 8, 2020

இந்து ஆன்மிக மற்றும் சேவைகள் கண்காட்சி 2020 மற்றும் பாரதிய இதிகாச சங்கலன சமிதி [3]

பலவிதமான நிறுவனங்கள், அமைப்புகள் மற்றும் குழுக்கள், குறிப்பிட்ட  கருத்து, திட்டம் அல்லது குறிக்கோள் கொண்டு அரங்கங்கள் அமைக்கப் பட்டுள்ளது தெரிகிறது. சிலர், வியாபார ரீதியில் அரங்குகளை வைத்துள்ளதும் புரிகிறது. கைப்பைகள், அழகுப் பொருட்கள், விளக்கு மறைப்புகள் போன்றவற்றை விற்பதால் என்ன சேவை செய்யப் படுகிறது என்று தெரியவில்லை.

Selling hand bags etc

கைப்பைகளை விற்கும் ஸ்டால்

Hand bag selling stall

“கல்யாண மாலை” போன்ற ஸ்டால், “வேதிக் மாட்ரிமோனி” என்று பெயர் வைத்து விட்டனர்! உங்கள் மகள் மற்றும் மகன் திருமணம் தாமதப் படுகிறதா, எங்கள் ஜோதிடர்களை அணுகவும்.

Vedic matrimony

இந்திய தொல்லியல் துறை- பல புகைப் படங்களை வைத்தது.

Archaeology dept

ஶ்ரீ கணபதி சச்சிதானந்த ஸ்வாமிகளின் அவதூதர் மடம், மைசூர்.

Avadhuta peetam

பாரத மேப் – முன்னோடிகள், நாயகர்கள் சித்தரிப்புகளுடன்

Bharath with Great men and women

விஜயபாரத பதிப்பகம், பாரதிய இதிகாச சங்கலன சமிதிக்கு அடுத்த ஸ்டால்.

BISS- next to Vijayabharatam publications

28-01-2020 அன்று, பாரதிய இதிகாச சங்கலன சமிதி – நான்கு மேஜைகள் பொருட்கள் எடுத்துச் சென்றதால் காணப்படும் நிலை!

BISS how, it was emptied can be noted

28-01-2020 அன்று இந்த அரங்கு இல்லை, 29-01-2020 அன்று காலை வந்து பார்த்த போது 20 மேஜைகள் வைத்து, அமைத்துள்ளார்கள். அத்திவரதர் வைக்க 10 மேஜைகளைப் பயன்படுத்தி உள்ளார்கள்!

The stall with 20 tables

29-01-2020 அன்று மறுபடியும் மேஜைகளைக் கொண்டு வந்து தயார் படுத்தும் நிலை,…. இந்த மரமேஜைகள் கனமாக இருந்தன. நாகராஜன் மறுபடியும் நான்கு மேஜைகள் கொண்டு வந்தார்! 30-01-2020 வந்தபோது, அதில் ஒன்று குறைந்திருந்தது!

BISS again setting up as tables taken away

“லெமன் க்ராஸ்” என்பது ஒரு வகை புல் இனத்தைச் சார்ந்த மூலிகை, தமிழில் “வாசனைப் புல்”, “எலுமிச்சைப் புல்” மற்றும் “இஞ்சிப் புல்” எனலாம். அதிகமாக விளையும் இது, பராமரிப்புகள் எதுவும் இல்லாமலே காடுகளிலும் மலைகளிலும் தானாக வளர‌க்கூடிய புற்செடி. இது எல்லா வகையான‌ மண் வகைகளிலும், சத்துக் குறைவான மண்களிலும், களர் நிலங்களிலும் மற்றும் உவர் மண்களிலும்கூட‌ வளரக்கூடியது! வீட்டிலும் தொட்டிகளில் வைத்துக் வளர்க்கலாம். திரு நாகராஜன், பாரத மருத்துவ சரித்திரத்தில், இது வருவதால், ஒரு உதாரணமாக கொண்டு வந்து பலருக்கும் இலவசமாக சமிதி சார்பில் விநியோகம் செய்தார்.

Nagarajan with Lemon grass linking with history

அதற்கான விளக்கமும் கொடுக்கப் பட்டது.

Nagarajan explaining about Lemon grass

இலவசமாகக் கொடுக்கப் பட்ட, லெமன்கிராஸ் செடியை சுமார் 100 பேர் கொண்டு சென்றனர்!

Lemom grass evoked reponse to get it

அழகான பொம்மைகளை கைகளால் செய்து வைக்கும் பெண்மணி..

Doll making, creative

காயத்ரி சேத்னா குழுமம், சென்னை…..

Gayathri - anything can be sold-2

காயத்ரி சேத்னா குழுமம், சென்னை…..விளக்கப் படங்களை வைக்கும் இன்னொரு தொண்டர்….

Gayathri - anything can be sold

சிற்ய்தெய்வம், குறுதெய்வம், எல்லை தெய்வம், குலதெய்வம் என்றெல்லாம் சொல்லப் படும், தாய் தெய்வ வழிபாடு…

Goddesses worship stalls

சக்தி வழிபாடு – காளி பக்தர்…..யானன்!

Kali devotee

காஞ்சிமட அரங்குகள் – பல வைக்கப் பட்டன…….கல்வி, மருத்துவம்…..என்று பல சேவைகள்……

Kanchi mutt stalls

க்ஷேத்திர தரிசனம் – பல புண்ணிய ஸ்தலங்களுக்கு சென்று வர…….

Khetra darshanam

நேலவாரா கோஷால, இம்முறை சில மத்வ சம்பிரதாய அமைப்புகள் கலந்து கொண்டுள்ளன.

Nelavara Goshala

ஹிந்து மிஷன் மருத்துவ மனை – இப்பொழுது பலவிதங்களில், எல்லோருக்கும் சேவை செய்து வருகின்றது.

Hindu Mission Hospital

ஶ்ரீநாராயணாஸ்ரம தபோவனம்….

Naraanashrama Tapovanam

ஶ்ரீராமகிருஷ்ண மடம் அரங்குகள்………………………

RKM

மூரல், வண்ணச் சித்திரங்கள் என்று ரூ.பல ஆயிரங்களில் விற்கப்படும் சித்திரங்க்கள் / படங்கள்!

Selling murals

ருத்ராக்ஷம், ருத்ராக்ஷ மாலை, மோதிரம், மான் தோல் போன்ற உடை, கயிறுகள், ………என்று விற்கப் படும்……

Selling rudrakasha and its accessories

ஓராசிரியர் பள்ளி, இது செயல் பட்டு வருகிறது….வரவேற்பும் இருக்கிறது……

Single teacher school

ஶ்ரீ சித்த கங்கா மடம், துமகூரு. சமீபத்தில் இதன் 109 வயதான ஸ்வாமிஜி சமாதி அடைந்தார்.

Sree Siddhaganga Mutt

திரி-சக்தி என்ற அமைப்பு…………….

Tri Sakti

பசு, பசுவின் மூலம் கிடைக்கும் பொருட்கள், அவற்றை வைத்துச் செய்யப்படும் பொருட்கள் என்று சில அரங்குகள் இருந்தன. அவை கிளினிகள் முறையில் அறிக்கைகள் பெற்று செயல் பட்டால், இன்னும் சிறப்பாக இருக்கும் என்று தோன்றுகிறது.

Ushes Educational Trust

இம்முறை, வள்ளாலார் / ராமலிங்க அடிகள் குழுக்கள் அதிகமாக பங்கு கொண்டுள்ளன.

Vallalar group

வனவாசி சேவா கேந்திரம், ஆராய்ச்சி , சேவை ரீதியில் இவர்கள் எல்லா இடங்களிலும் தங்களது நிலையை பதிவு செய்ய / ஆவணப் படுத்த வேண்டும்.

Vanavasi Kendra

பெண்களுக்கு உரித்தான உரிமைகளை அளிப்பது…….

Women empowerment

வேதபிரகாஷ்

07-02-2020

இந்து ஆன்மிக மற்றும் சேவைகள் கண்காட்சி 2020 மற்றும் பாரதிய இதிகாச சங்கலன சமிதி [1]

பிப்ரவரி 7, 2020

இந்து ஆன்மிக மற்றும் சேவைகள் கண்காட்சி 2020 மற்றும் பாரதிய இதிகாச சங்கலன சமிதி [1]

HSSF 2020 kannagi-revering womanhood

2009 முதல் 2020 வரை வளர்ந்த கண்காட்சி: தமிழகத்தில் ஆண்டுதோறும் நடைபெறும் ஆன்மிகம் சார்ந்த ஒரே கண்காட்சி என்ற பெருமையைக் கொண்டது ஹிந்து ஆன்மிக சேவை கண்காட்சி. கடந்த 2009- ஆம் ஆண்டு சென்னையில் சிறிய அளவில் தொடங்கப்பட்ட இந்தக் கண்காட்சி, படிப்படியாக வளா்ந்து இந்தியாவின் பல்வேறு மாநிலங்களில் சிறப்பாக நடத்தப்பட்டு வருகிறது[1]. இந்து ஆன்மிக மற்றும் சேவை மையமும், பண்பு மற்றும் கலாசார பயிற்சி முனைவு அறக்கட்டளையும் இணைந்து இந்தக் கண்காட்சியை நடத்தி வருகின்றனா்.

  1. வனம் மற்றும் வன விலங்குகளைப் பாதுகாத்தல்,
  2. சுற்றுச்சூழலை பராமரித்தல்,
  3. ஜீவராசிகளைப் பேணுதல்,
  4. பெற்றோர், பெரியோர் மற்றும் ஆசிரியா்களை வணங்குதல்,
  5. பெண்மையைப் போற்றுதல்,
  6. நாட்டுப்பற்றை ஊட்டுதல்

ஆகிய ஆறு கருத்துக்களை முன்வைத்து, ஆறு நாள்கள் நடைபெற்று வரும் கண்காட்சியை ஆண்டுதோறும் லட்சக்கணக்கான பொதுமக்கள் பார்வையிட்டனா்[2]. ஹிந்து ஆன்மிக சேவை கண்காட்சியை முன்னிட்டு, பள்ளி மாணவா்களுக்கு ஒளவையார் பாடல், பாரதியார் பாடல், போன்ற பாடல்கள் ஒப்புவிக்கும் போட்டிகள், கில்லி, கோலி போன்ற பாரம்பரிய விளையாட்டுப் போட்டிகள் சிலம்பம், மல்லா் கம்பம், போன்ற சாகச விளையாட்டுப் போட்டிகள் உள்ளிட்ட ஆயிரத்திற்கும் மேற்பட்ட தலைப்புகளில் போட்டிகள் நடத்தப்பட்டன. காலிறுதி, அரையிறுதிப் போட்டிகள் முடிவடைந்த நிலையில் இறுதிப் போட்டிகள் கண்காட்சி வளாகத்தில் நடைபெற்று பரிசுகள் வழங்கப் பட்டன..

HSSF 2020 kannagi

பெண்மையினை போற்றுவோம்: பத்தினி தெய்வமான கண்ணகியைக் கண்காட்சியின் அடையாளச் சின்னமாக வைத்துள்ளனர்[3]. இதற்காகக் கண்காட்சி அரங்கத்தின் முன்பு கண்ணகிக்கு பிரமாண்டமாக சிலை வைக்கப்பட்டுள்ளது[4].  அமைப்பாளர்கள் வெளியிட்டுள்ள “பெண்மையை போற்றுவோம்” [Revering womanhood] என்ற தொகுப்புப் புத்தகம், மிகவும் பயனுள்ளதாக உள்ளது. எப்படி வேதகாலத்திலிருந்து, பெண்மை மேம்பட்டிருந்தது என்பதனை உதாரணங்களுடன் விளக்கப்பட்டன. அதிதி, பிரம்மி, அப்சரஸ், மத்ஸ்யகந்தி, ஊர்மிளா, மணிமேகலை,  கேளடி சென்னம்மா, ராணி துர்காவதி, சாவித்ரி பூலே, லுத்பன்னிஸா இம்தியாஸ், சுபத்ரா குமாரி சௌஹான், க்ன்ஹோபாத்ரா, சத்யபாமா, சுடலா-யோகினி, பிரதிமா தேவி, எம்.எஸ்.சுப்புலக்ஷ்மி, கங்குபாய் ஹங்கால் என்று பல துறைகளில் சிறந்த பெண்மணிகள் குறிப்பிடப்பட்டனர்.

Goddesses of various temples

ஆறு மையக் கருத்துகளை போற்ற நடந்த நிகழ்ச்சிகள்: இந்தக் கண்காட்சியில் பெருமளவில் மக்களை வரவழைப்பதற்காகவும், கண்காட்சியின் பின்ணணியில் உள்ள தத்துவங்களைப் பரப்புவதற்காகவும் பல்வேறு முன்னோட்ட நிகழ்ச்சிகள் நடத்தப்பட்டு வருகின்றன. அந்த வகையில், 10 ஆயிரம் மாணவர்கள் பங்கேற்ற பிரமாண்ட யோகாசனப் பயிற்சி சென்னையில் திங்கள்கிழமை நடைபெற்றது. கோவை ஓசோன் யோகா மைய நிறுவனரும் 98 வயதிலும் யோகாசன பயிற்சி அளித்து வந்த நானம்மாள் மகனுமான பாலகிருஷ்ணன் நிகழ்ச்சியைத் தொடங்கி வைத்தார். ஹிந்து ஆன்மிக கண்காட்சியின் ஆறு கருத்துகளின் அடிப்படையில் யோகாசனங்கள் நிகழ்த்தப்பட்டன. வனம் மற்றும் வன விலங்குகளை பாதுகாத்தல் என்ற கருத்தை முன்வைத்து சமஸ்திதி ஆசனம் எனப்படும் உடலை ஒரே நிலையில் வைத்திருக்கும் வகையில் 5 ஆசனங்கள் செய்யப்பட்டன.  மரத்தைக் குறிக்கும் வகையில் விருக்ஷ ஆசனம், கருடப் பறவையைக் குறிக்கும் வகையில் கருடாசனம் மற்றும் புஜங்காசனம், மர்ஜர்யாசனம், வியாகராசனம் ஆகியவை நிகழ்த்தப்பட்டன. ஜீவராசிகளைப் பேணுதல் என்ற கருத்தை முன் வைத்து தோப்புக்கரணம், திரியக்க தடாசனம், கஜாசனம் மற்றும் கோமுகாசனம் ஆகிய ஆசனங்களை மாணவர்கள் செய்தனர். சுற்றுச்சூழலைப் பராமரித்தல் என்ற கருத்தில் பாத ஹஸ்தாசனம், மத்ஸ்யாசனம் மற்றும் மக்ராசனம் ஆகியப் பயிற்சிகள் நிகழ்த்தப்பட்டன.  பெற்றோர் பெரியோர் மற்றும் ஆசிரியர்களை வணங்குதல் என்ற கருத்தை முன் வைத்து பிரணமாசனம், சஷாங்காசனம் மற்றும் சாஷ்டாங்க நமஸ்காரம் ஆகிய யோகங்கள் பயிலப்பட்டன. பெண்மையைப் போற்றுதல் என்ற கருத்தில் திரிகோணாசனம், தித்தளியாசனம், சித்தி யோனியாசனம் ஆகியப் பயிற்சிகள் நிகழ்ந்தன.

Stalls, general view

500க்கும் மேற்பட்ட அரங்குகள்: நாட்டின் பாரம்பரியம், பண்பாடு மற்றும் சேவையை எடுத்துக்காட்டும் வகையில் ஒவ்வொரு ஆண்டும் இந்து ஆன்மீக கண்காட்சி சென்னையில் நடத்தப்பட்டு வருகிறது. அந்த வகையில், 11ஆவது இந்து ஆன்மிக மற்றும் சேவை கண்காட்சியை சென்னை வேளச்சேரியில் உள்ள குருநானக் கல்லூரியில், சத்குரு ஸ்ரீ மாதா அமிர்தானந்தமயி தேவி 28-01-2020 அன்று தொடங்கி வைத்தார்[5]. பிப்ரவரி 3ஆம் தேதி வரை ஆறு நாட்கள் இந்த கண்காட்சி நடைபெற்றது. தினமும் காலை 9 மணி முதல், இரவு 9 மணி வரை கண்காட்சியை காண ஏற்பாடு செய்யப்பட்டது. இந்த கண்காட்சியில் 500க்கும் மேற்பட்ட அரங்குகள் அமைக்கப்பட்டுள்ளன. மேலும் பெண்மையைப் போற்றுதல், வனம் மற்றும் வன விலங்குகளைப் பாதுகாத்தல் உள்ளிட்ட கருத்துக்களையும் இந்த கண்காட்சி முன்வைத்தது[6].அனைத்து தரப்பு மக்களின் குடும்பம், ஆரோக்கியம், செல்வம் உள்ளிட்டவை செழிக்க வேள்விகள், தெருக்கூத்துகள், நாடகங்கள், ஶ்ரீவில்லிப்புத்தூர் ஆண்டாள் கல்யாணம் உள்ளிட்ட பல்வேறு நிகழ்ச்சிகள் தினமும் நடைபெற்றன[7].

Spiritual or otherwise phone is important

இந்திய ராணுவ வீரர்கள் போற்றப் பட்டது: இறுதி நாளான 03-02-2020 அன்று, இந்து ஆன்மிகத்தில் புதைந்துள்ள ஆறு நற்பண்புகளில் ஒன்றான ‘நாட்டுப்பற்றை வளர்த்தல்- பாரதமாதா, பரம்வீர் வந்தனம்’ என்ற தலைப்பில் தேசப்பற்றை மாணவர்களுக்கு ஊட்டும் வகையில் ராணுவ வீரர்களைப் போற்றி வணங்கும் நிகழ்ச்சி நடந்தது[8]. இதில் புகழ்பெற்ற விமானப்படை வீரர் அபிநந்தனின் தந்தை ஏர்மார்ஷல் வர்தமான், முன்னாள் தேர்தல் ஆணையர் கோபால் சாமி, மேஜர் ஜெனரல் முரளி கோபாலகிருஷ்ணன், கமாண்டர் டி.ஹரி ஆகியோர் ராணுவத்தில் தாங்கள் பெற்ற அனுபவங்களை மாணவர்களிடம் பகிர்ந்து கொண்டனர். தாய்நாட்டுக்காக உயிரை தியாகம் செய்த 21 ராணுவ வீரர்களின் படங்கள் மேடையில் அலங்கரித்து வைக்கப்பட்டு இருந்தது. ஒவ்வொரு வீரரின் பெயர் ஒலிபெருக்கியில் அறிவிக்கப்பட்டதும் பிரமாண்ட எல்.இ.டி. திரையில் அந்த வீரரின் படமும் அவர் எந்த போரில் ஈடுபட்டார் என்ற விவரமும் வெளியானது. அப்போது ராணுவ உடையணிந்த மாணவர்கள் மறைந்த வீரர்களின் படங்களுக்கு முன்பு மரியாதை செலுத்தினர். தேசிய மாணவர் படையினர் அணிவகுத்து வந்து மரியாதை செலுத்தினார்கள். பரம்வீர் சக்ரா குறித்து குறும்படமும் திரையிடப்பட்டது.

03-02-2029 Srinivasa Kalyanam

03-02-2020 அன்று ஶ்ரீனிவாச கல்யாணத்துடன் கண்காட்சி முடிந்தது: பாரத கலா மந்திர் சார்பில் நாட்டியாஞ்சலி, இளைஞர்களுக்கான போட்டிகள், கலை நிகழ்ச்சிகள், நாட்டுப்பற்றை வளர்த்தல், பெண்களை போற்றும் கள்ளர்களின் வாழ்வியல் முறை நிகழ்ச்சிகள் நடந்தது. கோவையில் இருந்து வந்திருந்த ஆதியோகி ரதம், ஆந்திர மாநிலத்தில் உள்ள காணிப்பாக்கம் விநாயகர் கோவில் ரதம் உள்ளிட்ட கோவில் ரதங்களை பார்வையிட்டனர். கண்காட்சியில் 03-02-2020 அன்று, மாலை 6.15 மணிக்கு திருமலை-திருப்பதி தேவஸ்தானம் சார்பில் சீனிவாச திருக்கல்யாண நிகழ்ச்சி நடந்தது. இதில் திருமலையில் இருந்து ஸ்ரீசீனிவாச பெருமாள் மற்றும் ஸ்ரீதேவி, பூதேவி தாயார் சிலைகள் கொண்டு வரப்பட்டு திருக்கல்யாண நிகழ்ச்சி நடந்தது. ஆயிரக்கணக்கான பக்தர்கள் கலந்து கொண்டு சாமி தரிசனம் செய்தனர். நாமசங்கீர்த்தனம், விஸ்வசேன ஆராதனம், புண்ணியாகவாசனம் உள்ளிட்ட பல்வேறு பூஜைகள் நடத்தப்பட்டன. அவ்வப்போது பக்தர்கள் பக்தி பரவசத்துடன் ‘கோவிந்தா கோவிந்தா’ என்று முழக்கமிட்டனர். நிறைவு நாளானநேற்று 2 லட்சம் பேர் கண்காட்சியை பார்வையிட்டனர். சென்னையில் கடந்த ஆறு நாட்கள் நடந்த இந்து ஆன்மிக கண்காட்சியில் மொத்தம் 18 லட்சம் பேர் பார்வையிட்டனர் என்று அறங்காவலர் ஆர்.ராஜலட்சுமி கூறினார்[9]. நிகழ்ச்சியில் துக்ளக் ஆசிரியர் எஸ்.குருமூர்த்தி, பண்பு மற்றும் கலாசார பயிற்சி முனைவு அறக்கட்டளை அறங்காவலர் ஆர்.ராஜலட்சுமி, தியாகராயநகரில் உள்ள திருமலை-திருப்பதி தேவஸ்தானம் கோவிலின் உள்ளூர் ஆலோசனை குழு தலைவர் சேகர் ரெட்டி, குழு உறுப்பினர் பி.வி.ஆர்.கிருஷ்ண ராவ் உள்ளிட்ட பலர் கலந்து கொண்டனர்[10].

03-02-2029 Srinivasa Kalyanam-audience

கண்காட்சியை தடுக்க நடந்த சதிகள்: கனிமொழி போன்றோர் இந்துவிரோத தோரணையில் பேசியது நினைவில் கொள்ள வேண்டும்[11]. “ஆசிரியர்கள் மீது நாங்கள் மிகுந்த மரியாதை வைத்திருக்கிறோம். அவர்கள் மாணவர்களின் எதிர் காலத்தை மேம்படுத்த உழைக்கின்றனர். ஆனால் சென்னையில், இந்து மதவாத அமைப்புகள் ஒரு கண்காட்சியை நடத்துகின்றன. அதில் 1800க்கும் மேற்பட்ட ஆசிரியர்கள் பங்கேற்கின்றனர். அந்நிகழ்ச் சியின் தொகுப்பினை, பள்ளிக் குழந்தைகள் பார்க்குமாறு கட்டாயப் படுத்தப்படுகின்றனர். பூஜைகள் செய்யுமாறு வற்புறுத்தப்படுகின்றனர். இது புதிய கல்விக் கொள்கைத் திட்டத்தின் ஒரு பகுதியே’’, இவ்வாறு அவர் பேசினார்[12]. சென்னையில் நடைபெறும் இந்து ஆன்மிக கண்காட்சியை தடைசெய்ய வேண்டுமென காவல் ஆணையர் அலுவலகத்தில் புகார் அளிக்கப்பட்டது. சென்னை மீனம்பாக்கம் தனியார் கல்லூரியில் இந்து ஆன்மிக கண்காட்சி நடைபெற்றது. இந்த கண்காட்சிக்கு தடைவிதிக்க கோரி இந்திய தேசிய லீக் கட்சி சார்பில் சென்னை காவல் ஆணையர் அலுவலகத்தில் புகார் அளிக்கப்பட்டது[13]. இதனை அக்கட்சி தலைவர் தடா ரஹீம் கொடுத்தார். இந்து ஆன்மீக கண்காட்சியில் இஸ்லாமியர்கள் மற்றும் கிறிஸ்துவர்களை பற்றி தவறான கருத்துகள் பரப்புரை செய்யப்படுவதாக மனுவில் தெரிவிக்கப்பட்டது[14]. இவற்றை எல்லாம் மீறித்தான் வெற்றிகரமாக நடந்து கொண்டிருக்கிறது.

© வேதபிரகாஷ்

07-02-2020

HSSF 2020 kannagi-WIN tv

[1] தினமணி, நாளை முதல் 6 நாள்கள் ஹிந்து ஆன்மிகசேவை கண்காட்சி, Published on : 28th January 2020 11:09 AM

[2] http://dinamani.com/religion/religion-news/2020/jan/28/11th-hindu-spiritual-and-science-fair-2020-at-guru-nanak-college-3342755.html

[3] விகடன், கண்ணகிக்கு பிரமாண்ட சிலை; 6 மையக் கருத்துகள்!’- சென்னையில் 11-வது இந்து ஆன்மிக கண்காட்சி, ராம் சங்கர் ச, பிரியங்கா.ப, Published:29 Jan 2020 12 PMUpdated:29 Jan 2020 12 PM

[4] http://vikatan.com/news/tamilnadu/11th-hindu-spiritual-exhibition-starts-in-chennai

[5] தினத்தந்தி, 11வது இந்து ஆன்மீக கண்காட்சி : “பிப்.3-ம் தேதி வரை கண்காட்சி நடைபெறும்,” பதிவு : ஜனவரி 29, 2020, 09:38 AM.

[6] http://thanthitv.com/News/TamilNadu/2020/01/29093843/1066579/11th-Hindu-Spiritual-Services-Fair2020.vpf

[7] தி.இந்து, 11-வது இந்து ஆன்மிக, சேவை கண்காட்சி நிறைவு: 18 லட்சம் பக்தர்கள் பார்வையிட்டனர், Published : 04 Feb 2020 07:29 AM, Last Updated : 04 Feb 2020 07:29 AM

[8] http://hindutamil.in/news/tamilnadu/537914-hindu-religious-service-exhibition.html

[9] தினத்தந்தி, சென்னையில் 6 நாட்களாக நடைபெற்ற இந்து ஆன்மிக கண்காட்சியை 18 லட்சம் பேர் பார்வையிட்டுள்ளனர், பதிவு: பிப்ரவரி 04,  2020 04:30 AM

[10] http://dailythanthi.com/News/State/2020/02/04040830/18-lakhs-have-visited-the-Hindu-Spiritual-Exhibition.vpf.

[11] வேதபிரகாஷ், இந்து ஆன்மிகக் கண்காட்சி என்ற பெயரில் பள்ளி மாணவர்களைப் பாத பூஜை செய்ய வைப்பது சரியா?, ஆகஸ்ட்.10, 2016.

[12] http://dravidianatheism2.wordpress.com/2016/08/10/hindu-spiritual-and-services-fair-kanimozhi-questioning-pada-puja/

[13] நியூஸ்.7, தனியார் கல்லூரியில் இந்து ஆன்மீகக் கண்காட்சி: தடைசெய்யக் கோருகிறார் தடா ரஹீம், August 04, 20, Posted By : Guna

[14] http://ns7.tv/index.php/ta/node/284715

மங்களம்பள்ளி பாலமுரளிகிருஷ்ணா (1930-2016) – இந்திய தேசியத்தின் இசைசின்னமாக, ஆழிசேர் இசையாக, ஊழிவரை ஒலியோடு வாழ்பவர்!

நவம்பர் 24, 2016

மங்களம்பள்ளி பாலமுரளிகிருஷ்ணா (1930-2016) – இந்திய தேசியத்தின் இசைசின்னமாக, ஆழிசேர் இசையாக, ஊழிவரை ஒலியோடு வாழ்பவர்!

dr-m-balamuralikrishna-with-r-venkatraman-and-othersபல மொழிகளில் 400-க்கும் மேற்பட்ட கர்நாடக பாடல்களுக்கு இசையும் அமைத்தவர்: சந்தியராகா (கன்னடம்), சங்கரச்சாரியா (சமஸ்கிருதம்), மாத்வாச்சாரியா (கன்னடம்), ராமானுஜாச்சாரிய (தமிழ்), தலைவனுக்கோர் தலைவி (தமிழ்) போன்ற படங்களுக்கு இசையமைத்துள்ளார். தமிழ், தெலுங்கு, கன்னடம், சமஸ்கிருதம் உள்ளிட்ட பல மொழிகளில் 400-க்கும் மேற்பட்ட கர்நாடக பாடல்களுக்கு இசையும் அமைத்துள்ளார்[1]. கே. வி. மகாதேவன், இளையராஜா, எம். எஸ். விஸ்வநாதன், சங்கர் கணேஷ் உள்ளிட்ட பல தமிழ் படங்களின் இசையமைப்பாளர்களின் இசையில் பாலமுரளி கிருஷ்ணா பாடியிருக்கிறார். அதுமட்டுமல்ல தென்னிந்தியாவில் பிரபலமாக திகழ்ந்த பல இசையமைப்பாளர்களின் இசையிலும் பாடியுள்ளார். இந்திய நாட்டின் உயரிய விருதுகளான பத்மவிபூஷண் [1991][2], பத்மபூஷண், பத்மஸ்ரீ விருதையும், இரண்டு முறை தேசிய விருது, பிரான்ஸ் நாட்டின் உயரிய விருதுகளில் ஒன்றான செவாலியே, சங்கீத கலாநிதி (1975), சங்கீத கலாசிகாமணி விருது உள்ளிட்ட பல விருதுகளை பெற்றுள்ளார்[3]. இருப்பினும் அரசால், இவர் முறைப்படி கௌரவிக்கப்படவில்லை என்று கர்நாடக வித்வான்கள் மத்தியில் கருத்துள்ளது.

s-ranganathan-pattabhiramaiyah-m-balamuralikrishna-papanasam-sivan-and-r-yagnaraman-behind-pattabhiramaiyahகர்நாடக இசையில்லை, இந்திய இசைதான்: கர்நாடக / கருநாடக இசை என்றாலே பொறுமும், உருமும், பம்மும் தமிழ்-பிரிவினைவாதிகள், திராவிடத்துவவாதிகள், இந்திய-விரோதிகள் உள்ளனர். உண்மையில், கர்நாடக சங்கீதம் மற்றும் மைசூர் உணவு வகையறாக்கள் [மைசூர் பாகு, போண்டா, ரசம் முதலியன] கர்நாடகத்தைச் சேர்ந்தவர்கள் அரசில் ஆதிக்கத்தில் இருந்தபோது, ஏற்பட்டநிலையாகும். அரசை ஆண்டவர்கள், தமிழர், தெலுங்கர், கன்னடிகர் என்றுதான் இருந்தனர். அவர்கள் இலக்கியம், கலை, உணவு போன்ற எல்லாவற்றிற்கும் முக்கியத்துவம் கொடுத்தனர். அவற்றின் தரங்களை உயர்த்தி, மதிப்பீட்டுடன், சிறந்தவர்களை உருவாக்கினர். ஆனால், பாடல்கள் எல்லா மொழிகளிலும் இயற்றப்பட்டன, பாடபட்டன. அடிப்படை விசயங்கள் ஒன்றுதான். இதனால்தான், இசை, நடனம் முதலியவை எல்லோரோலும் விரும்ப, ரசிக்க, ஆராதிக்க, போற்ற முடிந்தது. பாரதி சுந்தரத் தெலுங்கினில் பாட்டிசைத்து என்றெல்லாம் பாடியது அத்தகைய ஒருமைப்பாட்டை, ஒற்றுமையைச் சுட்டிக்காட்டத்தான். மொழிவாரி மாகாணங்கள் செயற்கையாக இந்தியர்களை பிரிக்க ஆரம்பித்தது. ஆனால், மறுபடியும் இசை மூலம் அவர்கள் ஒன்றுபட ஆரம்பித்தனர். அங்கு ஜதியம் முதலியவை பார்க்கப்படவில்லை. பாலமுரளிகிருஷ்ண போன்ற கலைஞர்கள் எல்லா மொழிகளிலும் பாட முடிந்தது, விருதுகளையும் பெறமுடிந்தது.

dr-m-balamuralikrishna-with-jayalalita-cmகர்நாடக இசையில்லை, இந்திய இசைதான்: கர்நாடக / கருநாடக இசை என்றாலே பொறுமும், உருமும், பம்மும் தமிழ்-பிரிவினைவாதிகள், திராவிடத்துவவாதிகள், இந்திய-விரோதிகள் உள்ளனர். உண்மையில், கர்நாடக சங்கீதம் மற்றும் மைசூர் உணவு வகையறாக்கள் [மைசூர் பாகு, போண்டா, ரசம் முதலியன] கர்நாடகத்தைச் சேர்ந்தவர்கள் அரசில் ஆதிக்கத்தில் இருந்தபோது, ஏற்பட்டநிலையாகும். அரசை ஆண்டவர்கள், தமிழர், தெலுங்கர், கன்னடிகர் என்றுதான் இருந்தனர். அவர்கள் இலக்கியம், கலை, உணவு போன்ற எல்லாவற்றிற்கும் முக்கியத்துவம் கொடுத்தனர். அவற்றின் தரங்களை உயர்த்தி, மதிப்பீட்டுடன், சிறந்தவர்களை உருவாக்கினர். ஆனால், பாடல்கள் எல்லா மொழிகளிலும் இயற்றப்பட்டன, பாடபட்டன. அடிப்படை விசயங்கள் ஒன்றுதான். இதனால்தான், இசை, நடனம் முதலியவை எல்லோரோலும் விரும்ப, ரசிக்க, ஆராதிக்க, போற்ற முடிந்தது. பாரதி சுந்தரத் தெலுங்கினில் பாட்டிசைத்து என்றெல்லாம் பாடியது அத்தகைய ஒருமைப்பாட்டை, ஒற்றுமையைச் சுட்டிக்காட்டத்தான். மொழிவாரி மாகாணங்கள் செயற்கையாக இந்தியர்களை பிரிக்க ஆரம்பித்தது. ஆனால், மறுபடியும் இசை மூலம் அவர்கள் ஒன்றுபட ஆரம்பித்தனர். அங்கு ஜதியம் முதலியவை பார்க்கப்படவில்லை. பாலமுரளிகிருஷ்ண போன்ற கலைஞர்கள் எல்லா மொழிகளிலும் பாட முடிந்தது, விருதுகளையும் பெறமுடிந்தது.

dr-m-balamuralikrishna-with-bhimsen-joshiபாலமுரளி கிருஷ்ணா பெற்றுள்ள விருதுகள்: இப்பொழுதைய நிலைப்போலில்லாமல், இவரைத் தேடி விருதுகள் வந்தன. இப்பொழுதெல்லாம், அரசியல், அந்தஸ்து, மற்ற பின்னணி, பரிந்துரைக்க ஆதிக்கத்தில் இருக்கும் வியாபாரிகள், தொழிலதிபர்கள் என்ற முறையில் தான் விருதுகள் வழங்கப்படுகின்றன.

  1. பத்மஶ்ரீ(1971).
  2. சங்கீத நாடக அகாதமி விருது, 1975.
  3. சிறந்த பின்னணிப் பாடகர் (ஆண்), 1976; வழங்கியது: இந்தியத் திரைப்பட விருதுகள் அமைப்பு.
  4. சங்கீத கலாநிதி விருது, 1978; வழங்கியது:மியூசிக் அகாதெமி, சென்னை.
  5. சிறந்ததிரைப்பட இசை இயக்குனர், 1987; வழங்கியது: இந்தியத் திரைப்பட விருதுகள் அமைப்பு.
  6. சிறந்த பின்னணிப் பாடகர் (ஆண்), 1987; வழங்கியது: கேரள மாநில திரைப்பட விருதுகள் அமைப்பு.
  7. பத்ம விபூஷண்(1991).
  8. சங்கீத கலாசிகாமணி விருது, 1991; வழங்கியது தி இந்தியன் ஃபைன் ஆர்ட்ஸ் சொசைட்டி.
  9. இசைப்பேரறிஞர் விருது, 2002.
  10. சங்கீத கலாசாரதி (2002).
  11. சிறந்தபாரம்பரிய இசைப் பாடகர், 2010; வழங்கியது: கேரள மாநில திரைப்பட விருதுகள் அமைப்பு.
  12. யுனெஸ்கோ அமைப்பு வழங்கிய மகாத்மா காந்தி வெள்ளிப் பதக்கம்.
  13. செவாலியே விருது, வழங்கியது:பிரான்ஸ்

dr-m-balamuralikrishna-a-house-of-love-a-song அதிசய ராகம்.. ஆனந்த ராகம்என்ற பாடலை உண்டாக்கியவர் பாலமுரளி கிருஷ்ணா ஆனால் பாடியது ஜேசுதாஸ்: இசையில், இசை நுணுக்கங்களில் யாருக்காவது சந்தேகம் இருந்தால், இவரைத்தான் அணுகுவது வழக்கமாக இருந்தது. சாதாரண இசைப்பிரியர்கள், சங்கீதம் கற்பவர்கள், இசை வல்லுனர்கள், பாடகர்கள் என்று பலதரப்பட்டவர்கள் இவரை அணுகி கேட்பர். கே.பாலசந்தர் அபூர்வராகங்கள் என்ற படம் எடுத்தபோது, பாடலில் இதுவரை இல்லாத ஒரு ராகம் வேண்டும் என்று ஆசைப்பட்டிருக்கிறார். அவர் எம்.எஸ்.விஸ்வநாதனிடம் சொல்ல, எம்.எஸ்.வி. தொடர்பு கொண்டது பாலமுரளி கிருஷ்ணாவை. சாதாரணமாக ஒரு ராகத்திற்கு ஐந்து ஸ்வரங்களாவது இருக்க வேண்டும். இவர் நான்கு ஸ்வரங்களை மட்டுமே கொண்ட ‘மகதி’ ராகத்தை உருவாக்கினார். அது பாடலாகவும் பிரபலமானது.  ‘அதிசய ராகம்.. ஆனந்த ராகம்’ என்ற பாடல்தான் அது[4]. ஆனால், அதை இவர் பாடாமல், ஜேசுதாஸ் பாடியது வினோதமே.

dr-m-balamuralikrishna-with-others-mile-suru-mera-tumara-anotherபல அற்புத பாடல்களைப் பாடி, இசையில், நாதத்தில், ஒலியில் வாழ்ந்து கொண்டிருக்கின்றவர்: தமிழில் ‛திருவிளையாடல்’ படத்தில் இவர் பாடிய ‛ஒரு நாள் போதுமா….’, ‛கவிக்குயில்’ படத்தில் ‛‛சின்ன கண்ணன் அழைக்கிறான்…’, ‛கலைக் கோயில்’ என்ற படத்தில், ‛‛தங்கம் ரதம் வந்தது வீதியிலே…”, ‛சாது மிரண்டால்’ படத்தில் ‛‛அருள்வாயே நீ அருள்வாயே…”, ‛சுபதினம்’ படத்தில் ‛‛புத்தம் புது மேனி…”, ‛கண்மலர்’ படத்தில் ‛‛ஓதுவார் உன் பெயர் ஓதுவார்…”, ‛உயர்ந்தவர்கள்’ படத்தில் ‛‛ராமனும் நீயே கிருஷ்ணனும் நீயே…”, ‛நூல் வேலி’ படத்தில் ‛‛மவுனத்தில் விளையாடும் மனசாட்சியே….”, ‛திசைமாறிய பறவைகள்’ படத்தில் ‛‛அருட்ஜோதி தெய்வம்…”, ‛வடைமாலை’ படத்தில், ‛‛கேட்டேன் கண்ணனின் கீதோ உபதேசம்…”, ‛தெய்வத்திருமணங்கள்’ படத்தில் ‛‛தங்கம் வைரம் நவமணிகள்…”, ‛மகாசக்தி மாரியம்மன்’ படத்தில், ‛மகரந்தம் தான் ஊதும், சக்கரவர்த்தி மிருதங்கம் படத்தில், ‛‛கேட்க திகட்டாத கானம்…‛, ‛இசைப்பாடும் தென்றல்’ படத்தில் ‛‛ரகுவர நின்னோ…” போன்ற பாடல்கள் கேட்க கேட்க என்றும் திகட்டாதவை. பாலமுரளி கிருஷ்ணாவின் உடல் சென்னை, ஆர்கேவி சாலையில் உள்ள அவரது இல்லத்தில் அஞ்சலிக்காக வைக்கப்பட்டுள்ளது. அவரின் மறைவு செய்தி கேட்டு பல கர்நாடக இசை பிரபலங்கள், திரையுலகினர்… என பலரும் அவருக்கு அஞ்சலி செலுத்தியும், இரங்கலும் தெரிவித்து உள்ளனர்.

 

© வேதபிரகாஷ்

24-11-2016

ajoy-chakrabarty-and-m-balamuralikrishna-at-the-felicitation-pic-by-s-r-raghunathan

[1] தினமணி, கர்நாடக இசை மேதை பாலமுரளி கிருஷ்ணா மறைவு,  பதிவு செய்த நாள். நவம்பர். 23, 2016. 05.57. பதிவு செய்த நாள். நவம்பர். 23, 2016. 04.02.

[2] http://www.bbc.com/tamil/arts-and-culture-38062440

[3] http://www.dinamani.com/all-editions/edition-chennai/chennai/2016/nov/23/%E0%AE%87%E0%AE%9A%E0%AF%88%E0%AE%AE%E0%AF%87%E0%AE%A4%E0%AF%88-%E0%AE%AA%E0%AE%BE%E0%AE%B2%E0%AE%AE%E0%AF%81%E0%AE%B0%E0%AE%B3%E0%AE%BF-%E0%AE%95%E0%AE%BF%E0%AE%B0%E0%AF%81%E0%AE%B7%E0%AF%8D%E0%AE%A3%E0%AE%BE%E0%AE%B5%E0%AE%BF%E0%AE%A9%E0%AF%8D-%E0%AE%AE%E0%AE%B1%E0%AF%88%E0%AE%B5%E0%AF%81-2603299.html

[4] http://www.vikatan.com/cinema/tamil-cinema/news/73172-the-music-world-mourns-on-dr-m-balamuralikrishnas-sudden-demise.art?artfrm=read_please

சுமார் 11,000 மாணவியர் கலந்து கொண்டு நடத்திய பலமொழி சேர்ந்திசை – இந்து ஆன்மீகம் மற்றும் சேவை கண்காட்சியின் முன்னோட்ட நிகழ்ச்சி!

ஜூலை 24, 2016

சுமார் 11,000 மாணவியர் கலந்து கொண்டு நடத்திய பலமொழி சேர்ந்திசைஇந்து ஆன்மீகம் மற்றும் சேவை கண்காட்சியின் முன்னோட்ட நிகழ்ச்சி!

Bharatiya Ganathon 23-07-2016

மழையை நிறுத்திய இசை மழை: சென்னையில் ஹிந்து ஆன்மிக சேவை கண்காட்சியை முன்னிட்டு 24-07-2016 சனிக்கிழமை நடைபெற்ற  “பாரதீய கானதான்” என்ற சேர்ந்து பாடும் பிரம்மாண்டமான இசை நிகழ்ச்சியில் பல கல்லூரி மற்றும் பள்ளிகளிலலிருந்து வந்து கலந்து கொண்டனர். வண்ண-வண்ண உடைகளில் வந்து அவர்கள் பாடியபோது, சுற்றுப்புறம் மற்றும் வானம் வரை அதிர்ந்தது எனலாம். அதனால், மேகங்கள் கூட மழையினை பெய்விக்காமல் தடுத்து விட்டது போலும். சுமார் 11,000 மாணவிகள் பங்கேற்ற (இடமிருந்து) பத்திரிகையாளர் எஸ். குருமூர்த்தி, தொழிலதிபர் சுரேஷ், டி.சி.எஸ். நிறுவனத் துணைத் தலைவர் ஹேமா கோபால், ஹிந்து ஆன்மிக சேவை கண்காட்சி துணைத் தலைவர் ராஜலட்சுமி, இசைக் கலைஞர் அருணா சாய்ராம், பரதநாட்டியக் கலைஞர் பத்மா சுப்பிரமணியம், பாரதிய வித்யா பவன் தலைவர் சபாரத்தினம், ஆடிட்டர் சுப்பிரமணியம். (வலது) இசை நிகழ்ச்சியில் பங்கேற்ற மாணவ, மாணவிகள். சென்னையில் ஹிந்து ஆன்மிக சேவை கண்காட்சியின் முன்னோட்டமாக எம்.எஸ். சுப்புலட்சுமியின் நூற்றாண்டையொட்டி “ஸ்ரீகிருஷ்ணா யோகத்தான்’ என்ற தலைப்பில் 10,000 மாணவர்கள் பங்கேற்ற இசை நிகழ்ச்சி சனிக்கிழமை (ஜூலை 23) நடைபெற்றது[1].

Bharatiya Ganathon 23-07-2016- these three provided real music

எம்.எஸ். சுப்புலக்ஷ்மியின் நூற்றாண்டு பிறந்த விழா (1606-2015 முதல் 16-09-2016 வரை): செப்டம்பர் 16, 1916ல் எம்.எஸ் பிறந்தார். அதனால், இந்த ஆண்டு செப்டம்பர் 16, 2015லிருந்து நூற்றாண்டு விழா கொண்டாடப்படுகிறது. எம்.எஸ். தந்தை சுப்பிரமணிய ஐயர், பிரபல வழக்கறிஞர். தாய் சண்முகவடிவு, வீணை இசைக் கலைஞர். வீட்டில் குஞ்சம்மா என்று செல்லமாக அழைக்கப்பட்டார்.  5-வது படிக்கும்போது, ஒருநாள் ஆசிரியர் அடித்துவிட, குஞ்சம்மா மயக்கமாகிவிட்டார். சில நாட்களில் உடல்நிலை சரியான பிறகும், குஞ்சம்மாவை இடைவிடாத இருமல் வாட்டியது. அம்மா சண்முகவடிவின் முடிவுப்படி பள்ளிப் படிப்புக்கு முற்றுப்புள்ளி விழுந்தது. ஒருமுறை மேடையில் மகளை ஒரு பாட்டுப் பாடச் சொன்னார் சண்முகவடிவு. ‘மராத்தி’பஜன் ஒன்றைக் குஞ்சம்மா பாட, அந்த இனிய குரலில் அங்கிருந்தவர்கள் சொக்கிப்போனார்கள். குஞ்சம்மாவின் திறமையைக் கண்டறிந்த ரசிகர் ஒருவரின் சிபாரிசின் பேரில், அவருடைய குரலை ஹெச்.எம்.வி. நிறுவனம் பதிவுசெய்து வெளியிட்டது. ‘செஞ்சுருட்டி’ ராகத்தில் மதுரை மீனாட்சி அம்மனைப் போற்றி, ‘மரகத வடிவு’ பாடியபோது குஞ்சம்மாவுக்கு வயது 10. ‘மதுரை சண்முகவடிவு சுப்புலட்சுமி’ என்று கிராமபோன் ரெக்கார்டு லேபிளில் பெயர் அச்சிடப்பட்டது. பிறகு, எம்.எஸ்.எஸ். என்பது சுருங்கி, உலகமே இன்றும் என்றும் உச்சரிக்கும் ‘எம்.எஸ்’ ஆனது! இந்தியாவில் அவரது குரல் ஒலிக்காத இடமே இல்லை, அறியாத ஆளே இல்லை எனலாம்.

MS_Subbulakshmi_with Gandhi

8-வது ஹிந்து ஆன்மிக மற்றும் சேவை கண்காட்சியின் முன்னோட்டமாக நடத்தப்பட்ட நிகழ்ச்சி:  சென்னை மீனம்பாக்கம் ஏ.எம்.ஜெயின் கல்லூரியில் 8-வது ஹிந்து ஆன்மிக சேவை கண்காட்சி ஆகஸ்ட் 2-ஆம் தேதி முதல் ஆகஸ்ட் 8-ஆம் தேதி வரை நடைபெற உள்ளது. ஹிந்து ஆன்மிக சேவை கண்காட்சியின் முன்னோட்டமாக –

  1. சுற்றுச்சூழல் பராமரித்தல்,
  2. பெற்றோர்-ஆசிரியர்-பெரியோர்களை வணங்குதல்,
  3. பெண்மையைப் போற்றுதல்,
  4. எல்லா ஜீவராசிகளையும் பேணுதல்,
  5. நாட்டுப்பற்று,
  6. வனம்-வன விலங்குகளைப் பாதுகாத்தல்

போன்ற ஆறு நோக்கங்களை மையமாகக் கொண்டு இசை நிகழ்ச்சி நடைபெற்றது[2]. இன்றைய காலக்கட்டத்தில் குழந்தைகள், சிறுவர்-சிறுமியர், இளைஞர்கள் பலவித உந்துதல்கள், கவர்ச்சிகள் முதலியவற்றால் ஈர்க்கப்பட்டு, இத்தகைய நற்பண்புகளினின்று அதிகமாகவே விலகி சென்று கொண்டிருக்கின்றனர். அந்நேரத்தில், இக்த்தகைய நிகழ்சிகள் மிகவும் அவசியமாகின்றன. இதில் பரதநாட்டியக் கலைஞர் பத்மா சுப்ரமணியம், கர்நாடக இசைக் கலைஞர் அருணா சாய்ராம் தலைமையில் மாணவ, மாணவிகள் பங்கேற்று சம்ஸ்கிருதம், மராத்தி, தெலுங்கு, இந்தி, தமிழ், கன்னடம், மலையாளம் உள்பட 8 மொழிகளில் பாடல்களைப் பாடினார்கள். இந்த நிகழ்ச்சியில் பத்திரிகையாளர் எஸ்.குருமூர்த்தி, தொழிலதிபர் சுரேஷ், பாரதீய வித்யா பவன் தலைவர் சபாரத்தினம், ஹேமா கோபால் உள்ளிட்ட பலர் கலந்து கொண்டனர். இந்த இசை நிகழ்ச்சியில் சென்னையில் உள்ள பல்வேறு கல்லூரி, பள்ளி, இசைப் பள்ளிகளைச் சேர்ந்த 10 ஆயிரம் மாணவ, மாணவிகள் ஆர்வத்துடன் கலந்து கொண்டனர்.  பத்மா சுப்ரமணியம் முதலில் இந்த கொண்டாட்டம் பற்றி விவரங்களை விளக்கமாக முன்னுரையாகக் கூறினார்.

Bharatiya Ganathon 23-07-2016- Dinathanthi photo

இந்திய மொழிகளில் பாட்டுகள் பாடப்பட்டன: எட்டு மொழிகளில் பாடியபோது, இசைதான் கேட்பவர்களுக்குத் தெரிந்தது, வேறோன்று வித்தியாசமும் தெரியவில்லை. கீழ்கனாட பாடல்கள் பாடப்பட்டன:

எண் பாடல் மொழி மையப் பொருள்
1 மைத்ரிம் பஜதா சமஸ்கிருதம் உலக அன்பு, நட்பு, உறவு
2 ஈஸாவாஸ்ய இதம் சர்வம். சமஸ்கிருதம் அண்ட-பேரண்ட வணக்கம்
3 ஜிஸ் கர் மே இந்தி சிறந்த வீடு எப்படி இருக்கும்
4 பிரபோ கணபதே தமிழ் கஜ – கணபதி வந்தனம்
5 தண்டால தெலுங்கு
6 ஜய ஜெய ஜெய துளாஸி மாதா மராத்தி துளஸி-செடி-கொடிகள்-தாவரங்கள் வழிபாடு
7 ஜோ கனி கன்னடம்
8 காணி நிலம் வேண்டும். தமிழ் பூமிக்கு வணக்கம்
9 மாதா பிதா குரு தெய்வம். மலையாளம் மன்னை, தந்தை, ஆசிரியர் மற்று கடவுள் இவர்களுக்கு வணக்கம்

இந்த ஒவ்வொரு பாட்டிற்கும் சிறப்புண்டு. கேட்பவர்களுக்கு இசைதான் தெரிந்தது. ஒவ்வொரு பாட்டைப் பற்றியும் சிறு குறிப்பு கூறப்பட்டது. உன்னி கிருஷ்ணன் மகள், செல்வி உத்தரா ஒரு பாட்டு தனியாக பாடினாள். இவ்வாறு ஆயிரக்கணக்கில் மாணவிகள் வந்து பாடுவது என்பது சாதாரண நிகழ்சி அல்ல. பல மாதங்களாக ஆசிரியைகள், மாணவிகள், பயிற்சி கொடுப்போர், பெற்றோர் என்று பலர் இதில் நேரிடையாகவும், மறைமுகமாகவும் பங்கு கொண்டு செயலாற்றியுள்ளனர். சேர்ந்து பாடும் முறையே இப்பொழுது குறைந்து வருகிறது.

IMG_20160723_172211101

நினைவுப் பரிசு[3]: இத்தகைய நிகழ்சியை தீடீரென்று நடத்தி விட முடியாதுவீதன் பின்னணியில் பலர் பல மாதங்களாக பாடுபட்டு வந்துள்ளனர். பொதுவாக இந்தியாவில், நிறைய பேர் வேலை / சேவை செய்து விட்டு அமைதியாக, கண்டுகொள்ளாமல், மறைந்தே இருப்பர். அத்தகையோரின் சேவையினல் தான், இத்தகைய நல்ல நிகழ்சிகள் நடந்து கொண்டிருக்கின்றன. இந்த நிகழ்ச்சியில் மாணவர்கள் சேர்ந்திசை பாட உதவிய 10 இசை ஆசிரியர்கள், 3 சிறப்பு விருந்தினர் என 13 பேருக்கு பத்திரிகையாளர் எஸ். குருமூர்த்தி நினைவுப் பரிசுகளை வழங்கினார். இதற்கான ஏற்பாடுகளை பண்பு கலாசார பயிற்சி அறக்கட்டளையின்[4] நிர்வாக அறங்காவலரும், ஹிந்து ஆன்மிக சேவை மையத்தின் துணைத் தலைவர் ஆர்.ராஜலட்சுமி உள்ளிட்டோர் செய்திருந்தனர்.

Bharatiya Ganathon 23-07-2016- started singing.4

இந்து ஆன்மிக கண்காட்சி குறித்து ஆடிட்டர் எஸ்.குருமூர்த்தி கூறியதாவது[5]: “சென்னையில் 2009-ம் ஆண்டு தொடங்கிய இந்த ஒரு சிறிய ஆன்மிக நிகழ்ச்சி இன்று அகில இந்திய அளவில் ஒரு கலாசார இயக்கமாக மாறி வருகிறது. இது அகில இந்திய அளவில் இந்து தர்மத்தை சரியான நோக்கில் பார்க்க வைக்கும் ஒரு பிரமாண்டமான இயக்கமாக உள்ளது. இதில் ஏற்க முடியாத கருத்துகளோ, சிந்தனைகளோ, நிகழ்ச்சிகளோ அல்லது அமைப்புகளோ இல்லை. மாறாக எல்லோரும் ஏற்க கூடிய 6 நற்கருத்துகளும், சிந்தனைகளும் இதில் உள்ளது. அப்படியானால் ஏன் இதற்கு இந்து ஆன்மிக சேவை கண்காட்சி என்று பெயர் வைத்துள்ளர்கள் என்று கேட்கலாம், ‘இந்துஎன்பது நாட்டின் பாரம்பரிய வாழ்க்கை முறை என்று தான் அர்த்தம்[6]. இது ஒரு குறிப்பிட்ட மதம் சார்ந்த நிகழ்ச்சி இல்லை. 1996-ம் ஆண்டு சுப்ரீம் கோர்ட்டு வழங்கிய தீர்ப்பில், இந்து ஆன்மிக மற்றும் சேவை கண்காட்சியை நடத்துவது ஒரு சேவை அமைப்பு என்று கூறி உள்ளது[7]. எனவே வருமானவரித் துறையும் வரிவிலக்கு அளித்து உள்ளது.”
Bharatiya Ganathon 23-07-2016- the venue was full with young singers.3

இந்து ஆன்மீகம் மற்றும் சேவை கண்காட்சியின் நிகழ்ச்சி நிரல்: குருமூர்த்தி தொடர்ந்து பேசியது,அந்தவகையில் 8-வது இந்து ஆன்மிக மற்றும் சேவை கண்காட்சி ஆகஸ்டு 2-ந்தேதி மீனம்பாக்கம் .எம்.ஜெயின் கல்லூரி வளாகத்தில் தொடங்குகிறது[8]. தினசரி காலை 9.30 மணி முதல் இரவு 8 மணி வரை கண்காட்சியை பொதுமக்கள் பார்வையிடலாம். 2-ந்தேதி (செவ்வாய்க்கிழமை) மாலை 4 மணிக்கு வடஇந்திய மாநிலங்களைச் சேர்ந்த பெண்கள் கலந்துகொள்ளும்கங்கா காவிரி தீர்த்த மங்கல கலச யாத்திரைநிகழ்ச்சி நடக்கிறது. மாலை 5.30 மணிக்கு தொடக்க விழா நடக்கிறது. பதஞ்சலி யோகா பீடம் நிறுவனர் பாபா ராம்தேவ் கலந்து கொண்டு கண்காட்சியை தொடங்கிவைக்கிறார். 3-ந்தேதி (புதன்கிழமை) முதல் 8-ந்தேதி வரை 6 நற்குணங்களை மையமாக வைத்து நிகழ்ச்சிகள் நடத்தப்படுகிறது.

  1. சுற்றுச்சூழலை பாதுகாத்து, பராமரித்தலை வலியுறுத்தும் வகையில்கங்காபூமி வந்தனம்நிகழ்ச்சி,
  2. குடும்பநலன்சமூக நலனை போற்றி பாதுகாத்து பெற்றோர்ஆசிரியர் மற்றும் பெரியோர்களை வணங்கும் வகையில்குரு வந்தனம்நிகழ்ச்சி,
  3. பெண்மையை போற்றும் வகையில்கன்யா வந்தனம்நிகழ்ச்சி,
  4. சுற்றுச்சூழலை நிலையாக வைத்திருப்பதை மையமாக வைத்து பசு, யானையை வைத்து துளசிவந்தனம் நிகழ்ச்சிகள்,
  5. நாட்டுப்பற்றை போற்றும் வகையில்பாரத் மாதா வந்தனம்’, ‘பரம்வீர் வந்தனம்நிகழ்ச்சியும்,
  6. வனம் மற்றும் வன விலங்குகளைப் பாதுகாத்தல்அனைத்து உயிரினங்களையும் பேணும் வகையில்விருட்சவந்தனம்’, ‘நாக வந்தனம்நிகழ்ச்சியும் நடத்தப்படுகிறது.

இதுதவிர நாட்டிய நிகழ்ச்சிகள், வள்ளித்திருமணம், ‘கிருஷ்ணாஇசை நடன நிகழ்ச்சி, வாதாபி சூரசம்ஹாரம், தெருக்கூத்து என்று பல நிகழ்ச்சிகள் நடத்தப்படுகிறது. மாணவர்களை ஊக்குவிக்கும் வகையில் இறுதி போட்டிகள் நடத்தப்பட்டு பரிசுகளும் வழங்கப்படுகிறது. அனைவரும் இதனை இலவசமாக கண்டுகளிக்கலாம்”,  இவ்வாறு அவர் கூறினார்[9].  மேலும் விவரங்கள், புகைப்படங்களுக்கு இங்கு பார்க்கவும்[10].

 

© வேதபிரகாஷ்

24-07-2016

Bharatiya Ganathon 23-07-2016- the venue was full with young singers.2

[1] இது “ஸ்ரீகிருஷ்ணா யோகத்தான்’ இல்லை “பாரதீய கானதான்”! நிருபர் சரியாகப் புரிந்து கொள்ளவில்லை போல தோன்றுகிறது.

[2] தினமணி, ஹிந்து ஆன்மிக சேவை கண்காட்சி முன்னோட்டம், By dn, சென்னை, First Published : 23 July 2016 11:48 PM IST

[3]http://www.dinamani.com/tamilnadu/2016/07/23/%E0%AE%B9%E0%AE%BF%E0%AE%A8%E0%AF%8D%E0%AE%A4%E0%AF%81-%E0%AE%86%E0%AE%A9%E0%AF%8D%E0%AE%AE%E0%AE%BF%E0%AE%95-%E0%AE%9A%E0%AF%87%E0%AE%B5%E0%AF%88-%E0%AE%95%E0%AE%A3%E0%AF%8D%E0%AE%95%E0%AE%BE%E0%AE%9F%E0%AF%8D%E0%AE%9A/article3544007.ece

[4] Hindu Spiritual and Service FoundationHead Office: “Bharata Mata Sadan”, “Gargi”, 1st Floor,
Old No : 9, New No 6, D’monte Street, Santhome,Chennai – 600 004; Ph: 044-24622311 / 312 / 313; E-Mail: hssfhq@gmail.com 

[5] தினத்தந்தி, 8-வது இந்து ஆன்மிக கண்காட்சியை முன்னிட்டு 10 ஆயிரம் மாணவிகள் பங்கேற்ற மெகா பாட்டு நிகழ்ச்சி, பதிவு செய்த நாள்: ஞாயிறு, ஜூலை 24,2016, 5:02 AM IST; மாற்றம் செய்த நாள்: ஞாயிறு, ஜூலை 24,2016, 5:02 AM IST

[6] http://www.hssf.in/about-us.html

[7] Dr Ramesh Prabhoo vs Prabhakar –   https://indiankanoon.org/doc/925631/;  K. Kunte and in Manohar Joshi v.Nitin Bhaurao Patil  https://indiankanoon.org/doc/1215497/

[8] http://www.hssf.in/

[9] http://www.dailythanthi.com/News/State/2016/07/24050256/10-thousand-students-participated-in-the-8-mega-music.vpf

[10] https://www.facebook.com/vedam.vedaprakash

பித்துக்குளி முருகதாஸ் [1920-2015]

நவம்பர் 17, 2015

பித்துக்குளி முருகதாஸ் [1920-2015]

Pithukuli murugadas palying harmonium - old photo.4பிரபல பக்திப்பாடகர் பித்துக்குளி முருகதாஸ் (95) உடல்நலக்குறைவால் சென்னையில் 17-11-2015 [செவ்வாய்கிழமை] அன்று காலமானார்[1]. இன்றைய நாட்களில் அமைதியாக தொண்டாற்றி வரும் பெரியவர்களைப் பற்றிய விவரங்கள் ஊடகங்களில் வருவதில்லை. உதாரணத்திற்கு இவரையே எடுத்துக் கொண்டால், இவர் ஒரு ஆன்மீகவாதி, சுதந்திர போராட்ட வீரர், உப்புசத்தியாகிரகத்தில் பங்கு கொண்டவர், சிறைக்குச் சென்றவர் என்பதெல்லாம் நிறைய பேருக்குத் தெரியாது. எம்.பில், பி.எச்டி ஆய்வுக்கு கண்டவர்களைப் பற்றியல்லாம் ஆராய்ச்சி செய்பவர்கள், இவர் போன்றவர்களைப் பற்றி ஆராய மாட்டார்கள். இந்திய விடுதலை போர் பற்றி ஏகப்பட்ட கருத்தரங்கங்கள், கூட்டங்கள் நடந்தாலும், அங்கெல்லாம் கூட இவரைப் பற்றி மூச்சுக் கூட விடமாட்டார்கள். கோவையில் 1920ம் ஆண்டு ஜனவரி 25ம் தேதி சுந்தரம் ஐயர், அலமேலு தம்பதியருக்கு மகனாக தைப்பூசத் திருநாளில் பிறந்தார்[2].  இவர் தனது தாத்தா கோபாலகிருஷ்ண பாகவதரிடம் சங்கீதம் பயின்றார்[3]. ஊத்துக்காடு வேங்கட சுப்பைய்யர் இயற்றிய பாடல்களை பாடியபோது, இவர் மற்றவர்களால் கவனிக்கப்பட்டார்[4].

Pithukuli murugadas old photoபக்திப்பாடல்களால் கோடானு கொடி மக்களைக் கவர்ந்தவர்: 1947-ல் தனது இசைப் பயணத்தை தொடங்கிய பாலசுப்ரமணியம் என்ற இயற்பெயருடன் பிறந்த பித்துக்குளி முருகதாஸ், தமிழ்க் கடவுளான முருகன் மீது நெஞ்சை உருக்கும் ஆயிரக்கணக்கான பக்திப் பாடல்களை இயற்றி, இசையமைத்துப் பாடியுள்ளார். இவரது கணீர் என்ற குரல், ஹார்மோனியத்துடன் இணையும் போது, இரண்டிற்கும் வித்தியாசமே தெரியாத அளவிற்கு இருக்கும். அருணகிரிநாதர் திருப்புகழ், கந்தர் அலங்காரம், கந்தர் அனுபூதி, வேல் வகுப்பு, தேவேந்திர சங்க வகுப்பு போன்ற பாடல்களைப் பாடி பிரபலப்படுத்தினார்[5]. தலையில் காவித்தலைப்பாகை உடுத்தி, முகத்தில் கூலிங்கிளாஸ் கண்ணாடி அணிந்து சற்றே வித்தியாசமான முருக பக்தராக காட்சியளித்த பித்துக்குளி முருகதாஸ், கந்தர் அனுபூதி உள்பட முருகன் மீது பல பக்திப்பாடல்களை இயற்றியுள்ளார்[6]. கண்ணன் மீதான பாடல்களையும் இயற்றி இசையமைத்துள்ளார். திரைப்படங்களிலும் சில பக்தி பாடல்கள் பாடியுள்ளார்[7]. அவர் பாடிய ‘அலைபாயுதே கண்ணா’ மற்றும் தெய்வம் திரைப்படத்தில் வரும் ‘நாடறியும் நூறு மலை’ பாடல்கள் மிகவும் பிரபலமானவை[8].

Pithukuli Murugadas - Swami sivananda centenary - 08-11-1987சுதந்திர போராட்டத்தில் ஈடுபட்டது, சிறைசென்றது: அக்காலகட்டத்தில், சுதந்திர போராட்டம் நாடு முழுவதும் பரவியிருந்ததால், சிறுவர் முதல், முதியோர் வரை அதில் கலந்து கொண்டனர். அவ்வாறே பாலசுப்ரமணியும் 1931ல் தனது பதினொன்றாம் வயதில் உப்பு சத்தியாகிரகத்தில் பங்குக் கொண்டு சில நாட்கள் சிறையிலும் இருந்தார்[9]. இந்தியாவில் வெள்ளையருக்கு எதிரான போராட்டத்தில் பங்கேற்ற இவர்மீது 1936-ம் ஆண்டு போலீசார் நடத்திய முரட்டுத்தனமான தாக்குதலில் பித்துக்குளி முருகதாசின் இடதுகண் பார்வை பறிபோனது. அப்பொழுதும் ஆறு மாதம் சிறைவாசம் இடைத்தது. அதிலிருந்து இவர் கருப்பு கண்ணாடி அணியத் தொடங்கினார். பிறகு, மைசூர் மஹாராஜா ஜெயசாமராஜேந்திர உடையார் திருமணத்தின் போது, கைதிகள் விடுவிக்கப்பட்டபோது, இவரும் விடுதலை ஆனார். இன்றைக்கு எதற்கோ சிறை சென்றவர்கள் எல்லாம், ஏதோ பெரிய போராளிகள் போல சித்தரிக்கப் படுகிறார்கள். ஆனால், உண்மையான போராளிகள் மறைக்கப்படுகிறார்கள்; மறக்கப்படுகிறார்கள்; இதனால், இக்காலத்தவர், குறிப்பாக இளைஞர்கள் உண்மை அறியாமலேயே, தங்களது ஞானத்தை வளர்த்து-வைத்துக் கொள்கிறார்கள்.

Pithukuli Murugadas - at the end of a concert in 1996பாலசுப்ரமணியம் பித்துக்குளி ஆனது: சிறுவயதில், தனது ஊரின் தெருவில் விளையாடும் போது, வழியே சென்ற ஒருவர் மீது இவர் வீசிய கல் பட்டு காயமடைந்த பெருமாள் பக்தரும், மகா ஞானியுமான பிரம்மானந்த பரதேசியார், தனது நெற்றியில் இருந்து இரத்தம் வடிய… ‘அடேய்நீ என்ன பித்துக்குளியா? (பைத்தியமா)? ஒருநாள் இல்லை ஒருநாள், என்னைப் போலவே நீயும் ஆகப் போகிறாய்என்று வேடிக்கையாக கூறவே, அதுவே பித்துக்குளி முருகதாஸ் ஆக நிலைத்துவிட்டது[10]. முருகனுக்கு தாசனாய், முருகன் மீது பைத்தியமாய் இருப்பதால் தனது பெயருக்கு முன்னால் ‘பித்துக்குளி’யை இவர் சேர்த்துக்கொண்டார். 1935ல் சிறு வயதிலேயே வீட்டை விட்டு ஓடித் துறவறத்தில் மூழ்கினார். பிரம்மானந்த பரதேசியார் என்ற துறவி இவருக்கு பித்துக்குளி என்ற பெயர் சூட்டினார். 1939ல் பின்னாளில், கேரள மாநிலத்தில் உள்ள ஆனந்த ஆசிரமத்தின் ஆன்மீக குரு சுவாமி ராமதாஸ் முருகதாஸ் என்ற பெயரை பித்துக்குளி என்ற நாமத்துடன் இணைத்தார். அன்று முதல் பித்துக்குளி முருகதாஸ் என்றே அழைக்கப்படுகிறார்[11]. 1940ல் சேந்தமங்கலத்தில் இருந்த சுவாமி ஸ்வயம் பிரகாஷ் என்ற அவதூதரிடம் இருந்தார். பிறகு கால்நடையாகவே தீர்த்தயாத்திரையாக பல இடங்களுக்குச் சென்று வந்தார். சுதந்திர போராட்ட எண்ணங்களினாலும், தான் சிறு வயதில் பட்ட கஷ்டங்களினாலும் குழந்தைகள், சிறுவர்கள் பாதிக்கப்படக்கூடாது என்ற எண்ணத்தில் அனாதை குழந்தைகளை காக்க வேண்டும் என்று தீர்மானித்தார். 1947ல் வாலாஜாபேட்டையில் உள்ள தீனபந்து ஆஸ்ரமத்தின் / அனாதை இல்லத்தின் பாதுகாவலர்களுள் ஒருவரானார்[12].

Pithukuli Murugadas in a Kumbabhishekam in Singaporeதமிழ், தெலுங்கு, ஆங்கிலம், கன்னடம், மலையாளம், இந்தி ஆகிய மொழிகள் தெரிந்த இவர், சந்தப்பத்திற்கு ஏற்றவகையில் பாடல்களை புனைந்து பாட வல்லவர். தென்னாப்பிரிக்கா, இலங்கை, அமெரிக்கா, இலங்கை, சிங்கப்பூர், மலேசியா, ஆஸ்திரேலியா உள்ளிட்ட நாடுகளில் இசைக்கச்சேரிகளை நடத்தியுள்ளார்[13]. பித்துக்குளி முருகதாஸ் தியாகராஜர் விருது, 1984ல் தமிழக அரசின் கலைமாமணி, சங்கீத சாம்ராட், தியாகராஜர் விருது உள்ளிட்ட பல இசை விருதுகளை பெற்றுள்ளார்[14]. தன்னுடன் கச்சேரிகளில் பக்திப்பாடல்களை பாடிய தேவி சரோஜா என்பவரை 1978ல் தனது அறுபதாவது வயதில் மணந்து கொண்டார். இந்த தம்பதியர் ராதா கல்யாணம் பாடல்களை எல்லாம் பாடிப் பிரபலம் ஆக்கினர்! இவர் 2011ல் காலமானார். சிறந்த முருகபக்தராக கருதப்படும் பித்துக்குளி முருகதாஸ், சென்னையை தலைமையிடமாக கொண்டு ஸ்ரீ ஜோதிர் மாயா தேவி அறக்கட்டளையை தொடங்கினார். தனது பக்தி பாடல் கச்சேரிகளின் மூலம் கிடைக்கும் தொகையை வைத்து பல ஏழை, எளிய மக்களின் பசிப்பிணியைப் போக்கும் மிக உயரிய சமூகத்தொண்டாற்றி வந்தார். வெகுநாட்களாக உடல்நலம் பாதிக்கப்பட்டிருந்த தீவிர முருகபக்தரான பித்துக்குளி முருகதாஸ், சூரசம்ஹார தினமான 17-11-2015 [செவ்வாய்கிழமை] அன்று சென்னையில் உள்ள தனது இல்லத்தில் அதிகாலை மரணமடைந்தார்[15].

© வேதபிரகாஷ்

17-11-2015

[1] மாலைமலர், பிரபல பக்திப் பாடகர் பித்துக்குளி முருகதாஸ் காலமானார், பதிவு செய்த நாள் : செவ்வாய்க்கிழமை, நவம்பர் 17, 12:20 PM IST.

[2]  தினமலர், பக்திப்பாடகர் பித்துக்குளி முருகதாஸ் காலமானார், நவம்பர்.17, 2015: 07.24.

[3] தி.இந்து, பக்திப் பாடகர் பித்துக்குளி முருகதாஸ் காலமானார், Published: November 17, 2015 11:17 ISTUpdated: November 17, 2015 11:17 IST.

[4] http://www.thehindu.com/news/national/tamil-nadu/singer-pithukuli-murugadas-passes-away/article7886850.ece

[5] http://www.newindianexpress.com/cities/chennai/Devotional-Singer-Pithukuli-Murugadas-Passes-Away/2015/11/17/article3132653.ece

[6] தமிழ்.ஒன்.இந்தியா, தைபூசத்தில் பிறந்து கந்த சஷ்டியில் காலமானார் முருக பக்தி பாடகர் பித்துக்குளி முருகதாஸ், Posted by: Mayura Akilan Updated: Tuesday, November 17, 2015, 10:25 [IST].

[7] http://www.vikatan.com/news/article.php?aid=55136

[8] http://ns7.tv/ta/singer-pithukuli-murugadas-passes-away.html

[9] https://en.wikipedia.org/wiki/Pithukuli_Murugadas

[10] http://tamil.oneindia.com/news/tamilnadu/singer-pithukuli-murugadas-passes-away-239986.html#slide175317

[11]http://tamil.thehindu.com/tamilnadu/%E0%AE%AA%E0%AE%95%E0%AF%8D%E0%AE%A4%E0%AE%BF%E0%AE%AA%E0%AF%8D-%E0%AE%AA%E0%AE%BE%E0%AE%9F%E0%AE%95%E0%AE%B0%E0%AF%8D-%E0%AE%AA%E0%AE%BF%E0%AE%A4%E0%AF%8D%E0%AE%A4%E0%AF%81%E0%AE%95%E0%AF%8D%E0%AE%95%E0%AF%81%E0%AE%B3%E0%AE%BF-%E0%AE%AE%E0%AF%81%E0%AE%B0%E0%AF%81%E0%AE%95%E0%AE%A4%E0%AE%BE%E0%AE%B8%E0%AF%8D-%E0%AE%95%E0%AE%BE%E0%AE%B2%E0%AE%AE%E0%AE%BE%E0%AE%A9%E0%AE%BE%E0%AE%B0%E0%AF%8D/article7886986.ece

[12] http://www.pithukulimurugadas.com/

[13] விகடன், முருகன் பக்தி பாடல் பாடகர் பித்துக்குளி முருகதாஸ் காலமானார்!, Posted Date : 08:52 (17/11/2015); Last updated : 08:52 (17/11/2015).

[14] http://www.dinamalar.com/news_detail.asp?id=1388839&

[15] http://www.maalaimalar.com/2015/11/17122010/Devotional-singer-Pithukkulli.html