Archive for the ‘காஞ்சிபுரம்’ Category

தமிழகத்தில் துவைதத்தின் தாக்கம், விஜியேந்திரர்-ராகவேந்திரர் போன்றோர் சைவ-வைணவ பேதத்தை போக்க ஆற்றிய தொண்டு முதலியன [3]

ஜூலை 5, 2020

தமிழகத்தில் துவைதத்தின் தாக்கம், விஜியேந்திரர்ராகவேந்திரர் போன்றோர் சைவவைணவ பேதத்தை போக்க ஆற்றிய தொண்டு முதலியன [3]

Saiva - Vaishnava divide can be removed!

சனாதன நம்பிக்கையாளர்களுக்குள் ஏன் விரோதம், போட்டி, தாக்குதல் முதலியன இடைக்காலங்ளில் இருந்தன?: ஃபாஹியான் (399-414), யுவான் சுவாங்  (ஏழாம் நூற்றாண்டு) முதலிய சீன-பௌத்த யாத்திரிகர்கள் தென்னகத்திற்கு வந்து சென்றுள்ளனர். தாராளமாக ஓலைச்சுவடிகளை வாரிச் சென்றுள்ளனர். ஆனால், அவர்களை எதிர்த்ததாகவோ, மறுத்ததாகவோ எந்த குறிப்புகளும் இல்லை. ஆனால், மத்வாச்சாரியார் தீர்த்த யாத்திரையாகச் சென்றபோது, ஏன் அப்படி சைவமடாதிபதிகள் தமது வெறுப்பைக் காட்டினர், சனாதன நம்பிக்கைக் கொண்டவர்களுக்குள் அத்தகைய போட்டி (Intra-religious rivalry) முதலியன ஏன் நிலவின என்று தெரியவில்லை. மேலும் அவர்களைத் தாக்குவது, விரட்டுவது மற்றும் தொடர்ந்து தொந்தரவு செய்தல், இம்சித்தல் (persecution) போன்றவை நடந்துள்ளன என்பது, அதைவிட திகைப்படையும் செயல்களாகும். வேதக் கொள்கைகள் கொண்டவர்கள் அவ்வாறு செய்திருக்க முடியாது. ஆதிசங்கரர் முதல், பௌத்தர்கள் எப்பொழுதும் வாதங்களில் ஈடுபட்டுள்ளனர். ஜைன-பௌத்த வாத-விவாதங்கள் தண்டனைகளில் முடிந்துள்ளன[1]. ஆனால், அவற்றையும் சைவர்கள் செய்தார்கள் என்று இப்பொழுது 21ம் நூற்றாண்டில், மாற்றி திரிபு விளக்கம் அளிக்கப் படுகிறது.

Simhagiri caturmukha Linga four sides, Karnataka

ராமானுஜர் மற்றும் மத்வாச்சாரியார் தாக்குதல்களுக்கு (persecution) உட்பட்டது:   ஒரு சோழ அரசன் தாக்குதல்களால், தப்பித்து ராமானுஜர் கர்நாடகாவிற்கு செல்ல நேர்ந்தது. அதே போல, மத்வாச்சாரியார் கேரளாவுக்குச் சென்றபோது, சிருங்கேரி மடத்தினரால் தாக்குதலுக்கு உட்பட்டார். பிறகு, அவரது நூலகத்தில் இருந்த புத்தகங்கள் / ஓலைச்சுவடிகள் சிருங்கேரி மடத்தினரால் தூக்கிச் செல்லப் பட்டன. இவையெல்லாம், எந்த ஆராய்ச்சியாளராலும் விவாதிக்கப் படுவதில்லை. ஒருவேளை சைவர், வைணவரைத் தாக்கியதால், சொல்லவேண்டாம் என்று மறைத்தனர் போலும். ஆனால், மத்வர் போன்ற சமரச-ஒற்றுமை உண்டாக்கும் மதகுருக்கள், மடாதிபதிகள், தத்துவவாதிகள் தாக்கப் பட்டது, வினோதமாக உள்ளது. அது, ஜைன-பௌத்தர்களின் முறைப் போன்றுள்ளது. அதாவது, சைவ-வைணவ மதங்களில் சேர்ந்த  ஜைன-பௌத்தர்களின் பிரிப்பு சூழ்ச்சிகள் தொடர்ந்தன என்றாகிறது. சித்தாந்தம், சித்தாந்த மரபு, சித்தாந்த  மரபு கண்டனம், சித்தாந்த  மரபு கண்டன-கண்டனம், சித்தாந்த  மரபு கண்டன-கண்டன-கண்டனம், போன்ற நூல்கள் எல்லாம் வெளி வந்த காலம். ஆனால், மத்வாச்சாரியாரோ, “சர்வ தர்ம சங்கிரஹ” போன்ற நூலை எழுதி, எல்லா சனாதன பிரிவுகளும் ஒன்றாக வர பாடுபட்டார்.

Sri Vijiyendra Tirth and Raghavendra, guru and shishya

சைவவைணவ ஒற்றுமைக்கு பாடுபட்டது: மத்வ சம்பிரதாயத்து, மடாதிபதிகள் குறிப்பாக, சைவ-வைணவ வேறுபாடுகளைப் போக்கப் பாடுபட்டனர். வித்தியாசமில்லாமல், கும்பகோணத்தில் இருந்த கோவில்களை நிர்வகித்து வந்தனர். ஜைன-பௌத்த மதத்தவர் சைவ-வைணவ மதங்களில் சேர்ந்த போது, அவர்களில் இருந்து புல்லுருவிகள் மோதல்களை உருவாக்க முயற்சித்துக் கொண்டே இருந்தனர். வீரசைவர் போன்றவரும், ஜைனர்களை கட்டுப்படுத்தினாலும், தீவிரமான கொள்கைகளினால், வைணவர்களை எதிர்த்து வந்தனர். “ஶ்ரீ மத்வ விஜயம்”, “ராகவேந்திர விஜயம்” போன்ற நூல்களே, அத்தகைய நிலையை எடுத்துக் காட்டுகின்றன[2]. அந்நிலை, கர்நாடகத்தில் இன்றும் தொடர்கிறது[3]. கடவுள் எல்லோரியத்திலும் எல்லாவற்றிலும் இருக்கிறார் என்பதை விட, கடவுள் வேறு, மனிதன் வேறு என்று எடுத்துக் காட்டி, ஏன் மனிதர்கள் அவ்வாறு பிரிந்து கிடக்கிறார்கள் என்பதை எடுத்துக் காட்டி, நற்சிந்தனைகளால், நற்செய்கைகளால் ஒன்று பட பாடுபட்டனர். அவ்விதத்தில் தான், ஶ்ரீராகவேந்திரர் போன்றோர், மாநில எல்லைகளையும் கடந்து, தாக்கத்தை ஏற்படுத்தி வருகிறார்கள்.

Sri Raghavendrar, picture, Mantalaya

மத்வ சம்பிரதாயம், மத்வர்களின் நிலை: ஶ்ரீமத் மத்வாச்சாரியாரைப் பின்பற்றுகிறவர்கள், மத்வர்கள் எனப்படுகிறார்கள். பொதுவாக கன்னடம் பேசுபவர்கள் தான் மத்வர்கள் போன்ற கருத்துகள் தவறானதாகும். ஏனெனில், ராகவேந்திரர் புவனகிரியில் பிறந்தவர். விஜியேந்திர தீர்த்தர் குமகோண மடத்தில் இருந்தவர். மராத்தி, தெலுங்கு, கன்னடம் என்று அந்தந்த மாநிலங்களில் பேசுகிறார்கள். இப்பொழுது தமிழ் பேசுபவர்களும் இருக்கிறார்கள்[4]. இக்கால கட்டத்தில் மத்வர்கள் எப்படி இருக்கிறார்கள் என்பதைப் பார்ப்போம்:

Sri Purandaradasa , Sri Kankadasa, Sri Vijiyendra Tirth

  1. ஒரு மத்வன், தான் எப்படி நல்ல மத்வனாக இருக்கவேண்டும், முழு மத்வனாக மாற வேண்டும் என்று சிந்தித்து, முயன்று வாழ்கிறான்.
  1. மத்வ குடும்பமே அவ்வாறிருக்க முயல்கிறது. குறிப்பாக பெண்கள் மறக்காமல், நாட்களை ஞாபகம் வைத்துக் கொள்வது, செய்ய வேண்டியதை செய்வது முதலியவற்றைக் கடைபிடித்து வருகிறார்கள்.
  1. முடிந்த அளவில் பூஜை-புனஸ்காரங்கள், சடங்குகள்-கிரியைகள், விழாக்கள்-கொண்டாட்டங்கள் முதலியவற்றை செய்து வருகிறான்.
  1. ஏழை மற்றும் மத்திய வர்க்க கீழ்தட்டு மத்வர்களால் ஆயிரம், பத்தாயிரம் என்றெல்லாம் வரும் போது, செய்யமுடியாமல் தவிக்கிறார்கள், வருந்துகிறார்கள்.
  1. வீட்டில் தாசர்களின் பாடல்களைப் பாடி அல்லது கேட்டுக் கொண்டிருப்பர். பெரியவர்களுக்கு மரியாதை கொடுப்பர்.
  1. குழந்தைகள், சிறியவர்கள் அவ்வாறான சூழ்நிலைகளில் வளரும் போது, தானாகவே, அவற்றில் ஈடுபடுகின்றன, ஈடுபடுத்தப் படுகின்றன.
  1. ஏழையோ-பணக்காரனோ, குடிசையோ-பெரிய வீடோ, ஒரு மத்வர் வீட்டில், மத்வாச்சாரியார் படம் இல்லாமல் இருக்காது.
  1. மத்வர்கள் யாரும் தங்களது நம்பிக்கைகளை, சம்பிரதாயங்களை அடுத்தவர் மீது திணிப்பதில்லை.
  1. தங்களை, இந்து என்று சொல்லிக்கொள்ள, இருக்க என்றும் அவன் தயங்குவதில்லை. தினம்-தினம் அவன் “சங்கல்பம்” சொல்கிறான்[5].
  1. இக்கால அயல்நாட்டு மோகங்கள், மேல் படிப்புகள், வேலைகள், பணம் அதிகரிப்பு முதலியவை அவர்களை பாதிக்கின்றன. சில பிறழ்சிகள் ஏற்படுகின்றன[6]. அவற்றை அவர்கள் நிகழா வண்ணம் கவனித்துக் கொள்ள வேண்டும்.

© வேதபிரகாஷ்

04-07-2020

Madhwacharya attitude towards Siva

[1] 788ல் அகாலங்க என்ற ஜைனர், தோற்றுபோன, பௌத்தர்க்களை கழுவில் ஏற்றாமல், எண்ணை அறைக்கும் எந்திரங்களில் போடாமல், இலங்கைக்கு நாடு கடத்தினார் என்று கல்வெட்டுகள் கூறுகின்றன.

[2] G. B. Joshi (Ed. And trans), Narasimhacharya’s Raghavendra Vijaya,  Shri Raghavendra Swami Brindavan office, Mantralaya, 1968,

[3]  லிங்காயத்துகள் தாங்கள் இந்துக்கள் இல்லை என்று சொல்லிக் கொள்கிறார்கள். தமிழகத்திலும், இப்பொழுது சில கோஷ்டிகள் அத்தகைய முழக்கத்தை வைத்துள்ளன. தமிழகத்தைப் பொறுத்த வரையில், அவர்களுக்கு எந்த ஆதரவும் இல்லை. ஆனால், கர்நாடகாவில் கனிசமான மக்கட்தொகை, மடங்கள், அரசியல் ஆதரவு எல்லாமே இருக்கின்றன.

[4] மொழியை வைத்து, நம்பிக்கையாளர்களைப் பிரிக்க முடியாது. இக்காலத்தில், மொழிபெயர்த்து படிக்கிறார்கள். தேவைப்படும் போது, கற்றுக் கொள்கிறார்கள்.

[5]  “சங்கல்பம்” என்பதில், சொல்லுகின்ற இடம் (பூகோள ரீதியில்), நேரம், காலம், ஆண்டு, ருது, வருடம், கல்பம் (வானசாஸ்திர ரீதியில்) எல்லாமே வரும்.

[6]  கடல் கடக்கலாமா போன்ற விவாதங்கள் இன்றும் நடந்து கொண்டுதான் இருக்கின்றன. பிறகு, கர்நாடகாவிலிருந்து கௌன்டின்ய பிராமணர், எப்படி, சுவர்ணதேசம், ஜப்பான் முதலிய நாடுகளுக்குச் செல்லமுடியும் என்பதை யோசிக்க வேண்டும். தமக்குப் போட்டியாக, பிராமணர்கள் வந்துவிடக் கூடாது என்று பௌத்தர்கள் தான் அத்தகைய தடைகளை விதித்தார்கள்.

Sri Appaiya Dikhshitar, Sri Vijiyendra Tirth- good friends

இந்து ஆன்மிக மற்றும் சேவைகள் கண்காட்சி 2020 மற்றும் பாரதிய இதிகாச சங்கலன சமிதி [3]

பிப்ரவரி 8, 2020

இந்து ஆன்மிக மற்றும் சேவைகள் கண்காட்சி 2020 மற்றும் பாரதிய இதிகாச சங்கலன சமிதி [3]

பலவிதமான நிறுவனங்கள், அமைப்புகள் மற்றும் குழுக்கள், குறிப்பிட்ட  கருத்து, திட்டம் அல்லது குறிக்கோள் கொண்டு அரங்கங்கள் அமைக்கப் பட்டுள்ளது தெரிகிறது. சிலர், வியாபார ரீதியில் அரங்குகளை வைத்துள்ளதும் புரிகிறது. கைப்பைகள், அழகுப் பொருட்கள், விளக்கு மறைப்புகள் போன்றவற்றை விற்பதால் என்ன சேவை செய்யப் படுகிறது என்று தெரியவில்லை.

Selling hand bags etc

கைப்பைகளை விற்கும் ஸ்டால்

Hand bag selling stall

“கல்யாண மாலை” போன்ற ஸ்டால், “வேதிக் மாட்ரிமோனி” என்று பெயர் வைத்து விட்டனர்! உங்கள் மகள் மற்றும் மகன் திருமணம் தாமதப் படுகிறதா, எங்கள் ஜோதிடர்களை அணுகவும்.

Vedic matrimony

இந்திய தொல்லியல் துறை- பல புகைப் படங்களை வைத்தது.

Archaeology dept

ஶ்ரீ கணபதி சச்சிதானந்த ஸ்வாமிகளின் அவதூதர் மடம், மைசூர்.

Avadhuta peetam

பாரத மேப் – முன்னோடிகள், நாயகர்கள் சித்தரிப்புகளுடன்

Bharath with Great men and women

விஜயபாரத பதிப்பகம், பாரதிய இதிகாச சங்கலன சமிதிக்கு அடுத்த ஸ்டால்.

BISS- next to Vijayabharatam publications

28-01-2020 அன்று, பாரதிய இதிகாச சங்கலன சமிதி – நான்கு மேஜைகள் பொருட்கள் எடுத்துச் சென்றதால் காணப்படும் நிலை!

BISS how, it was emptied can be noted

28-01-2020 அன்று இந்த அரங்கு இல்லை, 29-01-2020 அன்று காலை வந்து பார்த்த போது 20 மேஜைகள் வைத்து, அமைத்துள்ளார்கள். அத்திவரதர் வைக்க 10 மேஜைகளைப் பயன்படுத்தி உள்ளார்கள்!

The stall with 20 tables

29-01-2020 அன்று மறுபடியும் மேஜைகளைக் கொண்டு வந்து தயார் படுத்தும் நிலை,…. இந்த மரமேஜைகள் கனமாக இருந்தன. நாகராஜன் மறுபடியும் நான்கு மேஜைகள் கொண்டு வந்தார்! 30-01-2020 வந்தபோது, அதில் ஒன்று குறைந்திருந்தது!

BISS again setting up as tables taken away

“லெமன் க்ராஸ்” என்பது ஒரு வகை புல் இனத்தைச் சார்ந்த மூலிகை, தமிழில் “வாசனைப் புல்”, “எலுமிச்சைப் புல்” மற்றும் “இஞ்சிப் புல்” எனலாம். அதிகமாக விளையும் இது, பராமரிப்புகள் எதுவும் இல்லாமலே காடுகளிலும் மலைகளிலும் தானாக வளர‌க்கூடிய புற்செடி. இது எல்லா வகையான‌ மண் வகைகளிலும், சத்துக் குறைவான மண்களிலும், களர் நிலங்களிலும் மற்றும் உவர் மண்களிலும்கூட‌ வளரக்கூடியது! வீட்டிலும் தொட்டிகளில் வைத்துக் வளர்க்கலாம். திரு நாகராஜன், பாரத மருத்துவ சரித்திரத்தில், இது வருவதால், ஒரு உதாரணமாக கொண்டு வந்து பலருக்கும் இலவசமாக சமிதி சார்பில் விநியோகம் செய்தார்.

Nagarajan with Lemon grass linking with history

அதற்கான விளக்கமும் கொடுக்கப் பட்டது.

Nagarajan explaining about Lemon grass

இலவசமாகக் கொடுக்கப் பட்ட, லெமன்கிராஸ் செடியை சுமார் 100 பேர் கொண்டு சென்றனர்!

Lemom grass evoked reponse to get it

அழகான பொம்மைகளை கைகளால் செய்து வைக்கும் பெண்மணி..

Doll making, creative

காயத்ரி சேத்னா குழுமம், சென்னை…..

Gayathri - anything can be sold-2

காயத்ரி சேத்னா குழுமம், சென்னை…..விளக்கப் படங்களை வைக்கும் இன்னொரு தொண்டர்….

Gayathri - anything can be sold

சிற்ய்தெய்வம், குறுதெய்வம், எல்லை தெய்வம், குலதெய்வம் என்றெல்லாம் சொல்லப் படும், தாய் தெய்வ வழிபாடு…

Goddesses worship stalls

சக்தி வழிபாடு – காளி பக்தர்…..யானன்!

Kali devotee

காஞ்சிமட அரங்குகள் – பல வைக்கப் பட்டன…….கல்வி, மருத்துவம்…..என்று பல சேவைகள்……

Kanchi mutt stalls

க்ஷேத்திர தரிசனம் – பல புண்ணிய ஸ்தலங்களுக்கு சென்று வர…….

Khetra darshanam

நேலவாரா கோஷால, இம்முறை சில மத்வ சம்பிரதாய அமைப்புகள் கலந்து கொண்டுள்ளன.

Nelavara Goshala

ஹிந்து மிஷன் மருத்துவ மனை – இப்பொழுது பலவிதங்களில், எல்லோருக்கும் சேவை செய்து வருகின்றது.

Hindu Mission Hospital

ஶ்ரீநாராயணாஸ்ரம தபோவனம்….

Naraanashrama Tapovanam

ஶ்ரீராமகிருஷ்ண மடம் அரங்குகள்………………………

RKM

மூரல், வண்ணச் சித்திரங்கள் என்று ரூ.பல ஆயிரங்களில் விற்கப்படும் சித்திரங்க்கள் / படங்கள்!

Selling murals

ருத்ராக்ஷம், ருத்ராக்ஷ மாலை, மோதிரம், மான் தோல் போன்ற உடை, கயிறுகள், ………என்று விற்கப் படும்……

Selling rudrakasha and its accessories

ஓராசிரியர் பள்ளி, இது செயல் பட்டு வருகிறது….வரவேற்பும் இருக்கிறது……

Single teacher school

ஶ்ரீ சித்த கங்கா மடம், துமகூரு. சமீபத்தில் இதன் 109 வயதான ஸ்வாமிஜி சமாதி அடைந்தார்.

Sree Siddhaganga Mutt

திரி-சக்தி என்ற அமைப்பு…………….

Tri Sakti

பசு, பசுவின் மூலம் கிடைக்கும் பொருட்கள், அவற்றை வைத்துச் செய்யப்படும் பொருட்கள் என்று சில அரங்குகள் இருந்தன. அவை கிளினிகள் முறையில் அறிக்கைகள் பெற்று செயல் பட்டால், இன்னும் சிறப்பாக இருக்கும் என்று தோன்றுகிறது.

Ushes Educational Trust

இம்முறை, வள்ளாலார் / ராமலிங்க அடிகள் குழுக்கள் அதிகமாக பங்கு கொண்டுள்ளன.

Vallalar group

வனவாசி சேவா கேந்திரம், ஆராய்ச்சி , சேவை ரீதியில் இவர்கள் எல்லா இடங்களிலும் தங்களது நிலையை பதிவு செய்ய / ஆவணப் படுத்த வேண்டும்.

Vanavasi Kendra

பெண்களுக்கு உரித்தான உரிமைகளை அளிப்பது…….

Women empowerment

வேதபிரகாஷ்

07-02-2020

கம்போடியாவில், மே 19,-20, 2018 தேதிகளில் நடந்த உலகத் தமிழர் மாநாடும், விவரங்களும் – வியாபார-முதலீடு மாநாடா, பிரிவினைவாதம் பேசும் மாநாடா? (2)

மே 25, 2018

கம்போடியாவில், மே 19,-20, 2018 தேதிகளில் நடந்த உலகத் தமிழர் மாநாடும், விவரங்களும்வியாபாரமுதலீடு மாநாடா, பிரிவினைவாதம் பேசும்  மாநாடா? (2)

World Tamil conference - 22-05-2018-thankar bachan

திராவிடம், திராவிடன் என்ற சொல்லை தமிழன் உச்சரிக்கக் கூடாது என என்றைக்கு முடிவெடுத்து செயல் படுகிறோமோ அன்று வரை தமிழனுக்கு விடிவே இல்லை: தங்கர்பச்சான், காகிதத்தில் இருந்தத்தைப் படித்தார்[1], “பிழைப்பிற்காக தமிழைக் கற்றுக் கொண்டு, வெளியில் தமிழ் பேசிக்கொண்டிருக்கிறார்கள்…இத்தகைய மாநாடுகளில் கூட தனிழரல்லாதர் தான் கலந்து கொள்கிறாற்கள்….இனி ஒருநாள் கூட தமிழர் அல்லாதவர்களை சேர்த்துக் கொண்டு தமிழ் சங்கங்கள் செயல்பட கூடாது.. [கைதட்டல்…….]…அவர்கள் / அவை மாற்றப்பட வேண்டும்… அதாவது ”உலக தமிழர் சங்கம்”   மாற்றினால் தமிழர் அதிகாரம் தமிழருக்கு வந்து விடும்….அதற்குத் தேவை தமிழனுக்கு வேண்டிய ஒற்றுமை….ஜாதியை ஒழிக்க வேண்டும்….5% தமிழர் தமிழில் பேசுவதில்லை….பள்ளிகளில் தமிழில் பேசினால், கண்டிக்கப் படுகிறார்கள்….தமிழில் மட்டும் பேசு என்றால் ஒரு நிமிடம் பிறமொழி கலப்பில்லாமல், 1% தமிழன் கூட பேச மாட்டான்…திராவிடன் என்று ஒருபோதும் மலையாளி, கன்னடர், தெலுங்கர்களும் தம்மை அழைத்துக் கொள்வதில்லை.அப்படி சொல்லி சொல்லி வாழ்கையினையும், அதிகாரத்தையும் இழந்தவன் தமிழன் மட்டுமே.இதற்குப் பிறகாவது, திராவிடம், திராவிடன் என்ற சொல்லை தமிழன் உச்சரிக்கக் கூடாது என என்றைக்கு முடிவெடுத்து செயல் படுகிறோமோ அன்று வரை தமிழனுக்கு விடிவே இல்லை……..இன்னும், பழம்பெருமை பேசி எத்தனை நாள் தாம் காலம் கழிக்கப் போகிறோம்..”. “திராவிடத்தால் வீழ்ந்தோம்” பாணியில் ஆரம்பித்து, தமிழ் பிரிவினைவாதத்தை தெளிவாக பேசி வெளிப்படுத்தினார்.

World Tamil conference - 22-05-2018-saratkumar

மாநாட்டில் பங்கு கொண்டவர்: இம்மாநாட்டில் சிறப்பு விருந்தினர்களாக இயக்குநர் தங்கர்பச்சான், நடிகர் சரத்குமார்[2] உள்ளிட்டோர் பங்கேற்றனர். மேலும் ஈழத்தமிழ் மன்றமான சைவநெறிக்கூடம், ஈழத்தமிழர் தனித்துவத்தையும், தமது தமிழ்வழிபாட்டுத் தீர்மான நோக்கத்தினையும் வெளிப்படுத்தியது. பேர்ன் நகரில் அமையவிருக்கும் ‘தமிழர் களறி” எனும் நூலகம் மற்றும் ஆவணக்காப்பகம் திட்டத்தினை விரிவாக விளக்கியது. இம்மாநாட்டிற்கு வருகை தந்த அனைவருக்கும் இவ்விளக்கம் இதழாகப் பதிப்பெடுத்து கையளிக்கப்பட்டது. உலகெங்கினும் தமிழர்கள் வழிபடும் திருக்கோவில் முழுவதும் கருவறையில் செந்தமிழ்த் திருமறை ஒலிக்க இங்கு கூடியுள்ள தமிழார்வலர்கள் முயலவேண்டும் என சைவநெறிக்கூடத்தின் வேண்டுகோள் இந்மாநாட்டில் முன்வைக்கப்பட்டது. சைவநெறிக்கூடத்தின் பேர்ன் சுவிற்சர்லாந்து நடுவத்தின் சார்பில் தில்லையம்பலம் சிவகீர்த்தி, ஐக்கியராச்சியக் கிளையின் சார்பில் ஸ்ரீரஞ்சன் பங்கேற்று உரையாற்றினர்.

World Tamil conference - 22-05-2018-Kannan

60-க்கும் மேற்பட்ட நாடுகளில் இருந்து மாநாட்டிற்கு வருகை தந்த தமிழர்: உலகிலேயே மிகப் பெரிய வழிபாட்டுத்தலம் என்ற பெருமைக்குரிய அங்கோர்வாட் கோவிலுக்கு அருகில் உணவகம் ஒன்றில் பண்டைத் தமிழரின் வர்த்தகப் பாதைகளில் முக்கிய இடமான   கம்போடியாவில் “உலகத் தமிழர் மாநாடு” நடைபெற்றது[3]. மலேசியா, சிங்கப்பூர், தாய்லாந்து, பர்மா, இந்தோனேசியா, பிலிப்பைன்ஸ், வியட்னாம், லாவோஸ், புருனே மற்றும் பப்புவா நியூகினியா நாட்டில் வசிக்கும் தமிழர்கள் என 60-க்கும் மேற்பட்ட நாடுகளில் இருந்து வருகை தந்தனர்[4]. தென்கிழக்காசியாவின் பெருமை, பழமை வாய்ந்த தமிழர் கோவில்கள், இன்றைய தென்கிழக்காசிய மக்கள் வாழ்க்கையோடு, பின்னிப் பிணைந்து கிடக்கும், பண்டைத் தமிழர்களின் கலை, கலாச்சாரம், இசை, நடனம், உணவு, உடை, விளையாட்டு, விவசாயம், கட்டடக்கலை, மற்றும் தமிழ் மொழியின் பரவல் போன்ற தமிழரின் பெருமைகளைப் பறைசாற்றும் மாநாடாக இது அமைந்தது[5]. பிற ஆசிய நாடுகளான, சீனா, ஜப்பான், கொரியா, தைவான், இலங்கை, மற்றும் கனடா, அமெரிக்கா, பிரான்ஸ், ஜெர்மனி, பெல்ஜியம், டென்மார்க், லண்டன், ஆப்ரிக்கா, ஆஸ்திரேலியா, துபாய், சவுதி, போன்ற பல்வேறு நாடுகளில் இருந்தும் தமிழர்கள் வருகை தந்தனர்[6].

World Tamil conference - 22-05-2018-Balakrishnan, Ranjan, Srinivasa Rao, Sadasivan

மாநாட்டை ஆதரித்த குழுமங்கள்: முன்னர் “பிடா” – The Federation of International Tamizh Association (FITA) சார்பில் இம்மாநாடு நடக்கும், அதில் ஆயிரக்கணக்கில் தமிழர் கலந்து கொள்வார் என்று செய்தி வெளியாகியது என்று குறிப்பிடப் பட்டது[7]. தென்புலத்தார் பன்னாட்டுத் தமிழர் கூட்டமைப்பின் நிறுவனர் ஒரிசா பாலுவின் தொடக்க முயற்சியாலும், மற்ற தமிழ் அமைப்புகளான கம்போடியா தமிழர் பேரவை, Federation of International Tamil Association, தென்கிழக்காசியத் தமிழ்ச் சங்கம், கோட்டோ (Global organization of Tamil Origin) மற்றும் “Global organization for Tamil youth” போன்ற அமைப்புகளின் கூட்டு முயற்சியாலும் இந்த மாநாடு மிகச் சிறப்பாக நடைபெற்றது[8]. ஆய்வுக் கட்டுரைகளை கொண்ட விழா மலர் வெளியிடப்பட்டது. உலகத் தமிழர் ஒன்றிணைந்த பன்னாட்டு வணிக மையம் தொடங்குவது குறித்து விவாதிக்கப்பட்டது.

World Tamil conference - 22-05-2018-Kokilam, Sindhiya, Subashini, Malarvizhi

பேச்சாளர்களின் விவரங்கள் முதலியன: 152 நாடுகளில் பரவி உள்ள தமிழர்களுக்கு இடையே வணிக சங்கிலியை ஏற்படுத்தும் வகையில் உலக தமிழர் வணிக மாநாடாக நடத்தப்பட உள்ளதாக பன்னாட்டு தமிழர் நடுவத்தின் தலைவர் திருத்தணிகாசலம் தெரிவித்தாலும், அரைத்த மாவையே அரைத்தது தான், கட்டுரை வாசித்தவர்கள் மூலம் தெரிந்தது.  புதியதாக சொன்ன விவரங்கள் அடைப்புக் குறிகளில் கொடுக்கப்பட்டுள்ளன.

  1. சுபா சசிதரன்[9] (பொதுவாக பேசியது……….),
  2. சிந்தியா லிங்கஸ்வாமி (கம்போடியாவும், தமிழரும், முதல் நூற்றாண்டு கடல் வணிகத்திற்கு முக்கியமானது, கண்ணாடி மணிகள், தங்கத் தகடு இறந்தவர் கணிகளின் மீது வைத்தல், …..)[10],
  3. ஆர்.ஜே. பொன் கோகிலம்[11] (வானொலி…..பற்றி பேசியது…..),
  4. மலர்விழி பாஸ்கரன்[12] (கடல்வழி பட்டுப்பாதை)
  5. செபாஸ்டியன்[13] (வடக்கிலிருந்து தமிழகத்திற்கு கோவில் கட்டும் முறை வந்தது, மந்தகப்பட்டு உதாரணம், தமிழரின் வழிபாட்டு மரபில் பல்லவகளின் தாக்கம்)
  6. கா. தணிகாச்சலம்[14] (அரிசி, அரசு, அரசியல்….கட்டுமரம், யானை, ……..வேளாண்மை செய்த குடி தமிழர்…உலகத்தை ஆண்டவர் தமிழர்…)
  7. ராமர்[15] (இலங்கலையில் தமிழ் கல்வெட்டுகள்),
  8. தேவதாஸ்[16],
  9. ஞானசேகரன்[17] (சைக்கிளில் உலகம் சுற்றியவர், பீகாரில் இருந்து வந்தவர் பெயரைக்க் கெடுத்ததால், தமிழர் கூட “கொசுவலை தமிழன்” என்றது, போன்றவற்றை சொன்னார்), சோழன் நாச்சியார்[18],
  10. காமராஜ்[19] (தமிழரின் எதிர்காலம்),
  11. சதாசிவம்[20] (ஆசியநாடுகளில் தமிழர் வர்த்தகம் கட்டமைப்பு, குஜராத்திய வியாபாரிகளுடன் ஒப்பிட்டது, டாக்காவிற்கும்-கொல்கொத்தாவிற்கும் நடக்கும் படகு போக்குவரட்த்து போன்று, தமிழகம்-இலங்கைக்கு ஏன் நடத்தக் கூடாது),
  12. சீனிவாச ராவ்[21] (சைக்கிளில் உலகம் சுற்றியவர், 2000 வருடங்களுக்கு முன்னர் பூம்புகார் போன்ற துறைமுகங்கள்மூலம் 80% தமிழகம் ஏற்றுமதி செய்தது), வீடியோக்களில் அவர்களது பேச்சை, வாசிப்பை உன்னிப்பாக, கவனித்த பிறகே இக்கருத்து பதிவு செய்யப்படுகிறது.
  13. அழகு துரை[22] [அணைக்கட்டு, நீர் மாசுப் படுவது…மாசுக் கட்டுப்பாடு…]

ஆய்வுக்கட்டுரைகள் படிப்பது போல இருந்தாலும், மேடைப் பேச்சாகத்தான் இருந்தது.

© வேதபிரகாஷ்

25-05-2018

World Tamil conference - 22-05-2018-Inauguration

[1] Shruti TV, உலகத் தமிழர் மாநாடுகம்போடியா, இயக்குனர் தங்கர்பச்சான் உரை, Published on May 19, 2018

https://www.youtube.com/watch?v=6ikBiz-DWUE

[2] Saratkumar speech – https://www.youtube.com/watch?v=4FLJRR0gw3g

[3] https://tamil.oneindia.com/art-culture/essays/world-tamilar-conference-held-cambodia-320403.html

[4] 4தமிழ்.மீடியா, கம்போடியாவில் விமரிசையாக நடைபெற்ற உலகத் தமிழர் மாநாடு, NAVAN 20 MAY 2018 CREATED: 20 MAY 2018.

[5] http://4tamilmedia.com/newses/world/11444-world-tamil-conference-in-cambodia

[6] புதியதொலைகாட்சி, உலக தமிழர் மாநாடு : 60 நாடுகளின் தமிழர்கள் சங்கமம்!, Web Team, Published : 20 May, 2018 09:13 pm

[7] The Hindu, World Tamil conference on May 19, 20, STAFF REPORTER PUDUCHERRY, APRIL 16, 2018 01:010 IST; UPDATED: APRIL 16, 2018 01:01 IST

The Federation of International Tamizh Association (FITA) is organising World Tamizh Conference 2018 at Angkor Wat in Cambodia on May 19 and 20, 2018. Thanikatchalam, president, FITA, in a press statement said thousands of Tamilians are expected to participate in the conference, which will be held next to the famous temple complex

[8] http://www.puthiyathalaimurai.com/news/world/45562-world-tamil-s-conference-contain-in-cambodia.html

[9] https://www.youtube.com/watch?v=nTVgcLcDk0U

[10] https://www.youtube.com/watch?v=4u_CyWDEMXE

[11] https://www.youtube.com/watch?v=BKezP0r4hYU

[12] https://www.youtube.com/watch?v=5JLQGk7SOQ4

[13] https://www.youtube.com/watch?v=DWY5mpWXEkw

[14] https://www.youtube.com/watch?v=TqwWBTKB_uc

[15] https://www.youtube.com/watch?v=qNyB8YSA_EY

[16] https://www.youtube.com/watch?v=EDLKaRu-LYA

[17] https://www.youtube.com/watch?v=OJB6QsqaKN8

[18] https://www.youtube.com/watch?v=a001htlfbPs

[19] https://www.youtube.com/watch?v=btYakqgfvDM

[20] https://www.youtube.com/watch?v=221fIZ0owg8

[21] https://www.youtube.com/watch?v=UqfolrB8RnY

[22] https://www.youtube.com/watch?v=Y0RN7CXLCK0

கம்போடியாவில், மே 19,-20, 2018 தேதிகளில் நடந்த உலகத் தமிழர் மாநாடும், விவரங்களும் – வியாபார-முதலீடு மாநாடா, பிரிவினைவாதம் பேசும் மாநாடா? (1)

மே 25, 2018

கம்போடியாவில், மே 19,-20, 2018 தேதிகளில் நடந்த உலகத் தமிழர் மாநாடும், விவரங்களும்வியாபாரமுதலீடு மாநாடா, பிரிவினைவாதம் பேசும்  மாநாடா? (1)

World Tamil conference - 22-05-2018-Kannan.Logo

அனைத்துல வர்த்தகம், பொருளாதாரம் முதலியன: தாராளமயமாக்கல், தனியார்மயமாக்கல் மற்றும் உலகமயமாக்கல், முதலிய பொருளாதார சீர்திருத்தங்கள் மூலம், அனைத்துலக வர்த்தகத்தைப் பெருக்கி, ஜிடிபியை உயர்த்தும் முயற்சிகளில், தேசங்களுக்கு இடையிலான உறவுகள் ஊக்குவிக்கப் படுகின்றன[1]. ஏற்கெனவே, பாரம்பரிய தொடர்புகள், கலாச்சார இணைப்புகள் உள்ள நாடுகளிடம், உறவுகளை மேம்படுத்த, அரசு முக்கியமாக, அக்கரை எடுத்துள்ளது[2]. அதன்படி அவை ஊக்குவிக்கப் படுகின்றன, பரிமாற்றங்களும் நடைபெற்று வருகின்றன. அந்நிலையில் தான்,   வர்த்தக, வியாபார, வணிகக் கூட்டங்கள், கருத்தரங்கங்கள், மாநாடுகள் நடைபெற்று வருகின்றன. இவையெல்லாம் தேசிய அளவில் நடந்தாலும், ஜிஎஸ்டி அமூல் படுத்தியதில், மாநிலங்களின் பங்கு உள்ளதால், அதையும் கவனத்தில் கொள்ளப் படுகிறது. அந்நிலையில் நிகழ்கின்ற பரிவர்த்தனைகளில் சுமுகமான விளைவுகள் ஏற்பட வேண்டும் என்ற விருப்பம் அனைவரிடத்திலும் உள்ளது. இருக்கின்ற காரணிகள், சின்னங்கள், அடையாளங்கள் எல்லாம் இணைப்பிற்கு, நட்பிற்கு, உறவை மேம்படுத்தும் விதத்தில் இருக்க வேண்டும் என்றும் எதிர்பார்க்கப் படுகிறது. அந்நிலையில் மொழி, இனம் போன்ற வாதங்களை, சரித்திர ஆதாரங்கள் இல்லாத அனுமானங்கள், கருதுகோள்கள் போன்றவற்றை வைத்துக் கொண்டு, வெறுப்பை, காழ்ப்பை, பிரிவினையை வளர்க்க முயலும் போக்கை கவனிக்கும் போது கவலை அளிக்கிறது.

World Tamil conference - 22-05-2018-speakers

வியாபாரம், முதலீடு என்று ஆரம்பித்து, தமிழில் முடிந்த கம்போடிய உலக தமிழர் மாநாடு: “கம்போடியாவில், சியாம் ரீப் என்ற இடத்தில் 60 நாடுகளில் இருந்து தமிழர்கள் பங்கேற்ற இரண்டு நாட்கள் உலகத் தமிழர் மாநாடு கடந்த மே 19, 20-ல் கோலாகலமாக நடைபெற்றது”,என்று தமிழ்.ஒன்.இந்தியா  செய்தி வெளியிட்டது[3]. மே 18 அன்று துவக்க விழாவில், பொதுவாக வியாபாரம், கம்போடியாவில் நிதியீடு செய்தல் போன்ற விசயங்களைப் பற்றித் தான் அதிகமாகப் பேசினர். “யுத்தத்திற்குப் பிறகு, இலங்கை தமிழர் பல நாடுகளில் பரவியுள்ளனர், அவர்கள் பொருளாதார ரீதியில் நன்றான வசதியாக இருக்கிறார்கள்…..”, என்று ராதாகிருஷ்ணன், இலங்கை கல்வி அமைச்சர் பேசினார். கம்போடியாவின் கவர்னர், அவரது மொழியில் தான் பேசினார், அது ஆங்கிலத்தில் மொழிபெயர்க்கப் பட்டது. ஜோனா என்ற கவர்னர் ஜெனரல் ஆங்கிலத்தில் பேசினார். எனவே, மொழிபிடிப்பு, மொழிவிருப்பு, மொழிவெறி என்ற ரீதியில், ஒரு மொழியைப் பிடித்துக் கொண்டு, வியாபாரம் செய்ய முடியாது. ஈழத்தமிழ் மறமான சைவநெறிக்கூடம் இம்மாநாட்டில் பங்கெடுத்து ஈழத்தமிழர் தனித்துவத்தையும், தமது தமிழ் வழிபாட்டு தீர்மான நோக்கத்தை வெளிப்படுத்தியது[4]. மாநாட்டில் கலந்து ஜொண்ட அனைவருக்கும் குறித்த திட்டம் தொடர்பான பதிப்பு வழங்கப்பட்டது என்று “தமிழ்வின்” குறிப்பிட்டது[5].  இங்குதான், “தமிழ்” என்ற முறையில் மக்களைப் பிரிக்கும் போக்கு உள்ளதோ என்ற சந்தேகம் எழுகின்றது.

World Tamil conference - 22-05-2018-Thanikachalam

தமிழர் சங்கங்களின் ஒருங்கிணை இயக்கத்தின் தலைவர் தணிகாசலம் பேசியது:  “இந்த மாநாட்டிற்கு நேரிடையாகவோ, மறைமுகமாகவோ பலர் உதவியுள்ளார்கள்…..ராஜா, காந்தி, தங்கர் பச்சான் [அதிகமாக உதவினார்….], ஒரிசா பாலு என்று பெயர்களைக் குறிபிட்டு நன்றி தெரிவிக்கிறேன்…….நந்தி வர்மன், கம்போடியாவிலிருந்து, தமிழகத்திற்கு வந்து ஆண்டான். தமிழகத்தில் இம்மாநாடு நடப்பதாக இருந்தது, ஆனால், அங்கு நடத்த சூழ்நிலை இல்லை….. தமிழ் வரலாற்றை தமிழ்நாட்டில் சொல்ல முடியாத நிலையுள்ளது. கீழடி அகழ்வாய்வு ஆதாரங்கள், தோண்டி கிடைத்ததை, மறுபடியும் புதைக்கும் நிலையுள்ளது என்றெல்லாம்”, தணிகாச்சலம் பேசினார். இவர் தமிழர் சங்கங்களின் ஒருங்கிணை இயக்கத்தின் (FITA) தலைவராக உள்ளார்[6]. முன்னர் “பிடா” சார்பில் இம்மாநாடு நடக்கும், அதில் ஆயிரக்கணக்கில் தமிழர் கலந்து கொள்வார் என்று செய்தி வெளியாகியது[7]. ஆயிரக்கணக்கில் வந்தார்களா இல்லையா என்று தெரியவில்லை! உண்மைய்ல், தேவையில்லாமல் “கீழடி விவகாரம்” சச்சைக்குள் உட்படுத்தப்பட்டது.

Akanda dravidastan-balu, kannan

மாநாட்டின் நோக்கம்: ஒரிசா பாலு, மாநாட்டின் நோக்கத்தை விளக்கினார், “The purpose of the conference is Research, reform and restructure…..even during prehistoric sites, the connection between Tamilnadu and Korea was there…….we Tamils worshipped Ishan. Here, Ishas  hill is there. The Cambodian connection is there in Kanchipuram…. சரித்திர காலத்திற்கு முன்பாகவே தமிழகத்திற்கும், கம்போடியாவுக்கும் தொடர்பிருந்தது. தமிழர் ஈஷான் என்று திசையைக் குறிப்பிட்டனர், தே போல, இங்கும் ஈஷான் மலை உள்ளது……..மாநாட்டு நோக்கம் உலகத் தமிழரை ஒன்று கூடல்”…..தமிழர்கள் ஒன்று கூடினால் என்ன நடக்கும் என்பது உங்களுக்குத் தெரியும். மெரினாவில் என்ன நடந்தது என்பது உங்களுக்குத் தெரியும். …இன்றைக்கு தமிழர் இலங்கைத் தமிழர், மலேசியத் தமிழர், பர்மா தமிழர் என்று தான் அறியப் பட்டுள்ளனர். ஆனால் உலகத் தமிழர் என்ற நிலை வர வேண்டும்…..இந்த மாநாடு ஒரு துவக்கம் தான்நாம் அறிமுகப்படுத்திக் கொண்டிருக்கிறோம்…..2021ல் Peoples into 6 [?] உலகத்தில் அதிக நாடுகளில் பரவி இருக்கும் மொழி தமிழ் என்று உறுதி படுத்தத் தான் இம்மாநாடு கொண்டு வரப்பட்டது”. இவர் பேசிய விதம், ஏதோ ஒரு அரசியல்வாதி ரீதியில் இருந்தது. சமஸ்கிருத ஆதாரங்களை திரித்து, “தமிழ்” போன்று திரிபுவாதம் செய்வதைக் கவனிக்க முடிகிறது. தனித்தமிழ், முழுக்கத் தமிழ், தமிழ்மூலம், தமிழ்தாம்…..என்றெல்லாம் பேசுபவர்களிடம் உள்ளப் பிரச்சினைகளே, தமிழின் தொன்மையினைக் காட்ட சமஸ்கிருத மூலங்களைத் தான் நாட வேண்டியிருக்கிறது. ஆனால், அதனை மறைத்துப் பேசுவர்.

World Tamil conference - 22-05-2018-program

ஒரிசா பாலுவின் கண்டு பிடிப்புகள்: இரண்டாம் நூற்றாண்டில் இருந்து தமிழர்களுக்கும், கம்போடியாவிற்கும் நீண்ட கால தொடர்பு உள்ளதாகவும், வட தென்கிழக்கு ஆசியா முழுமையாக தமிழர்கள் ஆட்சி பொறுப்பில் இருந்ததாகவும், தமிழர்கள் கடல் வணிகம் செய்த முக்கியமான நாடாக கம்போடியா இருந்துள்ளதாகவும் தென்புலத்தூர் அமைப்பின் ஒருங்கிணைப்பாளர் ஒரிசா பாலு கூறினாலும், ஆதாரங்களைக் கொடுக்கவில்லை. கடல் நீரோட்டங்களைப் பயன்படுத்தி ஆமைகள் இனப் பெருக்கத்துக்காக 180 நாட்கள் பயணம் செய்கின்றன. ஆமைகளைப் பின்பற்றி கடல் நீரோட்டங்களைக் கண்டறிந்து பசிபிக் பெருங்கடல், இந்தியப் பெருங்கடல், மத்திய தரைக்கடல், தென் கிழக்கு ஆசியா உட்பட உலகின் பல்வேறு நாடுகளுக்கும் தமிழர்கள் கடல் வழிப் பயணம் மேற்கொண்டனர். முந்நீர் பழந்தீவு பன்னீராயிரம் என சோழர் காலக் கல்வெட்டுகள் கூறுகின்றன. இந்த 20 ஆயிரம் தீவுகளில் 9,000 தீவுகள் நீரில் மூழ்கி விட்டன. இவற்றை சோழர்கள் எப்படிக் கணக்கிட்டார்கள் என்பது வியப்புக்கும், ஆய்வுக்கும் உரியது. உலகெங்கிலும் கப்பல் கட்டுமானத்துக்கு மற்ற 2 மரங்களைப் பயன்படுத்த, தமி ழர்கள் 20 வகையான மரங்களைப் பயன்படுத்தியுள்ளனர். பாறை களில் மோதினால் உடையாமல் இருக்க கப்பலின் அடிப்பகுதியில் கழற்றி விடும் படியான கட்டமைப்பைக் கொண்ட தொழி ல்நுட்பத்தை ஆயிரக் கணக்கான ஆண்டுகளாகவே தமிழர்கள் பின்ப ற்றி வந்துள்ளனர். உலகெங்கிலும் தமிழ்ச் சொற்களில் 30,000 ஊர்ப் பெயர்கள் உள்ளன. பிரேசிலில் உறை, வசி, ஊர் என அழைக்கப்படும் பகுதிகள் உள்ளன. ஜப்பானில் குரில் என்ற பகுதியில் மருதை என்ற ஊர் உள்ளது. சீனாவில் ஐந்து ஊர்கள் பாண்டியன் என்ற பெயரில் அமைந்துள்ளன. கொரியாவின் அரசியாக பாண்டிய இளவரசி ஒருவர் இருந்துள்ளார். கி.பி. 45-ல் இந்தோனேசியாவை ஸ்ரீமாறன் என்ற தமிழ் மன்னன் ஆண்டுள்ளான். ஆஸ்திரேலியாவில் குமரி, நான்மாடல், துங்காவி என்ற பெயரில் ஊர்கள் உள்ளன. பெரு, சிலியில் நெடுங்கற்கள் நிறைந்த பகுதிகள் வால்பாறை என அழைக்கப்படுகின்றன. பழந்தமிழரின் கடல் பயணங்களை இவை உறுதிப்படுத்துகின்றன, என்று ஏற்கெனவே சொல்லியதை திரும்ப-திரும்ப சொல்வது ஆச்சரியமாக உள்ளது.

© வேதபிரகாஷ்

25-05-2018

World Tamil conference - 22-05-2018-Logo, front

[1] https://www.khmertimeskh.com/50104549/cambodia-india-relations-under-the-spotlight-converging-towards-promoting-trade-ties/

[2] https://www.mea.gov.in/Portal/ForeignRelation/1_Cambodia_November_2017.pdf

[3] தமிழ்.ஒன்.இந்தியா,கம்போடியாவில் கோலாகலமாக நடைபெற்ற 2 நாள் உலகத் தமிழர் மாநாடு, Posted By: Mathi Updated: Tuesday, May 22, 2018, 9:41 [IST]

[4] தமிழ்வின், கம்போடியாவில் இடம்பெற்ற உலகத்தமிழ் மாநாடு, 20-05-2018.

[5] http://www.tamilwin.com/community/01/183151

[6] The Hindu, World Tamil conference on May 19, 20, STAFF REPORTER PUDUCHERRY, APRIL 16, 2018 01:010 IST; UPDATED: APRIL 16, 2018 01:01 IST

The Federation of International Tamizh Association (FITA) is organising World Tamizh Conference 2018 at Angkor Wat in Cambodia on May 19 and 20, 2018. Thanikatchalam, president, FITA, in a press statement said thousands of Tamilians are expected to participate in the conference, which will be held next to the famous temple complex.

[7] http://www.thehindu.com/news/cities/puducherry/world-tamil-conference-on-may-19-20/article23551219.ece

பட்டுப்புடவை என்று ஏமாற்றும் துணிக்கடைகள்: “பிராண்ட்” வியாபாரத்தில் கொள்ளையெடிக்கும் வியாபாரிகள் (1)

ஒக்ரோபர் 8, 2011

பட்டுப்புடவை என்று ஏமாற்றும் துணிக்கடைகள்: “பிராண்ட்” வியாபாரத்தில் கொள்ளையெடிக்கும் வியாபாரிகள் (1)

“பிராண்ட்” வியாபாரம் செய்து கொள்ளையடிக்கும் பட்டு வியாபாரிகள்:  வஸ்த்ரகலா, சாமுத்ரிகா, விவாஹா, சுபமுஹூர்த்த, வசுந்தரா, ஜடாவு, முஹூர்த்த, நகாசு, பிரைடல் செவன், இப்படி பெயர்கள் நீளுகின்றன. நல்ல வேளை, தமிழகப் பட்டுப் புடவைகளுக்கு தமிழ் பெயர்கள் வைக்க வேண்டும் என்று யாரும் கேட்கவில்லை, எதிர்த்து போராட்டம் நடத்தவில்லை!  பெண்களின் கூட்டமோ அதிகரிக்கின்றது. ஆனால், பாவம் அவர்கள் அருகில் சென்று விலையைப் பார்க்கும்போதுதான் தெரிகிறது – ரூ 3,000/- 3,500/-, 4,000/-, 5,000/- என்று அதிகரித்துக் கொண்டே செல்கிறது! ஆகவே, சாதாரண மக்கள் பட்டுப்புடவை, அதிலும் உண்மையான வெள்ளி ஜரிகை வைத்து வாங்குவது என்பது சாத்தியமில்லை. எனவே, தலைப்பு, ஒருபக்க / சிங்கிள் பார்டர், இருபக்க / டபுள் பார்டர் என்றெல்லாம் பார்த்து ஏமாற வேண்டிய வேலையில்லை, அவசியமில்லை.  புடவை முழுக்க டிஷைன் இருக்காது.  உள்ளே மறைந்து விடும் என்பதால் மூன்றில் ஒருபகுதியில் டிஷைன் / ஜரிகை இருக்காது. ஆனால் முழுக்க உள்ளது போல புடவையை தலைப்புப் பக்கம் மட்டும் திருப்பி-திருப்பிக் காட்டுவார்கள். இழைகள் மாறியிருந்தால், விட்டிருந்தால், துருத்திக் கொண்டிருந்தால், அவையெல்லாம் “செகண்ட்ஸ்” என்று ஒப்புக்கொள்ளாமல், ஏதேதொ காரணம் காட்டி பேசுவார்கள், திசைத்திருப்புவார்கள்.

பருத்தி ஆடைகளை மறந்து பட்டிற்கு பறக்கும் இந்திய பெண்கள்: காந்தியடிகள் கதராடை வேண்டும் என்று, பருத்தியைத்தான் சர்க்காவில் நெய்ய வேண்டும் என்று சத்தியாகிரக போராட்டத்தில் அதையும் சேர்த்துக் கொண்டார். சுதேசிய இயக்கத்தின் சின்னமாக்கினார். ஆனால், இன்றோ, இந்திய கலாச்சாரம், பாரம்பரியம், நாகரிகம் என்று சொல்லிக் கொண்டு, இந்த வியாபாரிகள் அயல்நாட்டு வியாபரிகளின் லாபத்தைப் பெருக்கி வருகிறார்கள்.  இழை, இழைத்திரிப்பு, நூல், சாயம், சுத்தகரிப்பு, நூற்பு என்ற பல நிலைகளில் இந்திரமயமாக்கி, இந்திய மக்களைக் கொன்று, அயல்நாட்டு வியாபாரிகளை, தொழிற்நுட்பங்களை ஊக்குவிக்கின்றனர். டிஷைன்கள் / வடிவமைப்புகள் என்று கணினிகளை உபயோகப் படுத்தி, மக்களின் வாழ்வாதரங்களை அழிக்கின்றனர்.  ஆராய்ச்சி என்ற பெயரில், பழங்கால சிற்பங்களில் / சிலைகளில் உள்ள வடிவமைப்புகளை காப்பியடித்து, மாற்றி அவற்றை தமதென்று சொல்லி லட்சங்களை அள்ளுகின்றனர். அதனால், புடவைய வாங்கும் உழைத்து சம்பாதிக்கும் மக்கள் அதற்கும் சேர்த்து காசு கொடுக்கிறார்கள்.

ரூ 40-50 லட்சங்களில் கூட புடவைகள் விற்கப்படுகின்றன: ரூ 40-50 லட்சங்களில் கூட புடவைகள் உள்ளன என்பதை விட, அதையும் வாங்க ஆட்கள் இருக்கின்றார்கள் என்பதைப் பார்க்கும் போது, பட்டுப்புடவை வியாபாரம் நடக்கிறாதா அல்லது வேறு வியாபாரம் நடக்கிறதா என்ற சந்தேகமே வருகின்றது.  அதாவது, ரூ 1,000/- அல்லது 2,000/-ற்கே வாங்க முடியாமல் தவிக்கும் ஏழைகள், கீழ்தட்டு மத்தியத்தர குடும்பத்தினர் தவிக்கும் போது, வீடு வாங்கும் விலையில் எப்படி பட்டுப்புடவையை வாங்குகிறார்கள்? அடுத்தாத்து அம்புஜங்களும், இந்தாத்து பட்டுகளும் ஏழைகளாக, சாதாரண மக்களாகி விட்டார்கள் போலும், ஆகையால், இப்பொழுதெல்லாம் வேறு ஜாதி / சாதி மக்கள் பட்டுப்புடவைகள் வாங்க ஆரம்பித்து விட்டனர் போலும். இதற்கு அப்படி லட்சங்கள் எங்கிருந்து வருகின்றன?

நேர்மையற்ற பட்டுப்புடவை  வியாபாரம்: முன்பு போல, இப்பொழுதெல்லாம் உண்மையான பட்டுப் புடவையோ, அதிலும் ஜரிகையுள்ள பட்டுப்புடவையோ கிடைப்பதில்லை. வெள்ளி ஜரிகைக்குப் பதிலாக போலி ஜரிகையை உபயோகப்படுத்துகிறார்கள். பட்டிற்குப் பதிலாக பளப்பளபான கோரைப்புற்களின்  நார்களை சேர்த்து புடவைகளை உருவாக்குகிறார்கள். அப்பொழுதெல்லாம் “நாரப்பட்டு” என்று சொல்லியே விற்பார்கள், ஆனால், இப்பொழுது பெரிய கடைகளில் ஏசி போட்டு, லை போட்டு, குளிபானம் கொடுத்து,  சொல்லாமல் ஏமாற்றி விற்கிறார்கள். விலை அதிகரிக்க நடிகைகளை வைத்து அதிரடி விளம்பரங்களை செய்து பெண்களை ஏமாற்றப் பார்க்கிறார்கள். ரூ 500/- முதல் ரூ 5,000/- 10,000/- உயர்வாக விலைவைத்து விற்கிறார்கள். ஆயிரம் ரூபாய் புடவையை இரண்டாயியம் என்றும் விற்கிறார்கள். இதில் இடைத்தரகர்கள், கடைகளில் சாமர்த்தியமாகப் பேசி விற்கும் கடையாட்கள் என பலருக்குக் கமிஷனும் கொடுக்கப் படுகிறது.

உழவர் சந்தை போல, ஏன் நெசவாளி சந்தை இருக்கக் கூடாது? “உழவர் சந்தை” போல, ஏன் “நெசவாளி சந்தை” இருக்கக் கூடாது. ஒரு பட்டுப்புடவையை நெய்து முடிக்க ஒரு நாள், ஒரு வாரம், ஒரு மாதம் ஆகும், அதில் ஒன்றிற்கும் மேலாக பல தொழிலாளர்கள் ஈடுபடுவார்கள், இரவுப்பகலாக உழைத்து உருவாக்குவார்கள். ஆனால், அவர்களுக்கு, ஒரு புடவைக்கு ரூ 100/- முதல் 10,000/- கிடைக்கும் என்ற நிலையுள்ள போது, வியாபாரி எப்படி ரூ 500/- முதல் ரூ 20,000/- வரை லாபமடைகிறார்? முன்பு போல, வியாபாரி வீட்டிற்கே வந்து வியாபாரம் செய்தால், விலை குறையதா? பிறகு ஏன் அத்தகைய இந்திய கலாச்சார, பாரம்பரிய, நாகரிகம் மிக்க வியாபாரமுறையைக் கொன்றுவிட்டனர்?

50-100 வருடங்களுக்கு முன்பான  பட்டுப்புடவை வியாபாரம்: எனது பாட்டிக் காலத்திலிருந்து பட்டுப் புடவைகளை பெண்கள் வாங்குவதைப் பார்த்திருக்கின்றேன். பொதுவாக திருமணம், வளைகாப்பு போன்ற நிகழ்ச்சிகளுக்குத் தான் பட்டுப்புடவைகள் பிரத்யேகமாக வாங்குவார்கள்.  பட்டுப்புடவை விற்பவர் வீட்டிற்கே மூட்டையோடு வந்து, ஜமக்காளம் போட்டு அனைவரும் உட்கார, புடவைகளைப் பிரித்துக் காட்டி, பேரம் பேசி, ஒரு வழியாக வாங்கி முடிப்பார்கள். அதற்குள் புடவைகள் எல்லாவிதமான “தரநிர்ணய” சோதனைகளுக்கு உட்பட்டுவிடும். அதாவது, அனுபவம் மிக்க பெண்களே அத்தகைய சோதனைகள் செய்து முடித்து விடுவார்கள். நூல், சரிகை, தரிப்பிழைகள், கோடுகள், அழுக்கு, சாயம் பூசப்பட்டது, என அலசி பார்த்து விடுவார்கள். வியாபாரி ஒன்றும் செய்ய முடியாது. பெண்களும் அத்தகைய புடவைகளை ஒதுக்கி வைத்து விடுவார்கள். ஆனால், இப்பொழுதோ போலிப்பட்டுப் புடவையை கண்டு பிடிக்க ஒரு எந்திரத்தை வைத்துள்ளார்களாம். அதில் சோதனை செய்ய ரூ 50/- ரூபாயாம்!

வேதபிரகாஷ்

08-10-2011