Archive for the ‘பட்டு’ Category

மகாபலிபுரத்தில் சீன-இந்திய பிரதம மந்திரிகளின் சந்திப்பு: கீழடி கவிதைகள் அடங்கியது ஏன்? பல்லவர்-பாண்டிய கேள்விகள்! [1]

ஒக்ரோபர் 22, 2019

மகாபலிபுரத்தில் சீனஇந்திய பிரதம மந்திரிகளின் சந்திப்பு: கீழடி கவிதைகள் அடங்கியது ஏன்? பல்லவர்-பாண்டிய கேள்விகள்! [1]

Modi-Jiping 11, 12-19-2019

சில நாட்களுக்கு முன்னர் மகாபலிபுரத்தில், சீன-இந்திய பிரதம மந்திரிகளின் சந்திப்பு பற்றி பல செய்திகள் வெளி வந்தன. இச்சந்திப்பு, புதுமையானது என்றால், வெளிவந்த செய்திகள் பழமையாக இருந்தன. புதியதாக எந்த விசயமும் வெளிவரவில்லை. அரைத்த மாவையே அரைத்த சமாசாரமாக இருந்தது. முதல் நூற்றாண்டுகளிலேயே சீனா மற்றும் இந்திய நாடுகளிடையே தொடர்புகள் இருக்கின்றன எனும் பொழுது இந்தியாவிற்கு சீனர்கள் வந்து இருக்கிறார்கள் என்று மறுபடியும் பழையபடி குறிப்பிட்டு வருகின்ற நிலையில் இந்தியாவில் இருந்து சீனாவுக்கு சென்றவர்களையும், குறிப்பாக இந்தியர்கள் அல்லது தமிழர்கள் என்று எப்படி சொல்லிக் கொண்டாலும், அவர்கள் எவ்வாறு தென்பகுதியில் இருந்து சீன பகுதிகளுக்கு பட்டுப் பாதையில் நடந்தே சென்றனர் அல்லது கடல் வழி பட்டுப் பாதையில் கப்பல்கள் மூலம் சென்றனர் என்பது போன்ற விவரங்களை கொடுப்பதும் இல்லை, அவர்கள் விவாதிப்பதும் இல்லை. எப்பொழுதும் மற்றவர்கள் இந்தியாவைப் பற்றி அவர்கள் சொல்கின்ற விஷயங்களையே திரும்பத் திரும்ப மாற்றி மாற்றி எழுதி வருவதும் பேசி வருவதும் தான் நமது எழுத்தாளர்கள் மற்றும் ஆராய்ச்சியாளர்களின் போக்காகத் தெரிகிறது. சைனா மூலங்கள், மொழி தெரியாது என்று படிக்காமல் இருக்கலாம், ஆனால் இரண்டாம் தர புத்தகங்களை படித்து, சரிபார்த்து இந்தியாவிலிருந்து இந்தியர்கள் அவ்விடங்களுக்கு எவ்வாறு சென்று, தங்கி இருந்தனர், அவர்கள் அங்கே இருந்ததற்கான அடையாளங்கள் ஆதாரங்கள், நாணயங்கள் உபயோகப்படுத்திய பொருட்களை என்னவாயிற்று என்பது பற்றிய விவரங்களையும் கொடுப்பதில்லை[1].

Modi-Jiping 11, 12-19-2019-Arjuna tapas

சீனா-இந்தியா தொடர்புகள்[2]: இந்திய பிரதமர் மோடியும், சீன அதிபர் ஸீ ஜின்பிங்கும், கடந்த, 11ம் தேதி, தமிழகத்தின் மாமல்லபுரத்தில் சந்தித்து, இரு நாடுகளின் அரசியல் உறவுகள், தொழில் வளர்ச்சி, பண்பாட்டுப் பரிமாற்றங்கள் குறித்து பேசினர். சீனா – இந்தியா நாடுகளுக்கு இடையே நிலவும் சுமுக உறவை, உலகமே வியந்து நோக்குகிறது. பிரதமர் மோடி, மாமல்லபுரத்தின் சிற்பக்கலை மற்றும் கட்டடக் கலைச் சிறப்புக் கூறுகளை, ஒவ்வொன்றாக விளக்க, சீன அதிபர் அதை ஆவலுடன் கேட்டு மகிழ்ந்தது, இந்தியர்கள் அனைவருக்கும் பெருமை பயப்பதாக உள்ளது. சீன நாட்டிற்கும், தமிழகத்திற்கும் உள்ள தொடர்பு, மிகத் தொன்மையானது. சீனர்கள் மேலை நாடுகளுக்கு தங்களது வணிகப் பொருள்களை ஏற்றி வந்த சீனக் கப்பல்கள், தமிழகத்தின் கடற்கரை துறைமுகங்களை வந்தடைந்தன. அவர்களுக்குத் தேவையான உணவுப் பொருள்களையும் குடிநீரையும் ஏற்றிக்கொண்டு மேலை நாடுகளுக்குச் சென்றன. சீனர்களின் மரக்கலங்கள் மிகப் பெரியவை. ‘ஜுங்’ என இதை அழைக்கின்றனர். இக்கப்பல்களை இன்றளவும் சீனர்கள் பயன்படுத்துகின்றனர். சீனக் கப்பல்கள் தமிழகத்தின் கடற்கரை துறைமுகங்களில் நங்கூரம் இட்டிருந்ததை, பிற்கால சங்க இலக்கியமான பட்டினப்பாலை குறிப்பிடுகிறது[3].

Modi-Jiping 11, 12-19-2019-Krishna butter stone

தமிழகத்திற்கும், சீனாவுக்கும் இடையே, போதி தர்மரால் பிணைப்பு ஏற்பட்டது. தற்போது, 21ம் நுாற்றாண்டில், பிரதமர் மோடியால், புதுப்பிக்கப்பட்டுள்ளது[4]: ஐந்தாம் நுாற்றாண்டில், தமிழகத்திற்கும், சீனாவுக்கும் இடையே, போதி தர்மரால் பிணைப்பு ஏற்பட்டது. தற்போது, 21ம் நுாற்றாண்டில், பிரதமர் மோடியால், சீனாவுக்கும், தமிழகத்திற்கும் இடையிலான பிணைப்பு புதுப்பிக்கப்பட்டுள்ளது. தமிழகம் – சீனா இடையிலான உறவு, 3,000 ஆண்டுகள் பழமையானது. பல்லவ மன்னர்கள், காஞ்சிபுரத்தை தலைநகரமாக வைத்து, ஆட்சி செய்து வந்தனர். அவர்கள்ஆட்சி செய்த பகுதி, தொண்டை மண்டலம் என, அழைக்கப்பட்டது. அவர்கள் ஆட்சி காலத்தில், மாமல்லபுரம்கோவில்கள் கட்டப்பட்டன. கி.பி., 600ல், பல்லவ மன்னர் முதலாம் நரசிம்மவர்மன் காலத்தில், ஹியூன் ஸங் என்ற சீன பயணி, காஞ்சிபுரம் வந்துள்ளார். எட்டாம் நுாற்றாண்டில், இரண்டாம் நரசிம்மவர்மனுடன், அப்போதைய சீனாவின் தாங் அரசர், ராணுவ ரீதியான தொடர்பு வைத்திருந்தார். திபெத்திடமிருந்து, தென் சீனாவை பாதுகாக்க, அவருக்கு நரசிம்மவர்மன் உதவியுள்ளார்[5].

Modi-Jiping 11, 12-19-2019-Pancha Pandava rath
150 ஆண்டுகள் உயிர் வாழ்ந்த போதிதர்மர்: பல்லவர்களின் தலைநகரான காஞ்சிபுரத்திற்கு, சீனாவின் புத்த துறவியான யுவான் சுவாங் வந்துள்ளார். அவர், மாமல்லபுரம் துறைமுக நகருக்கு, கப்பலில் வந்து ஆற்று வழியாக, படகில் காஞ்சிபுரம் சென்றுள்ளார். பல்லவ மன்னர்கள் பரம்பரையில் வந்தவர் போதி தர்மர். இவர், 5ம் நுாற்றாண்டைச் சேர்ந்த புத்த மத துறவி. தமிழகத்தில் உள்ள காஞ்சிபுரத்தில், பல்லவ மன்னரான கந்தவர்மனின், மூன்றாவது மகனாக பிறந்தார். அப்போது, புத்த மதம், தமிழகத்தில் தழைத்தோங்கியது. பல்லவ இளவரசராக இருந்த புத்தவர்மன், புத்த மதத்தை தழுவி, போதி தர்மரானார். காஞ்சிபுரத்திலிருந்து சீனா சென்ற போதி தர்மர், அங்கே, மகாயான புத்த வம்சத்தை பரப்பியதாகவும், 150 ஆண்டுகள் உயிரோடு இருந்ததாகவும், சீன வரலாறு கூறுகிறது. சீனாவில், ‘ஷாலின் குங்பூ’ என்ற தற்காப்பு கலையை, போதி தர்மர் அறிமுகம் செய்ததாக கூறப்படுகிறது. சீனாவுக்கும், தமிழகத்திற்கும் இடையே, நெருங்கிய வணிக தொடர்பு, பண்டைய காலம் முதல் இருந்து வருகிறது.

Modi-Jiping 11, 12-19-2019-Pandava rath
நெருங்கிய தொடர்பு: சீன மக்கள், மாமல்லபுரம் வர ஆர்வம் காட்ட துவங்கி உள்ளனர். போதிதர்மரின் பரம்பரையால், வரலாற்றில் இடம் பிடித்த மாமல்லபுரம், இன்று பிரதமர் மோடியால், மீண்டும் சரித்திரத்தில் இடம் பிடித்துள்ளது.பிரதமர் மோடியின் நடவடிக்கையால், மாமல்லபுரம் மிகப்பெரிய சுற்றுலா தலமாகஉருவெடுக்க உள்ளது.போதி தர்மர், 5ம் நுாற்றாண்டில், தமிழகத்திற்கும் – சீனாவிற்கும் இடையே, நெருங்கிய தொடர்பை ஏற்படுத்தினார்.இந்த, 21ம் நுாற்றாண்டில், பிரதமர் மோடி மீண்டும் சீனாவிற்கும், தமிழகத்திற்கும் இடையே, நெருங்கிய தொடர்பை ஏற்படுத்தி, அனைவரின் மனதையும் கவர்ந்துள்ளார். இந்த சூழ்நிலையில், இந்தியா – சீனா இடையிலான, இரண்டாவது முறைசாரா உச்சி மாநாட்டை நடத்த, பிரதமர் மோடி, மாமல்லபுரத்தை தேர்வு செய்தார்.அன்று முதல், உலகம் முழுவதும் ஏராளமானோர், மாமல்லபுரத்தின் சிறப்புகளை இணையத்தில் தேடினர்.அப்போது, பல்லவ மன்னர்கள் ஆட்சி, அவர்கள் உருவாக்கிய கலை பொக்கிஷங்கள், தமிழகத்திற்கும் – சீனாவிற்கும் இடையிலான தொடர்பு, போதி தர்மர் வாழ்க்கை வரலாறு என, அனைத்தையும் அறிந்தனர். பிரதமர் மோடி – சீன அதிபர் ஸீ ஜின்பிங் பங்கேற்ற, இரண்டாவது முறைசாரா உச்சி மாநாடு நிறைவடைந்தது. இரு நாட்களும், உலகத்தின் பார்வை, மாமல்லபுரம் மீது திரும்பியது.

Modi-Jiping 11, 12-19-2019-Bodhidharma
தமிழக-சீன தொடர்புகள்: காஞ்சிபுரம் பல்லவர் தலைநகரமாக விளங்கியிருந்தாலும், மாமல்லபுரம் அவர்களது கடற்கரைத் துறைமுகமாக அக்காலத்தில் சிறப்புற விளங்கியது. இந்தியாவிற்கு சீன நாட்டிலிருந்து பல புத்தப் பயணியர் வந்துள்ளனர். பாஹியான் என்ற சுற்றுலா பயணி, குப்தர்களின் காலத்தில் இந்தியாவிற்கு வந்திருந்தார். இவர் தன் குறிப்புகளில் தென்னிந்தியாவிற்கும் சீனாவிற்கும் உள்ள தொடர்பைக் குறிப்பிடுகிறார். இவரை அடுத்து, கி.பி., 7ம் நுாற்றாண்டில் சீனப் பயணி, யுவாங் சுவாங் மாமல்லபுரம் துறைமுக நகரத்திற்குக் கப்பலில் வந்திறங்கி, ஆற்று வழியாக படகில், பல்லவர்களின் தலைநகரமான காஞ்சிபுரத்தை அடைந்தார் என்பதை, அவர் எழுதிய, ‘சியூக்கி’ என்னும் நூல் குறிப்பிடுகிறது. காஞ்சிபுரத்தில் ஆட்சி புரிந்த அரசர்களுக்கு, சீன அரசர், தமிழகத்தின் பரிசுப் பொருள்களை துாதர்கள் மூலம் கொடுத்து அனுப்புகிறார் என்பதை, சீன ஆவணங்கள் குறிப்பிடுகின்றன. இதே போல, சீன அரசுக்கு, தங்களது துாதர்களை அனுப்பியதாக, பல்லவர் ஆவணங்கள் குறிப்பிடுகின்றன. ராஜசிம்ம பல்லவ மன்னர் சீனாவிற்கு சிறப்பான துாதுக்குழு ஒன்றை அனுப்பி வைக்கிறார். வணிகத்தில் ஆளுமை செய்து வந்த அரேபியர்களையும், திபெத்தியர்களையும் அடக்குவதற்கு, தான் படை அனுப்புவதாகவும், அப்படைக்கு ஒரு பெயர் இடுமாறும், சீன அரசரைக் கேட்டுள்ளார். இதே போன்று, தமிழகத்தில் சீன அரசர் தாம் கட்டும் பவுத்த பள்ளிக்குத் தம் பெயரை வைக்க வேண்டும் என, கோரிக்கை விடுகிறார். சீன மன்னர் பல்லவரின் தலைநகரமான காஞ்சிபுரத்திற்கு, மாமல்லை வழியாக கப்பலில் வந்திருக்க வேண்டும்.

© வேதபிரகாஷ்

22-10-2019.

Modi-Jiping 11, 12-19-2019-Bodhidharma on elephant

[1] தொடர்புக்கு: சு. ராசவேலு, வருகைப் பேராசிரியர் அழகப்பா பல்கலைக்கழகம், காரைக்குடி மொபைல் போன்:94442 61503.

[2] தினமலர், தமிழகமும்,சீனத் தொடர்புகளும்!, Updated : அக் 19, 2019 01:59 | Added : அக் 19, 2019 01:44.

[3] https://www.dinamalar.com/news_detail.asp?id=2392259

[4] தினமலர், போதி தர்மரால் ஏற்பட்ட பிணைப்பை புதுப்பித்த மோடி, Added : அக் 13, 2019 01:54

[5] https://www.dinamalar.com/news_detail.asp?id=2387766&Print=1

கம்போடியாவில், மே 19,-20, 2018 தேதிகளில் நடந்த உலகத் தமிழர் மாநாடும், விவரங்களும் – வியாபார-முதலீடு மாநாடா, பிரிவினைவாதம் பேசும் மாநாடா? (1)

மே 25, 2018

கம்போடியாவில், மே 19,-20, 2018 தேதிகளில் நடந்த உலகத் தமிழர் மாநாடும், விவரங்களும்வியாபாரமுதலீடு மாநாடா, பிரிவினைவாதம் பேசும்  மாநாடா? (1)

World Tamil conference - 22-05-2018-Kannan.Logo

அனைத்துல வர்த்தகம், பொருளாதாரம் முதலியன: தாராளமயமாக்கல், தனியார்மயமாக்கல் மற்றும் உலகமயமாக்கல், முதலிய பொருளாதார சீர்திருத்தங்கள் மூலம், அனைத்துலக வர்த்தகத்தைப் பெருக்கி, ஜிடிபியை உயர்த்தும் முயற்சிகளில், தேசங்களுக்கு இடையிலான உறவுகள் ஊக்குவிக்கப் படுகின்றன[1]. ஏற்கெனவே, பாரம்பரிய தொடர்புகள், கலாச்சார இணைப்புகள் உள்ள நாடுகளிடம், உறவுகளை மேம்படுத்த, அரசு முக்கியமாக, அக்கரை எடுத்துள்ளது[2]. அதன்படி அவை ஊக்குவிக்கப் படுகின்றன, பரிமாற்றங்களும் நடைபெற்று வருகின்றன. அந்நிலையில் தான்,   வர்த்தக, வியாபார, வணிகக் கூட்டங்கள், கருத்தரங்கங்கள், மாநாடுகள் நடைபெற்று வருகின்றன. இவையெல்லாம் தேசிய அளவில் நடந்தாலும், ஜிஎஸ்டி அமூல் படுத்தியதில், மாநிலங்களின் பங்கு உள்ளதால், அதையும் கவனத்தில் கொள்ளப் படுகிறது. அந்நிலையில் நிகழ்கின்ற பரிவர்த்தனைகளில் சுமுகமான விளைவுகள் ஏற்பட வேண்டும் என்ற விருப்பம் அனைவரிடத்திலும் உள்ளது. இருக்கின்ற காரணிகள், சின்னங்கள், அடையாளங்கள் எல்லாம் இணைப்பிற்கு, நட்பிற்கு, உறவை மேம்படுத்தும் விதத்தில் இருக்க வேண்டும் என்றும் எதிர்பார்க்கப் படுகிறது. அந்நிலையில் மொழி, இனம் போன்ற வாதங்களை, சரித்திர ஆதாரங்கள் இல்லாத அனுமானங்கள், கருதுகோள்கள் போன்றவற்றை வைத்துக் கொண்டு, வெறுப்பை, காழ்ப்பை, பிரிவினையை வளர்க்க முயலும் போக்கை கவனிக்கும் போது கவலை அளிக்கிறது.

World Tamil conference - 22-05-2018-speakers

வியாபாரம், முதலீடு என்று ஆரம்பித்து, தமிழில் முடிந்த கம்போடிய உலக தமிழர் மாநாடு: “கம்போடியாவில், சியாம் ரீப் என்ற இடத்தில் 60 நாடுகளில் இருந்து தமிழர்கள் பங்கேற்ற இரண்டு நாட்கள் உலகத் தமிழர் மாநாடு கடந்த மே 19, 20-ல் கோலாகலமாக நடைபெற்றது”,என்று தமிழ்.ஒன்.இந்தியா  செய்தி வெளியிட்டது[3]. மே 18 அன்று துவக்க விழாவில், பொதுவாக வியாபாரம், கம்போடியாவில் நிதியீடு செய்தல் போன்ற விசயங்களைப் பற்றித் தான் அதிகமாகப் பேசினர். “யுத்தத்திற்குப் பிறகு, இலங்கை தமிழர் பல நாடுகளில் பரவியுள்ளனர், அவர்கள் பொருளாதார ரீதியில் நன்றான வசதியாக இருக்கிறார்கள்…..”, என்று ராதாகிருஷ்ணன், இலங்கை கல்வி அமைச்சர் பேசினார். கம்போடியாவின் கவர்னர், அவரது மொழியில் தான் பேசினார், அது ஆங்கிலத்தில் மொழிபெயர்க்கப் பட்டது. ஜோனா என்ற கவர்னர் ஜெனரல் ஆங்கிலத்தில் பேசினார். எனவே, மொழிபிடிப்பு, மொழிவிருப்பு, மொழிவெறி என்ற ரீதியில், ஒரு மொழியைப் பிடித்துக் கொண்டு, வியாபாரம் செய்ய முடியாது. ஈழத்தமிழ் மறமான சைவநெறிக்கூடம் இம்மாநாட்டில் பங்கெடுத்து ஈழத்தமிழர் தனித்துவத்தையும், தமது தமிழ் வழிபாட்டு தீர்மான நோக்கத்தை வெளிப்படுத்தியது[4]. மாநாட்டில் கலந்து ஜொண்ட அனைவருக்கும் குறித்த திட்டம் தொடர்பான பதிப்பு வழங்கப்பட்டது என்று “தமிழ்வின்” குறிப்பிட்டது[5].  இங்குதான், “தமிழ்” என்ற முறையில் மக்களைப் பிரிக்கும் போக்கு உள்ளதோ என்ற சந்தேகம் எழுகின்றது.

World Tamil conference - 22-05-2018-Thanikachalam

தமிழர் சங்கங்களின் ஒருங்கிணை இயக்கத்தின் தலைவர் தணிகாசலம் பேசியது:  “இந்த மாநாட்டிற்கு நேரிடையாகவோ, மறைமுகமாகவோ பலர் உதவியுள்ளார்கள்…..ராஜா, காந்தி, தங்கர் பச்சான் [அதிகமாக உதவினார்….], ஒரிசா பாலு என்று பெயர்களைக் குறிபிட்டு நன்றி தெரிவிக்கிறேன்…….நந்தி வர்மன், கம்போடியாவிலிருந்து, தமிழகத்திற்கு வந்து ஆண்டான். தமிழகத்தில் இம்மாநாடு நடப்பதாக இருந்தது, ஆனால், அங்கு நடத்த சூழ்நிலை இல்லை….. தமிழ் வரலாற்றை தமிழ்நாட்டில் சொல்ல முடியாத நிலையுள்ளது. கீழடி அகழ்வாய்வு ஆதாரங்கள், தோண்டி கிடைத்ததை, மறுபடியும் புதைக்கும் நிலையுள்ளது என்றெல்லாம்”, தணிகாச்சலம் பேசினார். இவர் தமிழர் சங்கங்களின் ஒருங்கிணை இயக்கத்தின் (FITA) தலைவராக உள்ளார்[6]. முன்னர் “பிடா” சார்பில் இம்மாநாடு நடக்கும், அதில் ஆயிரக்கணக்கில் தமிழர் கலந்து கொள்வார் என்று செய்தி வெளியாகியது[7]. ஆயிரக்கணக்கில் வந்தார்களா இல்லையா என்று தெரியவில்லை! உண்மைய்ல், தேவையில்லாமல் “கீழடி விவகாரம்” சச்சைக்குள் உட்படுத்தப்பட்டது.

Akanda dravidastan-balu, kannan

மாநாட்டின் நோக்கம்: ஒரிசா பாலு, மாநாட்டின் நோக்கத்தை விளக்கினார், “The purpose of the conference is Research, reform and restructure…..even during prehistoric sites, the connection between Tamilnadu and Korea was there…….we Tamils worshipped Ishan. Here, Ishas  hill is there. The Cambodian connection is there in Kanchipuram…. சரித்திர காலத்திற்கு முன்பாகவே தமிழகத்திற்கும், கம்போடியாவுக்கும் தொடர்பிருந்தது. தமிழர் ஈஷான் என்று திசையைக் குறிப்பிட்டனர், தே போல, இங்கும் ஈஷான் மலை உள்ளது……..மாநாட்டு நோக்கம் உலகத் தமிழரை ஒன்று கூடல்”…..தமிழர்கள் ஒன்று கூடினால் என்ன நடக்கும் என்பது உங்களுக்குத் தெரியும். மெரினாவில் என்ன நடந்தது என்பது உங்களுக்குத் தெரியும். …இன்றைக்கு தமிழர் இலங்கைத் தமிழர், மலேசியத் தமிழர், பர்மா தமிழர் என்று தான் அறியப் பட்டுள்ளனர். ஆனால் உலகத் தமிழர் என்ற நிலை வர வேண்டும்…..இந்த மாநாடு ஒரு துவக்கம் தான்நாம் அறிமுகப்படுத்திக் கொண்டிருக்கிறோம்…..2021ல் Peoples into 6 [?] உலகத்தில் அதிக நாடுகளில் பரவி இருக்கும் மொழி தமிழ் என்று உறுதி படுத்தத் தான் இம்மாநாடு கொண்டு வரப்பட்டது”. இவர் பேசிய விதம், ஏதோ ஒரு அரசியல்வாதி ரீதியில் இருந்தது. சமஸ்கிருத ஆதாரங்களை திரித்து, “தமிழ்” போன்று திரிபுவாதம் செய்வதைக் கவனிக்க முடிகிறது. தனித்தமிழ், முழுக்கத் தமிழ், தமிழ்மூலம், தமிழ்தாம்…..என்றெல்லாம் பேசுபவர்களிடம் உள்ளப் பிரச்சினைகளே, தமிழின் தொன்மையினைக் காட்ட சமஸ்கிருத மூலங்களைத் தான் நாட வேண்டியிருக்கிறது. ஆனால், அதனை மறைத்துப் பேசுவர்.

World Tamil conference - 22-05-2018-program

ஒரிசா பாலுவின் கண்டு பிடிப்புகள்: இரண்டாம் நூற்றாண்டில் இருந்து தமிழர்களுக்கும், கம்போடியாவிற்கும் நீண்ட கால தொடர்பு உள்ளதாகவும், வட தென்கிழக்கு ஆசியா முழுமையாக தமிழர்கள் ஆட்சி பொறுப்பில் இருந்ததாகவும், தமிழர்கள் கடல் வணிகம் செய்த முக்கியமான நாடாக கம்போடியா இருந்துள்ளதாகவும் தென்புலத்தூர் அமைப்பின் ஒருங்கிணைப்பாளர் ஒரிசா பாலு கூறினாலும், ஆதாரங்களைக் கொடுக்கவில்லை. கடல் நீரோட்டங்களைப் பயன்படுத்தி ஆமைகள் இனப் பெருக்கத்துக்காக 180 நாட்கள் பயணம் செய்கின்றன. ஆமைகளைப் பின்பற்றி கடல் நீரோட்டங்களைக் கண்டறிந்து பசிபிக் பெருங்கடல், இந்தியப் பெருங்கடல், மத்திய தரைக்கடல், தென் கிழக்கு ஆசியா உட்பட உலகின் பல்வேறு நாடுகளுக்கும் தமிழர்கள் கடல் வழிப் பயணம் மேற்கொண்டனர். முந்நீர் பழந்தீவு பன்னீராயிரம் என சோழர் காலக் கல்வெட்டுகள் கூறுகின்றன. இந்த 20 ஆயிரம் தீவுகளில் 9,000 தீவுகள் நீரில் மூழ்கி விட்டன. இவற்றை சோழர்கள் எப்படிக் கணக்கிட்டார்கள் என்பது வியப்புக்கும், ஆய்வுக்கும் உரியது. உலகெங்கிலும் கப்பல் கட்டுமானத்துக்கு மற்ற 2 மரங்களைப் பயன்படுத்த, தமி ழர்கள் 20 வகையான மரங்களைப் பயன்படுத்தியுள்ளனர். பாறை களில் மோதினால் உடையாமல் இருக்க கப்பலின் அடிப்பகுதியில் கழற்றி விடும் படியான கட்டமைப்பைக் கொண்ட தொழி ல்நுட்பத்தை ஆயிரக் கணக்கான ஆண்டுகளாகவே தமிழர்கள் பின்ப ற்றி வந்துள்ளனர். உலகெங்கிலும் தமிழ்ச் சொற்களில் 30,000 ஊர்ப் பெயர்கள் உள்ளன. பிரேசிலில் உறை, வசி, ஊர் என அழைக்கப்படும் பகுதிகள் உள்ளன. ஜப்பானில் குரில் என்ற பகுதியில் மருதை என்ற ஊர் உள்ளது. சீனாவில் ஐந்து ஊர்கள் பாண்டியன் என்ற பெயரில் அமைந்துள்ளன. கொரியாவின் அரசியாக பாண்டிய இளவரசி ஒருவர் இருந்துள்ளார். கி.பி. 45-ல் இந்தோனேசியாவை ஸ்ரீமாறன் என்ற தமிழ் மன்னன் ஆண்டுள்ளான். ஆஸ்திரேலியாவில் குமரி, நான்மாடல், துங்காவி என்ற பெயரில் ஊர்கள் உள்ளன. பெரு, சிலியில் நெடுங்கற்கள் நிறைந்த பகுதிகள் வால்பாறை என அழைக்கப்படுகின்றன. பழந்தமிழரின் கடல் பயணங்களை இவை உறுதிப்படுத்துகின்றன, என்று ஏற்கெனவே சொல்லியதை திரும்ப-திரும்ப சொல்வது ஆச்சரியமாக உள்ளது.

© வேதபிரகாஷ்

25-05-2018

World Tamil conference - 22-05-2018-Logo, front

[1] https://www.khmertimeskh.com/50104549/cambodia-india-relations-under-the-spotlight-converging-towards-promoting-trade-ties/

[2] https://www.mea.gov.in/Portal/ForeignRelation/1_Cambodia_November_2017.pdf

[3] தமிழ்.ஒன்.இந்தியா,கம்போடியாவில் கோலாகலமாக நடைபெற்ற 2 நாள் உலகத் தமிழர் மாநாடு, Posted By: Mathi Updated: Tuesday, May 22, 2018, 9:41 [IST]

[4] தமிழ்வின், கம்போடியாவில் இடம்பெற்ற உலகத்தமிழ் மாநாடு, 20-05-2018.

[5] http://www.tamilwin.com/community/01/183151

[6] The Hindu, World Tamil conference on May 19, 20, STAFF REPORTER PUDUCHERRY, APRIL 16, 2018 01:010 IST; UPDATED: APRIL 16, 2018 01:01 IST

The Federation of International Tamizh Association (FITA) is organising World Tamizh Conference 2018 at Angkor Wat in Cambodia on May 19 and 20, 2018. Thanikatchalam, president, FITA, in a press statement said thousands of Tamilians are expected to participate in the conference, which will be held next to the famous temple complex.

[7] http://www.thehindu.com/news/cities/puducherry/world-tamil-conference-on-may-19-20/article23551219.ece

பட்டுப்புடவை என்று ஏமாற்றும் துணிக்கடைகள்: “பிராண்ட்” வியாபாரத்தில் கொள்ளையெடிக்கும் வியாபாரிகள் (1)

ஒக்ரோபர் 8, 2011

பட்டுப்புடவை என்று ஏமாற்றும் துணிக்கடைகள்: “பிராண்ட்” வியாபாரத்தில் கொள்ளையெடிக்கும் வியாபாரிகள் (1)

“பிராண்ட்” வியாபாரம் செய்து கொள்ளையடிக்கும் பட்டு வியாபாரிகள்:  வஸ்த்ரகலா, சாமுத்ரிகா, விவாஹா, சுபமுஹூர்த்த, வசுந்தரா, ஜடாவு, முஹூர்த்த, நகாசு, பிரைடல் செவன், இப்படி பெயர்கள் நீளுகின்றன. நல்ல வேளை, தமிழகப் பட்டுப் புடவைகளுக்கு தமிழ் பெயர்கள் வைக்க வேண்டும் என்று யாரும் கேட்கவில்லை, எதிர்த்து போராட்டம் நடத்தவில்லை!  பெண்களின் கூட்டமோ அதிகரிக்கின்றது. ஆனால், பாவம் அவர்கள் அருகில் சென்று விலையைப் பார்க்கும்போதுதான் தெரிகிறது – ரூ 3,000/- 3,500/-, 4,000/-, 5,000/- என்று அதிகரித்துக் கொண்டே செல்கிறது! ஆகவே, சாதாரண மக்கள் பட்டுப்புடவை, அதிலும் உண்மையான வெள்ளி ஜரிகை வைத்து வாங்குவது என்பது சாத்தியமில்லை. எனவே, தலைப்பு, ஒருபக்க / சிங்கிள் பார்டர், இருபக்க / டபுள் பார்டர் என்றெல்லாம் பார்த்து ஏமாற வேண்டிய வேலையில்லை, அவசியமில்லை.  புடவை முழுக்க டிஷைன் இருக்காது.  உள்ளே மறைந்து விடும் என்பதால் மூன்றில் ஒருபகுதியில் டிஷைன் / ஜரிகை இருக்காது. ஆனால் முழுக்க உள்ளது போல புடவையை தலைப்புப் பக்கம் மட்டும் திருப்பி-திருப்பிக் காட்டுவார்கள். இழைகள் மாறியிருந்தால், விட்டிருந்தால், துருத்திக் கொண்டிருந்தால், அவையெல்லாம் “செகண்ட்ஸ்” என்று ஒப்புக்கொள்ளாமல், ஏதேதொ காரணம் காட்டி பேசுவார்கள், திசைத்திருப்புவார்கள்.

பருத்தி ஆடைகளை மறந்து பட்டிற்கு பறக்கும் இந்திய பெண்கள்: காந்தியடிகள் கதராடை வேண்டும் என்று, பருத்தியைத்தான் சர்க்காவில் நெய்ய வேண்டும் என்று சத்தியாகிரக போராட்டத்தில் அதையும் சேர்த்துக் கொண்டார். சுதேசிய இயக்கத்தின் சின்னமாக்கினார். ஆனால், இன்றோ, இந்திய கலாச்சாரம், பாரம்பரியம், நாகரிகம் என்று சொல்லிக் கொண்டு, இந்த வியாபாரிகள் அயல்நாட்டு வியாபரிகளின் லாபத்தைப் பெருக்கி வருகிறார்கள்.  இழை, இழைத்திரிப்பு, நூல், சாயம், சுத்தகரிப்பு, நூற்பு என்ற பல நிலைகளில் இந்திரமயமாக்கி, இந்திய மக்களைக் கொன்று, அயல்நாட்டு வியாபாரிகளை, தொழிற்நுட்பங்களை ஊக்குவிக்கின்றனர். டிஷைன்கள் / வடிவமைப்புகள் என்று கணினிகளை உபயோகப் படுத்தி, மக்களின் வாழ்வாதரங்களை அழிக்கின்றனர்.  ஆராய்ச்சி என்ற பெயரில், பழங்கால சிற்பங்களில் / சிலைகளில் உள்ள வடிவமைப்புகளை காப்பியடித்து, மாற்றி அவற்றை தமதென்று சொல்லி லட்சங்களை அள்ளுகின்றனர். அதனால், புடவைய வாங்கும் உழைத்து சம்பாதிக்கும் மக்கள் அதற்கும் சேர்த்து காசு கொடுக்கிறார்கள்.

ரூ 40-50 லட்சங்களில் கூட புடவைகள் விற்கப்படுகின்றன: ரூ 40-50 லட்சங்களில் கூட புடவைகள் உள்ளன என்பதை விட, அதையும் வாங்க ஆட்கள் இருக்கின்றார்கள் என்பதைப் பார்க்கும் போது, பட்டுப்புடவை வியாபாரம் நடக்கிறாதா அல்லது வேறு வியாபாரம் நடக்கிறதா என்ற சந்தேகமே வருகின்றது.  அதாவது, ரூ 1,000/- அல்லது 2,000/-ற்கே வாங்க முடியாமல் தவிக்கும் ஏழைகள், கீழ்தட்டு மத்தியத்தர குடும்பத்தினர் தவிக்கும் போது, வீடு வாங்கும் விலையில் எப்படி பட்டுப்புடவையை வாங்குகிறார்கள்? அடுத்தாத்து அம்புஜங்களும், இந்தாத்து பட்டுகளும் ஏழைகளாக, சாதாரண மக்களாகி விட்டார்கள் போலும், ஆகையால், இப்பொழுதெல்லாம் வேறு ஜாதி / சாதி மக்கள் பட்டுப்புடவைகள் வாங்க ஆரம்பித்து விட்டனர் போலும். இதற்கு அப்படி லட்சங்கள் எங்கிருந்து வருகின்றன?

நேர்மையற்ற பட்டுப்புடவை  வியாபாரம்: முன்பு போல, இப்பொழுதெல்லாம் உண்மையான பட்டுப் புடவையோ, அதிலும் ஜரிகையுள்ள பட்டுப்புடவையோ கிடைப்பதில்லை. வெள்ளி ஜரிகைக்குப் பதிலாக போலி ஜரிகையை உபயோகப்படுத்துகிறார்கள். பட்டிற்குப் பதிலாக பளப்பளபான கோரைப்புற்களின்  நார்களை சேர்த்து புடவைகளை உருவாக்குகிறார்கள். அப்பொழுதெல்லாம் “நாரப்பட்டு” என்று சொல்லியே விற்பார்கள், ஆனால், இப்பொழுது பெரிய கடைகளில் ஏசி போட்டு, லை போட்டு, குளிபானம் கொடுத்து,  சொல்லாமல் ஏமாற்றி விற்கிறார்கள். விலை அதிகரிக்க நடிகைகளை வைத்து அதிரடி விளம்பரங்களை செய்து பெண்களை ஏமாற்றப் பார்க்கிறார்கள். ரூ 500/- முதல் ரூ 5,000/- 10,000/- உயர்வாக விலைவைத்து விற்கிறார்கள். ஆயிரம் ரூபாய் புடவையை இரண்டாயியம் என்றும் விற்கிறார்கள். இதில் இடைத்தரகர்கள், கடைகளில் சாமர்த்தியமாகப் பேசி விற்கும் கடையாட்கள் என பலருக்குக் கமிஷனும் கொடுக்கப் படுகிறது.

உழவர் சந்தை போல, ஏன் நெசவாளி சந்தை இருக்கக் கூடாது? “உழவர் சந்தை” போல, ஏன் “நெசவாளி சந்தை” இருக்கக் கூடாது. ஒரு பட்டுப்புடவையை நெய்து முடிக்க ஒரு நாள், ஒரு வாரம், ஒரு மாதம் ஆகும், அதில் ஒன்றிற்கும் மேலாக பல தொழிலாளர்கள் ஈடுபடுவார்கள், இரவுப்பகலாக உழைத்து உருவாக்குவார்கள். ஆனால், அவர்களுக்கு, ஒரு புடவைக்கு ரூ 100/- முதல் 10,000/- கிடைக்கும் என்ற நிலையுள்ள போது, வியாபாரி எப்படி ரூ 500/- முதல் ரூ 20,000/- வரை லாபமடைகிறார்? முன்பு போல, வியாபாரி வீட்டிற்கே வந்து வியாபாரம் செய்தால், விலை குறையதா? பிறகு ஏன் அத்தகைய இந்திய கலாச்சார, பாரம்பரிய, நாகரிகம் மிக்க வியாபாரமுறையைக் கொன்றுவிட்டனர்?

50-100 வருடங்களுக்கு முன்பான  பட்டுப்புடவை வியாபாரம்: எனது பாட்டிக் காலத்திலிருந்து பட்டுப் புடவைகளை பெண்கள் வாங்குவதைப் பார்த்திருக்கின்றேன். பொதுவாக திருமணம், வளைகாப்பு போன்ற நிகழ்ச்சிகளுக்குத் தான் பட்டுப்புடவைகள் பிரத்யேகமாக வாங்குவார்கள்.  பட்டுப்புடவை விற்பவர் வீட்டிற்கே மூட்டையோடு வந்து, ஜமக்காளம் போட்டு அனைவரும் உட்கார, புடவைகளைப் பிரித்துக் காட்டி, பேரம் பேசி, ஒரு வழியாக வாங்கி முடிப்பார்கள். அதற்குள் புடவைகள் எல்லாவிதமான “தரநிர்ணய” சோதனைகளுக்கு உட்பட்டுவிடும். அதாவது, அனுபவம் மிக்க பெண்களே அத்தகைய சோதனைகள் செய்து முடித்து விடுவார்கள். நூல், சரிகை, தரிப்பிழைகள், கோடுகள், அழுக்கு, சாயம் பூசப்பட்டது, என அலசி பார்த்து விடுவார்கள். வியாபாரி ஒன்றும் செய்ய முடியாது. பெண்களும் அத்தகைய புடவைகளை ஒதுக்கி வைத்து விடுவார்கள். ஆனால், இப்பொழுதோ போலிப்பட்டுப் புடவையை கண்டு பிடிக்க ஒரு எந்திரத்தை வைத்துள்ளார்களாம். அதில் சோதனை செய்ய ரூ 50/- ரூபாயாம்!

வேதபிரகாஷ்

08-10-2011