Archive for the ‘தமிழர்’ Category

ஆமையை வைத்து சரித்திர புரட்டில் ஈடுபட்டுள்ள போலி தமிழ் ஆராய்ச்சியாளர்கள்! தமிழ், தமிழன், திராவிடன் பெயர்களால் மக்களைப் பிரிக்கும் துவேசத்திலும் ஈடுபட்டுள்ளனர்! [2]

பிப்ரவரி 14, 2020

ஆமையை வைத்து சரித்திர புரட்டில் ஈடுபட்டுள்ள போலி தமிழ் ஆராய்ச்சியாளர்கள்! தமிழ், தமிழன், திராவிடன் பெயர்களால் மக்களைப் பிரிக்கும் துவேசத்திலும் ஈடுபட்டுள்ளனர்! [2]

Hindi inscriptions in Tanjore Temple

தமிழ் கல்வெட்டுகள் மற்ற மாநிலங்களில் இருக்கின்றன என்பதும், மற்ற மொழி கல்வெட்டுகள் தமிழ்நாட்டில் உள்ளன என்பதும் தெரிந்த விசயம் தான்: இது கல்வெட்டியல், அகழ்வாய்வு, சரித்திர ஆராய்ச்சியாளர் முதலியோர்களுக்கு தெரிந்தது தான். தென்னிந்திய அரசர்கள் அவ்வாறுதான் இடைகாலத்தில் கல்வெட்டுகளை எழுதி வைத்துள்ளார்கள். “பல்மொழிதேய்த்தோர்” என்று சங்கப்புலவர்கள் குறிப்பிட்ட போதும், அவர்கள் அக்காலத்திலேயே பல மொழிகள் மற்ற பகுதிகளில் இருந்ததை அறிந்துள்ளனர் என்றாகிறாகிறது. அதில் எந்த மொழிவேற்றுமை, மொழிவெறி முதலியவை இல்லை. தஞ்சை கோவிலில் “இந்தி கல்வெட்டு உள்ளது,” “தமிழ் கல்வெட்டை எடுத்து, இந்து கல்வெட்டை வைக்கிறார்கள்,” என்று புரளி செய்தது போல, மற்ற மாநிலங்களில், தமிழ் கல்வெட்டுகள் உள்ளன என்று யாரும் கலாட்டா செய்யவில்லை. ஆனால், பாலு இப்பொழுது, ஏதோ புதியதாகக் கண்டு பிடித்தது போல, “கர்நாடகா, ஆந்திரா மாநிலங்களில் தமிழ்கல்வெட்டுகள் உள்ளன,” என்று வீடியோவில் பேசுவது தமாசாக இருக்கிறது. அப்படியென்றால், தமிழ்நாட்டில், இந்த மொழிவெறியாளர்களிடம் தான் ஏதோ பிரச்சினை உள்ளது என்று தெரிகிறது. அவர்களது மனங்களில் வன்மம், வக்கிரம், பொய்மை என்று எதிர்மறையான சிந்தனைகள் அதிகமாக்க இருப்பதால், அவை வெறுப்பு, காழ்ப்பு, துவேசம் போன்று வெளிப்படுகின்றன. முன்னுக்கு முரணான வாதங்கள் முதலியன பதிவாகின்றன. அதாவது, இப்படி எல்லாம் பொய்கள் சொல்லி, கலவரத்தைத் தூண்ட முயற்சிக்கிறார்கள் என்றும் யோசிக்க வேண்டியுள்ளது. ஆனால், பெரும்பான்மையான மக்கள் இவற்றை, இவர்களின் பொய்களை கண்டுகொள்ளவில்லை என்றே தெரிகிறது. எல்லாமே [குடமுழுக்கு உட்பட] அமைதியாக நடந்து முடிந்து வருகின்றன.

Cholas surrendered to Brahmanism

ராஜராஜன்ராஜேந்திரனை போற்றுவது, தூற்றுவது: ராஜராஜன், ராஜேந்திரன் முதலியோரை பார்ப்பன வருடிகள் என்று தூசித்து, பிருகதீஸ்வரர் கோவிலில் இந்தி கல்வெட்டுகள் இருக்கின்றன என்று பொய்களை சொல்லி, இப்பொழுது, தமிழில் குடமுழுக்கு என்று பிரச்சினை கிளப்பி, இவ்வாறு பிரச்சாரம் செய்யும் இவர்களில் குறிக்கோள் என்ன? ராஜராஜன், ராஜேந்திரன் பிராமணர்களுக்கு “பிரமதேயம்” கொடுத்து பார்ப்பனீயத்தை ஊக்குவித்தான். அடிமைகளை வைத்து கோவில்கள் கட்டினான். கோவில்களில் பல தேவரடியார்களை வைத்து சமூகத்தைக் கெடுத்தான் போன்று எழுதியுள்ளார்கள். இப்படி ராஜராஜன் மற்றும் ராஜேந்திர சோழர்களை ஒரு பக்கம் தூஷிப்பது, இன்னொரு பக்கத்தில், பல நாடுகளை வென்றான், உலகத்தை ஆண்டான் என்றெல்லாம் புகழ்வது. இத்தகைய முரண்பாடும், இவர்களது போலித்தனத்தைக் காட்டுகிறது. நிச்சயமாக தமிழகத்தில் பிரிவை உண்டாக்கி, பிரச்சினைகளை உருவாக்கத்தான் இவர்கள் ஈடுபட்டுள்ளது தெரிகிறது. மேலும், இவர்களுக்கு உதவுவது அயல்நாட்டவர் என்று தெரிகிறது. விஞ்ஞானம், தொழிற்நுட்பம், சரித்திரம், அகழ்வாய்வு என்று எந்த ஆதாரமும் இல்லாமல், “உலகம் முழுவதும் தமிழ் மொழி இருந்தது, கல்வெட்டுகள் இருக்கின்றன, தமிழ் தான் முதல் மொழி” என்ற திட்டத்துடன், மொழிப் பற்றை மொழிவெறியாக்கி, புதிய மொழி-அடிப்படைவாதம் போன்ற பயங்கரவாதத்தை உண்டாக்க பார்க்கின்றனர். தமிழன் கடல், கடல்சார் விஞ்ஞானம், கப்பல் கட்டும் தொழிற்நுட்பம் இவற்றில் எல்லாம் பெரிய முன்னோடிகள், விற்பனர்கள், பொறியியல் வல்லுனர்கள் என்றால், ஏன் ஒரு புத்தகத்தையும் எழுதியிருக்கவில்லை?

Tamilan or Dravidian - debate -1

தமிழனா, திராவிடனா? இனவாதத்தோடு மொழிவெறியை வைத்துக் குழப்புவது: இந்த தமிழ் தேசியம் மற்றும் பிரிவினைவாதிகளுக்கு, இப்பொழுது “தமிழனா, திராவிடனா?” என்ற குழப்பம் வந்துள்ளது.  அயல்நாடுகளில் பிரிவினைவாதிகள் வேலை செய்து கொண்டிருப்பதால், அவர்களுக்கு “தமிழ் / தமிழன்” என்பது “திராவிடனை” விட லாபகரமாக இருப்பது தெரிகிறது. அரசியலுக்கு “திராவிடன்,” வசூலுக்கு “தமிழன்” என்று இந்த போலிகள் வேலை செய்து வருகின்றனர். போகும் இடங்களில் தங்க இடம், உணவு, விளம்பரம், பணம் எல்லாம் கொடுப்பதால், இந்த போலி ஆராய்ச்சியாளர்களுக்குள் போட்டி-பொறாமைகளும் வந்து விட, ஒருவர் மீது, இன்னொருவர் ஆட்களை வைத்து தம்மைத் தாமே வெளிப்படுத்திக் கொண்டிருக்கின்றனர். வீடியோ மூலம், இக்கட்டுக்கதைகள் பரப்பப் படுவதால், அந்த “ஒருவரை ஒருவர் குற்றம் சாட்டும்” ஓலங்களும் வீடியோக்களாக வலம் வந்து கொண்டிருக்கின்றன. பிறகு, வழக்கம் போல “ஆரியர்-திராவிடர்” கட்டுக் கதையை எடுத்துக் கொண்டு, இனம்[race], இனவெறி சித்தாந்தம் [ racism],  மற்றும் இனபகுப்பு வெறித்தனம் [racialism] என்றவற்றையும் சேர்த்து செயபட்டுக் கொண்டிருக்கின்றனர்.

Tamilan or Dravidian - debate -2

திராவிடமா? தமிழ்த்தேசியமா?” தலைப்பிலான விவாத நிகழ்வு குறித்து, ஜூனியர் விகடன் ஏட்டில் கட்டுரை வெளியாகியுள்ளது. சுபவீரப் பாண்டியன், “திராவிடம் என்பது ஆரியத்தின் எதிர்ச்சொல். எப்படியாவது திராவிடத்தை வேரறுத்து விடவேண்டும் என்று சில தமிழ்த் தேசிய நண்பர்கள் கருதுகிறார்கள்…திராவிடம் ஒரு சொல் அல்ல; கோட்பாடு. வரலாற்று நிகழ்வுகளின் அடையாளம் திராவிடம். தமிழ் சமூகத்தின் மீதான ஆதிக்கத்தை எதிர்க்க அச்சொல் அயோத்திதாசர் உபயோகப் படுத்தினார். 1913ல் மறைமலை அடிகள் திராவிட நாகரிகம் என்று குறிப்பிட்டார்….ஆக போலி மோதலை உருவாக்க இந்த தமிழ்-திராவிடம் நோக்கமாக உள்ளது,”. என்றார். தமிழ்த் தேசியப் பேரியக்கத் தலைவர் பெ.மணியரசன் முன் வைத்துள்ள வாதத்தையும், ஜூனிய விகடன் சுருக்கமாகத் தந்துள்ளது. “இந்திய அரசு என்பது தமிழ் இனப்பகை அரசு. இந்தியாவிலிருந்து தமிழகம் விடுபட்டால்தான் தமிழ்த் தேசிய இனம் வாழும் என்பதை பகிரங்கமாக நாங்கள் சொல்வோம். எந்தத் திராவிட இயக்கமாவது அப்படிச் சொல்ல முடியுமா? தேர்தலில் நிற்காத திராவிட இயக்கமாவது சொன்னதா? திராவிடம் என்பது இனப்பெயரா? மொழிப் பெயரா? இடப்பெயரா? தி.. சொல்லும் திராவிடம் வேறு. தி.மு.. சொல்லும் திராவிடம் வேறு. “நான் இனத்தால் திராவிடன், மொழியால் தமிழன். நாட்டால் இந்தியன்என்று சொல்கிறார் கலைஞர். இப்படி ஓர் இனக் கொள்கை சமூக அறிவியலில் எந்த விஞ்ஞானத்தில் இருக்கிறது? காவிரி நீர் பறிபோய்விட்டது. பாலாற்றுக்கு வந்து கொண்டிருக்கும் தண்ணீர்ரை அணைக்கட்டி தடுக்கிறார்கள். முல்லைப் பெரியாறு தீர்ப்பு வந்தும் நம்மால் எதுவும் செய்ய முடியவில்லை. தேனி மாவட்டத்துப் பெண்கள் கேரளாவில் துன்புறுத்தப்பட்டனர். அப்போதெல்லாம் இந்தத் திராவிடம் வேலை செய்யவில்லை…..”.

Orissa Balu becoming anti-of all sorts

திராவிட மாயையும், தேசியமும்: மணியரசன் தொடர்ந்து கூறியது, “ஒட்டுமொத்தமாக திராவிடம் என்பதே கற்பனையாகிப் போன ஒன்று. ஈழத்தமிழர்கள் கொல்லப்பட்டார்களே.. அவர்களுக்கு ஆதரவாக ஒரு தீர்மானம் ஆந்திராவிலோ, கர்நாடகத்திலோ, கேரளாவிலோ ஏன் போடவில்லை? தமிழின உணர்ச்சிக்கு உளவியல் ஊனத்தை உண்டாக்கியது திராவிட இயக்கம். அந்தக் கோட்பாட்டை வரைந்தவர் வேறு யாருமல்ல, பெரியார். தமிழ் இலக்கியத்தில் திராவிடம் எங்காவது சொல்லப்பட்டிருக்கிறதா? தமிழின மறுப்பு, தமிழ் மொழி எதிர்ப்பு இதுதான் பெரியாரிடம் நான் கண்டுபிடித்தது. 69-இல் தமிழை விட்டொழித்துவிட்டு ஆங்கிலத்தில் பேசுங்கள் என்றார். தனது அரசியலுக்கு ஏற்ப எதிர்வினை ஆற்றக் கூடியவர் பெரியார். எமது தேசிய இனம், தேசிய மொழி தமிழ் மட்டுமே. இறையாண்மையுள்ள தமிழ்த் தேசக் குடியரசு அமைப்பது எமது இலக்கு!” என்று நிறைவு செய்தார். இதே பிரச்சினை கீழடி விசயத்தில் வந்தபோது, சுபாஷினி முதலியோர் சப்புக் கட்டினதை வீடியோக்களில் காணலாம். முன்பு, குணா எழுதிய “திராவிடத்தால் வீழ்ந்தோம்,” புத்தகத்தின் பாதிப்பு, இப்பொழுதும் பலவிதங்களில் வெளிப்பட்டுக் கொண்டிருக்கிறது. இதனால், தமது சித்தாந்தம் பொய்த்து விட்டது என்ற நிலையில், இவ்வாறு உணர்ச்சிப்பூர்வமாக, விசயங்களை மாற்றி, இக்கால இளைஞர்களை ஏமாற்ற, இத்தகைய பிரச்சாரங்களை செய்து வருவது தெரிகிறது.

Orissa Balu, changing ideology

வழக்கம் போல ஆரியதிராவிட இனவாதத்தை வைத்துக் குழப்புவது: திராவிடர்கள் என்று கூறிக்ககொள்ளும், தமிழர்களது சங்க இலக்கியங்களில் “திராவிடன்” என்ற சொல்லே இல்லை, ஆனால், “ஆரியன்” என்ற வார்த்தை ஏழு முறை உபயோகப் படுத்தப் பட்டுள்ளது[1]. இனரீதியில் ஆரியர்-திராவிடர் இல்லை என்று ஏற்றுக் கொள்ளப் பட்டு விட்டது. இருப்பினும், ரோமிலா தாபரை விட தாங்கள் பெரிய சரித்திர ஆசிரியர்கள் என்ற ரீதியில் செயல்படுவது தமாசாக இருக்கிறது. இப்பொழுது மரபணு ஆராய்ச்சிகளும் ஆரிய படையெடுப்பு போன்ற சித்தாந்தங்கள் பொய் என்று எடுத்துக் காட்டியுள்ளன. “தமிழர்” என்றால், எல்லா தமிழர்களும் ஒன்றாக இருக்க வேண்டும். தமிழ்நாட்டுத் தமிழர், இலங்கைத் தமிழர், மற்ற நாட்டுத் தமிழர் என்றிருந்தால், சித்தாந்தம் முரண்படும். அம்முரண்பாடுதான், இந்திய-விரோதமாகவும் வாதங்களில் வெளிப்படும். இன்றும் ஆரிய-திராவிட இன, இனவெறி, இனதுவேச கோட்பாடுகள்-சித்தாந்தங்கள்-கருதுகோள்கள் வைத்துக் கொண்டு, ஆராய்ச்சி, வாத-எதிர்வாதங்கள் புரிந்தால், அது சரித்திரரீதியில் இல்லை என்பதை அறிந்து கொள்ள வேண்டும். ஆரிய-திராவிட இனவாதங்கள் மற்றும் சமஸ்கிருத-தமிழ் காழ்ப்புகளை வைத்துக் கொண்டு, தமிழ் பிரம்ம்பி எழுத்துகளை, சிலர் திரவிடி, திராவிடி, தமிழ் பிரம்மி, பழந்தமிழி, தமிழி, முருகு தமிழி………என்றெல்லாம் சொல்லி, குறிப்பிட்டு குழப்புகின்றனர். எழுத்துரு பிறந்த சரித்திரம் அறிந்தவர்கள் அவ்வாறு செய்ய மாட்டார்கள். இனம், இனவெறி சித்தாந்தம் மற்றும் இனபகுப்பு வெறித்தனம் [the race, racism and racialism] இவையெல்லாம் விஞ்ஞான ரீதியில் கட்டுக் கதை என்றாலும், அவற்றை வைத்து பேசி-எழுதி வருகின்றவர்களை சரித்திராசிரியர்கள் ஏற்றுக் கொள்வதில்லை. தமிழ்-தமிழ் என்று பேச காலம் தள்ளிக் கொண்டிருப்பவர்களுக்கு அது சந்தோஷம் கொடுக்கும் விசயமாக இருக்கலாம். அரசியல் காரணங்களுக்காக, இனபம் தூண்டுவதாக இருக்கலாம். ஆனால், ஆராய்ச்சி நெறிமுறை என்று வரும்போது, எடுபடாமல் போகிறது.

© வேதபிரகாஷ்

13-02-2020.

Orissa Balu - Tamil inscriptions in other states

[1] கே. வி. ராமகிருஷ்ண ராவ், சங்க இலக்கியங்களில் ஆரியர்திராவிடர், மதம் மற்றும் தத்துவங்களில் தென்னிந்தியாவின் பங்கு-ஆய்வுக்கோவை, சென்னை, 2009, பக்கங்கள் 11-44. https://aryandravidian.wordpress.com/2010/04/04/3/

இக்கட்டுரை ஆசிரியர் ஆங்கிலத்தில் பல மாநாடுகளில் சமர்ப்பித்த-வெளிவந்த ஆங்கில கட்டுரைகளின் தமிழ் மொழிபெயர்ப்பு-தொகுப்பாகும்.

  1. V. Ramakrishna Rao, ‘Ariyar” in Ancient Tamil Literature, Proceedings of Indian History Congress, Calcutta, 1990, p.165.

……………………………………………………, ‘Ariyar” in Ancient Tamil Literature, in S. B. Deo and Suryanaath Kamath (Ed.), in The Aryan Problem, Bharatiya Itihasa Sankalana samiti, Pune, 1993, pp.75-80.

……………………………………………………, Dravidians – a Literary and anthropological Study, a paper presented during the IHC session held at New Delhi from Feb.21-23, 1992.

……………………………………………………, The Dravidian Problem, Proceedings of the Bharatiya Iitihasa Sankalana Samiti, Warangal, 1992, pp. 38-45.

……………………………………………………, Racial Myths, Politics and Human Unity, in Make History, Madras, Oct-Dec.1993.

ஆமையை வைத்து சரித்திர புரட்டில் ஈடுபட்டுள்ள போலி தமிழ் ஆராய்ச்சியாளர்கள்! தமிழின் பெயரால் மக்களைப் பிரிக்கும் துவேசத்திலும் ஈடுபட்டுள்ளனர்! [1]

பிப்ரவரி 14, 2020

ஆமையை வைத்து சரித்திர புரட்டில் ஈடுபட்டுள்ள போலி தமிழ் ஆராய்ச்சியாளர்கள்! தமிழின் பெயரால் மக்களைப் பிரிக்கும் துவேசத்திலும் ஈடுபட்டுள்ளனர்! [1]

propaganda throough internet

ரகசியத்தை ஆமை சொல்கிறதா, தமிழ்-வெறியாளர்கள் சொல்கிறார்களா?: திடீரென்று “ஆமையின் ரகசியம்” என்று ஒரே விசயத்தை பலர் பரப்பி வருவது வேடிக்கையாக இருக்கிறது. ஒரு ஆமை சிற்பத்தின் படத்தைப் போட்டு விட்டு[1], “தமிழகத்தில் 79 கோயில்களில் கடல் ஆமை சிற்பங்கள் உள்ளன. இதன் அர்த்தம் என்ன தெரியுமா? பர்மாவில் தேக்கு மரத்தை வெட்டி நீங்கள் கடலில் போட்டால் அது எங்கு போய் சேரும் தெரியுமா? தனுஷ்கோடிக்கு. ஆம். அது தமிழன் கண்டறிந்த தொழில் நுட்பம்! தன் நுண்ணறிவால் நீரோட்டத்தை பயன்படுத்தி தமிழன் செய்த சாதனைகள் நிறைய. கடல் ஆமைகள் கடலில் இருக்கும் நீராட்டத்தை பயன்படுத்தி 150 கி.மீ வரை மிதந்தபடி சுலபமாக பல இடங்களையும் சென்றடைந்தன. இதை கவனித்த நம் தமிழன் கப்பல் போக்குவரத்தை நீரின் ஓட்டத்தை பயன்படுத்தி செலுத்த துவங்கினான். இதனால் அவன் 20,000 க்கும் மேற்பட்ட கடல் தீவுகளை கண்டறிந்தான். இதுவரை எந்த நாட்டின் கடல்படையும் போகமுடியாத பல இடங்களை துறைமுகங்களை கண்டறிந்தான்! மத்திய தரைக்கடல், தென்ப்கிழக்கு ஆசிய நாடுகளில் பல வியாபாரம் புரிந்து பெரும் வெற்றி அடைந்தான்……………….,” என்று கதை விடப் பட்டுள்ளது. எந்த ஆதாரமும் கொடுக்கப் படவில்லை. ஆனால், இணைதளங்களிலும் பரப்ப ஆரம்பித்துள்ளனர்.

Mantap on tortoise

79 ஆமை சிற்பங்கள் – ஏன் 80 இருக்கக் கூடாதா?: “தமிழகத்தில் 79 கோயில்களில் கடல் ஆமை சிற்பங்கள் உள்ளன. இதன் அர்த்தம் என்ன தெரியுமா? ” என்று கேள்வி கேட்டு ஆரம்பிக்கும் இவர்கள் அந்த 79 கோவில்கள் இருக்கும் இடங்கள், சிற்பங்கள் இருக்கும் விவரங்களைக் கொடுக்கவில்லை. மாறாக, தமிழகத்தில் இல்லாத சிற்பங்களை சேர்த்து போட்டு, அக்கதையினை பரபுகிறார்கள். பர்மாவிற்கும் ராமேஸ்வரத்திற்குமிடையே உள்ள தூரம் 4,317.8 km மற்றும் அதனைக் கடந்து வர 92h, நேரம் ஆகும். ஆனால், உண்மைகளை யோசிக்காமல், நடைமுறை நிதர்சனங்கள், விஞ்ஞான ரீதியிலான எந்த விசயத்தையும் கருத்திற்கொள்ளாமல், ஏதோ அளந்து விட்டிருக்கிறார்கள். காலம், ஆண்டு கொடுக்காமல், யார் கண்டு பிடித்தார்கள் என்று சொல்லாமல், “தமிழன்” என்று குறிப்பிட்டு உசுப்பேற்றி உள்ளார்கள். சரி, இதை யார் செய்கிறார்கள் என்று சரிபார்த்து, கண்டறிந்தால், குறிப்பிட்ட கூட்டங்கள் தான் செய்கின்றன என்று தெரிகிறது.

Tortoise with cross base

சங்க இலக்கிய ஆமைகளும், தமிழர்களின் கட்டுக் கதை ஆமைகளும்: ஆமைப் பற்றிய குறிப்புகள் சங்க இலக்கியங்களில் காணப்படுகின்றன:

தாய்இல் முட்டைபோல, உட்கிடந்து

சாயின் அல்லது, பிறதுவென் உடைத்தே

யாமைப் பார்ப்பின் அன்ன

காமம், காதலர் கையற விடினே (குறு-பா-152)

தீம்பெரும் பொய்கை யாமை யிளம் பார்ப்புத்

தாய்முக நோக்கி வளர்ந்தசி னாஅங்கு (ஐங்குறுநூறு.பா.44)

ஆமைகள் முட்டையிட்டு சென்று விடும், முட்டை பொறிந்து, குஞ்சுகள் வெளிவந்து, அவை தாய்-ஆமை நோக்கி செல்லும் என்றுள்ளது.

ஓரை ஆயத்து ஒண் தொடி மகளிர்

கேழல் உழுத இரும் சேறு கிளைப்பின்

யாமை ஈன்ற புலவு நாறு முட்டையை

தேன் நாறு ஆம்பல் கிழங்கொடு பெறூஉம் – புறம். 176

ஆமைகள் முட்டையிட்டு சென்றுவிடும், பிறகு அவை முற்றி, குஞ்சுகள் வெளிவரும்.

கரியாப் பூவின் பெரியோர் ஆர,     (10)

அழல் எழு தித்தியம் அடுத்த யாமை

நிழலுடை நெடுங் கயம் புகல் வேட்டாஅங்கு, அகநானூறு 361

“வாடாத மலரையுடைய தேவர் உண்பதற்காகத் தீ ஓங்கிய வேள்விக் குண்டத்தில் இடப்பட்ட ஆமை தான் முன்பு இருந்த நிழல் பொருந்திய பொய்கையில் போவதைப் போல………………………”

இவற்றைத் தவிர மற்ற குறிப்புகளும் [திருக்குறள் மற்ற நீதி நூல்கள்] உள்ளன. தமிழ் இலக்கிய முறையில், உருவகப் படுத்தி, ஆமை பற்றிய குறிப்புகள் இன்னும் உள்ளன, ஆனால் அவை கப்பல், கப்பல்கட்டும் முறை, கடல் பிரயாணம் செய்யும் நுணுக்கம் முதலியவற்றைப் பற்றி சொல்வதாக இல்லை.

Garwa, Allahabad

ஆமைகளைப் பற்றியக் கட்டுக் கதைகள்: ஆனால், உவமைகளில் உபயோகப் படுத்தப் பட்டுள்ள இவை போன்ற மற்ற பல உதாரணங்களில், ஆமைகள், கடலடியில் சென்று கொண்டிருக்கும், அதை வைத்து கப்பல் ஓட்டலாம், கடல் பயணம் செல்லலாம், என்றெல்லாம் எங்கும் இல்லை. ஆனால், சரித்திர ஆதாரம் இல்லாத, “குமரிக் கண்டம்” கட்டுக்கதையை வைத்து வியாபாரம் செய்து வரும் ஒருவராக, “ஒரிஸா பாலு” என்பவர் மாறி விட்டது தெரிகிறது[2]. ஓருவர் இப்படி ஒரிசா பாலு செய்த ஆராய்ச்சியை[3], இப்படி விவரிக்கிறார்[4], “ஒரிசாவில் இருக்கும் போது, ஆமைகள் மீது RFID கருவியை பொருத்தி அவை குறித்து ஆய்வு மேற்கொண்டபோது, ஒரு நாள் ஆமை நீந்தாமல் மிதந்து செல்வதை காண நேரிட்டிருக்கிறது. எப்படி நீந்தாமல் பயணிக்கின்றன என ஆய்ந்தப்போது தான், கடல் நீரோட்டங்களில் அவை செல்லும் போது, நீந்தத் தேவையில்லாமல் இழுத்து செல்லப்படுகின்றன என கண்டுபிடித்திருக்கின்றார். RFID[5] கருவியில் இருக்கும் ஆண்டெனா மூலம் சாடிலைட்க்கு கிடைக்கும் சிக்னலை தொடர்ந்தப் போது, ஆமைகள் பல்லாயிரம் கிலோமீட்டர்கள் கடந்து பல நாடுகளுக்கு செல்வது தெரியவந்தது. அவைகளை மியான்மர், மலேசியா, ஆஸ்திரேலியா, பசிபிக்தீவுகள், மெக்சிகோ, ஆப்ரிக்கா, ஐஸ்லேண்ட் ஆகிய கடற்கரைகளுக்கு ஆமைகளை தொடர்ந்து பாலு அவர்கள் பயணித்தப்போது இன்னும் ஒரு புதிய செய்தி கிடைத்திருக்கிறது.

Orissa Balu becoming anti

RFIDன் உபயோகம், ஆமைகள், தமிழர், கப்பல் பிரயாணங்கள் முதலியன:  அலைகளின் கதிர்வீச்சு அதிர்வெண் அடையாளம் காணும் கருவி [RFID – radiofrequency Identifier] அமெரிக்க-ஐரோப்பிய நாடுகளில் பெரிய பண்ணைகளில், தாங்கள் வளர்க்கும் விலங்குகள் எங்கே உள்ளன என்று கண்டுபிடிக்க உபயோகப் படுத்துகிறார்கள். ஆனால், ஆமைகளுக்கு உபயோகப் படுத்தி “பல்லாயிரம் கிலோமீட்டர்கள் கடந்து பல நாடுகளுக்கு செல்வது தெரியவந்தது” என்பதற்கான ஆதாரங்கள் தெரியவில்லை. பாலு, “அவைகளை மியான்மர், மலேசியா, ஆஸ்திரேலியா, பசிபிக்தீவுகள், மெக்சிகோ, ஆப்ரிக்கா, ஐஸ்லேண்ட் ஆகிய கடற்கரைகளுக்கு ஆமைகளை தொடர்ந்து பாலு அவர்கள் பயணித்தப்போது இன்னும் ஒரு புதிய செய்தி கிடைத்திருக்கிறது,” எனும்போது, அவரது பயணத்தின் விவரங்களும் [மியான்மர், மலேசியா, ஆஸ்திரேலியா, பசிபிக்தீவுகள், மெக்சிகோ, ஆப்ரிக்கா, ஐஸ்லேண்ட் ஆகிய கடற்கரைகளுக்கு ஆமைகளை தொடர்ந்து பாலு பயணித்த] தெரியவில்லை. இந்த அளவுக்கு பொய் சொல்ல வேண்டிய அவசியம் இல்லை. முன்பு அருணாசலம் என்பவர் இந்திய கடற்படை கப்பல் மற்றும் இரு பொறியாளர்களுடன், ராஜேந்திரன் எப்படி தென்கிழக்கு ஆசிய நாடுகளுக்கு சென்றிருப்பான் என்று அதே போல சோதனை ஓட்டம் நடத்த முயன்றனர். ஆனால், மேற்குக் கடற்கரையைத் தாண்டி வரவே முடியாமல், விட்டு விட்டனர். அப்படி இருக்க, பாலு ஆமைகளை தொடர்ந்து, உலகத்தை எல்லாம் எப்படி சுற்றி வந்தார் என்று தெரியவில்லை. ஆகவே, ஒரு சிறிய விசயத்தை RFID – வைத்துக் கொண்டு, இப்படி அளந்து விட்டிருக்கிறார்கள்.

Orissa Balu going extreme

தமிழ் ஆராய்ச்சியிலிருந்து, இந்துவிரோத, தேசவிரோத ஆராய்ச்சிற்கு போகிறதா?: தமிழ், தமிழன் என்று தொடர்ந்த இவர ஆராய்ச்சி இப்பொழுது, “இந்தியா என்ற பெயர் முதலில் இலக்கியத்தில் இல்லை, தமிழ் தேசியமா, தேசியம் என்பதே சமஸ்கிருத வார்த்தை, தமிழா-சமஸ்கிருதமா” என்றெல்லாம் மாறி, “இந்து என்கிற மதமே இல்லை” என்று வந்து முடிந்துள்ளது[6]. இந்த போக்கு விசித்திரமாகவும், திகைப்பாகவும் உள்ளது. விஞ்ஞானம் என்றெல்லாம் பேசும் ஒரு ஆராய்ச்சியாளர் மூலம் இத்தகைய, மோசமான அரசியல், ஆதாரமில்லாத மேடை பேச்சு தோரணை, மிரட்டல்-உருட்டல் சொல்லாடல்கள் எல்லாம் எப்படி சேர்ந்து கொண்டன, வீடியோக்களில் பதிவாகி வலம் வருகின்றன என்று தெரியவில்லை. சுபாஷினி, கண்ணன் முதலியோர் தாங்கள் இந்தியர் இல்லை என்று தப்பித்துக் கொள்ளாலாம், பாலு இந்தியராகத்தானே உள்ளார்? இவரை எதிர்த்தும் வீடியோக்களைப் போட்டிருக்கிறார்கள்[7]. நல்லூர் சரவணன் பாசையும்[8], இவரது பாசையி தொணியும் ஒரே மாதிரியாக உள்ளது. வாட்ஸ்-அப், பேஸ் புக் என்று சமூகதளங்களில், பற்பல பொய்களை சேர்த்து, சம்பந்தமே இல்லாத படங்களுடன், அக்கட்டுக்கதை மேன்மேலும் பரப்பி வருவதால், இப்பதிவு செய்யப் படுகிறது. மேலும் வேடிக்கை என்னவென்றால், அவற்றில் ஒரு பக்கம் “தமிழ், தமிழ்” என்பது, இன்னொரு பக்கம், “சமஸ்கிருதம், செத்தப் பாடை, வந்தேறி, பார்பனீயம்….” என்று வசை பாடுவது என்று பரப்பப் பட்டு வருகிறது. சரித்திரம் என்பது ஆதாரங்களுடன், எழுதப் படுவது. உணர்ச்சிப் பூர்வமாக, மக்களை இனம், மொழி என்ற ரீதிகளில் வெறுப்பு, காழ்ப்பு, துவேசம் முதலியவற்றை வளர்க்க எழுதப் படுவது இல்லை.

© வேதபிரகாஷ்

13-02-2020.

Pazhani, Saiva siddhanta conference, 19-21, July 2019 saivam not Hindu

[1] “ஆமை சொல்லும் இரகசியம்!” என்றும் பரப்பப் பட்டு வருகின்றது. உதாராத்திற்கு, ஒரு லிங் கொடுக்கப் படுகிறது:

https://tamil.gizbot.com/social-media/amazing-under-sea-technology-of-tamils/articlecontent-pf158095-022057.html

[2] http://www.facebook.com/orissa.balu;

[3]  முன்னர் ஒரிசா பாலு தான் யாரிடமிருந்து, ஆமை ஆராய்ச்சி விவரங்கள், கட்டுரைகள் முதலியவற்றைப் பெற்றார் என்று அவரே தனது பிளாக்கில் போட்டிருந்தார், பிறகு எடுத்து விட்டு, தானே எல்லாவற்றையும் கண்டு பிடித்தது போலக் காட்டிக் கொள்கிறார். பொதுஜன மகிழ்விப்பு கதைகள் போன்று இவை உலாவரலாம், ஆனால், பிரிவினை போன்ற விபரீதங்களுடன் உலா வருவதால், கண்டிக்க வேண்டியுள்ளது.

[4] http://ss-sivasankar.blogspot.com/2012/09/blog-post_23.html

[5] RFID – radiofrequency Identifier- A microchip implant is an identifying integrated circuit placed under the skin of a dog, cat, horse, or other animal. The chips are about the size of a large grain of rice and are based on a passive RFID (Radio Frequency Identification) technology. The use of externally attached microchip devices such as RFID ear tags (piercings rather than implants) is another, related method commonly used for identifying farm and ranch animals other than horses. In some cases the external microchips may be readable on the same scanner as the implanted style.

[6] http://cyberspaceandtime.com/TxramBuqV5w.video+related

[7] இவரும் இன்னொருவரும், தமிழர்களை ஏமாற்றுகிறார்கள் என்று ஒருவர் வீடியோவில் விவரிக்கிறார். இப்பொழுது, அந்த வீடியோ எடுத்து விட்டதாகத் தெரிகிறது.

[8] சைவ மாநாடு நடத்தி, சைவர்கள் இந்துக்கள் அல்ல என்று தீர்மானம் போட்டு, விசமத்தைப் பரப்பி வருகிறார்.

இந்து ஆன்மிக மற்றும் சேவைகள் கண்காட்சி 2020 மற்றும் பாரதிய இதிகாச சங்கலன சமிதி [2]

பிப்ரவரி 7, 2020

இந்து ஆன்மிக மற்றும் சேவைகள் கண்காட்சி 2020 மற்றும் பாரதிய இதிகாச சங்கலன சமிதி [2]

Minister eceives the book

பாரதிய இதிகாச சங்கலன சமிதி: இதில், “பாரதிய இதிகாச சங்கலன சமிதி,” என்களது அமைப்பின் சார்பில், ஸ்டால் வைக்கப் பட்டது. பாரத சரித்திரம், ஆண்ட பேரரசுகள், ராமாயண காலம், கணிதம், வானியல், உலோகவியல், வேதியல், ஆயுர்வேதம் போன்ரவற்றின் தொன்மை இவற்றைப் பற்றிய விளக்கப் படங்கள் வைக்கப் பட்டன. சிந்துசமவெளி நாகரிகப் பகுதிகள், பாகிஸ்தானில் இருப்பதால், அதற்கிணையான ஆனால் அதே போன்ற கலாச்சாரம் கொண்ட நாகரிகம் இப்பொழுதைய இந்திய பகுதிகளில் இருந்ததற்கான அகழ்வாய்வு ஆதாரங்கள் கிடைத்து வருகின்றன. அவை, சரஸ்வதி நதி நாகரிகம் என்று பெயரிடப் பட்டுள்ளது. அதைப் பற்றிய விவரங்கள் செயற்கைகோள் மூலம் பெற்ற புகைப் படங்கள் மூலம் நிரூபிக்கப் பட்டுள்ளது. அவற்றைப் பற்றி சமிதியின் தலைவர் டாக்டர் எஸ். கல்யாணராமன் விவரமாக ஆராய்ந்து புத்தகங்களை வெளியிட்டுள்ளார். அவ்வாராய்ச்சியியின் விளக்கப் படங்களும் வைக்கப் பட்டன. 35 வருடங்களாக சரித்டிர ஆராய்ச்சியில் ஈடுபட்டு 600 ஆராய்வு கட்டுரைகள் சமர்ப்பித்து, 350 ஆய்வுக் கட்டுரைகள் பதிப்பிக்கப் பட்ட நிலைக் கொண்ட கே.வி.ராமகிருஷ்ண ராவ் இவற்றைப் பற்றி விளக்கினார். 03-02-2020 அன்று தமிழ் நாட்டின் தமிழ் வளர்ச்சி, கலாச்சாரம் மற்றும் அகழ்வாய்வு அமைச்சர், திரு கே. பாடிய ராஜன் வந்திருந்த போது இவரால் விளக்கப் பட்டது. சமிதியின் சார்பில், நினைவாக, கல்யாணராமனின், “சரஸ்வதிநதி நாகரிகம்” புத்தகம் இனைவாகக் கொடுக்கப் பட்டது[1].

HSSF 2020, M J Nagarajan at

இதிகாசம்” – “இது இப்படி நடந்தது[2]: எல்லா இந்திய மொழிகளிலும் சரித்திர நூல்கள் இருந்து வந்துள்ளன[1]. இந்தியாவைப் பொறுத்தவரையில் சரித்திரம் “இதிகாசம்” எனப்படுகிறது. அதாவது “இது இப்படி நடந்தது” என்று அதன் சுருக்கமான பொருள் மற்றும் விளக்கம் ஆகும். “இது இப்படி நடந்தது” எனும்போது, சொல்பவர், எழுதுபவர் தான், “பார்த்தது இப்படித்தான்” என்று உறுதியாகச் சொல்கிறார். எழுதுபவரும் “நடந்தது இப்படித்தான்” என்று எழுதுகிறார். ஆகவே, இப்படி –

  • நடந்துள்ளது,
  • நடந்திருக்கக் கூடும்,
  • நடந்திருக்க வேண்டும்

என்றெல்லாம் சொல்லாமல், “இது இப்படி நடந்தது” என்பதில் இந்திய சரித்திராசியர்கள் (Indian historians) எந்த அளவிற்கு சரித்துவத்திற்கு முக்கியத்துவம் கொடுத்திருக்கிறார்கள் என்பதனை அறிந்து கொள்ளலாம்[2]. மஹாபாரதம் எழுதப்பட்ட முறையில் “இந்திய சரித்திரவரையியல்” (Indian Historiography) கொள்கைகளைக் காணலாம். வியாசர் சொல்ல விநாயகர் மாகாபாரதம் எழுதினார் மற்றும் விதுரர் திருதராஷ்டிரனுக்கு, போரே நேரிடையாகத் தெரியும்படி செய்கிறார், அதனால், விதுரர் கண்களாள் பார்த்து, பார்க்க முடியாத குருடனான திருதராஷ்டிரனுக்கு போர் நிகழ்ச்சிகளை பார்த்து சொல்கிறான் என்றும் உள்ளது. அதாவது, அந்நிலையும்-

  • பார்ப்பவர் (the persond who sees the historical event),
  • சொல்பவர் (the personal who narrates the historical event),
  • கேட்பவர் (the person who listerns to the historical event),
  • எழுதுபவர் (the person who actually writes the historical event)

முதலிய நிலைகளில் மனிதர்கள் மாறினாலும், விசயம் மாறக்கூடாது என்ற நிலையில் எழுதப்பட்டது மகாபாரதம் என்றாகிறது. மூலங்களுக்கு அந்த அளவிற்கு முக்கியத்துவம் கொடுக்கப்பட்டுள்ளது மட்டுமல்லாது சரித்திரவரைவியல் எப்படியிருக்க வேண்டும் என்பது அப்பொழுதே எடுத்துக் காட்டப்பட்டது[3].

Curious visitor going through all charts

மூலம், ஆதாரம், சான்று முதலியவை இல்லாமல் சரித்திரம் எழுதப்படாது [न।मूलॱ लिखयते ॱकिॱचित]: இந்திய எழுத்தாளர்கள் பொதுவாகவே மூலம், ஆதாரம், சான்று இல்லாமல் எதையும் எழுதும் வழக்கம் கொண்டிருக்கவில்லை. தொல்காப்பியத்திலேயே, எதைச் சொன்னாலும், முன்னோர், சான்றோர், உயர்ந்தோர்……“என்ப”, அதாவது கூறினர் என்று தான் சூத்திரங்கள் எழுதப்பட்டுள்ளன. எழுத்து, சொல், இலக்கணம், சமூகம் முதலியவற்றைப் பற்றி எழுதும் போதே அத்தகை உணர்வு, கடமை, பொறுப்பு முதலியவை இருந்தன, கடைப்பிடிக்கப்பட்டன. அதாவது படித்தவர்கள், படித்ததை உண்மையா-இல்லையா என்பதனை தாராளமாக சரிபார்த்து தெரிந்து கொள்ளலாம். அதனால், சரித்திரம் மிக்கப்பொறுப்பு, கடமை, பாரப்படசமின்மை முதலிய கொள்கைகளுடன் எழுதப்பட்டன. ஆனால், முகமதியர் மற்றும் ஐரோப்பிய எழுத்தாளர்கள் அவ்வாறு எழுதவில்லை. தம்மை உயர்த்தி எழுதிக் கொண்டது மற்றுமன்றி, பாரத மக்களை குறைவாகவே, தாழ்த்தி, இழிவுபடுத்தியே எழுதி வைத்தனர்[3]. அதனால் தான், இந்திய சரித்திரத்தில் ஒவ்வாதவை என்று பல விசயங்கள் வெளிவந்து கொண்டிருக்கின்றன. சரித்திரம் என்பது என்ன எழுதப்பட்டுள்ளது, என்ன எழுதப்படுகிறது அல்லது என்ன எழுதப்படப்போகிறது என்பதல்லா, ஆனால், உண்மையில் என்ன நடந்தது என்பது தான் சரித்திரம் ஆகும்[4]. அதில் எந்தவித பாரபட்சமும் இருக்கக் கூடாது.

The Civil Service appearing candidates

சரித்திரம், சரித்திரவரையறை மற்றும் சரித்திரவரையறை முறைகள் பற்றிய விவரங்கள்: மற்ற ஸ்டால்கள் / அரங்குகள் போல, எங்கள் ஸ்டாலுக்கு, கூட்டம் வரவில்லை, ஆனால், விசயம் தெரிந்த முக்கியமான பேராசிரியர்கள், ஆராய்ச்சியாளர்கள், கல்லூரி மாணவர்கள் முதலியோர் வந்தனர், பார்த்தனர், விவாதித்தனர், சென்றனர். பாரத நாட்டு வரலாறு இந்திய நோக்கில் எப்படி எழுதப் படவேண்டும் என்று விளக்கப் பட்டது. அதாவது, மற்ற நாடுகளின் சரித்திரங்கள், அவரவர்கள் மூலம் தான் எழுதப் பட்டுள்ளன. இந்தியர் எழுதிய இங்கிலாந்து சரித்திர புத்தகம், இங்கிலாந்து பல்கலைக் கழகங்களில், கல்லூரி-பள்ளிகளில் ஆண்டாண்டுகளாக உபயோகப் படுத்தப் பட்டு, போதிக்கப் படவில்லை. இப்படி பல நிதர்சனமான உண்மைகள் எடுத்துக் காட்டப் பட்டன. இக்கால மாணவ-மாணவியர் விவரங்கள் அறிந்தவர் ஆதலால், கேள்விகள் கேட்டு, பதில் பெற்று, உரையாடல்களைத் தொடர்ந்தனர். மூலங்கள், ஆதாரங்கள் இல்லாமல், எந்த சரித்திரமும் எழுத முடியாது போன்றவை அவர்களுக்கு நம்பிக்கை ஊற்றின.

Nagarajan explaining about Lemon grass

கண்காட்சியைப் பற்றிய சிந்தனைகள்: கண்காட்சியில் கலந்து கொள்பவர்கள் தங்களது கடமைகள் மற்ரும் பொறுப்புகளை உண்மர்ந்து செயல்பட வேண்டும். இங்கு ஓட்டப் பந்தயமோ, சண்டையோ நடக்கவில்லை, அதனால், வெல்ல வேண்டும் என்ற நிலையில்லை. ஸ்டால்கள் இலவசமாகத் தரப் படுவதால், ஆக்கிரமித்துக் கொள்ள வேண்டும், அடுத்த / மற்ற ஸ்டால்களில் உள்ள மேஜை-நாற்காலி மற்ற பொருட்களை கவர்ந்து கொள்ள் வேண்டும் போன்ற நிலைகள் இல்லை. இருப்பினும், அத்தகைய நிகழ்வுகளால் நாங்கள் பாதிக்கப் பட்டதால், குஇப்பிடப் படுகிறது. நிச்சயமாக, அமைப்பாளர்கள் தனிப்பட்டவர்களின் பிரச்சினைகளை கவனிக்க மாட்டார்கள்.

  1. HSSF அமைப்பு சென்னையின் விழா கொண்டாட்டங்களில் ஒன்றாக மாறிவிட்டது. அதில் லட்சக் கணக்கான மக்கள் பங்கேற்கிறார்கள்.
  2. அவ்வாறு லட்சக் கணக்கான மக்களுக்கு தங்களது சேவைகளை வெளிப்படுத்திக் காட்ட, சந்தர்ப்பத்தை உண்டாக்கும் நிறுவனமாகி விட்டது.
  3. HSSF பொது மக்களுக்கு வசதியாக 16 இடங்களிலிருந்து வந்து போக, இலவச ஆட்டோ வசதி செய்துள்ளது.
  4. எப்படி டிசம்பர் சென்னையின் இசை, நடனம் என்பதற்கான மாதமாகி விட்டதோ, அதே போன்று, ஜனவரி இந்து ஆன்மிக மற்றும் சேவைகளின் கண்காட்சிக்கு என்றாகி விட்டது.
  5. HSSF அரங்குகள் வைப்பவர்கள், வருபவர்கள் மற்றும் சம்பந்தப் பட்ட தொழிலாளிகள் அனைவருக்கும் பல சேவைகளை செய்கிறது.
  6. இகப் பெரிய கூடாரம் அமைத்து, அதில் நூற்றுக் கணக்கான அரங்குகள் அமைத்து இலவசமாகக் கொடுக்கிறது. குடிக்க நீர், மின்விசிரி, விளக்குகள் சகிதம் கொடுக்கிறது.
  7. காலை, மதியம் மற்றும் இரவு – மூன்று வேளைகளுக்கு அனைவருக்கும், பாரம்பரிய முறையில், இலைபோட்டு உணவை இலவசமாகக் கொடுக்கிறது.
  8. அது மட்டுமல்லாது, குடிநீர் மற்ற வசதிகளையும் செய்து கொடுக்கிறது.
  9. மாலையில் இசை, நடனம், ஆன்மிக சொற்பொழிவு முதலியவற்றையும் ஏற்பாடு செகிறது. இதில் பலவித ஜனகுழுமங்களுக்கு பங்கு கொடுக்கப் படுகிறது.
  10. இம்முறை, கடைசி நாள், ஶ்ரீனிவாச திருமணம் என்ற நிகழ்ச்சியோடு, முடிவடைந்துள்ளது.

இதனால், இந்த வெற்றிகரமான நிகழ்வுக்குப் பின்னால் இருந்த, இருக்கும் ஒவ்வொருவருக்கும், நாம் நன்றி செல்லுத்த வேண்டும். தவிர நேரிடையாகவும், மறைமுகமாவும் உதவிய புனிதர்களுக்கும் நாம் கடமைப் பட்டிருக்கின்றோம்.

© வேதபிரகாஷ்

07-02-2020

HSSF 2020 KVR with the Minister

[1] கடந்த ஆண்டுகளில், இப்பொழுதைய பத்மவிபூஷண் ஆர். நாகசாமி, டி. சத்தியமூர்த்தி, குமரி அனந்தன், ஶ்ரீமான் சூரியநாரயண ராவ், சுசிலா கோபால கிருஷ்ணன், சுங்கம் மற்றும் கலால் துறை அதிகாரிகள் என்று பலர் வந்துள்ளனர்.

[2] வேதபிரகாஷ், தமிழில் சரித்திர நூல்கள்வரலாற்று நோக்கில் ஓரு பார்வைசரித்திர எழுதப்படும் முறை (1), மார்ச்.21, 2016 .

 “தமிழில் சரித்திர நூல்கள்” என்ற தலைப்பு நண்பர் சுப்பு அவர்களால் எனக்குக் கொடுக்கப்பட்டு, ஒரு கட்டுரை எழுதி தருமாறு 2013ல் கேட்டுக் கொள்லப்பட்டதால், இத்தலைப்பில் எழுத வேண்டியதாயிற்று. உண்மையில் இதனை misnomer எனலாம், ஏனெனில், இந்தியாவில் என்றுமே சரித்திரம் மொழிவாறு பிரித்துப் பார்க்கப்பட்டதில்லை.

[3] சரித்திரத்தில் மற்றும் சரித்திரவரவியலில் (historiography) நோக்கம் குறிக்கொள், கருத்து, இலக்கு (objectivity) இருக்க வேண்டிய அவசியம் இல்லை என்று இன்றைய சரித்திராசிரியர்கள் கூற ஆரம்பித்துள்ளார்கள். http://indianhistoriography.wordpress.com/2016/03/21/history-books-in-tamil-history-writing-and-historiography/

இந்து ஆன்மிக மற்றும் சேவைகள் கண்காட்சி 2020 மற்றும் பாரதிய இதிகாச சங்கலன சமிதி [1]

பிப்ரவரி 7, 2020

இந்து ஆன்மிக மற்றும் சேவைகள் கண்காட்சி 2020 மற்றும் பாரதிய இதிகாச சங்கலன சமிதி [1]

HSSF 2020 kannagi-revering womanhood

2009 முதல் 2020 வரை வளர்ந்த கண்காட்சி: தமிழகத்தில் ஆண்டுதோறும் நடைபெறும் ஆன்மிகம் சார்ந்த ஒரே கண்காட்சி என்ற பெருமையைக் கொண்டது ஹிந்து ஆன்மிக சேவை கண்காட்சி. கடந்த 2009- ஆம் ஆண்டு சென்னையில் சிறிய அளவில் தொடங்கப்பட்ட இந்தக் கண்காட்சி, படிப்படியாக வளா்ந்து இந்தியாவின் பல்வேறு மாநிலங்களில் சிறப்பாக நடத்தப்பட்டு வருகிறது[1]. இந்து ஆன்மிக மற்றும் சேவை மையமும், பண்பு மற்றும் கலாசார பயிற்சி முனைவு அறக்கட்டளையும் இணைந்து இந்தக் கண்காட்சியை நடத்தி வருகின்றனா்.

  1. வனம் மற்றும் வன விலங்குகளைப் பாதுகாத்தல்,
  2. சுற்றுச்சூழலை பராமரித்தல்,
  3. ஜீவராசிகளைப் பேணுதல்,
  4. பெற்றோர், பெரியோர் மற்றும் ஆசிரியா்களை வணங்குதல்,
  5. பெண்மையைப் போற்றுதல்,
  6. நாட்டுப்பற்றை ஊட்டுதல்

ஆகிய ஆறு கருத்துக்களை முன்வைத்து, ஆறு நாள்கள் நடைபெற்று வரும் கண்காட்சியை ஆண்டுதோறும் லட்சக்கணக்கான பொதுமக்கள் பார்வையிட்டனா்[2]. ஹிந்து ஆன்மிக சேவை கண்காட்சியை முன்னிட்டு, பள்ளி மாணவா்களுக்கு ஒளவையார் பாடல், பாரதியார் பாடல், போன்ற பாடல்கள் ஒப்புவிக்கும் போட்டிகள், கில்லி, கோலி போன்ற பாரம்பரிய விளையாட்டுப் போட்டிகள் சிலம்பம், மல்லா் கம்பம், போன்ற சாகச விளையாட்டுப் போட்டிகள் உள்ளிட்ட ஆயிரத்திற்கும் மேற்பட்ட தலைப்புகளில் போட்டிகள் நடத்தப்பட்டன. காலிறுதி, அரையிறுதிப் போட்டிகள் முடிவடைந்த நிலையில் இறுதிப் போட்டிகள் கண்காட்சி வளாகத்தில் நடைபெற்று பரிசுகள் வழங்கப் பட்டன..

HSSF 2020 kannagi

பெண்மையினை போற்றுவோம்: பத்தினி தெய்வமான கண்ணகியைக் கண்காட்சியின் அடையாளச் சின்னமாக வைத்துள்ளனர்[3]. இதற்காகக் கண்காட்சி அரங்கத்தின் முன்பு கண்ணகிக்கு பிரமாண்டமாக சிலை வைக்கப்பட்டுள்ளது[4].  அமைப்பாளர்கள் வெளியிட்டுள்ள “பெண்மையை போற்றுவோம்” [Revering womanhood] என்ற தொகுப்புப் புத்தகம், மிகவும் பயனுள்ளதாக உள்ளது. எப்படி வேதகாலத்திலிருந்து, பெண்மை மேம்பட்டிருந்தது என்பதனை உதாரணங்களுடன் விளக்கப்பட்டன. அதிதி, பிரம்மி, அப்சரஸ், மத்ஸ்யகந்தி, ஊர்மிளா, மணிமேகலை,  கேளடி சென்னம்மா, ராணி துர்காவதி, சாவித்ரி பூலே, லுத்பன்னிஸா இம்தியாஸ், சுபத்ரா குமாரி சௌஹான், க்ன்ஹோபாத்ரா, சத்யபாமா, சுடலா-யோகினி, பிரதிமா தேவி, எம்.எஸ்.சுப்புலக்ஷ்மி, கங்குபாய் ஹங்கால் என்று பல துறைகளில் சிறந்த பெண்மணிகள் குறிப்பிடப்பட்டனர்.

Goddesses of various temples

ஆறு மையக் கருத்துகளை போற்ற நடந்த நிகழ்ச்சிகள்: இந்தக் கண்காட்சியில் பெருமளவில் மக்களை வரவழைப்பதற்காகவும், கண்காட்சியின் பின்ணணியில் உள்ள தத்துவங்களைப் பரப்புவதற்காகவும் பல்வேறு முன்னோட்ட நிகழ்ச்சிகள் நடத்தப்பட்டு வருகின்றன. அந்த வகையில், 10 ஆயிரம் மாணவர்கள் பங்கேற்ற பிரமாண்ட யோகாசனப் பயிற்சி சென்னையில் திங்கள்கிழமை நடைபெற்றது. கோவை ஓசோன் யோகா மைய நிறுவனரும் 98 வயதிலும் யோகாசன பயிற்சி அளித்து வந்த நானம்மாள் மகனுமான பாலகிருஷ்ணன் நிகழ்ச்சியைத் தொடங்கி வைத்தார். ஹிந்து ஆன்மிக கண்காட்சியின் ஆறு கருத்துகளின் அடிப்படையில் யோகாசனங்கள் நிகழ்த்தப்பட்டன. வனம் மற்றும் வன விலங்குகளை பாதுகாத்தல் என்ற கருத்தை முன்வைத்து சமஸ்திதி ஆசனம் எனப்படும் உடலை ஒரே நிலையில் வைத்திருக்கும் வகையில் 5 ஆசனங்கள் செய்யப்பட்டன.  மரத்தைக் குறிக்கும் வகையில் விருக்ஷ ஆசனம், கருடப் பறவையைக் குறிக்கும் வகையில் கருடாசனம் மற்றும் புஜங்காசனம், மர்ஜர்யாசனம், வியாகராசனம் ஆகியவை நிகழ்த்தப்பட்டன. ஜீவராசிகளைப் பேணுதல் என்ற கருத்தை முன் வைத்து தோப்புக்கரணம், திரியக்க தடாசனம், கஜாசனம் மற்றும் கோமுகாசனம் ஆகிய ஆசனங்களை மாணவர்கள் செய்தனர். சுற்றுச்சூழலைப் பராமரித்தல் என்ற கருத்தில் பாத ஹஸ்தாசனம், மத்ஸ்யாசனம் மற்றும் மக்ராசனம் ஆகியப் பயிற்சிகள் நிகழ்த்தப்பட்டன.  பெற்றோர் பெரியோர் மற்றும் ஆசிரியர்களை வணங்குதல் என்ற கருத்தை முன் வைத்து பிரணமாசனம், சஷாங்காசனம் மற்றும் சாஷ்டாங்க நமஸ்காரம் ஆகிய யோகங்கள் பயிலப்பட்டன. பெண்மையைப் போற்றுதல் என்ற கருத்தில் திரிகோணாசனம், தித்தளியாசனம், சித்தி யோனியாசனம் ஆகியப் பயிற்சிகள் நிகழ்ந்தன.

Stalls, general view

500க்கும் மேற்பட்ட அரங்குகள்: நாட்டின் பாரம்பரியம், பண்பாடு மற்றும் சேவையை எடுத்துக்காட்டும் வகையில் ஒவ்வொரு ஆண்டும் இந்து ஆன்மீக கண்காட்சி சென்னையில் நடத்தப்பட்டு வருகிறது. அந்த வகையில், 11ஆவது இந்து ஆன்மிக மற்றும் சேவை கண்காட்சியை சென்னை வேளச்சேரியில் உள்ள குருநானக் கல்லூரியில், சத்குரு ஸ்ரீ மாதா அமிர்தானந்தமயி தேவி 28-01-2020 அன்று தொடங்கி வைத்தார்[5]. பிப்ரவரி 3ஆம் தேதி வரை ஆறு நாட்கள் இந்த கண்காட்சி நடைபெற்றது. தினமும் காலை 9 மணி முதல், இரவு 9 மணி வரை கண்காட்சியை காண ஏற்பாடு செய்யப்பட்டது. இந்த கண்காட்சியில் 500க்கும் மேற்பட்ட அரங்குகள் அமைக்கப்பட்டுள்ளன. மேலும் பெண்மையைப் போற்றுதல், வனம் மற்றும் வன விலங்குகளைப் பாதுகாத்தல் உள்ளிட்ட கருத்துக்களையும் இந்த கண்காட்சி முன்வைத்தது[6].அனைத்து தரப்பு மக்களின் குடும்பம், ஆரோக்கியம், செல்வம் உள்ளிட்டவை செழிக்க வேள்விகள், தெருக்கூத்துகள், நாடகங்கள், ஶ்ரீவில்லிப்புத்தூர் ஆண்டாள் கல்யாணம் உள்ளிட்ட பல்வேறு நிகழ்ச்சிகள் தினமும் நடைபெற்றன[7].

Spiritual or otherwise phone is important

இந்திய ராணுவ வீரர்கள் போற்றப் பட்டது: இறுதி நாளான 03-02-2020 அன்று, இந்து ஆன்மிகத்தில் புதைந்துள்ள ஆறு நற்பண்புகளில் ஒன்றான ‘நாட்டுப்பற்றை வளர்த்தல்- பாரதமாதா, பரம்வீர் வந்தனம்’ என்ற தலைப்பில் தேசப்பற்றை மாணவர்களுக்கு ஊட்டும் வகையில் ராணுவ வீரர்களைப் போற்றி வணங்கும் நிகழ்ச்சி நடந்தது[8]. இதில் புகழ்பெற்ற விமானப்படை வீரர் அபிநந்தனின் தந்தை ஏர்மார்ஷல் வர்தமான், முன்னாள் தேர்தல் ஆணையர் கோபால் சாமி, மேஜர் ஜெனரல் முரளி கோபாலகிருஷ்ணன், கமாண்டர் டி.ஹரி ஆகியோர் ராணுவத்தில் தாங்கள் பெற்ற அனுபவங்களை மாணவர்களிடம் பகிர்ந்து கொண்டனர். தாய்நாட்டுக்காக உயிரை தியாகம் செய்த 21 ராணுவ வீரர்களின் படங்கள் மேடையில் அலங்கரித்து வைக்கப்பட்டு இருந்தது. ஒவ்வொரு வீரரின் பெயர் ஒலிபெருக்கியில் அறிவிக்கப்பட்டதும் பிரமாண்ட எல்.இ.டி. திரையில் அந்த வீரரின் படமும் அவர் எந்த போரில் ஈடுபட்டார் என்ற விவரமும் வெளியானது. அப்போது ராணுவ உடையணிந்த மாணவர்கள் மறைந்த வீரர்களின் படங்களுக்கு முன்பு மரியாதை செலுத்தினர். தேசிய மாணவர் படையினர் அணிவகுத்து வந்து மரியாதை செலுத்தினார்கள். பரம்வீர் சக்ரா குறித்து குறும்படமும் திரையிடப்பட்டது.

03-02-2029 Srinivasa Kalyanam

03-02-2020 அன்று ஶ்ரீனிவாச கல்யாணத்துடன் கண்காட்சி முடிந்தது: பாரத கலா மந்திர் சார்பில் நாட்டியாஞ்சலி, இளைஞர்களுக்கான போட்டிகள், கலை நிகழ்ச்சிகள், நாட்டுப்பற்றை வளர்த்தல், பெண்களை போற்றும் கள்ளர்களின் வாழ்வியல் முறை நிகழ்ச்சிகள் நடந்தது. கோவையில் இருந்து வந்திருந்த ஆதியோகி ரதம், ஆந்திர மாநிலத்தில் உள்ள காணிப்பாக்கம் விநாயகர் கோவில் ரதம் உள்ளிட்ட கோவில் ரதங்களை பார்வையிட்டனர். கண்காட்சியில் 03-02-2020 அன்று, மாலை 6.15 மணிக்கு திருமலை-திருப்பதி தேவஸ்தானம் சார்பில் சீனிவாச திருக்கல்யாண நிகழ்ச்சி நடந்தது. இதில் திருமலையில் இருந்து ஸ்ரீசீனிவாச பெருமாள் மற்றும் ஸ்ரீதேவி, பூதேவி தாயார் சிலைகள் கொண்டு வரப்பட்டு திருக்கல்யாண நிகழ்ச்சி நடந்தது. ஆயிரக்கணக்கான பக்தர்கள் கலந்து கொண்டு சாமி தரிசனம் செய்தனர். நாமசங்கீர்த்தனம், விஸ்வசேன ஆராதனம், புண்ணியாகவாசனம் உள்ளிட்ட பல்வேறு பூஜைகள் நடத்தப்பட்டன. அவ்வப்போது பக்தர்கள் பக்தி பரவசத்துடன் ‘கோவிந்தா கோவிந்தா’ என்று முழக்கமிட்டனர். நிறைவு நாளானநேற்று 2 லட்சம் பேர் கண்காட்சியை பார்வையிட்டனர். சென்னையில் கடந்த ஆறு நாட்கள் நடந்த இந்து ஆன்மிக கண்காட்சியில் மொத்தம் 18 லட்சம் பேர் பார்வையிட்டனர் என்று அறங்காவலர் ஆர்.ராஜலட்சுமி கூறினார்[9]. நிகழ்ச்சியில் துக்ளக் ஆசிரியர் எஸ்.குருமூர்த்தி, பண்பு மற்றும் கலாசார பயிற்சி முனைவு அறக்கட்டளை அறங்காவலர் ஆர்.ராஜலட்சுமி, தியாகராயநகரில் உள்ள திருமலை-திருப்பதி தேவஸ்தானம் கோவிலின் உள்ளூர் ஆலோசனை குழு தலைவர் சேகர் ரெட்டி, குழு உறுப்பினர் பி.வி.ஆர்.கிருஷ்ண ராவ் உள்ளிட்ட பலர் கலந்து கொண்டனர்[10].

03-02-2029 Srinivasa Kalyanam-audience

கண்காட்சியை தடுக்க நடந்த சதிகள்: கனிமொழி போன்றோர் இந்துவிரோத தோரணையில் பேசியது நினைவில் கொள்ள வேண்டும்[11]. “ஆசிரியர்கள் மீது நாங்கள் மிகுந்த மரியாதை வைத்திருக்கிறோம். அவர்கள் மாணவர்களின் எதிர் காலத்தை மேம்படுத்த உழைக்கின்றனர். ஆனால் சென்னையில், இந்து மதவாத அமைப்புகள் ஒரு கண்காட்சியை நடத்துகின்றன. அதில் 1800க்கும் மேற்பட்ட ஆசிரியர்கள் பங்கேற்கின்றனர். அந்நிகழ்ச் சியின் தொகுப்பினை, பள்ளிக் குழந்தைகள் பார்க்குமாறு கட்டாயப் படுத்தப்படுகின்றனர். பூஜைகள் செய்யுமாறு வற்புறுத்தப்படுகின்றனர். இது புதிய கல்விக் கொள்கைத் திட்டத்தின் ஒரு பகுதியே’’, இவ்வாறு அவர் பேசினார்[12]. சென்னையில் நடைபெறும் இந்து ஆன்மிக கண்காட்சியை தடைசெய்ய வேண்டுமென காவல் ஆணையர் அலுவலகத்தில் புகார் அளிக்கப்பட்டது. சென்னை மீனம்பாக்கம் தனியார் கல்லூரியில் இந்து ஆன்மிக கண்காட்சி நடைபெற்றது. இந்த கண்காட்சிக்கு தடைவிதிக்க கோரி இந்திய தேசிய லீக் கட்சி சார்பில் சென்னை காவல் ஆணையர் அலுவலகத்தில் புகார் அளிக்கப்பட்டது[13]. இதனை அக்கட்சி தலைவர் தடா ரஹீம் கொடுத்தார். இந்து ஆன்மீக கண்காட்சியில் இஸ்லாமியர்கள் மற்றும் கிறிஸ்துவர்களை பற்றி தவறான கருத்துகள் பரப்புரை செய்யப்படுவதாக மனுவில் தெரிவிக்கப்பட்டது[14]. இவற்றை எல்லாம் மீறித்தான் வெற்றிகரமாக நடந்து கொண்டிருக்கிறது.

© வேதபிரகாஷ்

07-02-2020

HSSF 2020 kannagi-WIN tv

[1] தினமணி, நாளை முதல் 6 நாள்கள் ஹிந்து ஆன்மிகசேவை கண்காட்சி, Published on : 28th January 2020 11:09 AM

[2] http://dinamani.com/religion/religion-news/2020/jan/28/11th-hindu-spiritual-and-science-fair-2020-at-guru-nanak-college-3342755.html

[3] விகடன், கண்ணகிக்கு பிரமாண்ட சிலை; 6 மையக் கருத்துகள்!’- சென்னையில் 11-வது இந்து ஆன்மிக கண்காட்சி, ராம் சங்கர் ச, பிரியங்கா.ப, Published:29 Jan 2020 12 PMUpdated:29 Jan 2020 12 PM

[4] http://vikatan.com/news/tamilnadu/11th-hindu-spiritual-exhibition-starts-in-chennai

[5] தினத்தந்தி, 11வது இந்து ஆன்மீக கண்காட்சி : “பிப்.3-ம் தேதி வரை கண்காட்சி நடைபெறும்,” பதிவு : ஜனவரி 29, 2020, 09:38 AM.

[6] http://thanthitv.com/News/TamilNadu/2020/01/29093843/1066579/11th-Hindu-Spiritual-Services-Fair2020.vpf

[7] தி.இந்து, 11-வது இந்து ஆன்மிக, சேவை கண்காட்சி நிறைவு: 18 லட்சம் பக்தர்கள் பார்வையிட்டனர், Published : 04 Feb 2020 07:29 AM, Last Updated : 04 Feb 2020 07:29 AM

[8] http://hindutamil.in/news/tamilnadu/537914-hindu-religious-service-exhibition.html

[9] தினத்தந்தி, சென்னையில் 6 நாட்களாக நடைபெற்ற இந்து ஆன்மிக கண்காட்சியை 18 லட்சம் பேர் பார்வையிட்டுள்ளனர், பதிவு: பிப்ரவரி 04,  2020 04:30 AM

[10] http://dailythanthi.com/News/State/2020/02/04040830/18-lakhs-have-visited-the-Hindu-Spiritual-Exhibition.vpf.

[11] வேதபிரகாஷ், இந்து ஆன்மிகக் கண்காட்சி என்ற பெயரில் பள்ளி மாணவர்களைப் பாத பூஜை செய்ய வைப்பது சரியா?, ஆகஸ்ட்.10, 2016.

[12] http://dravidianatheism2.wordpress.com/2016/08/10/hindu-spiritual-and-services-fair-kanimozhi-questioning-pada-puja/

[13] நியூஸ்.7, தனியார் கல்லூரியில் இந்து ஆன்மீகக் கண்காட்சி: தடைசெய்யக் கோருகிறார் தடா ரஹீம், August 04, 20, Posted By : Guna

[14] http://ns7.tv/index.php/ta/node/284715

கீழடி வைத்து உண்டாக்கும் பிரம்மி, தமிழி, திராவிடம் முதலிய குழப்பங்கள், சித்தாந்த திரிபு வாதங்கள் மற்றும் சரித்திரம் மறந்த நிபுணர்கள் [5]

ஒக்ரோபர் 13, 2019

கீழடி வைத்து உண்டாக்கும் பிரம்மி, தமிழி, திராவிடம் முதலிய குழப்பங்கள், சித்தாந்த திரிபு வாதங்கள் மற்றும் சரித்திரம் மறந்த நிபுணர்கள் [5]

Brahmi full inscriptions

பிரம்மி ஆரம்பம் ஆன சரித்திரம்: சமஸ்கிருதத்தை / வேதங்களை ஆராய்ந்த  ஐரோப்பியர், இந்தியர்களுக்கு எழுதத் தெரியாது, அதாவது, அவர்களுக்கு எழுத்துரு கிடையாது என்ற கொள்கையினை பிடிவாதமாக நம்பி வந்தனர். அதாவது அதன் மூலம், அவர்களுக்கு சரித்திரம் இல்லை. எழுதி வைத்த ஆவணங்கள் இல்லை என்று வாதிட்டு வந்தனர். அப்பொழுது எழுத்துகள் பொறிக்கப் பட்ட கல்வெட்டுகள் பலவற்றைப் பார்க்க நேர்ந்தது. ஆனால், அவ்வெழுத்து என்ன வகை, மொழி என்ன என்று தெரியவில்லை. பிறகு படிக்க ஆரம்பித்த போது, “தேவ்நாம் பியா திஸ்ஸா” என்றிருந்தது.” இப்பெயரில் 307 BCE to 267 BCE காலத்தில் இலங்கையில் ஒரு அரசன் வாழ்ந்ததாக உள்ளது. ஆகையால், இரடு அசோகர்களில், ஒரு அசோகனை எடுத்து அவன் 304-232 BCE காலகட்டத்தில் வாழ்ந்ததாக எடுத்துக் கொள்ளப் பட்டது. அவனை இந்த “தேவ்நாம் பியா திஸ்ஸா”வுடன் இணைத்து அவனுடைய கல்வெட்டுகள் தான் என்று வின்ட்சென்ட் ஸ்மித் தீர்மானித்தான்தவர்களைப் பொறுத்த வரையில் “இந்திய சரித்திரம்” அலெக்சாந்தர் படையெடுப்பிற்குப் பிறகு 326 BCE தான் தொடங்குகின்றது. முதலில், ஐரோப்பியரே இதற்கு எதிர்ப்புத் தெரிவித்தாலும், நாளடைவில் அமைதியாகி விட்டனர். ஆகவே, இது தமிழ்-பேரினவாத-அடிப்படைவாதிகளுக்கும் பொறுந்தும்.

Bhaksali mss

பிரம்மி லிபிஎழுத்துருவம் தோற்றம்: பிரம்மியை ஐரோப்பியர், இவ்வெழுத்துகள் பின் / குண்டூசிகளைப் போன்று இருந்ததால், ஆங்கிலத்தில் “பின்-மேன்” என்று குறிப்பிட்டனர். 1354ல் சுல்தான் இரண்டு தூண்களை தோப்ரா மற்றும் மீரட்டிலிருந்து, தில்லிக்குக் கொண்டு வந்தான். அதிலிருந்த எழுத்தகளைப் படித்து சொன்னால் பரிசு என்று அறிவித்தானாம். ஆனால் யாரும் படிக்கவில்லையாம்.பிறகு பிரின்செப் என்ற ஆங்கிலேய மற்றும் கிருஸ்டியன் லேஸன் படிக்க முயன்றனர். இலங்கையில் இருந்த பாலி எழுத்துகளை வைத்து, அசோகனின் கல்வெட்டு எழுத்துருவை தொடர்பு படுத்தி, படிக்க முயன்றனர். பிறகு, பிரம்மி, கரோஷ்டி என்று பிராக்ருத மொழியில் எழுதப் பட்டவற்றை ஒப்பிட்டு படித்துக் காட்டப் பட்டது. இதனால் தான் பல கல்வெட்டுகள் அசோகனின் கல்வெட்டுகள் என்று அடையாளம் காணப்பட்டது. முதலில், வடக்கு செமித்திய எழுத்துமுறையுடன், பிரம்மி ஒப்பிடப் படுத்தப் பட்டது. ஜியார்ஜ் பூலர் 1898ல் அவ்வாறு படித்தார்.  ஆனால், மற்றவர் ஒப்புக்கொள்ளவில்லை. ஆர்.பி. பாண்டே, போனீஸியர் / பனீஸ் இந்திய மூலம் கொண்டவர், எனவே அவர்கள் இந்தியாவிலிருந்து தான் மத்திய தரைக் கடல் நாடுகளுக்கு பரவினர். அப்பொழுது, எழுத்துருவும் பரவியது என்றார்.[1] லேஸன், எட்வொர்ட் தாமஸ் போன்றோ, பிரம்மி தென்னிந்தியாவில் இருந்து தோன்றியது என்றும் எடுத்துக் காட்டினர். ஆர்.ஜி. பண்டார்கரும், பிரம்மியின் மூலம் இந்தியா என்றார்[2]. ஜான் டௌஸன், கங்கை கரையில், பிரம்மி உயர்வானது என்றார்[3]. அதனை, “இந்தியன் பாலி” என்று குறிப்பிட்டார். லாங்க்டன்[4], சிந்துசமவெளியில் பிரம்மி தோன்றியது என்றார். பிரம்மிற்கும், நகரிக்கும் தொடர்பு இருக்கிறது. நெட்டெழுத்தின் ஆரம்பம் அதில் அமைகிறது. ஆனால், மற்றவை, வட்டெழுத்துகள் மூலம் மாறி வளர்ச்சி அடைகின்றன. தென்னிந்திய வரிவைவங்கள் அவ்வாறானவை. தென்கிழக்காசிஉஅ நாடுகளிலும் அவ்வாறே உள்ளன. அதாவது, வரிவடிவம் ஒரே மாதிரியாக இருந்தாலும், மொழிகள் வெவ்வேறாகின்றன.

Bower manuscript, medicine

  1. கரோஷ்டி வலது பக்கத்திலிருந்து, இடது பக்கமாக எழுதப்பட்டது / படுகிறது.
  2. பிரம்ம்பி இடது பக்கத்திலிருந்து, வலது பக்கமாக எழுதப்பட்டது / படுகிறது.
  3. சிந்துசமவெளி சித்திர உருவம் / சின்னம்/ முத்திரை – பார்வை தோற்றம் வேறு, நகல் வேறு.
  4. கல்வெட்டுகள் வேறு, அவற்றின் நகல் வேறு.

இத்தகைய தகவல்களுடன் தான் கல்வெட்டுகளைப் படிக்க முடியும். பாலி, பிராக்ருதம், குச்சி எழுத்து, கொம்பு எழுத்து என்றெல்லாம் சொல்லப் பட்டாலும் பிரம்மா / பிரம்மி என்ற பெயர் எல்லோராலும் ஒப்புக் கொள்ளப்பட்டு ஏற்றுக் கொள்ளப்பட்டது.இதைத் தவிர,

  1. குப்த பிரம்மி
  2. நகரி
  3. தேவநகரி
  4. சாரதா
  5. குர்முகி போன்ற எழுத்துருவங்களும் இருக்கின்றன. அவைப் பொறிக்கப் பட்ட கல்வெட்டுகள், ஆவணங்கள் உள்ளன.

இவ்வகையில் பார்த்தால், தமிழ் மொழிக்கான, வரிவடிவத்திற்கு வேறெந்த சரித்திரம் சொல்ல முடியுமா என்று பார்க்க வேண்டும். மற்ற வரிவடிவங்கள் / எழுத்துருக்களில் வர்க்கங்கள் முதலியன இருக்கும் போது, தமிழில் படிக்கும் போது, அவற்றை விட்டுவிடுவார்களா அல்லது தமது கற்பனைக்கு ஏற்றப்படி படித்துக் கொள்வார்களா என்று கவனிக்க வேண்டும். இந்நிலையில், தமிழி, திரவிடி போன்ற பிரயோகங்கள், பிடிவாதமான பரிந்துரைகள் குழப்பத்தில் முடியும் என்றே தோன்றுகிறது. பிறகு, தெலுங்கி, கன்னடகி, மலையாளி என்றெல்லாம் சொல்லமுடியுமா என்று கவனிக்க வேண்டும்.

Mangulam inscription, 3rd cent BCE

எழுத்துரு எழுதப் படும் ஊடகத்தைப் பொறுத்தது: கெட்டியான கற்களில் நெட்டெழுத்து தான் பொறிக்க முடியும். மிருதுவான கற்களில் வட்டெழுத்துகளை வெட்டி செதுக்கலாம். நெட்டெழுத்துகளில் கல்வெட்டுகள் இருந்தன என்றால், அவ்வெழுத்து முறை சாதாரண மக்கள் படிக்கும் எழுத்துருவாக இருந்திருக்க வேண்டும். அப்படியென்றால், பானை ஓடுகளில்படித்த ஆசாமி நன்றாகவே வட்டெழுத்தில் கிறுக்கி இருக்கலாம், அதாவது எழுதியிருக்கலாம். பிறகு அவன் என்ன எழுதினான், என்ன பாடையில் எழுதினான் போன்ற பிரச்சினை எல்லாம் வந்திருக்காது. மேலும் ஆராய்ச்சி குறிப்புகள். அகழ்வாய்வு ஆதாரங்கள், முதலியன மற்றவர்களும் பார்த்து, படுத்து ஒப்புக் கொள்ளவேண்டும். அதனால், தமிழகத்தில் கிடைத்திருக்கின்றவற்றை வைத்துக் கொண்டு, தன்னிச்சையாகவும், யதேச்சதிகாரமும், உணர்ச்சிப் பூர்வமாக, பிரச்சாரம் போல நடத்தி, அழுத்தத்தை உண்டாக்கி, முடிவுகளை ஏற்றுக் கொள்ள வைக்க முடியாது. இல்லை, அதுதான் அக்காலத்து எழுத்துரு வடிவம் எதில் பொறித்தாலும், அப்படித்தான் ஒறிக்க வேண்டும் என்றால், அது போல இருந்திருக்க வேண்டும். அப்படியென்றால், அதனை குறியீடுகள் / எழுத்துரு உள்ள எல்லாமே ஒரே காலத்தைச் சேர்ந்ததாகிறது. இந்தியா முழுவதும் அது உள்ளது எனும்போது, மொழி ஒன்றுதான் என்று தெரிகிறது.

IVC, Keeladi linked, DC cutting
அமர்நாத்
ராமகிருஷ்ணனின் பேச்சுகள் மாறி வருகின்றன: இதுவரை இவர் நடுநிலை அரசு அதிகாரி என்று நினைத்திருந்தேன். ஆனால், இவர் இப்பொழுது பல மேடைகளில் ஏறும் போது, பலவிதமாக பேசி வருவதைக் கவனிக்கிறேன். வீடியோக்களில் பேச்சுகளைக் கேட்கும் போது, முரண்பாடுகள் தெரிகின்றன. “மஹாபாரத ஆதாரங்களை தேடுகிறார்கள் ஆனால் கிடைக்காது, ஏனெனில் அது மித் / கட்டுக்தகை [myth] என்று சொன்னது, அவரது தன்மையை கேள்விக்குறியாக்குகிறது,” ஏனெனில், அது, எஸ்.ராவ், துவாரகையைக் கண்டு பிடித்ததை மறுப்பதாகத் தெரிகிறது. இன்னொரு பக்கம், சுபாஷிணி டிரெம்மல் என்ற அம்மணி, விதவிதமாக பேசி வருகிறார்[5]. அவர் ஏறும் மேடைகளே முரணாக்கத்தான் தெரிகிறது[6]. இருப்பினும், தமிழுக்கு உயிர்விடும் தியாகிகள் போன்ற பேச்சு, போட்டோகள் முதலியன செயற்கையாகத் தெரிகின்றன. சன் – டிவிக்கு கொடுத்த பேட்டியில்[7], “சுட்டப் பிறகுதான், எழுத்துரு எழுதப் பட்டது. எழுத்துரு இங்கிருந்து தான் மற்ற இடங்களுக்குப் பரவியதுஇதனை தமிழி என்று சொல்ல வேண்டும்…..இது தொழிற்சாலை கிடையாது. கிடைத்தவை எல்லாம் முழுமையான பொருட்கள்மக்கள் மதுரைக்கு இடம் பெயர்ந்ததால், இவ்விடம் விடப்பட்டது. இதற்கு திருவிளையாடற்புராணம் ஆதரமாக இருக்கிறது. ஒன்று 13 மற்றொன்று 15ம் நூற்றாண்டுகளை சேர்ந்தது. 10% வேலைதான் நடந்துள்ளது. இன்னும் நடத்த வேண்டும்.திராவிடம் என்பது இடம், அதிலிருந்து தான் மற்ற திராவிட மொழிகள் தோன்றின,” என்கிறார்[8].

03-10-2019, periyaarisa Keeladi

பெரியாரிய பார்வையில் கீழடி என்ற போர்வையில்[9], “சாதி – சமயமற்ற தமிழர் நாகரிகம் கீழடி” என்ற தலைப்பில் 03-10-2019 அன்று கோவை அண்ணாமலை அரங்கில், சமூகநீதி வழக்கறிஞர்கள் மையத்தால் ஏற்பாடு செய்யப்பட்ட கருத்தரங்கில் பேராசிரியர் கருணானந்தன் அவர்கள் ஆற்றிய உரையில் கீழடி பற்றி சொல்லாமல், வழவழ என்று ஒஉ மணி நேரம் பேசியது பிரயோஜனம் இல்லை. தமிழ் என்று சொல்லக் கூடாது, திராவிட நாகரிகம் என்று வாதித்தது வேடிக்கை தான்[10]. ஆர். பாலகிருஷ்ணன் போன்றோரும், கடந்த ஆண்டுகளில் எல்லாமே தமிழ் என்ற ரீதியில் பேசி வருகிறார்[11]. சரித்திராசிரியர்கள் எவரும் இவரது பேச்சைக் கண்டு கொள்வதில்லை. சிந்துசமவெளியில் உள்ள ஊர்கள் எல்லாமே தமிழ் என்று பேசி வருகிறார். இப்பொழுதும், சுமார் இரண்டு மணி நேரம் பேசினாலும், புதியதாக எதையும் சொல்லவில்லை[12].

© வேதபிரகாஷ்

12-10-2019

Five keeladi and IVS signs

[1] Pandey, Indian Paleography, Part-I, pp.40-41.

[2]  R. G. Bhadarkar, Asutosh Mookarjee Silver Judlee Volume, No.III, pp.502-514.

[3] Chandrika Sinh Upasak, The History and aleography of Mauryan Brahmi Script, Nava Nalanda Mahavihara, Nalanda, 1960.

[4] JRAS (New Series), Vol.XIII, 1881, p.112.

[5] சுபாஷிணி டிரெம்மல் பேட்டி, கீழடியில் தொழிற்சாலைகள் இருந்ததா?ஆதாரத்துடன்..!, Oct 2, 2019 https://www.youtube.com/watch?v=1BLZ4yTPrCM

[6]  கிருத்துவ, துலுக்க, கம்யூனிஸ, விடுதலை சிறுத்தைகள் என்று பலவிதமான மேடைகளில், பலவிதமான திரிபுவாதங்கள் செய்து வருகிறார்.

[7] சன் நியூஸ்.தொலைகாட்சி, கீழடி 4 ஆம் கட்ட அகழாய்வு | Nerukku Ner | Amarnath Ramakrishna, Oct 8, 2019.

[8] https://www.youtube.com/watch?v=KHhB4Zfl2kU

[9] பேரா. கருணானந்தன், கீழடி: அவர்கள் ஏன் கதறுகிறார்கள்? | | Prof. Karunanandan | KEEZHADI, Oct 4, 2019.

[10] https://www.youtube.com/watch?v=2ZsuuBHvufM

[11] சிந்துவெளி ஆய்வாளர் ஆர். பாலகிருஷ்ணன். சிந்துவெளி நாகரிகம் தமிழர் நாகரிகமே! Feb 9, 2019, சிந்துவெளி பண்பாட்டின் திராவிட அடித்தளம் என்ற தலைப்பில் திருப்பூர் புத்தக கண்காட்சியில் சிந்துவெளி ஆய்வாளர் ஆர்.பாலகிருஷ்ணன் இ.ஆ.ப, ஆற்றிய உரை.

[12] https://www.youtube.com/watch?v=lDkhQtTJyMo

கீழடி – அமர்நாத் ராமகிருஷ்ணாவின் மாறும் போக்கு, ஆரிய-திராவிட பிளவை நோக்கிய கருத்துகள்! [4]

ஒக்ரோபர் 13, 2019

கீழடி – அமர்நாத் ராமகிருஷ்ணாவின் மாறும் போக்கு, ஆரிய-திராவிட பிளவை நோக்கிய கருத்துகள்! [4]

FETNA, 2019-kaiyedu.Venkatesan and Amarnath

கீழடி தேர்ந்தெடுக்கப் பட்டது எப்படி, ஏன்?[1]: அமர்நாத் ராமகிருஷ்ணா பேசுகையில், “மதுரை ஒரு பழைமையான நகரம். சங்க காலத்தில் தலைநகரமாக இருந்துள்ளது. வைகை நதிக்கரையின் இரண்டு புறமும் எட்டு கிலோ மீட்டர் பரப்பளவில் முழுமையாகச் செய்யப்பட்ட ஆய்வில் 293 இடங்களில் பழைமையான தொல்லியல் எச்சங்கள் கிடைத்தன. தமிழ்நாட்டில் மக்கள் வாழ்ந்த பகுதியே இல்லை எனக் கூறப்பட்டு வந்தது. அதைக் கண்டுபிடிக்கும் நோக்கத்திலேயே இந்த ஆய்வைச் செய்தோம். இதில் நூற்றுக்கும் மேற்பட்ட இடங்களில் மக்கள் வாழ்ந்ததற்கான அடையாளங்களை கண்டுபிடித்தோம். அந்த நூறு இடங்களில் ஒரு இடம்தான் கீழடி. 40 ஆண்டுகளுக்கும் மேலாக இருந்த தென்னை மரங்கள்தான் கீழடி மேட்டுப் பகுதியைக் காப்பாற்றியுள்ளன. இல்லை என்றால் அந்த இடம் பிளாட்டாக மாறியிருக்கும். 110 ஏக்கர் கொண்ட பரப்பளவில் 5 கிலோ மீட்டர் அளவிற்கே அகழாய்வு செய்யப்படுகிறது. இன்னும் ஆழமாக ஆய்வு செய்தால்தான் முழுமையான வரலாறு தெரியவரும். போதிய கால அவகாசத்தை எடுத்துக்கொண்டு செய்யவேண்டும். குறைந்தது பத்து ஆண்டுகளாவது அகழாய்வு செய்யவேண்டும். ஹரப்பா, மொகஞ்சதாரோ பற்றி நாம் பேசிக்கொண்டிருக்கிறோம். அங்கெல்லாம் தொடர்ச்சியாக 15 ஆண்டுகள் அகழாய்வு நடைபெற்றன. அதுபோல் கீழடியிலும் ஆய்வுசெய்யவேண்டும்,” என்றார்[2].

Nandi found at Keeladi

உபயோகப் படுத்தப் பட்ட பொருட்கள் வெளியே இருந்து வந்திருக்க வேண்டும்[3]: அமர்நாத் ராமகிருஷ்ணா பேசுகையில், அமர்நாத் ராமகிருஷ்ணா பேசுகையில், “கீழடியில்தான் அதிக அளவில் செங்கல் கட்டடங்கள் இருப்பது தெரியவந்துள்ளது. எனவே, இதை நகர நாகரிகம் இல்லை எனக் கூற முடியாது. இந்தக் கூற்றை மாற்றியது இரண்டாம் கட்ட அகழாய்வுதான். நகர மக்கள்தான் அதிநவீன வாழ்க்கையை விரும்புவர். கீழடியில் எங்களுடைய ஆய்வில் ஏறக்குறைய 15 உறை கிணறுகள் கண்டறியப்பட்டன. அங்குள்ள உறை கிணறுகள், வடிகால் முறை போன்றவற்றை காணும்போது, அது நகர வாழ்க்கைதான் என்பது உறுதியாகிறது.  மேலும், 1,800 தொல்பொருள்கள் கிடைத்தன. ஆனால், அங்கு பொருள்கள் உற்பத்தி செய்யப்படவில்லை என்பது ஆய்வில் தெரிய வருகிறது. பொருள்கள் உற்பத்தி செய்யப்பட்டிருந்தால், அதற்கான மூலப்பொருள்களின் தடயம் இருந்திருக்கும். இதுவரை மேற்கொள்ளப்பட்ட ஆய்வில் அப்படி எந்த ஒரு தடயமும் கிடைக்கவில்லை. மேலும், அரைகுறைப் பொருள்களாக அல்லாமல், முழுமையான பொருள்களாகவே கிடைத்துள்ளன. எனவே, வெளியிலிருந்துதான் பொருள்களை வாங்கியிருக்க வேண்டும். நகர நாகரிகத்தில்தான் பொருள்களை வெளியில் வாங்கும் பழக்கம் இருக்கும்,” என்றார்[4].  இங்கு, “எனவே, வெளியிலிருந்துதான் பொருள்களை வாங்கியிருக்க வேண்டும். நகர நாகரிகத்தில்தான் பொருள்களை வெளியில் வாங்கும் பழக்கம் இருக்கும்,” என்றது ஞாபகத்தில் வைத்துக் கொள்ளவேண்டும்.

Keeladi cups, inscribed in Tamil, utensils

எவர்சில்வர் பாத்திரத்தில் பெயர் எழுதும் பழக்கம் நம்மிடம் இருக்கிறது. இந்தப் பழக்கம் இந்தியாவில் வேறும் எங்கும் கிடையாது[5]: அமர்நாத் ராமகிருஷ்ணா பேசுகையில், “யானை தந்தத்தில் செய்யப்பட்ட சீப்பு, தாயக்கட்டை, அணிகலன்கள் போன்றவையும் கிடைத்தன. இதன் மூலம், கீழடியில் நகர நாகரிகம் என்பது மட்டுமல்லாமல், முழுமையான நாகரிக வாழ்க்கை இருந்தது உறுதியாகியுள்ளது. தமிழ்நாட்டில் மேற்கொள்ளப்படும் அகழாய்வில்தான் பானை ஓடுகளில் கிறுக்கல்கள் காணப்படுகின்றன. இந்தியாவில் இதுபோல வேறு எங்கும் இல்லை. சிந்துவெளியில் கூட வரைபட எழுத்துகள்தான் கிடைத்தன. வரைபடம் மூலம் தகவலை வெளிப்படுத்தும் முறை இருந்தது. ஆனால், தமிழ்நாட்டில் பானை ஓடுகளில் காணப்படும் கிறுக்கல்கள் தமிழ் பிராமி எழுத்து என்பதை அறிஞர்கள் உறுதிப்படுத்தியுள்ளனர்.

Keeladi -Amarnath, Kanimozhi, Mafa, Udayachandran

இந்த எழுத்து வடிவங்கள்தான் பின்னர் அசோகர் காலத்துக்குச் சென்றிருக்கும். பானையில் எழுதும் பழக்கம் சாமானிய மக்களிடம்தான் இருந்திருக்கிறது. அவர்கள்தான் எழுதியுள்ளனர். பானையில் அரசன் எழுத வாய்ப்பில்லை. எனவே, அக்காலத்திலேயே தமிழர் நாகரிகத்தில் சாமானிய மக்கள் எழுத்தறிவு பெற்றவர்களாக இருந்துள்ளனர் என்பது அறிய முடிகிறது. இப்போதும் கூட எவர்சில்வர் பாத்திரத்தில் பெயர் எழுதும் பழக்கம் நம்மிடம் இருக்கிறது. இந்தப் பழக்கம் இந்தியாவில் வேறும் எங்கும் கிடையாது.

1.       வரிவடிவம் தெற்கிலிருந்து வடக்காகச் சென்றது, அசோகன் காபி அடித்தான் என்பது எத்தனை பொய் என்று அறிது கொள்ளலாம்.

2.       ஏனெனில், கிரேக்கத்திலிருந்து பெறப்பட்டது என்பது தான், இப்பொழுதைய ஏற்றுக் கொள்ளப் பட்ட வரையறை.

3.       எவர்சில்வல் பொறிக்கும் உதாரணம் முரண்பட்டது. அது கீழே விளக்கப் பட்டுள்ளது.

எனவே, கீழடி வளமைமிக்க நாகரிகமாகத்தான் இருந்திருக்கும்,” என்றார்[6].  “எவர்சில்வர் பாத்திரத்தில் பெயர் எழுதும் பழக்கம்” அவை எங்களுடையது என்று குறிக்க, பொறிக்கபட்டன. அதாவது, தாங்கள் அன்பளிப்பாக கொடுக்கிறோம் என்பதனைக் காட்டப் பொறித்தனர். “இந்த ஓட்டலில் திருடப் பட்டது,” என்று கூட பொறிக்கப் பட்டது. இங்கும், அப்பொருள் தன்னுடையது அல்ல என்பதனைக் குறிக்கத் தான் எழுதப் பட்டது. ஆகவே, அப்பொருட்களை திருடிக் கொண்டு வந்தார்கள் என்று விளக்கமுடியாது.

Keeladi cups, inscribed in Tamil

முழுமையாக 10 வருடங்களாவது அகழாய்வு செய்ய வேண்டும்[7]: அமர்நாத் ராமகிருஷ்ணா பேசுகையில், “இன்னும் அங்கு நிறைய பொக்கிஷங்கள் புதைந்து கிடக்கின்றன. வெறும் 3 அல்லது 4 மாதங்களுக்கு மட்டும் செய்யப்படும் அகழாய்வு மூலம் முழுமையான தகவல்கள் கிடைக்காது. பத்து வருடங்களாவது அகழாய்வு செய்ய வேண்டும். மேலும் இன்னும் ஆழமாக அகழாய்வு செய்ய வேண்டும். அப்படிச் செய்தால் தமிழர்களின் நாகரிக வரலாற்றுக் காலம் ஆயிரம் ஆண்டுகள் பின்னோக்கிச் செல்ல வாய்ப்புள்ளது. அதற்குத் தொடர்ச்சியாக 10 அல்லது 15 ஆண்டுகளுக்கு மேலாக அகழாய்வு செய்யப்பட வேண்டும். இதன் மூலம் தமிழர் வரலாற்றை மறுகட்டமைப்பு செய்ய முடியும். மேலும் காவிரி, தாமிரபரணி போன்ற நதிகளின் ஓரங்களிலும் அகழாய்வு செய்யப்பட வேண்டும்,” என்றார்[8]. ஆகவே, முடிவு பெறாத ஒரு அகழ்வாய்வை வைத்துக் கொண்டு, இத்தனை ஆர்பாட்டம் செய்ய வேண்டிய அவசியம் இல்லை. இருப்பினும், ஊடகங்களில், பல பொய்யான விசயங்கள் சுற்றில் உள்ளன. அதற்கு, இவர்களே காரணமாக இருக்கின்றனர். ஏனெனில், அறிக்கையில் ஒன்று குறிப்பிடுவது, ஊடகங்களில் வேறு மாதிரி பேசுவது, யூ-டியூப் போன்றவற்றில் இன்னும் மாற்றி பேசுவது, மேடை மாறும் போது, உணர்ச்சிப் பூர்வமாக பேசுவது என்று தெரிகிறது. அமர்நாத் போன்றோரே அவ்வாறு பேசி வருவது திகைப்பாக இருக்கிறது.

Propagating for tamizhi

திரவிடி, திராவிடி, தமிழ் பிரம்மி, பழந்தமிழி, தமிழி, முருகு தமிழி………….: ஆரிய-திராவிட இனவாதங்கள் மற்றும் சமஸ்கிருத-தமிழ் காழ்ப்புகளை வைத்துக் கொண்டு, தமிழ் பிரம்ம்பி எழுத்துகளை, சிலர் திரவிடி, திராவிடி, தமிழ் பிரம்மி, பழந்தமிழி, தமிழி, முருகு தமிழி………என்றெல்லாம் சொல்லி, குறிப்பிட்டு குழப்புகின்றனர். எழுத்துரு பிறந்த சரித்திரம் அறிந்தவர்கள் அவ்வாறு செய்ய மாட்டார்கள். இனம், இனவெறி சித்தாந்தம் மற்றும் இனபகுப்பு வெறித்தனம் [the race, racism and racialism]  இவையெல்லாம் விஞ்ஞான ரீதியில் கட்டுக் கதை என்றாலும், அவற்றை வைத்து பேசி-எழுதி வருகின்றவர்களை சரித்திராசிரியர்கள் ஏற்றுக் கொள்வதில்லை. தமிழ்-தமிழ் என்று பேச் காலம் தள்ளிக் கொன்டிருப்பவர்களுக்கு அது சந்தோஷம் கொடுக்கும் விசயமாக இருக்கலாம். அரசியல் காரனங்களுக்காக, இனபம் தூட்டுவதாக இருக்கலாம். ஆனால், ஆராய்ச்சி நெறிமுறை என்று வரும்போது, எடுபடாமல் போகிறது.

© வேதபிரகாஷ்

12-10-2019

Keeladi - incomplete, report but out in haste

[1] தினமணி, கீழடி ஸ்பெஷல்: தமிழர் வாழ்வும் வரலாறும்!, By DIN | Published on : 05th October 2019 01:04 PM.

[2] https://www.dinamani.com/keezhadi-special/2019/oct/05/kezhadi-special-tamizhar-life-and-history-3248499.html

[3] தினமணி, கீழடி ஸ்பெஷல்: தமிழர் வாழ்வும் வரலாறும்!, By DIN | Published on : 05th October 2019 01:04 PM.

[4] https://www.dinamani.com/keezhadi-special/2019/oct/05/kezhadi-special-tamizhar-life-and-history-3248499.html

[5] தினமணி, கீழடி ஸ்பெஷல்: தமிழர் வாழ்வும் வரலாறும்!, By DIN | Published on : 05th October 2019 01:04 PM

[6] https://www.dinamani.com/keezhadi-special/2019/oct/05/kezhadi-special-tamizhar-life-and-history-3248499.html

[7] தினமணி, கீழடி ஸ்பெஷல்: தமிழர் வாழ்வும் வரலாறும்!, By DIN | Published on : 05th October 2019 01:04 PM

[8] https://www.dinamani.com/keezhadi-special/2019/oct/05/kezhadi-special-tamizhar-life-and-history-3248499.html

கீழடி – அரசியலாக்கப்பட்ட உலகத் தமிழ் ஆராய்ச்சி மாநாடு, ஆராய்ச்சி முதலியன, சர்ச்சைகள், பேரினவாதங்கள், மற்றும் முரண்பாடுகள் – கண்டியூர் முதல் கீழடி வரை! [2]

ஒக்ரோபர் 13, 2019

கீழடிஅரசியலாக்கப்பட்ட உலகத் தமிழ் ஆராய்ச்சி மாநாடு, ஆராய்ச்சி முதலியன, சர்ச்சைகள், பேரினவாதங்கள், மற்றும் முரண்பாடுகள்கண்டியூர் முதல் கீழடி வரை! [2]

Keeladi -c-14 result for six samples

முரண்பாடுகளா, குழப்பங்களா, திரிபுவாதங்களா?: கீழடியில் கண்டறியப்பட்ட எந்த ஒன்றிலும் இதுவரை சமய வழிபாடு குறித்த தகவல்கள் எதுவும் கிடைக்கவில்லை, என்று fetna convention என்ற அமெரிக்கக் குழு தான் ஆரம்பித்து வைத்தது போலும்! பேட்னா, “அவற்றில் ஏழு பொருட்கள் மட்டுமே இதுவரை மேலை நாடுகளில் கார்பன் -14 பகுப்பாய்வுக்கு அனுப்பப்பட்டிருக்கின்றன,” என்கிறது. ஆனால், கீழடியில் 2018 ஆம் ஆண்டு மேற்கொள்ளப்பட்ட நான்காம் கட்ட அகழாய்வின் போது சேகரிக்கப்பட்ட ஆறு கரிம மாதிரி கீழடியில் 2018 ஆம் ஆண்டு மேற்கொள்ளப்பட்ட நான்காம் கட்ட அகழாய்வின் போது சேகரிக்கப்பட்ட ஆறு கரிம மாதிரிகள், அமெரிக்க நாட்டின் புளோரிடா மாகாணம், மியாமி நகரத்தில் அமைந்துள்ள, பீட்டா பகுப்பாளிணிவு சோதனை ஆய்வகத்திற்கு அனுப்பப்பட்டன. பிறகு, ஆறா-ஏழா என்ற கேள்வி வருகின்றது. மேலும், அந்த “Beta Analytic Testing Laboratory” அறிக்கை படத்திலொன்றுமே படிக்கத் தெரியவில்லை. மற்ற மாதிரிகளின் தேதிகள் என்ன? ஏன் ஒன்றை மட்டும் எடுத்துக் கொண்டு 580 என்று சொல்ல வேண்டும்?

Keeladi excavation etc-politicized

அரசியலாக்கப்பட்ட உலகத் தமிழ் ஆராய்ச்சி மாநாடு, ஆராய்ச்சி முதலியன: முன்னர், ஆராய்ச்சியாளர்கள் பாரபட்சம் இல்லாமல் ஆராய்ச்சி செய்து வந்தனர். ஆனால், ஆஸ்கோ பார்போலா போன்றோரை வைத்து, தமிழகத்தில் எல்லாமே தமிழ் தான் போன்ற ரீதியில் “ஆராய்ச்சி” பெயரில் ஆரம்பித்தனர். K.C.A. அருணகிரி நாடார்[1] ஆரம்பிந்து வைத்த சொற்கூறு ஆராய்ச்சியை விகாரப் படுத்தி, சாத்தூர் சேகரன், கே.பி.அறவாணன், இரா.மதிவாணன் போன்றோர் எல்லா மொழிகளையும் தமிழில் படிக்கலாம் என்ற பிரமிப்பை உண்டாக்கினர். தமிழ் தான் உலக மொழி, தமிழிலிருந்து தான் எல்லா மொழிகளும் தோன்றின என்று ஆரம்பித்தனர். இது நன்றாக வியாபாரம் செய்யும் வித்தையானது. இதை வைத்து, பணம் பெற்று ஜாலியாக வாழ்ந்தவர் பலர் என்ற நிலை உண்டானது. இதில், வருத்தப் பட வேண்டிய விசயம் என்னவென்றால், அந்த  அருணகிரி நாடார் பெயரை யாரும் குறிப்பிட மாட்டார்கள். ஆனால், தாமே கண்டு பிடித்தது போலக் காட்டிக் கொள்வர்.

Kandiyur axe 2006 hoax

கண்டியூர் கோடாலி மோசடி 2006: 2006ல் செம்பியன்–கண்டியூரில் கிடைத்த ஒரு கல்லை, மனிதனால் செய்யப் பட்ட கோடாலி என்றும் அதில் திராவிட மொழியில் எழுதப் பட்ட எழுத்துகள் உள்ளன என்று பரபரப்பாக செய்திகள் வெளிவந்தன. அதுமட்டுமல்லாது, அவை, சிந்துசனவெளி எழுத்துருவை ஒத்துள்ளது, அதனால், தமிழகத்தில் சிந்து-வரிவடிவம் கிடைத்தது என்று பேசி-எழுத ஆரம்பித்தனர். புதிய கற்காலத்தைச் சேர்ந்தது, அதன் காலம் 2000-1500 BCE என்றும் சொல்லப்பட்டது. ஆனால், இல்லை என்றாகியவுடன், அமைதியாகி விட்டனர். ஐராவதம் மஹாதேவனே முன்னுக்கு முரணான விவரங்களைச் சொல்லிக் குழப்பினார்[2]. குறியீடுகள் முதலில் மூன்று, பிறகு நான்கு என்றேல்லாம் குறிப்பிட்டார். உலக்கத்தமிழ் ஆராய்ச்சி மன்றம், IATR [International Association of Tamil Research]  உலகத்தமிழ் ஆராய்ச்சி மன்றம் என்று மாற்றப் பட்டு, இந்தியாவில் [World Tamil Research Association, WTRA]  என்ற பெயரில் பதிவு செய்யப்பட்டது.  உண்மையில் உலக ஆராய்ச்சியாளர்களிடம் கருத்து வேறுபாடு ஏற்பட்டது[3]. 2010ல் கருணாநிதி, இதனை “தூக்கலாம்” என்று பார்த்தார், முடியவில்லை[4]. நொபுரா கராஷிமா போன்றோர் வெளிப்படையாக மறுப்புத் தெரிவித்தினர். அது உலகத் தமிழ் மாநாடு ஆகாது என்றும் அறிவித்தனர். அதனால், இது “செம்மொழி மாடாக” மாறியது. ஆஸ்கோ பார்போல மட்டும் கலந்து கொண்டார். சில இடங்களில், கேள்விகள் கேட்க ஆரம்பித்ததும், இவரும் உஷாராகி விட்டார். ஐராவதம் மஹாதேவன் “நேதி, நேதி” [அதுவும் இல்லை, இதுவும் இல்லை] என்றெல்லாம் பேசி, நடுநிலை வகித்தாலும், தீடீரென்று அவரும், “எல்லாம் தமிழ் தான்” போன்ற பாட்டை பாட ஆரம்பித்தார்[5]. கண்டியூர் கோடலி பற்றிய அவரது கட்டுரையை இங்கு வாசிக்கலாம்[6]. இதனை www.harappa.com தளத்திலும் பதிப்பித்தார்[7].  அந்த “நான்கு எழுத்துகளை” “முருகன்” என்று வாசித்தார்[8]. இதிலிருந்து, அவர் எந்த அளவுக்கு அரசியல் தாக்கத்திற்கு உட்பட்டிருப்பார் என்பதனை கவனிக்கலாம். இப்பொழுது, அதே நிலை தான், கீழடிக்கு ஏற்பட்டுள்ளது.

Kandiyur axe 2006 hoax-three or four letters

2019 ஆகஸ்ட்டில் அறிக்கை வெளியிடல், மீனாக்ஷி கல்லூரி மாநாடு: அகழ்வாய்வு மூலம் பிரதிபலிக்கும் தமிழ்நாட்டின் கலை மற்றும் கலாச்சாரம் பற்றிய தேசிய கருத்தரங்கு மீனாக்ஷி கல்லூரியில், ஆகஸ்ட் 29 மற்றும் 30 தேதிகளில் நடந்தது. இந்திய அகழ்வாய்வு துறை மற்றும் இந்திய சரித்திர ஆராய்ச்சி கவுன்சில் நிதியுதவி ஆதரவுடன் நடைப்பெற்றது. அதில் பல அகழ்வாய்வு நிபுணர்கள் – ஜி. மஹேஸ்வரி, எஸ்.வசந்தி, எஸ்.ராஜவேலு,அமர்நாத் ராமகிருஷ்ணன், ஆர். சிவானந்தம், ஆர். பூன்குன்றன், வி. செல்வகுமார், டி.சீதாலக்ஷ்மி, ரவி கோரிசெட்டர், சாந்தி பப்பு, எஸ். ராமகிருஷ்ண பிசிபடி, கே. பன்னீர்செல்வம், ஜே. சௌந்தரராஜன், ஷீலா திருப்பாத்தி என்று கலந்து கொண்டனர். எஸ்.ராஜவேலு, “சுடுமண் சிற்பங்களில் தாய் தெய்வம் வழிபாடு,” என்ற ஆய்வுக்கட்டுரைப் படித்தார். மண்டகப்பட்டு, அப்புக்கல்லு, மோதூர், காவேரிபூம்பட்டினம், மேலப்பெரும்பள்ளாம், ஆண்டிப்பட்டி போன்ற இடங்களில் கிடைத்த உருவங்களை வைத்து விளக்கினார்.

“கல்லும் உலோகமும் செங்கலும் மரமும்

கண்ட சருக்கரையும் மெழுகும் என்றிவை

பத்தே சிற்பத் தொழிற்குறுப் பாவன’’ (திவாகர நிகண்டு – 12ஆவது பல்பொருட் கூட்டத்தொரு பெயர்த் தொகுதி) குறிப்பிட்டுக் கட்டினார். அந்நிலையில் கீழடி உருவத்தைக் காட்டி, தாய்வழிபாடு இருந்தது என்றும் விளக்கினார்[9]. இவர் அவ்வாறு பேசிய போது, ஆர். சிவானந்தம் மறுக்கவில்லை, எதிர்க்கவில்லை. மார்ச் மாதம், இரா.மதிவாணனும் இதை எடுத்துக்காட்டியுள்ளார்[10], “நகரமைப்பு, செம்பின் பயன்பாடு உலகளாவிய வணிகம், எழுத்தறிவு பெற்ற கல்வி வளர்ச்சி, தாய் தெய்வ வழிபாடு. தாழியில் புதைத்தல் ஆகியவை கீழடிக்கும் சிந்துவெளிக்கும் உள்ள பொதுவான நாகரிக ஒப்புமைகள் எனலாம்”.  30-08-2019 அன்று அமர்நாத் பேசினாலும், நிறைவு விழா காரணம் காட்டி, கேள்விகள் மறுக்கப்பட்டன. ஆகவே, இவ்விசயத்தில், இவர்கள் இரட்டை வேடம் போடுகிறார்கள் அல்லது இடத்திற்கு ஏற்றபடி, மாற்றிப் பேசுகிறார்கள் என்று தெரிகிறது.

Keeladi -no object of worship

2019 செப்டம்பரில் தமிழ்நாடு அரசு தொல்துறை அறிக்கை வெளியிட்டது: இந்நிலையில், கீழடி அறிக்கை வெளியிடப் பட்டு, அதில், “வழிபாடு தொடர்பான தொல்பொருட்கள் எவையும் தெளிவான முறையில் இதுவரை கிடைக்கப் பெறவில்லை என்பது குறிபிடத்தக்கது,” குறிப்பிடப் பட்டது. இதுதான், இப்பொழுது, சர்ச்சையாகி உள்ளது. உன்னிப்பாக கவனித்தால், பேட்னா கூட்டத்தில், இதன் மூலம் அறியப்படுகிறது, “கீழடியில் கண்டறியப்பட்ட எந்த ஒன்றிலும் இதுவரை சமய வழிபாடு குறித்த தகவல்கள் எதுவும் கிடைக்கவில்லை,” ஜூலை 2019ல் சிகாகோ 10-ஆம் உலகத் தமிழ் ஆராய்ச்சி மாநாட்டில் சொல்லப் பட்டது. அதாவது, அப்பொழுதே, யாரோ அவர்களுக்க்த் தெரியப் படுத்தியுள்ளனர். உடனே ஆகஸ்டில் மாநாட்டில் முரண்பட்டு, செப்டம்பர். 2019,ல் சென்னையில் வெளியிடப் பட்ட அறிக்கையில், “வழிபாடு தொடர்பான தொல்பொருட்கள் எவையும் தெளிவான முறையில் இதுவரை கிடைக்கப் பெறவில்லை என்பது குறிபிடத்தக்கது,” இருக்கிறது என்றால், எனும் போது, யாரோ அக்கருத்தை நுழைத்துள்ளார்கள் என்று தெரிகிறது. இது யாருடைய கருத்து? எம். சேரன், ஆர். சிவானந்தம், ஆர். ராஜன் – மூவரில் யார் அல்லது வேறொருவர் இருக்கிறாரா என்று கவனிக்க வேண்டும்.

© வேதபிரகாஷ்

12-10-2019Keeladi ceramic figurine-Mother Goddess

[1] K. C. A. Arunagiri Nadar, Tamil, It’s Contribution to the European Languages – An Etymological Survey, 438, Poonamalle High Road, Kilpauk, Chennai – 600 010, 1975.

[2] Asko Parpola, Comments on the Incised Stone Axe Found in Tamil Nadu in 2006,  in the collectionof abstracts of papers presented at the Symposium, p. 26.

[3] Prof.Noboru Karashima has also said that the time has come for the IATR to assume a new avatar. It has completed its historical role by making people realize the importance of Tamil studies, just as the Dravidian Movement did in respect of its original objectives. A new IATR must now be created to function as a real academic body. IATR must be resurrected in a new way. Its renaissance rests on the shoulders of young and sincere scholars of Tamil studies.

[4] A similar conference called World Classical Tamil Conference 2010, unapproved by the International Association for Tamil Research, was held in Tamil Nadu conducted by the Dravida Munnetra Kazhagam under the leadership of M. Karunanidhi. Not all agreed with the academic and intellectual rigour of the latter event. Despite these criticisms upholding such a huge event portraying the value of Tamil language and culture is being appreciated vastly and credited to the DMK supremo as commonly believed by the people in the state of Tamil Nadu. [1][2][3]. The theme song of the World Classical Tamil conference, Semmozhiyana Thamizh mozhiyam, was composed by Oscar award winner A. R. Rahman. The song was written by M. Karunanidhi where he has used popular quotes from Sangam poetry.

[5]  Iravatham Mahadevan, A Note on the Muruku Sign of the Indus Script in light of the Mayiladuthurai Stone Axe Discovery, in International Journal of Dravidian Lnguistics, Vol.XXXV, No.2, June 2006.

[6] http://rmrl.in/wp-content/uploads/27-A-Note-on-the-Muruku-sign-of-the-Indus-script..pdf

[7] Iravatham Mahadevan, A Note on the Muruku Sign of the Indus Script in light of the Mayiladuthurai Stone Axe Discovery, May 2016

[8] https://www.harappa.com/content/arrow/stone_celt_indus_signs.html

[9] தினத்தந்தி, சிந்து வெளியுடன் ஒன்று படும் கீழடி நாகரிகம்…!, பதிவு: மார்ச் 21, 2019 11:17 AM பேராசிரியர் இரா.மதிவாணன், இயக்குனர் சிந்துவெளி எழுத்தாய்வு நடுவம்.

[10] https://www.dailythanthi.com/News/Sirappukatturaigal/2019/03/21111721/Excavation.vpf

பன்னாட்டு பல்துறை மாநாடு – வரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடு –சைவம் “தமிழர் சமயம்” ஆகி, சித்தாந்தம் நீர்த்தது! [7]

ஓகஸ்ட் 22, 2019

பன்னாட்டு பல்துறை மாநாடுவரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடுசைவம் தமிழர் சமயம்” ஆகி, சித்தாந்தம் நீர்த்தது!  [7]

Saiva Siddhanta Conference 2019-Dinathanti 17-08-2019

நீதிபதி பேசியது, சான்றிதழ்கள் கொடுக்கப் பட்டது, மாநாடு முடிந்தது: மாண்புமிகு திரு. நீதிபதி எம். கோவிந்தராஜ் ஜனாதிபதி உரையாற்றுவார் என்றிருந்த்ச்து, ஆனால், அவர் பேசவில்லை. மாண்புமிகு திரு. நீதிபதி கே. கல்யாணசுந்தரம் வாழ்த்துரை வழங்குவார் என்று போடப்பட்டிருந்தது, ஆனால், அவர் அவ்வாறு செய்யவில்லை. மாண்புமிகு திரு. நீதிபதி ஆர். மகாதேவன் மட்டும் சைவ சித்தாந்தத்தைப் பற்றி சுருக்கமாக பேசி முடித்தார். “சமத்துவ சிந்தனையோடு கூடிய சித்தாந்த தத்துவமே  சைவ சித்தாந்தம். சைவ சித்தாந்தத்தின் இறைத்தன்மையில் உண்மையான முழுமையான முக்தி கிடைக்கும். சமூக சிந்தனையோடு சமுதாய வளர்ச்சியிலும் சைவ சித்தாந்தம் செயல்பட்டு தனித்தன்மை வாய்ந்ததாக உள்ளது,” என்றார். பிறகு, சான்றிதழ்கள் நீதிபதிகளால் விநியோகிக்கப்பட்டன. சிறிது நெரம் கழித்து, அவர்கள் சென்றுவிட்டார்கள், அதனால், இரண்டு மடாதிபதிகளால் அனைவருக்கும் விநியோகிக்கப்பட்டன.

Saravanan - Deivawayagam, what works behind

தமிழர் சமயம்வாதம் போலித்தனமானது: மு. தெய்வநாயகம், சைவ சித்தாந்தத்தை திரிபுவாதத்திற்கு உட்படுத்தியது, சைவ ஆராய்ச்சியாளர்களுக்கு தெரிந்திருக்கும். அந்த திருபுவாதத்தை மறுத்து, அருணை வடிவேலு முதலியாரின் மறுப்பு புத்தகம் வெளியிடப் பட்டது. கத்தோலிக்கர் ஆதரவுடன், “தமிழர் சமயம்” என்ற மாநாட்டை கத்தோலிக்க பிஷப்புகளில் டையோசிஸ் வளாகத்தில் 15-08-2007 முதல் 19-08-2007 வரை நடத்தியது சரவணனுக்கு தெரிந்திருக்கும். இதைப் பற்றிய என்னுடைய விவரமான கட்டுரையை இங்கே படிக்கலாம்[1]. அதன் விளைவுகளைப் பற்றிய கட்டுரையை இங்கே படிக்கலாம்[2]. இதில் வேடிக்கை அல்லது பொருந்திய விசயம் என்னவென்றால், அடுத்த கட்டுரையே, “கிருத்துவர்கள் செஞ்சியைத் தாக்கும் மர்மம் என்ன?” என்பது தான்[3].  அதில்தான், மைலம் மடாதிபதி, கோவில் நிலத்தை, கிருத்துவர்களுக்கு விற்ற பிரச்சினை வருகிறது. “சிவாக்கியா பாலய சுவாமி” யார் என்று கவனிக்க வேண்டியுள்ளது. 1971 மற்றும் 2018 தீர்ப்புகளில் அவரது பெயர் இருக்கிறது[4]. நீதிமன்ற ஆவணங்கள் படி சரி பார்த்தால், அவரும், இவரும் ஒருவரே என்று தெரிகிறது[5]. 2018 தீர்ப்பை மாண்புமிகு திரு. நீதிபதி ஆர். மகாதேவன் தான் கொடுத்துள்ளார். மாநாட்டிற்கு, முந்தைய விழாக்களுக்கு வந்துள்ளார். இதெல்லாம் தற்செயலாக நிகழ்ந்தனவா, தெய்வம் தீர்மானித்து, நடத்தி வைத்த நிகழ்வுகளா என்று தெரியவில்லை.

Saravanan-approach towards Tirukkural

திருக்குறள், சைவ சித்தாந்தம், வேதங்கள்: சரவணன் அன்ட் கம்பெனி, இப்பிரச்சினையையும் எடுத்துள்ளது, மேலும் கேள்விகளை எழுப்புகின்றன. மு.தெய்வநாயகம், தூஷித்த போது, கோழைகளாக பதுங்கியிருந்த இக்கூட்டம், இப்பொழுது, திடீரென்று ஓலமிடுவது ஏன் என்று தெரியவில்லை. குறளா-குரானா என்றெல்லாம் அச்ங்கப் படுத்தியபோதும், இவர்களுக்கு சூடு-சொரணை எதுவும் இல்லாமல் இருந்தது போலும். ஆனால், இப்பொழுது, வரிந் து கட்டிக் கொண்டு வந்துள்ளது, இவர்கள் உண்மையிலேயே, யாருக்கு ஆதரவாக செயல்படுகின்றனர், என்ற கேள்வி எழுகின்றது. ஒரு பக்கம், சைவம் இந்து அல்ல என்பது; சித்தாடந்தம் தனி வழி என்பது; பிரிவினைவாதிகளுடன் கூட்டு வைத்துக் கொள்வது; பிறகு, குறளுக்கும் வேதங்களுக்கும் தொடர்பு என்றால் குதிப்பது…இவையெல்லாம் ஏன், எப்படி, எவ்வாறு, எதற்காக? சரவணன் அன்ட் கம்பெனி நேரிடையாக பதில் சொல்ல முடியுமா? அருணை வடிவேலு முதலியார் புத்தகம் இருட்டடிக்கும் ரகசியம் இதுதானா?

Saravanan, deceit Saivite or true devotee

எஸ். சரவணனின் நிலைப்பாடு என்ன?: ஆர்.எஸ்.எஸ் மற்றும் இந்து அமைப்புகள் பெயர்களை சொல்லி, விளம்பரம் தேடுவதும் தெரிகிறது. ஏனெனில், அவர்கள் சைவர்களுக்கு விரோதமானவர் அல்ல. இம்மாநாட்டில் பேசிதைப் போல, ஏசு சித்தர், என்௷றெல்லாம் உளர மாட்டார்கள். எனவே இளங்கோ மற்றும் சரவணன் இதை ஞாபகத்தில் வைத்துக் கொள்ள வேண்டும். விபூதி பூசிக் கொண்டு, ருத்ராக்ஷம் கட்டி, சிவன் கோவில்களில் தத்துவம் பேசி, மக்களை ஏமாற்றிக் கொண்டே இருக்க முடியாது.  சரவணனின் பேச்செல்லாம் சைவத்திற்கு எதிராக உள்ளவை தான். 200-300 பேரை வேண்டுமானால், அவர் ஏமாற்றி காலத்தை ஓட்டலாம். ஆனால், முடிவில் உண்மை தெரியத்தான் போகிறது. ஆர்.எஸ்.எஸ், இந்துத்துவ அமைப்புகள் இவற்றையெல்லாம் ஒதுக்கி, பாரம்பரிய சைவனாக, சைவ சித்தாந்தியாக இருந்து பார்த்தாலே, இவர் மற்றும் இவருக்கு பின்னால் இருக்கும் கூட்டம், மாபெரும் சைவ தூஷணத்தை செய்து வருகிறது என்பதை அறிந்து கொள்வர். யாழ்பாணம் ஆறுமுக நாவலர் போன்றோர் இருந்திருந்தால், வள்ளலாரை கேள்வி கேட்டது போல கேட்டிருப்பார். ஒருவேளை தெய்வநாயகம் படுத்து விட்டதால், இவர் எழுந்து, அந்த வேளையை செய்கிறார் போலும். நிச்சயமாக, சிவபெருமான் சும்மா விட மாட்டார்.

Saravanan-confronting RSS for publicity

முடிவுரைமாநாட்டைப் பற்றிய கருத்துகள்: பால்வரை தெய்வம் நல்வினை தீயவினைகளை வகுக்குந் தெய்வமா, பிரிக்கும் கடவுளா, நம்பிக்கையாளர்களைக் குழப்பும் இறைவனா? திரு. அருணைவடிவேலு முதலியார் எழுதிய மறுப்பு நூலை மறைக்க, தருமபுர ஆதீனம் வெளியிட்டதை, “சைவ சித்தாந்த பெருமன்றமே” சதி செய்கின்றது! இப்பொழுதெல்லாம் நிறைய பேர் நான் விவேகானந்த கல்லூரியில் படித்தவன் என்று வேறு மாதிரியாக பேசுவது, சித்தாந்தம் சொல்லி அலைவது என்று ஆரம்பித்துள்ளனர்.  திராவிட கழக கருணானந்தம் விவேகானந்த கல்லூரியில் படித்தவராம், என்ன பிரயோஜனம்? நல்லூர் சரவணன் பனாரஸ் இந்து பல்கலைக்கழகத்தில் படித்தவராம்! இந்த இளங்கோவும் விவேகானந்த கல்லூரியில் பாடம் சொல்லிக் கொடுக்கிறாராம்! இந்தியா நாடல்ல, ஒன்றியம்……..370 எடுத்தது, லடாக்கை உருவாக்கியது…. தவறு என்றெல்லாம் பேசிய விவேகானந்த கல்லூரி ஆசிரியர் – கணபதி இளங்கோ! இதெல்லாம் கூட சைவ சித்தாந்தத்தில் வரும் போல!

Saravanan-ignoring Deivanagam and mudaliar

சைவ சித்தாந்தப் பெருமன்றம், எண்.7, முதல் மாடி, வேங்கடேச அக்கிரகாரம் சாலை மயிலாப்பூர், சென்னை – 600 004 – இத்தகைய போலி சித்தாந்திகளிடமிருந்து மீட்கப் படவேண்டும்! சாது சண்முக அடிகள், சிவஞான பாலாய சுவாமிகள், சரவணனுக்கு ஆதரவு கொடுப்பதால் அம்மடங்களும் இந்து அல்ல என்று அறிவிக்குமா? சைவம் இந்து அல்ல என்று பழனியில் தீர்மானம் போட்டார்களாமே, எஸ். சரவணன் சொல்கிறார்! இந்துத்துவ வாதிகள், ஒன்றும் சொல்ல காணோமே? சிவனே இல்லாத சைவ சித்தாந்தத்தை வைத்துக் கொண்டு, தமிழர் சமயம் என்றால், “இந்துக்கள்” என்ற சான்றிதழ்களை கிழித்துப் போடலாம்! இங்கு – பேஸ் புக்கில், உங்களது வீராப்பு காட்டிக் கொண்டிருந்தால், ஒன்றும் பிரயோஜனம் இல்லை, சென்னை பல்கலைக்கழகத்தில் நடந்து கொண்டிருக்கும் சைவம், மற்றும் சைவ சித்தாந்த மாநாட்டில் வந்து காட்ட வேண்டும்.

© வேதபிரகாஷ்

21-08-2019

Saravanan-opposing Nagasamy

[1]  வேதபிரகாஷ், தமிழர் சமயம்: கிருத்துவர்கள் நடத்திய மாநாடு, 2008, மே.18, 2010, https://christianityindia.wordpress.com/2010/05/18/religion-of-tamils-conference-conducted-to-subvert-hindu-religion/

[2] வேதபிரகாஷ், தமிழர் சமயம் – 2: அதன் பிரச்சினைகளும, விளைவுகளும், மே.18,2010,https://christianityindia.wordpress.com/2010/05/18/%E0%AE%A4%E0%AE%AE%E0%AE%BF%E0%AE%B4%E0%AE%B0%E0%AF%8D-%E0%AE%9A%E0%AE%AE%E0%AE%AF%E0%AE%AE%E0%AF%8D-2-%E0%AE%85%E0%AE%A4%E0%AE%A9%E0%AF%8D-%E0%AE%AA%E0%AE%BF%E0%AE%B0%E0%AE%9A%E0%AF%8D%E0%AE%9A/

[3] வேதபிரகாஷ், கிருத்துவர்கள் செஞ்சியைத் தாக்கும் மர்மம் என்ன?, என்பது தான், 19-05-2010.

https://christianityindia.wordpress.com/2010/05/19/%E0%AE%95%E0%AE%BF%E0%AE%B0%E0%AF%81%E0%AE%A4%E0%AF%8D%E0%AE%A4%E0%AF%81%E0%AE%B5%E0%AE%B0%E0%AF%8D%E0%AE%95%E0%AE%B3%E0%AF%8D-%E0%AE%9A%E0%AF%86%E0%AE%9E%E0%AF%8D%E0%AE%9A%E0%AE%BF%E0%AE%AF%E0%AF%88/

[4] Madras High Court, Srila Sri Sivagnana Balaya … vs The State Of Tamil Nadu By The … on 9 March, 1971

Equivalent citations: (1972) 2 MLJ 605, Author: K Palaniswamy, ORDER K.S. Palaniswamy, J.

[5] Madras High Court, Sri Math Sivagnana Balaya … vs The State Of Tamil Nadu on 14 September, 2018; IN THE HIGH COURT OF JUDICATURE AT MADRAS DATED : 14.09.2018, CORAM, THE HONOURABLE MR. JUSTICE R.MAHADEVAN, W.P.No.23948 of 2018
Sri Math Sivagnana Balaya Swamigal , Thirumadam Thirukailaya Parambarai , Mailam Pommapura Aathenam Mailam,, Tindivanam Taluk, Villupuram District. .. Petitioner Vs

1. The State of Tamil Nadu,

rep. by Principal Revenue Secretary,

St. George Fort, Chennai.

 

2.The District Collector,

Kancheepuram District,

Kancheepuram.

 

3.The Assistant Settlement Officer (North),

The Commissioner of Survey and

Settlement Office, Survey Illam,

3rd Floor, Chepauk, Chennai-5.

 

4.The District Revenue Officer,

Kancheepuram District,

Kancheepuram.

 

5.The Tahsildar,

Chengalpattu Taluk,

Kancheepuram District.

 

6.The Tahsildar,

Thirukazhukundram Taluk,

Kancheepuram District. .. Respondents

 

பன்னாட்டு பல்துறை மாநாடு – வரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடு – சைவம் போர்வையில் சைவ-விரோதம் அரங்கேறுகிறதா? [3]

ஓகஸ்ட் 21, 2019

பன்னாட்டு பல்துறை மாநாடுவரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடுசைவம் போர்வையில் சைவவிரோதம் அரங்கேறுகிறதா? [3]

Saravanan - Deivawayagam, what works behind

தமிழர் சமயம், சைவசித்தாந்தம், இந்து அல்ல: எஸ். சரவணன், சைவ சித்தாந்தத் துறைத் தலைவர், “சோமசுந்தர நாயக்கர்” (1846–1901) வைத்து, குறுகிய சைவ சித்தாந்தத்தை உருவாக்கப் பார்க்கிறார். மறைமலை அடிகளுக்கு அவர் தான் குரு, ஆனால், அவர், தனித்தமிழ் இயக்கம் மூலம் பிரபலம் அடைந்ததால், இவர் பின்னுக்குத் தள்ளப் பட்டார். ஆனால், நாயக்கரின் சைவம், வைணவ விரோதமாக இருந்ததை மறைத்துப் பேசியது, திகைப்படையச் செய்தது. சைவ-வைணவ துவேசத்தை வளர்த்து சித்தாந்தம் உருவாக முடியாது, அதற்கு எந்த மாநாடும் துணை போக முடியாது என்பதை ஞாபகத்தில் வைத்துக் கொள்ள வேண்டும். தமிழகத்தில் இருக்கும் சைவர்களுக்கு, சைவ சித்தாந்திகளுக்கு, சைவ போராளிகளுக்கு இத்தகைய சிந்தனைகள் ஏன் வருவதில்லை என்று தெரியவில்லை. சென்னையில் இருக்கும் சைவர்கள், சைவ சித்தாந்திகள், சைவ போராளிகள் இங்கே வரலாமே? கடவுள் இல்லை என்ற தோரணையில் எஸ்.சரவணன், பேசுவதற்குத் தான் சைவ சித்தாந்த மன்னாட்டுப் பல்துறை மாநாட்டின் நோக்கமா? சைவசித்தாந்திகளும், இந்துவிரோத தெய்வநாயக கிருத்துவ கூட்டமும் “தமிழர் சமயம்” என்கின்றன[1], பிறகு இவர்களுக்குள் என்ன கூட்டோ? இத்தகைய ஆராய்ச்சியில் ஈடுபட்டு, கிருத்துவர்களுக்குத் துணைப் போகும் நிலைப்பாடு என்னெவென்று புரியவில்லை[2]. 2008லேயே எச்சரித்து, கட்டுரைகளில் எழுதியிருந்தேன். இப்பொழுது 2019ல் அப்படியே நடக்கிறது[3]. ஆட்கள் மாறினாலும், சித்தாந்தம் மாறவில்லை. அப்பொழுது, தெய்வநாயகத்திற்கு பின்புலமாக கத்தோலிக்க சர்ச் வேலை செய்தது வெளிப்படையாக இருந்தது[4]. இப்பொழுது, சரவணனை, தெய்வநாயகமாக்கியது யார் என்று தெரியவில்லை.

Pazhani, Saiva siddhanta conference, 19-21, July 2019 saivam not Hindu

தமிழர் சமயமான சைவத்திற்கும் அணுவளவும் தொடர்பில்லை என்பதனைத் தனது ஆய்வுகளின் மூலம் நல்லூர் சரவணன் மெய்ப்பித்து வருவது[5]: நாம் தமிழர் கட்சி சீமான் கூறியது, “சென்னைப் பல்கலைக்கழகத்தின் சைவ சித்தாந்தத் துறை தலைவர் பேராசிரியர் முனைவர் நல்லூர் சரவணன் அவர்களின் சைவச் சமயக் கருத்தியல் பரவலையும், அதுதொடர்பான ஆய்வுகளையும் முடக்கும் நோக்கோடு அவரை அச்சுறுத்தி ஒடுக்க நினைக்கும் இந்துத்துவ அடிப்படைவாதிகளின் கொடுஞ்செயல் வன்மையான கண்டனத்திற்குரியது. இந்து என்கிற கோட்பாட்டுக்கும்தமிழர் சமயமான சைவத்திற்கும் அணுவளவும் தொடர்பில்லை என்பதனைத் தனது ஆய்வுகளின் மூலம் நல்லூர் சரவணன் மெய்ப்பித்து வருவதே காவிப் பயங்கரவாதிகளின் இத்தகைய போக்குக் காரணமாகும். இதனால், தனது அதிகாரத்தினைப் பயன்படுத்தி அவரைப் பணியைவிட்டு நீக்கம் செய்யவும், பணியினைத் தொடரவிடாது இடையூறு செய்யவுமானச் செயல்களில் தொடர்ந்து ஈடுபட்டு வருகின்றனர். இந்துத்துவத்தின் கோர முகத்தையும், அதன் போலித்தனத்தையும் முற்றுமுழுதாகத் துகிலுரித்து மக்களிடையே கருத்தியல் பரப்புரையை மேற்கொண்டதற்காகக் காவிப்பயங்கரவாதிகளால் படுகொலை செய்யப்பட்ட கல்புர்கி, கோவிந்த் பன்சாரே, நரேந்திர தபோல்கர், கௌரி லங்கேசு போன்றவர்கள் எத்தகைய அச்சுறுத்தலையும், அடக்குமுறைகளையும் சந்தித்தனரோ அதற்கு நிகரான ஒரு கொடும் எதிர்வினையை நல்லூர் சரவணன் அவர்களும் சந்தித்து வருகிறார் என்பதிலிருந்து இச்சிக்கலின் தீவிரத்தன்மையை உணர்ந்து கொள்ளலாம்”.

Seeman supports Saravanan Dec.2018

நல்லூர் சரவணன் அவர்களுக்குப் பக்கபலமாகவும், உறுதுணையாகவும் நாம் தமிழர் கட்சி இறுதிவரை உறுதியோடு நிற்கும்: நாம் தமிழர் கட்சி சீமான் தொடந்து கூறியது, “முனைவர் .பத்மாவாதி அவர்கள் எழுதிய, ‘மாணிக்கவாசகரின் காலமும் கருத்தும்என்கிற நூல்வெளியீட்டு விழாவில், ஆரியத்திற்கெதிரான மாணிக்கவாசகரின் கருத்துக்களை மேற்கோள்காட்டிப் பேசியதற்காக முனைவர் நல்லூர் சரவணன் அவர்களைத் தரக்குறைவாக விமர்சித்தும், மிரட்டல் விடுத்தும் வருகின்றனர். இதுமட்டுமல்லாது அவரைப் பல்கலைக்கழகத்திலிருந்து பணிநீக்கம் செய்யக்கோரி ஆளுநரிடம் மனுவும் கொடுத்துள்ளனர். மக்களாட்சித் தத்துவத்தை அடிப்படையாகக் கொண்டு நிறுவப்பட்டுள்ள ஒரு சனநாயக நாட்டில் பல்கலைக்கழகப் பேராசிரியர் ஒருவருக்கே இத்தகைய நெருக்கடிகளும், அச்சுறுத்தல்களும் இருக்கிறதென்றால் கருத்துச்சுதந்திரமும், தனிமனித உரிமைகளும் எந்தளவுக்குப் பாதிக்கப்பட்டிருக்கின்றன என்பதனை உணர்ந்து அதற்கெதிராகச் சனநாயக ஆற்றல்கள் அணிதிரள வேண்டியது அவசியமாகிறது.

Seeman supports Saravanan Dec.2018.2

கல்வியாளர்களை அச்சுறுத்துவதும், கல்வி நிறுவனங்களைக் காவிப்படுத்த முயல்வதுமானக் கொடுஞ்செயல்களை எதிர்த்து கருத்தியல்ரீதியாகவும், அரசியல்ரீதியாகவும் நாம் தமிழர் கட்சியும், அதன் பண்பாட்டுப் படைப்பிரிவான வீரத்தமிழர் முன்னணியும் சமரசமின்றிச் சமர் செய்து அதனை வீழ்த்தி முடிக்கும் எனச் சூளுரைக்கிறேன். ஆகவே, இத்தருணத்தில் சைவ சித்தாந்தப் பேராசிரியர் முனைவர் நல்லூர் சரவணன் அவர்களுக்குப் பக்கபலமாகவும், உறுதுணையாகவும் நாம் தமிழர் கட்சி இறுதிவரை உறுதியோடு நிற்கும் எனவும், காவிப்பயங்கரவாதிகளின் மதத்துவேச நடவடிக்கைகளையும், சதிச்செயல்களையும் களத்தில் எதிர்கொண்டு முறியடிக்கும் எனவும் பேரறிவிப்புச் செய்கிறேன்.”

Seeman supports Saravanan Dec.2018.3

சரவணன் சைவவிரோத செயல்கள் செய்வது எப்படி?: பிறகு சி.பி.ஐ.எம்.எல் போன்ற தீவிரவாத நக்சலைட் ஆதரவாளர்களும் இவருக்கு துணையாக இறங்குகிறார்கள்[6].  பல்கலைக் கழகத்திலேயே ஏ.பி.எஸ்.சி பேனரில் ஆர்பாட்டம் செய்கிறார்கள்[7]. கடந்த 18ம் தேதி ஒரு கும்பல் சென்னைப் பல்கலைக் கழகத்தின் உள்ளே அத்துமீறி நுழைந்து போராட்டம் நடத்தியதுடன் பேராசிரியர் நல்லூர் சரவணன் மீது பல்கலைக் கழக துணை வேந்தரிடம் மனுவும் கொடுத்துள்ளனர். அந்த மனுவை பெற்ற துணை வேந்தர், பேராசிரியர் நல்லூர் சரவணன் விளக்கம் கொடுக்க வேண்டும் என்று கேட்டுள்ளார். அத்துமீறி பல்கலைக் கழகத்தில் நுழைந்த கும்பல் மீது துணை வேந்தர் நடவடிக்கை எடுக்க வேண்டும். மேலும் பேராசிரியருக்கு போலீசார் பாதுகாப்பு கொடுக்க வேண்டும். அந்த கும்பல் மீது வழக்கு தொடர வேண்டும். இல்லை என்றால் தமிழகம் முழுவதும் மாணவர்களை ஒன்று திரட்டி போராட்டத்தில் ஈடுபடுவது குறித்து அறிவிப்போம்[8]. இவ்வாறு சென்னைப் பல்கலைக்கழக சைவசித்தாந்த துறையின் மாணவரும் தமிழ் தேசிய மாணவர் இயக்கத்தின் ஒருங்கிணைப்பாளருமான   கோபிநாதன் தெரிவித்தார்[9].

Arunai Vadivelu Mudaliar, his book

சரவணன் ஆதரவு கோஷ்டிகள் ஒரே பாணியில் இருப்பது எப்படி?: அதே பாட்டை மற்ற இணைதளங்களும் பாடி வருகின்றன[10]. அவற்றின் பின்னணி, இந்திய-விரோதமும் இருப்பதை கவனிக்கலாம்[11]. பிறகு, இவர்களின் திட்டம் என்ன? சைவ சித்தாந்த ஆராய்ச்சியா? சரவணன் இதற்கெல்லாம் மறுப்புத் தெரிவிக்கவில்லை. அதாவது, அரசியலுக்கும் தனக்கும் சம்பந்தம் இல்லை. பல்கலைக்கழகத்தில் இருந்து கொண்டு, தான், இத்தகைய இந்துவிரோத ஆராய்ச்சிகளை செய்யவில்லை, சைவத்தை அவ்வாறு தூஷிக்கவில்லை, சைவ சித்தாந்தத்தை திரித்து கூறவில்லை என்று மறுக்கவில்லை. மாறாக ஊடகங்களுக்கு அவ்விதமாகவே பேட்டிக் கொடுத்தார்[12]. விளைவு, பழனியில் இந்துவே இல்லை என்ற ரீதியில் வந்துள்ளார்[13]. இத்தகைய சைவ-விரோத கருத்துகளை வைத்துக் கொண்டு, இவர் எப்படி, சைவ மகாஜனம் மன்றத்தின் தலைவர் ஆனார் என்று தெரியவில்லை. அருணை வடிவேலு முதலியார் புத்தகத்தை மறைக்கும், இவரது போக்கே, வியப்பாக இருக்கிறது. முதலில், சைவத்தை ஆதரிப்பதாக இருந்தால், அப்புத்தகத்தை மறுபடி பதிப்பித்திருக்க வேண்டும் ஆனால் செய்யவில்லை. முன்பு அவரது புத்தகத்தை வரவிடாமல் தடுத்த அதே சக்திகள் மறுபடியும் வேலை செய்கின்றன போலும். அதற்கு, இந்த சரவணன் வேலை செய்வது நிச்சயமாகிறது.

© வேதபிரகாஷ்

20-08-2019

Arunai Vadivelu Mudaliar

[1]  வேதபிரகாஷ், தமிழர் சமயம்: கிருத்துவர்கள் நடத்திய மாநாடு, 2008, ஆகஸ்ட்.15, 2008.

[2] https://christianityindia.wordpress.com/2010/05/18/religion-of-tamils-conference-conducted-to-subvert-hindu-religion/

[3] வேதபிரகாஷ், தமிழர் சமயம் – 2: அதன் பிரச்சினைகளும், விளைவுகளும், 2008, ஆகஸ்ட்.15, 2008.

[4]https://christianityindia.wordpress.com/2010/05/18/%E0%AE%A4%E0%AE%AE%E0%AE%BF%E0%AE%B4%E0%AE%B0%E0%AF%8D-%E0%AE%9A%E0%AE%AE%E0%AE%AF%E0%AE%AE%E0%AF%8D-2-%E0%AE%85%E0%AE%A4%E0%AE%A9%E0%AF%8D-%E0%AE%AA%E0%AE%BF%E0%AE%B0%E0%AE%9A%E0%AF%8D%E0%AE%9A/

[5] நாம்.தமிழர்.கட்சி, சைவ சித்தாந்தப் பேராசிரியர் முனைவர் நல்லூர் சரவணன் அவர்களுக்குப் பக்கபலமாய் நின்று, அவருக்கெதிரான இந்துத்துவ அடிப்படைவாதிகளின் சதிச்செயல்களை முறியடிப்போம்! – சீமான், நாள்: செப்டம்பர் 17, 2018

https://www.naamtamilar.org/%E0%AE%9A%E0%AF%88%E0%AE%B5-%E0%AE%9A%E0%AE%BF%E0%AE%A4%E0%AF%8D%E0%AE%A4%E0%AE%BE%E0%AE%A8%E0%AF%8D%E0%AE%A4%E0%AE%AA%E0%AF%8D-%E0%AE%AA%E0%AF%87%E0%AE%B0%E0%AE%BE%E0%AE%9A%E0%AE%BF%E0%AE%B0%E0%AE%BF/

[6] வினவு, சிவனடியார்கள் போர்வையில் பேராசிரியர் நல்லூர் சரவணன் மீது தாக்குதல் தொடுக்கும் இந்துத்துவம் !, By புமாஇமு – October 1, 2018

[7] https://www.vinavu.com/2018/10/01/organise-against-hindutuva-attack-on-mu-professor/

[8] தினகரன், மாணிக்கவாசகர் குறித்து கருத்து தெரிவித்த பல்கலைப் பேராசிரியரை மிரட்டிய கும்பல் மீது நடவடிக்கை எடுக்க வேண்டும்: மாணவர்கள் கோரிக்கை, 2018-09-25@ 00:17:28

[9] http://www.dinakaran.com/News_Detail.asp?Nid=438223

[10] கருப்பு.தமிழ்.ஸ்டூடியோ, தமிழர்கள் ஆரியருக்கு எதிரானவர்கள் என நிறுவிய பேராசிரியருக்கு தொடர் அச்சுறுத்தல், By Shanmuga Vasanthan at Monday, September, 17, 2018 7:39 PM.

[11] https://karuppu.thamizhstudio.com/news/professor-nallur-saravanan-threatened-by-hindutva

[12] பிபிசி தமிழ், மாணிக்கவாசகர் புத்தகம்: சைவ சித்தாந்த பேராசிரியரை இந்துத்துவ அமைப்புகள் எதிர்ப்பது ஏன்?, முரளிதரன் காசிவிஸ்வநாதன், 4 அக்டோபர் 2018

[13] https://www.bbc.com/tamil/india-45734041

பன்னாட்டு பல்துறை மாநாடு – வரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடு – சைவம் போர்வையில் சைவ-விரோதம் அரங்கேறுகிறதா? [1]

ஓகஸ்ட் 21, 2019

பன்னாட்டு பல்துறை மாநாடுவரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடுசைவம் போர்வையில் சைவவிரோதம் அரங்கேறுகிறதா? [1]

Pazhani, Saiva siddhanta conference, 19-21, July 2019

2019 ஜூலையில் சைவர் இந்து அல்ல என்று தீர்மானம் போட்டு, ஆகஸ்டில் சென்னை பல்கலைக்கழகத்தில் மாநாடு நடத்தியது: சென்னை பல்கலைக் கழக மாநாட்டிற்கு முன்பாக, இதே குழு, பழனியில் மாநாடு நடத்தியதாலும், அது இம்மாநாட்டின்  மீது தாக்கத்தை ஏற்படுத்துவதாலும், அதைப் பற்றி குறிப்பிட வேண்டிய அவசியம் உள்ளடு. ஜூலையில் பழநியில் சென்னை சைவ சித்தாந்தப் பெருமன்றத்தின் 114 ஆண்டு மாநாடு துவங்கியது. பழநி தெற்கு கிரிவீதியில் சாது சாமி மடத்தில் மூன்று நாட்கள் – 19 முதல் 20 வரை [வெள்ளி, சனி, ஞாயிறு] மாநாடு நடைபெற்றது. உயர்நீதிமன்ற நீதிபதிகள், சாதுக்கள் ஆன்மிகப் பெரியோர்கள் உட்பட பலர் பங்கேற்றனர். பெருமன்ற தலைவர் நல்லூர் சரவணன் கூறுகையில், நாங்கள் அந்தந்த நாடுகளுக்குச் சென்று மாநாடு நடத்துவோம், இவ்வருடம் இங்கு நடத்துகிறோம்[1]. சைவம் இந்து அல்ல; சைவர்களும் இந்து அல்ல, அது தமிழர் அருள்நெறி மரபு என அறிவிக்கவும் மாநாட்டின் வாயிலாக கோரிக்கை வைத்துள்ளோம், தீர்மானமும் நிறைவேற்றப் பட்டது என்றார்[2]. முன்பு “லிங்காயத்துகள்” விவகாரத்தை வைத்து, பிபிசிக்கும் அத்தகைய கருத்தை சொல்லியிருப்பது கவனிக்கத் தக்கது[3]. அது அரசியல் என்பதும், இப்பொழுது அடங்கி விட்டது என்பதும் தெரிந்த விசயம்[4]. ஆகஸ்டில் சென்னை பல்கலைக் கழகத்தில் நடந்த மாநாட்டின் பின்புலமாக, இதனை அறிய வேண்டிய தேவையாகிறது. மேலும், இதில் கலந்து கொண்டவர்கள், அங்கு, சென்னையிலும் கலந்து கொண்டுள்ளனர்.

Pazhani, Saiva siddhant conference, July 2019

சித்தாந்தம் என்பதை விட மெய்யியல் என்பதே மிகச்சரிபழ.நெடுமாறன்: 20-07-2019, சனிக்கிழமை இரண்டாம் நாள் நிகழ்ச்சிக்கு பழனி ஆதீனம் சாது சண்முக அடிகளார் தலைமை வகித்தார்[5].  முன்னாள் சட்டப்பேரவை உறுப்பினரும் விழா தலைவருமான வேணுகோபாலு முன்னிலை வகித்தார். சைவ சித்தாந்த பெருமன்றத்தின் தலைவர் நல்லூர் சரவணன் வரவேற்றார். காலையில் நடைபெற்ற கலந்துரையாடல் நிகழ்ச்சியில் உலகத்தமிழ் பேரவை நிறுவனர் பழ.நெடுமாறன் பங்கேற்று பேசியதாவது[6]: “…., சித்தாந்தம் என்பதன் பொருளே நன்கு நிறுவப்பட்ட கொள்கை. எனவே சித்தாந்தம் என்பதை விட மெய்யியல் என்பதே மிகச்சரி. திருவள்ளுவரும் மெய்ப்பொருள் என்றே கூறியுள்ளார். சித்தாந்தத்தில் சமூக வளர்ச்சிக்கான அனைத்து கருத்துக்களும் உள்ளன. சித்தாந்தம் குறித்து பல கல்லூரிகளில் பாடங்கள் நடத்தப்படுகிறது. இவற்றை உலகம் முழுக்க கொண்டு செல்ல தமிழக அரசு முயற்சி செய்ய வேண்டும். அப்பர், சுந்தரர், காரைக்கால் அம்மையார் கருத்துக்கள் தமிழ் பெருமைக்கு சான்றாக உள்ளன. இயல், இசை, நாடகம் என முத்தமிழையும்,  நுண்நூல்களையும் பாதுகாத்து வரும் சந்ததிக்கு வழங்க வேண்டும்,” என பேசினார்.

Saivas not Hindus Pazhani, Saravanan july 2019

புத்தக  வெளியீட்டுமாயாவாதம் எனும் சங்கர வேதாந்தம்: மாலையில் நடைபெற்ற நூல் வெளியீட்டு விழாவில் முப்பொருள் விளக்கம், திருமுருகாற்றுப்படை, சைவ ஆகமங்கள், மாயாவாதம் எனும் சங்கர வேதாந்தம் உள்ளிட்ட பல்வேறு நூல்கள் வெளியிடப்பட்டன. சென்னை உயர்நீதிமன்ற நீதிபதிகள் கே.கல்யாணசுந்தரம், தெ. கிருட்டிணகுமார் ஆகியோர் நூல்களை வெளியிட, ஓய்வு பெற்ற காவல்துறைத் தலைவர் சிதம்பராசமி, சாது சண்முக அடிகளார் ஆகியோர் பெற்றுக் கொண்டனர்.  நீதிபதி கிருஷ்ணகுமார் பேசுகையில், சைவர்கள் சிவன் தலைமையை ஏற்றுக்கொண்டவர்கள். உலகில் உள்ள ஐந்து பொருள்களான கடவுள், உயிர், சடப்பொருள்களான ஆணவம், கன்மம் மற்றும் மாயை வாழ்க்கையில் நடக்கும் பிரச்னைகளை உள்வாங்கி எதையும் மறுக்காமல் பொறுப்பேற்று தெளிவடைந்து பிறப்பில் இருந்து விடுபடுவது தான் சைவ சித்தாந்தத்தின் கொள்கை. நீதிபதிகளும் மடாதிபதிகளைப் போல தான் இருக்க வேண்டும். சுதந்திரம் இருந்தாலும் சமூகக் கட்டுப்பாட்டிற்கு உட்பட்டு  சுயக் கட்டுப்பாடும் இருக்க வேண்டும் என்றார்[7].  நீதிபதி கல்யாணகுமாரும் பேசினார். நீதிபதிகளுக்கு மற்ற படித்தவர்களுக்கு, “மாயாவாதம் எனும் சங்கர வேதாந்தம்,” என்பது எவ்வளவு அபத்தமானது என்று தெரிந்திருக்கும், இருப்பினும் கலந்து கொண்டுள்ளார்கள். ஏனெனில், அத்வைதம் அப்படியில்லை, பௌத்தம் மற்றும் ஜைனம் தான் அத்தகைய கொள்கைகளைக் கொண்டுள்ளன. சம்பந்தர், அப்பர் முதலியோர் அதனால் தான் அவற்றை எதிர்த்தனர்.

Pazhani, Saiva siddhanta conference, 19-21, July 2019 .2

சைவ மடாதிபதிகள், மடங்கள் “இந்து அல்லஎன்றால், அவ்வாறே அறிவித்துக் கொள்ளலாம்: சைவ மடாதிபதிகள், மடங்கள் இந்து சமயத்தில் இருந்து கொண்டு தான், சட்டதிட்டங்களுடன் செயல்பட்டு வருகின்றன. “இந்து அல்ல” என்றால் இந்த பழனி, மைலம் மற்றும் இதர மடாதிபதிகள் தாராளமாக வெளியேறி விடலாம். ஏனெனில், இது மதம் சுத்தமாகும். சரவணன் மற்றும் அவரது கூட்டத்தாரும் வெளியேறி விடலாம். சித்தாந்தம் குழமாமல் இருக்கும். நல்.முருகேச முதலியார் போன்றவர்களை விட, இவர்கள் ஒன்றும் பெரிய சித்தாந்திகளும் இல்லை, சைவ நம்பிக்கையாளர்களும் இல்லை, என்பது அவர்களது பேச்சுகளிலிருந்தே வெளிப்படுகிறது. ஆகவே, இவர்கள் இந்துக்களாக இருப்பது, கேடு தான். உள்ளே இருந்து கொண்டு, மற்றவர்களைக் குழப்புவதால் தான் மற்ற நாத்திக, இந்துவிரோத, கம்யூனிஸ்ட், நக்சலைட் இத்யாதிகள் இவர்களுக்கு ஆதரவாக உள்ளனர். ஆக, முந்தைய சமண-பௌத்தர் எப்படி போலி சைவர்களாக இருந்து, குழப்பினார்களோ, அதே போல, இந்த போலி சித்தாந்திகள் குழப்ப வந்து விட்டார்கள்!

Pazhani, Saiva siddhanta conference, 19-21, July 2019 Nalvar

சைவத்தின் நிலையறியாரோ?: சைவர் மற்றும் சைவ சித்தாந்திகள், கடந்த காலங்களில் போலி சைவர்-போலி சித்தாந்திகள், வேடதாரிகள் முதலியோரைப் பற்றி எச்சரித்துள்ளனர். குறிப்பாக சில பாடல்களைக் குறிப்பிட்டு உண்மையினை விளக்கியுள்ளனர்.  அவிழ்க்கின்றவாரும், அதுகட்டு மாறும் சிமிட்டலைப் பட்டு உயிர் போகின்றவாறும் தமிழ்ச்சொல் வடசொல் எனும் இவ்விரண்டும் உணர்த்தும் அவனை உணரலும் ஆமே, என்பதறியாமல், சித்தாந்தம் பேசும் பொய்யர்கள்! உயிர்களைப் பந்தத்திலிருந்து நீக்கும் முறையையும், உயிர்களை பந்தத்தில் கட்டும் முறையையும், இமைக்கும் தொழில் ஒழித்து உயிர் போகும் முறையையும், தமிழ்ச் சொல், வடசொல் இரண்டிலும் கூறி உணர்த்துகின்ற சிவனை ஆகம அறிவால் மட்டும் அறிந்து கொள்ள முடியுமோ?

மூரி முழங்கொலிநீ ரானான் கண்டாய்
முழுத்தழல்போல் மேனி முதல்வன் கண்டாய்
ஏரி நிறைந்தனைய செல்வன் கண்டாய்
இன்னடியார்க் கின்பம் விளைப்பான் கண்டாய்
ஆரியன் கண்டாய் தமிழன் கண்டாய்
அண்ணா மலையுறையெம் அண்ணல் கண்டாய்
வாரி மதகளிறே போல்வான் கண்டாய்
மறைக்காட் டுறையும் மணாளன் தானே [திருமறைக்காடு பாடல் எண்:5]
ஆனால், இவற்றையெல்லாம் மீறி, முறையற்ற விளக்கங்கள் கொடுத்து, சைவர்-சைவ சித்தாந்திகள் இந்துக்கள் அல்லர் என்ற அளவிற்கு பிதற்ற இவர்கள் வந்து விட்டனர். தமது சுயரூபத்தை வெளிக்காட்டி விட்டனர்.

தமிழ் தெரியாதா, தமிழருக்கு தமிழ் படித்து, புரிந்து கொள்ள முடியாதா, என்றெல்லாம் அறிந்தும்-அறியாதார் போல, பல்கலைக் கழகத்தில் இருக்கிறேன் என்ற மமதையில் பொய்களை சொன்னால், சிவபெருமான் நிச்சயமாக தண்டிப்பார்.

மாரியும் கோடையும் வார்பனி தூங்கநின்று
ஏரியும் நின்றங்கு இளைக்கின்ற காலத்து
ஆரிய முந்தமி ழும்உட னேசொலிக்
காரிகை யார்க்குக் கருணைசெய் தானே” – (திருமந்திரம் – 65)
இறைவன் ‘தமருகம்’ என்னும் தனது தோற்கருவியின் ஒரு புறத்தில் ஒலியெழுப்பித் தமிழையும், மறுபுறத்தில் ஒலியெழுப்பி ஆரியத்தையும் வெளிப்படுத்தினன் என்பர்.

இவ்விரண்டு மொழிகளையும் சிவபெருமான் உமையம்மைக்கு அருளினான் என்ப தாகத் திருமூலர் திருமந்திரம். இதற்கெல்லாம் கூட வேறு விளக்கம் கொடுப்பரோ?

வானவன்காண் வானவர்க்கும் மேலா னோன் காண் வடமொழியும் தென்தமிழும் மறைகள் நான்கும் ஆனவன்காண்” [திருச்சிவபுரம் – 1] –என்ற திருநாவுக்கரசரசரை எதிர்ப்பரோ?

© வேதபிரகாஷ்

18-08-2019

Pazhani, Saiva siddhanta conference, I am not Hindu-Shiva

[1] தினமலர், பழநியில் சைவ சித்தாந்த மாநாடு,  ஜூலை 19,2019 00:00 IST.

[2] https://www.dinamalar.com/video_main.asp?news_id=169759&cat=32

[3] பிபிசி தமிழ், நாங்கள் ஏன் இந்துக்கள் இல்லை’ – லிங்காயத்துகள் அடுக்கும் காரணங்கள், பிரமிளா கிருஷ்ணன், 22 மார்ச் 2018

[4] https://www.bbc.com/tamil/india-43489113. காங்கிரஸ் தேர்த நேரத்தில் அதனை பிரச்சினையாக்கியது. ஆனால், விளைவை அறிந்த பின்னர் அடங்கி விட்டது.

[5] தினமணி, பழனி சைவ சித்தாந்த மாநாட்டில் நூல்கள் வெளியீடு, By DIN | Published on : 21st July 2019 01:17 AM |

[6] பழ.நெடுமாறனைப் பற்றி ஒல்ல வேண்டிய அவசியம் இல்லை. முன்பு, இந்துவிரோத-கிருத்துவ தெய்வநாயகத்தின் கூட்டத்தில் பங்கு கொண்டது போல, இங்கும் கலந்து கொண்டுள்ளார். இதைப்பற்றி மாநாடு ஏற்பாடு செய்தவர்கள் தான் பதில் சொல்லியாக வேண்டும். மற்றவர்கள், எப்பட், “இனம் இனத்தோடு சேர்கிறது,” என்பதை உன்னிப்பாகக் கவனிக்கலாம்”

[7]  ஒருவேளை, இவருக்கு சரவணனின் சைவத்தின் மீதான கருத்துகள் தெரியாது போலும். சரி, அந்த தீர்மானம் பற்றியுமா தெரியாது, அல்லது ஊடகங்களில் வந்த விசயங்களையும் படிக்காமலா இருந்தார்கள்?