Archive for the ‘உலக சைவ மாநாடு’ Category

பன்னாட்டு பல்துறை மாநாடு – வரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடு –சைவம் “தமிழர் சமயம்” ஆகி, சித்தாந்தம் நீர்த்தது! [7]

ஓகஸ்ட் 22, 2019

பன்னாட்டு பல்துறை மாநாடுவரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடுசைவம் தமிழர் சமயம்” ஆகி, சித்தாந்தம் நீர்த்தது!  [7]

Saiva Siddhanta Conference 2019-Dinathanti 17-08-2019

நீதிபதி பேசியது, சான்றிதழ்கள் கொடுக்கப் பட்டது, மாநாடு முடிந்தது: மாண்புமிகு திரு. நீதிபதி எம். கோவிந்தராஜ் ஜனாதிபதி உரையாற்றுவார் என்றிருந்த்ச்து, ஆனால், அவர் பேசவில்லை. மாண்புமிகு திரு. நீதிபதி கே. கல்யாணசுந்தரம் வாழ்த்துரை வழங்குவார் என்று போடப்பட்டிருந்தது, ஆனால், அவர் அவ்வாறு செய்யவில்லை. மாண்புமிகு திரு. நீதிபதி ஆர். மகாதேவன் மட்டும் சைவ சித்தாந்தத்தைப் பற்றி சுருக்கமாக பேசி முடித்தார். “சமத்துவ சிந்தனையோடு கூடிய சித்தாந்த தத்துவமே  சைவ சித்தாந்தம். சைவ சித்தாந்தத்தின் இறைத்தன்மையில் உண்மையான முழுமையான முக்தி கிடைக்கும். சமூக சிந்தனையோடு சமுதாய வளர்ச்சியிலும் சைவ சித்தாந்தம் செயல்பட்டு தனித்தன்மை வாய்ந்ததாக உள்ளது,” என்றார். பிறகு, சான்றிதழ்கள் நீதிபதிகளால் விநியோகிக்கப்பட்டன. சிறிது நெரம் கழித்து, அவர்கள் சென்றுவிட்டார்கள், அதனால், இரண்டு மடாதிபதிகளால் அனைவருக்கும் விநியோகிக்கப்பட்டன.

Saravanan - Deivawayagam, what works behind

தமிழர் சமயம்வாதம் போலித்தனமானது: மு. தெய்வநாயகம், சைவ சித்தாந்தத்தை திரிபுவாதத்திற்கு உட்படுத்தியது, சைவ ஆராய்ச்சியாளர்களுக்கு தெரிந்திருக்கும். அந்த திருபுவாதத்தை மறுத்து, அருணை வடிவேலு முதலியாரின் மறுப்பு புத்தகம் வெளியிடப் பட்டது. கத்தோலிக்கர் ஆதரவுடன், “தமிழர் சமயம்” என்ற மாநாட்டை கத்தோலிக்க பிஷப்புகளில் டையோசிஸ் வளாகத்தில் 15-08-2007 முதல் 19-08-2007 வரை நடத்தியது சரவணனுக்கு தெரிந்திருக்கும். இதைப் பற்றிய என்னுடைய விவரமான கட்டுரையை இங்கே படிக்கலாம்[1]. அதன் விளைவுகளைப் பற்றிய கட்டுரையை இங்கே படிக்கலாம்[2]. இதில் வேடிக்கை அல்லது பொருந்திய விசயம் என்னவென்றால், அடுத்த கட்டுரையே, “கிருத்துவர்கள் செஞ்சியைத் தாக்கும் மர்மம் என்ன?” என்பது தான்[3].  அதில்தான், மைலம் மடாதிபதி, கோவில் நிலத்தை, கிருத்துவர்களுக்கு விற்ற பிரச்சினை வருகிறது. “சிவாக்கியா பாலய சுவாமி” யார் என்று கவனிக்க வேண்டியுள்ளது. 1971 மற்றும் 2018 தீர்ப்புகளில் அவரது பெயர் இருக்கிறது[4]. நீதிமன்ற ஆவணங்கள் படி சரி பார்த்தால், அவரும், இவரும் ஒருவரே என்று தெரிகிறது[5]. 2018 தீர்ப்பை மாண்புமிகு திரு. நீதிபதி ஆர். மகாதேவன் தான் கொடுத்துள்ளார். மாநாட்டிற்கு, முந்தைய விழாக்களுக்கு வந்துள்ளார். இதெல்லாம் தற்செயலாக நிகழ்ந்தனவா, தெய்வம் தீர்மானித்து, நடத்தி வைத்த நிகழ்வுகளா என்று தெரியவில்லை.

Saravanan-approach towards Tirukkural

திருக்குறள், சைவ சித்தாந்தம், வேதங்கள்: சரவணன் அன்ட் கம்பெனி, இப்பிரச்சினையையும் எடுத்துள்ளது, மேலும் கேள்விகளை எழுப்புகின்றன. மு.தெய்வநாயகம், தூஷித்த போது, கோழைகளாக பதுங்கியிருந்த இக்கூட்டம், இப்பொழுது, திடீரென்று ஓலமிடுவது ஏன் என்று தெரியவில்லை. குறளா-குரானா என்றெல்லாம் அச்ங்கப் படுத்தியபோதும், இவர்களுக்கு சூடு-சொரணை எதுவும் இல்லாமல் இருந்தது போலும். ஆனால், இப்பொழுது, வரிந் து கட்டிக் கொண்டு வந்துள்ளது, இவர்கள் உண்மையிலேயே, யாருக்கு ஆதரவாக செயல்படுகின்றனர், என்ற கேள்வி எழுகின்றது. ஒரு பக்கம், சைவம் இந்து அல்ல என்பது; சித்தாடந்தம் தனி வழி என்பது; பிரிவினைவாதிகளுடன் கூட்டு வைத்துக் கொள்வது; பிறகு, குறளுக்கும் வேதங்களுக்கும் தொடர்பு என்றால் குதிப்பது…இவையெல்லாம் ஏன், எப்படி, எவ்வாறு, எதற்காக? சரவணன் அன்ட் கம்பெனி நேரிடையாக பதில் சொல்ல முடியுமா? அருணை வடிவேலு முதலியார் புத்தகம் இருட்டடிக்கும் ரகசியம் இதுதானா?

Saravanan, deceit Saivite or true devotee

எஸ். சரவணனின் நிலைப்பாடு என்ன?: ஆர்.எஸ்.எஸ் மற்றும் இந்து அமைப்புகள் பெயர்களை சொல்லி, விளம்பரம் தேடுவதும் தெரிகிறது. ஏனெனில், அவர்கள் சைவர்களுக்கு விரோதமானவர் அல்ல. இம்மாநாட்டில் பேசிதைப் போல, ஏசு சித்தர், என்௷றெல்லாம் உளர மாட்டார்கள். எனவே இளங்கோ மற்றும் சரவணன் இதை ஞாபகத்தில் வைத்துக் கொள்ள வேண்டும். விபூதி பூசிக் கொண்டு, ருத்ராக்ஷம் கட்டி, சிவன் கோவில்களில் தத்துவம் பேசி, மக்களை ஏமாற்றிக் கொண்டே இருக்க முடியாது.  சரவணனின் பேச்செல்லாம் சைவத்திற்கு எதிராக உள்ளவை தான். 200-300 பேரை வேண்டுமானால், அவர் ஏமாற்றி காலத்தை ஓட்டலாம். ஆனால், முடிவில் உண்மை தெரியத்தான் போகிறது. ஆர்.எஸ்.எஸ், இந்துத்துவ அமைப்புகள் இவற்றையெல்லாம் ஒதுக்கி, பாரம்பரிய சைவனாக, சைவ சித்தாந்தியாக இருந்து பார்த்தாலே, இவர் மற்றும் இவருக்கு பின்னால் இருக்கும் கூட்டம், மாபெரும் சைவ தூஷணத்தை செய்து வருகிறது என்பதை அறிந்து கொள்வர். யாழ்பாணம் ஆறுமுக நாவலர் போன்றோர் இருந்திருந்தால், வள்ளலாரை கேள்வி கேட்டது போல கேட்டிருப்பார். ஒருவேளை தெய்வநாயகம் படுத்து விட்டதால், இவர் எழுந்து, அந்த வேளையை செய்கிறார் போலும். நிச்சயமாக, சிவபெருமான் சும்மா விட மாட்டார்.

Saravanan-confronting RSS for publicity

முடிவுரைமாநாட்டைப் பற்றிய கருத்துகள்: பால்வரை தெய்வம் நல்வினை தீயவினைகளை வகுக்குந் தெய்வமா, பிரிக்கும் கடவுளா, நம்பிக்கையாளர்களைக் குழப்பும் இறைவனா? திரு. அருணைவடிவேலு முதலியார் எழுதிய மறுப்பு நூலை மறைக்க, தருமபுர ஆதீனம் வெளியிட்டதை, “சைவ சித்தாந்த பெருமன்றமே” சதி செய்கின்றது! இப்பொழுதெல்லாம் நிறைய பேர் நான் விவேகானந்த கல்லூரியில் படித்தவன் என்று வேறு மாதிரியாக பேசுவது, சித்தாந்தம் சொல்லி அலைவது என்று ஆரம்பித்துள்ளனர்.  திராவிட கழக கருணானந்தம் விவேகானந்த கல்லூரியில் படித்தவராம், என்ன பிரயோஜனம்? நல்லூர் சரவணன் பனாரஸ் இந்து பல்கலைக்கழகத்தில் படித்தவராம்! இந்த இளங்கோவும் விவேகானந்த கல்லூரியில் பாடம் சொல்லிக் கொடுக்கிறாராம்! இந்தியா நாடல்ல, ஒன்றியம்……..370 எடுத்தது, லடாக்கை உருவாக்கியது…. தவறு என்றெல்லாம் பேசிய விவேகானந்த கல்லூரி ஆசிரியர் – கணபதி இளங்கோ! இதெல்லாம் கூட சைவ சித்தாந்தத்தில் வரும் போல!

Saravanan-ignoring Deivanagam and mudaliar

சைவ சித்தாந்தப் பெருமன்றம், எண்.7, முதல் மாடி, வேங்கடேச அக்கிரகாரம் சாலை மயிலாப்பூர், சென்னை – 600 004 – இத்தகைய போலி சித்தாந்திகளிடமிருந்து மீட்கப் படவேண்டும்! சாது சண்முக அடிகள், சிவஞான பாலாய சுவாமிகள், சரவணனுக்கு ஆதரவு கொடுப்பதால் அம்மடங்களும் இந்து அல்ல என்று அறிவிக்குமா? சைவம் இந்து அல்ல என்று பழனியில் தீர்மானம் போட்டார்களாமே, எஸ். சரவணன் சொல்கிறார்! இந்துத்துவ வாதிகள், ஒன்றும் சொல்ல காணோமே? சிவனே இல்லாத சைவ சித்தாந்தத்தை வைத்துக் கொண்டு, தமிழர் சமயம் என்றால், “இந்துக்கள்” என்ற சான்றிதழ்களை கிழித்துப் போடலாம்! இங்கு – பேஸ் புக்கில், உங்களது வீராப்பு காட்டிக் கொண்டிருந்தால், ஒன்றும் பிரயோஜனம் இல்லை, சென்னை பல்கலைக்கழகத்தில் நடந்து கொண்டிருக்கும் சைவம், மற்றும் சைவ சித்தாந்த மாநாட்டில் வந்து காட்ட வேண்டும்.

© வேதபிரகாஷ்

21-08-2019

Saravanan-opposing Nagasamy

[1]  வேதபிரகாஷ், தமிழர் சமயம்: கிருத்துவர்கள் நடத்திய மாநாடு, 2008, மே.18, 2010, https://christianityindia.wordpress.com/2010/05/18/religion-of-tamils-conference-conducted-to-subvert-hindu-religion/

[2] வேதபிரகாஷ், தமிழர் சமயம் – 2: அதன் பிரச்சினைகளும, விளைவுகளும், மே.18,2010,https://christianityindia.wordpress.com/2010/05/18/%E0%AE%A4%E0%AE%AE%E0%AE%BF%E0%AE%B4%E0%AE%B0%E0%AF%8D-%E0%AE%9A%E0%AE%AE%E0%AE%AF%E0%AE%AE%E0%AF%8D-2-%E0%AE%85%E0%AE%A4%E0%AE%A9%E0%AF%8D-%E0%AE%AA%E0%AE%BF%E0%AE%B0%E0%AE%9A%E0%AF%8D%E0%AE%9A/

[3] வேதபிரகாஷ், கிருத்துவர்கள் செஞ்சியைத் தாக்கும் மர்மம் என்ன?, என்பது தான், 19-05-2010.

https://christianityindia.wordpress.com/2010/05/19/%E0%AE%95%E0%AE%BF%E0%AE%B0%E0%AF%81%E0%AE%A4%E0%AF%8D%E0%AE%A4%E0%AF%81%E0%AE%B5%E0%AE%B0%E0%AF%8D%E0%AE%95%E0%AE%B3%E0%AF%8D-%E0%AE%9A%E0%AF%86%E0%AE%9E%E0%AF%8D%E0%AE%9A%E0%AE%BF%E0%AE%AF%E0%AF%88/

[4] Madras High Court, Srila Sri Sivagnana Balaya … vs The State Of Tamil Nadu By The … on 9 March, 1971

Equivalent citations: (1972) 2 MLJ 605, Author: K Palaniswamy, ORDER K.S. Palaniswamy, J.

[5] Madras High Court, Sri Math Sivagnana Balaya … vs The State Of Tamil Nadu on 14 September, 2018; IN THE HIGH COURT OF JUDICATURE AT MADRAS DATED : 14.09.2018, CORAM, THE HONOURABLE MR. JUSTICE R.MAHADEVAN, W.P.No.23948 of 2018
Sri Math Sivagnana Balaya Swamigal , Thirumadam Thirukailaya Parambarai , Mailam Pommapura Aathenam Mailam,, Tindivanam Taluk, Villupuram District. .. Petitioner Vs

1. The State of Tamil Nadu,

rep. by Principal Revenue Secretary,

St. George Fort, Chennai.

 

2.The District Collector,

Kancheepuram District,

Kancheepuram.

 

3.The Assistant Settlement Officer (North),

The Commissioner of Survey and

Settlement Office, Survey Illam,

3rd Floor, Chepauk, Chennai-5.

 

4.The District Revenue Officer,

Kancheepuram District,

Kancheepuram.

 

5.The Tahsildar,

Chengalpattu Taluk,

Kancheepuram District.

 

6.The Tahsildar,

Thirukazhukundram Taluk,

Kancheepuram District. .. Respondents

 

Advertisements

பன்னாட்டு பல்துறை மாநாடு – வரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடு – சித்தாந்த ஆய்வுக்கட்டுரைகள் வாசிப்பும், “இந்தியா” பற்றிய வாத-விவாதங்களும் [5]

ஓகஸ்ட் 21, 2019

பன்னாட்டு பல்துறை மாநாடுவரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடுசித்தாந்த ஆய்வுக்கட்டுரைகள் வாசிப்பும், “இந்தியா” பற்றிய வாத-விவாதங்களும் [5]

Lokanayaki

11-08-2019 – சனிக்கிழமை இரண்டாவது நாள்மூன்றாவது  அமர்வு:  பொதிகை வள்ளலாராக நடித்தவர் என்று தன்னை அறிமுகப் படுத்திக் கொண்டார்.  பாவம்-புண்ணியம், அவரவர் அனுபவம் அவருக்கு, மக்களுக்கு செய்யும் காரியங்களில் அகம்பாவம் இருக்கக் கூடாது; என்றெல்லாம் பேசினார். ஆய்வுக்கட்டுரைகள் மிகவும் பொதுவானவையாக இருந்தன, மீண்டும் மீண்டும் சொன்ன விசயங்களை திருப்பிச் சொல்வாத இருந்தன, இதனால், பார்வையாளர்கள், கேட்பவர்களுக்கு ஆர்வமற்றவர்களாக ஆக்கியது. ஆய்வுக்கட்டுரைகளின் பட்டியல் வழங்கப்படாததாலும், அவர்களின் வசதிக்கு ஏற்ப மாற்றப்பட்டதாலும், எதையும் கண்காணிக்க முடியவில்லை. ஷீபா சீனிவாசன்,  ஒரு கட்டுரையை வாசித்தார். கட்டுரை வாசித்தவர்ரும், உடனே சென்று விட்டார். மற்றவர் வாசிப்பைக் கேட்க தயாராக இல்லை என்று தெரிந்தது.

Vasuki, Vijayalakshmi

நான்காவது அமர்வு – 3.00 மணி முதல்…..:

  1. அருணகிரிநாதர்- பற்றியது – புதியதாக ஒன்றும் இல்லை.
  2. விவேகானந்த கல்லூரியைச் சேந்த கணபதி இளங்கோ[1], சைவ சிந்தாந்தம் மற்றும் சிவாவின் வேத வழிபாடு இவற்றை வேறுபடுத்திக் காட்ட முயன்றார். “தமிழர் சமயம்” என்பதை வலியுறுத்துவது, தமிழர்கள் பின்பற்றும் மதம் அதிலிருந்து வேறுபட்டது போல வாசித்தார். அவர் ஒரு மார்க்சியவாதியைப் போல கோசாம்பி, சர்மா என்றெல்லாம் குறிப்பிட்டு விளக்குகினார். இந்தியா இல்லை என்றும், எனவே எந்த மதமும் இல்லை என்றும் அவர் கூறிக்கொண்டிருந்தார். அதேசமயம், தமிழ் என்பது பண்டைய மொழி, இதனால் தமிழின் மதம் வேறுபட்டது. தொடர்ந்து எம்.எம். அடிகளைக் குறிப்பிட்டு, சைவம் மற்றும் சித்தாந்தம் மாறுபட்டது என்றார்.

கே. வி. ராமகிருஷ்ண ராவ் இந்தியாவே இல்லை என்றால், கொலம்பஸ் எதைக் கண்டு பிடிக்க போனார் என்று கேட்டதற்கு பதில் சொல்லாமல் மழுப்பினார். அதாவது, “இந்தியா” இருந்ததினால் தான், இந்தியாவுடன் வியாபாரம் செய்ய, கம்பெனிகளை உருவாக்கிக் கொண்டு வந்தன. “East India Company” என்று பெயர் வைத்துக் கொண்டபோது, தெற்காசிய நாடுகளையும் சேர்த்து தான் “இந்தியா” என்றது.

  1. செல்வி – திருவருட்பா.
  2. மர-வழிபாடு பற்றி ஒரு கட்டுரை வாசிக்கப்பட்டது.

India intra and extra gangem - 1

ஐந்தாவது அமர்வு: முருகேசன் தலைமையில் கட்டுரைகள் படிக்கப்பட்டன.

  1. ஔவையார் – பல ஔவையார்கள் இருந்தது பற்றி கவலிப் படவில்லை.
  2. வெறியாடல் – இது பற்றி படித்த பெண்மணிக்கு பல விசயங்கள் தெரியாமலே இருந்தன. முருகு, முருகன் வேறு என்று தெரியாமலே குழப்பிக் கொண்டிருந்தார். மரியறுத்தல் பற்றி குறிப்பிடவில்லை. மரியறுத்தல், கழங்கு நிறம் மாறுதல், நெய்யணி மயக்கம் முதலியவை இருந்தன. கே. வி. ராமகிருஷ்ண ராவ், இவற்றையெல்லாம் எடுத்துக் காட்டினார். சரவணன் இடைமறித்து தனது விளக்கத்தைக் கொடுத்தார். இருப்பினும், கே. வி. ராமகிருஷ்ண ராவ் சே-சேஎய்-சேய், சேயோன்[2] மற்றும் கந்து-கந்தழி-கடம்பா[3] போன்றவற்றை குறிப்பிட்டு தெளிவு படுத்தினார். இவை பற்றிய அவரது ஆராய்ச்சி கட்டுரைகள் இணைதளத்தில் உள்ளன[4]. ஆனால், எதையும் குறிப்பிடாமல், பொதுப்படையாக வாசிப்பது வியர்த்தமான செயலாக இருக்கிறது.
  3. மாணிக்கவாசகர்……
  4. பிரியா – சைவசித்தாந்தத்தில் சமய வளர்ச்சியில் ஸ்தல புராணங்கள்.
  5. திருவந்திபுரம் – ஆண்பனை, பெண்பனையாக மாற்றியது

India intra and extra gangem - 2

12-08-2019 – மூன்றாவது நாள், சனிக்கிழமைமுதல் அமர்வு:

  1. வாசுகி கண்ணப்பன் – திருக்குறளில் சைவ சித்தாந்தம் (படித்துச் சென்று விட்டார்[5]), இது பற்றி பல கட்டுரைகள் ஏற்கெனவே வாசிக்கப் பட்டு விட்டன.
  2. விஜயலட்சுமி – வினைத் தீர்க்கும் திருப்பதி, நேரம் மற்றும் இடம் பற்றி விவாதிக்காமல் அற்புதங்களை விவரித்து நியாயப்படுத்திக் கொண்டிருந்தார். சரவணன் ஒருபுறம் புராணத்தை விமர்சித்து வருவதும், மறுபுறம் பாராட்டுவதும், விஞ்ஞான ரீதியாகவோ அல்லது வரலாற்று ரீதியாகவோ தனது நிலைப்பாட்டை வெளிப்படுத்த எந்த முயற்சியும் எடுக்கவில்லை, இதனால் இத்தகைய கதைகள் இன்றைய இளைஞர்களுக்கும் சமூகத்திற்கும் ஏற்றுக்கொள்ளத்தக்கவையா என்று தெரியவில்லை.
  3. சரஸ்வதி ஐயப்பன் – கண்ணதாசன் பாடல்களில் முப்பொருள்,
  4. சந்தியா – வள்ளலாரின் சிந்தனைகள்,
  5. சரோஜா – மாணிக்கவாசகரின் இலக்கிய சிறப்பு,
  6. கீதா – காரைக்கால் அம்மையாரின் பாடல்களில் முப்பொருள்,

How Siddhanta came

இரண்டாவது அமர்வு: பாலு (அண்ணாமலைப் பல்கலைக்கழகம்)

  1. பாலு,
  2. வீர சைவம்
  3. ஆரோக்கிய மேரி –
  4. சைவசித்தாந்தத்தில் பக்தி இலக்கியம்.

சைவ சித்தாந்த சூழலில் “வீரசைவம்” கொள்கைகளை விளக்கவும், வித்தியாசப் படுத்திக் காட்டவும், அணுகவும் ஆராய்ச்சியாளர்கள் வசதியாக இல்லை. பல சமயங்களில், சமணர்களுக்கும் வீரசைவர்களுக்கும் இடையிலான மோதல்களை ஆராய்வதில் அவர்கள் அதிக ஆர்வம் காட்டினர். சமஸ்கிருதம் மற்றும் கன்னடம் இல்லாமல், வீரசைவ இலக்கியங்களைப் படித்து ஆராய்ச்சி செய்ய முடியாது. எவ்வாறாயினும், இந்த தமிழ் சார்பு ஆராய்ச்சியாளர்கள் இரண்டாம் நிலை மூலங்களிலிருந்து விளக்குவதற்கு முயற்சித்து வருகின்றனர், ஆகவே, அவை ஜீவகாருண்யம், புலால்-மறுப்பு போன்ற அடிப்படை பிரச்சினைகளை அணுகும் போது,  வெளிப்படுகின்றன. பசவர் சாதி அமைப்புக்கு எதிராக வழிநடத்தி கர்நாடகாவில் சிவ வழிபாட்டை பிரபலப்படுத்தினார். அவரைப் பின்பற்றுபவர்கள் லிங்காயத்துகள் என்று அழைக்கப்பட்டனர். இறுதிக்கடன், இறந்தவர்களின் தகனம் போன்ற பல இந்து மத நடைமுறைகளை அவர்கள் கடைப்பிடிப்பதில்லை. அவர்கள் சடலங்களை அடக்கம் செய்கிறார்கள். வேதங்களையும் பிற புனித நூல்களையும் ஓதினால் மட்டுமே கடவுளை உணர முடியாது. ஆசைகளை கைவிடுவதன் மூலம் மட்டுமே கடவுள் மனதில் உணரப்பட வேண்டும் என்று அவர்கள் பரிந்துரைக்கிறார்கள்.

Bssaveswara, Veera Saiva

சித்தாந்தத்தை நோக்கிய அகோரசிவாச்சார்யாரின் அணுகுமுறை: சிதம்பரத்தில் அமர்தக ஒழுங்கின் கிளை மடத்தின் தலைவரான அகோரசிவாச்சார்யா, 12 பன்னிரண்டாம் நூற்றாண்டில், சமஸ்கிருதம் மற்றும் தமிழ் சித்தாந்த மரபுகளை ஒன்றிணைக்க முடிவு செய்தார். சித்தாந்தத்தின் ஒற்றை விளக்கங்களை கடுமையாக மறுத்து, அகோரசிவாச்சார்யா முதல் ஐந்து கொள்கைகளை அல்லது தத்துவங்களை (நாத, பிந்து, சதாசிவா, ஈஸ்வர மற்றும் சுத்தவித்யா) பாசம் (பத்தங்கள்) வகைக்கு மறுவடிவமைப்பதன் மூலம் சிவாவைப் புரிந்துகொள்வதில் மாற்றத்தைக் கொண்டு வந்தார். பண்டைய ஒருமித்த பாரம்பரியத்தின் சமஸ்கிருத சடங்குகளை பாதுகாப்பதில் அகோராசிவா வெற்றி பெற்றார். ஆக, அகோரசிவாவின் சித்தாந்த தத்துவத்தை கிட்டத்தட்ட அனைத்து பரம்பரை கோயில் சிவாச்சார்யார்கள் பின்பற்றுகிறார்கள், மேலும் அகமங்கள் குறித்த அவரது நூல்கள் நிலையான பூஜை கையேடுகளாக மாறிவிட்டன. சைவத்தின் அன்றாட வழிபாடு, அவ்வப்போது சடங்குகள், தீட்சை சடங்குகள், இறுதி சடங்குகள் மற்றும் திருவிழாக்கள் உட்பட ஷைவ சித்தாந்த சடங்கின் கிட்டத்தட்ட அனைத்து அம்சங்களையும் உள்ளடக்கிய ஒரு பரந்த படைப்பு அவரது கிரியக்ரமாதியோதிகா ஆகும்.

How Siddhanta came-vs Vedanta

மூலங்கள், அசல் ஆதாரங்கள் இல்லாமல் தமிழ் சைவ சித்தாந்தம் இருக்க முடியாது: 13 ஆம் நூற்றாண்டில், தமிழ் சைவ சித்தாந்தம், மெய்கந்தர், அருள்நந்தி சிவாச்சார்யார், மற்றும் உமபதி சிவாச்சார்யா ஆகியோர் தமிழ் சைவ சித்தாந்தத்தை மேலும் பரப்பினர். 13 மற்றும் 14 ஆம் நூற்றாண்டுகளில் கூறப்படும் மெய்கந்தரின் பன்னிரண்டு சூத்திரங்கள் கொண்ட, சிவஜனபோதம் மற்றும் பிற எழுத்தாளர்களின் படைப்புகள், மெய்கண்டார் சம்பிரதாயத்தின் (பரம்பரை) அடித்தளத்தை அமைத்தன, இது கடவுள், ஆத்மாக்கள் மற்றும் உலகம் ஒன்றிணைந்து ஆரம்பத்தில் இல்லாமல் ஒரு பன்மைத்துவ யதார்த்தத்தை முன்வைக்கிறது. சிவன் ஒரு திறமையான ஆனால் பொருள் காரணமல்ல. சிவாவில் ஆன்மா ஒன்றிணைவது தண்ணீரில் கரையும் உப்பு போன்றது, என்று அவர்கள் கருதுகிறார்கள், இது ஒரு நித்திய ஒற்றுமை, இது இரட்டையர். எனவே, ஒரு மெல்லிய வித்தியாசத்தால், அவர்கள் வேறுபட்டவர்கள் என்றும், அசல் இலக்கியம், வேதங்கள் போன்றவற்றுடன் அவர்களுக்கு எந்த தொடர்பும் இல்லை என்றும் கூற முடியாது. எதிரான திராவிட சித்தாந்தத்தை இங்கு கொண்டு வந்து ஆய்வு கட்டுரைகளை குழப்ப முடியாது.

© வேதபிரகாஷ்

20-08-2019

Siddhanta in tiruvacakam

[1] தமிழ் துறையைச் சேர்ந்தவர்- இவருக்கு மற்ற விசயங்கள் தெரிந்திருக்க வேண்டும், ஆனால், இந்தியா என்ற தேசம் இல்லை, பல நாடுகள் கொண்ட தேசம் போன்ற கொள்கைகளுடன், இவர் படித்த கட்டுரை இருந்தது.

[2]  K.V. Ramakrishna Rao, The Development of Muruku-Muruka-Vēlan and Ce-ce-cey-Ceyon in Cankam Literature, http://murugan.org/research/rao.htm

[3] http://murugan.org/research/rao-zodiac.htm

[4] http://murugan.org/events/2003_synopses/synopses.htm#rao1

http://murugan.org/events/2003_synopses/synopses.htm#rao2

http://murugan.org/events/2003_synopses/synopses.htm#rao3

[5] அவருக்கு அடுத்த நாள் “கலைமாமணி” விருது கொடுப்பதால் சென்று விட்டாராம்!

உலகமெலாம் பரவியிருந்த லிங்க வழிபாடு.

மே 11, 2010

உலகமெலாம் பரவியிருந்த லிங்க வழிபாடு

கோ. வே. ராமகிருஷ்ண ராவ்

சிவலிங்க வழிபாட்டைப் பற்றி தவறான கருத்துகள் சைனர்கள், பௌத்தர்கள் காலம் தொடங்கி, முகாலயர் காலத்தில் அவதூறாக்கி, ஆங்கிலேயர் காலத்தில் ஆபாசமாக்கி, பிறகு வந்த இந்து-விரோத சித்தாந்திகள் அசிங்கமாக்கி பிழைப்பு நடத்தி வருகின்றனர்.

அதனால்தான் பாஷாண்டிகள், கபோதிகள், துணங்கர், துலுக்கர், ………………..என்றெல்லாம் இந்திய மக்களால் இன்றளவும் சொற்பிரயோகத்தில்ல் பல வார்த்தைகள் இருந்து வருகின்றன.

ஆனால், உண்மை அறியாமல் அல்லது மறைத்து இன்றும் அத்தகைய துன்மார்க்க முறையில் எழுதி வருகின்றனர்.

ஆனால் பாவம், இன்றும் உள்ள அத்தாட்சிகள் அவர்களுடைய கொடிய மனங்களை, குரூரச் சிந்தனைகளை, ஆபாச போக்கை……………….வெளிக்காட்டுகின்றன.

இதோ, சமீபத்தில் சிதம்பரத்தில் பிப்ரவரி 5 முதல் 7 வரை 2010ல் நடந்த பன்னிரண்டாவது உலக சைவ மாநாட்டில் ஆய்வாளர் – கோ. வே. ராமகிருஷ்ண ராவ், சென்னை அவர்களால் வழங்கப்பட்ட ஆய்வுக் கட்டுரை – “ஆய்வுக்கோவை-தொகுதி-2, பக்கங்கள்.375-386ல் காணலாம்.

வசதிக்காக, இங்கே பதிவிடப்படுறது.

முன்னுரை (அணுகு முறை): மேனாட்டு ஆட்சியாளர்கள், அதிகாரிகள், ஆராய்ச்சியாளர்கள் முதலியோர் பிறகு சரித்திர ஆசிரியர்களாக மாறி தாம் தத்தமக்கு அறிந்தது, புரிந்தது, தெரிந்தது என்றவற்றையெல்லாம் எழுதி வைத்ததை இந்தியர்கள் படித்து இன்று விவாதிப்பதிலேயே காலத்தைக் கடத்திக் கொண்டிருக்கிறார்கள்[1]. மூலங்களைப் படிக்காமல், உள்ள அத்தாட்சிகளைப் பார்க்காமல், “மற்றவர்கள்” மற்றவர்களைப் பற்றி என்ன சொல்லியிருக்கிறார்களோ, அவையே ஆதாரம் என்று, அதையே உண்மையென்று மற்றும் நிரூபணம் செய்யப்பட்ட முடிவுகள் என்றும் சாதிக்கும் நிலையிலும் அத்தகைய தர்க்கங்கள் உள்ளன[2]. இப்பிரச்சினைகளோடு இனம், மொழி, ஜாதி, நாடு, மதம், அனைத்திற்கும் மேலாக சித்தாந்தம் போன்றவைக் கருத்தை, மனங்களை, சிந்தனையோட்டங்களைக் கட்டுப் படுத்துகின்றபோது செய்துகொள்ளும் சமரசம், உடன்பாடு உண்மைகளை மறைத்துவிடுகின்றன[3].  இத்தகைய நிலையில் மறைக்கப் பட்ட, திரிபுவாதங்களுக்குட்பட்ட லிங்கவழிபாடு ஆராய்ச்சிற்கு எடுத்துக் கொள்ளப்பட்டு, உண்மையான லிங்கவழிபாடு எவ்வாறு தனித்துள்ளது என்பது ஆராயப்படுகிறது. முன்பு இதைப்பற்றிய முந்தைய ஆய்வுகளில் விவரங்கள் சிறிதளவேக் காணப்படுகின்றன[4].

குத்துக்கல் – நடுகல் வழிபாடு: தொல்லியல் ரீதியாக பழங்கற்கால (Palaeolithic), நுண்ணிய / சிறுகற்கால (microlithic), இடைக்கற்கால (Mesolithic), பெருங்கற்கால (Megalithic), புதியகற்கால (Neolithic) மனிதயெச்சங்கள் – குத்துகற்கள் (menhirs) மற்றும் நடுகற்கள் (Memorial stones), கற்கிடைகள் (Dolmen), கல்வட்டங்கள் (Cromlechs) என பலவைகையானவை நினைவுச்சின்னங்களாக (Monuments) மனிதர்களால் ஏற்படுத்தப்பட்டு வந்துள்ளது. இதில் புதைப்பு மற்றும் வழிபாடு இவற்றிற்குள்ள பகுப்பிலுள்ளதைக் கவனிக்கவேண்டும். வானிற்கும் பூமிக்கும் சம்பந்தம் உள்ளது என்ற நிலையில் குத்துக்கற்கள், நெடுகற்கள் நடப்பட்டன. பிறகு அவை நீளத்தின் பிரச்சினைக் கருதி, மேற்பகுதி கூர்மையாகவோ, கவிகையாகவோ கழிக்கப்பட்டன[5]. அந்நிலையில் மனிதனால் எண்ணத்தால் உருவத்தை அடக்க நினைக்கும்போது, அது சிறிதாகிவிடுகிறது. எண்ணிலி நீளத்தில் வானைத்தை, பேரண்டத்தையே தொட்டுவிடலாம் என்ற மனித எண்ணங்களை அவ்வாறு தடுத்து, சிறியதாகியதால்தான் உருவான அந்த கல்-உருவங்களும் அமைந்தன. இவை வழிபாட்டில் அடங்கும்.

இறப்பு-பிறப்பு குறிக்கும் குறிக்கற்கள், சிற்பங்கள்: புதைப்பு முறையில் நடுகல், இடுகுழுப்புதைப்பு (Cist), தாழிப்புதைப்பு (Urn), எனவரும் அவற்றிலும் எரியூட்டிப்பின் புதைப்பு (Post-cremational), துண்டப்புதைப்பு (Fractional burial), ஊனகற்சிப்பின் புதைப்பு (Post-Excarnation) என்று அடையாளங்காணப்படும்[6]. ஆழத்தை வைத்து அவை ஆழ்கல்லறை (Catacomb), நிலவறை (Cellar) எனவும் அறியப்படும். மேற்குறிப்பிடப்பட்ட நினைவுச் சின்னங்கள் பலவகைகளாக உருவெடுக்கும்போது அவை பள்ளிப்படை (Memorial building), ஞாபகஸ்தூபி / தூண் (Cenotaph), நிரல் / ஸ்தம்பம் / கம்பம் (Column), தூண் (Tope), சிறியஸ்தூபி (Turret), என்றாகின்றன. கோபுரம் (Tower), வெற்றித்தூண்கள் (Victory pillars / colunmns) முதலியனவும் மனிதனால் கட்டபடுகிறது. இவ்வாறே பிறப்பிற்குக் காரணமாக கற்கள் அடையாளங்காணப்படுகின்றன.

கரு-உருவாக்கம், கரு-காத்தல், கரு-வளர்தல், கர்ப்பம்-காத்தல், குழந்தைப் பெற்றெடுத்தல் முதலியவற்றிற்கும் கற்கள், வடிவங்கள், சிற்பங்கள், முதலியன உபயோகப்படுத்தப் பட்டன[7]. விதைகள், மரங்கள், பறவைகள், விலங்குகள் முதலியன அவற்றுடன் சம்பந்தப்படுத்தும் போது, உருவாகும் சின்னங்கள், கிரியைகள், சடங்குகள் முதலியனவும் வளர்கின்றன[8]. அத்தகைய பிறப்பிற்கு உதவும் கற்கள், வடிவங்கள், சிற்பங்கள் முதலியன தெய்வீகமாகக் கருதப்படும்போது, அவை இறைவடிவங்களாக ஏற்கப்பட்டன. உருவவழிபாடு மறுக்கும் மதங்களும் அத்தைகைய சின்னங்களை நேரிடையாகவோ, மறைமுகமாகவோ தம்முள் அடக்கி தமது விசுவாசிகளைத் திருப்திப்படுத்தி வருகின்றன[9]. சில மதங்களில் பிறப்பு-இறப்புச் சின்னங்கள் கலந்து உபயோகிப்பதால், அதாவது ஒன்று அதன் தோற்றங்களை மறைக்க அல்லது உள்ள தொன்மையான மதங்களைவிட தமது இன்னும் தொன்மையானது என்று காட்டிக்கொள்ள புதிய விளக்கங்கள் கொடுக்கும்போது, அத்தகைய நேரங்களில் இறையியல் முரண்பாடுகள், பிரச்சினைகள், ஏன் போர்களே உண்டாகின்றன[10].

லிங்க வழிபாடு: இந்தியாவைப் பொறுத்தமட்டிலும் லிங்கவழிபாடு என்றுமே இறைவழிபாடாகத் தான் ஏற்படுத்தபட்டு, பின்பற்றப்பட்டு வந்துள்ளது, இன்றும் வருகிறது. ஜைன-பௌத்த மதங்கள் அத்தகைய சின்னங்களை தம்முள் தகவமைக்கும்பொழுது, மாற்றும்பொழுது, முந்தைய வேத-இறையியல் கோட்பாடுகளை எதிர்க்கும்போது முரண்பாடுகள் ஏற்பட்டன. சிற்பச்சாத்திரம் என்று எடுத்துக் கொள்ளும்போது, நிச்சயமாக அவை முந்தியிருந்த சிற்பநூல்களைத்தான் உபயோகித்தன[11]. அவ்வாறே கல்-தச்சர்கள், சிற்பிகள், முதலியோர் உபயாகப்படுத்தப் பட்டிருப்பார்கள். அரசியல் ரீதியில் அவர்கள் வலுப்பெற்றப்பிறகு, தமது என்று முந்தைய நூல்களை மாற்றியமைத்து இருப்பார்கள் அல்லது எழுதியிருப்பார்கள்[12]. ஆகையால்தான் சைத்தியம் மற்றும் புத்த-உருவம் உருவான ஆராய்ச்சிகளில் பற்பலக் கருத்துகள் சொல்லபடுகின்றன[13]. பல நேரங்களில், இடங்களில் சைத்தியத்திற்கும், லிங்க உருவங்களுக்கும் சிறிதே வித்தியாசங்கள், அதாவது, புத்தர் எப்படி மஹாவீரர் விக்கிரங்களினின்று வேறுபடுத்திக் காண்பிக்கப் படுகிறாரோ, அவ்வாறே அடையாளங்காணப்படுகின்றன[14]. முப்பரிமாணப் பார்வையில் அளவியலை வைத்துப் பார்த்தால் அவை எளிதாகவே அத்தகைய ஒற்றுமையைக் காட்டுகின்றன.

புதிய மதங்களில் சின்னங்கள் மாறும் அல்லது தகவமைக்கப்படும் விதம்: உருவாக்குபவர் ஒருவர் இருக்கும்போது, அவரை மற்ற வழிகளில், அல்லது அந்த உருவாக்ககும் தொழிலை அடக்கியாள யாராவது நினைத்தால், அவ்வாறே முடியும் என்ற நிலையிருந்தால், அவர் அடிபணியவேண்டியதுதான். அதாவது தக்ஷன், மயன், விசுவகர்மா, பிரம்மா போன்றவர்கள், மற்றவர்களுக்கு அடிபணிய நேரிட்டால் அவர்கள் தொழிலும் அவ்வாறே இருக்கும். இதனால்தான் பாம்பைப் படைத்தவனிடத்திலிருந்து பாம்பு எடுக்கப்படுகிறது அல்லது பாம்பை அடக்கும் நிலை காட்டப்படுகிறது. விஷ்ணு பாம்பின் மீது ஆனந்தமாக படுக்கிறார் அல்லது ஏறி ஆடுகிறார். சிவன் அதனை அணிகிறார். மஹாவீரர், புத்தர் முதலியோகளுக்கு குடைபிடித்து, ஆசனமாகின்றன. இன்று ஏசுவிற்கும் அந்த ஆசைவிடவில்லை, அதாவது கிருத்துவர்களுக்கு அத்தகைய ஆசை வந்துவிட்டது. எனவே கிருத்துவும் காவி அணிந்து, பாம்பாசனம் மீது உட்காரவைத்து விட்டார்கள்[15]. பௌத்தம் அரசியல் ரீதியில் ஆதிக்கம் கொண்டிருக்கும்போது, அவ்வாறான தகவமைப்பிகளுக்கு விஷ்ணு விக்கிரங்கள் உட்படுத்தப்பட்டிருக்கலாம். ஏனெனில், புத்தவிக்கிரகங்கள்தாம் அப்படி விஷ்ணுபோலவே நான்கு கைகளுடன் உள்ளன, பாம்பாசனத்தில் உட்கார்ந்த மாதிரியுள்ளன; விஷ்ணுவைப்போலவே சயனத்திலும் உள்ளன. விஷ்ணு சிலையிலுள்ள அலங்கார வேலைகளையெல்லாம் செதுக்கிவிட்டால், மஹாவீரர் அல்லது புத்தர் சிலை உருவாகிவிடும். மேலும் சிற்பிகளுக்கு அந்தவேலை மிகவும் எளிமையானது[16]. சைனாவில் குவான்சூய் என்ற இடத்திலிருந்த சிவன், விஷ்ணு முதலிய கோவில்கள் இடிக்கப்பட்டபோது, அதன் அஸ்திவாரங்களின்மீதுதான் புத்தவிஹாரங்கள் கட்டப்பட்டன[17]. அப்பொழுது காலைத்தூக்கி ஆடும் நடராஜார் போன்ற சிலைகள் / விக்கிரங்கள் காணவில்லை என்று அறிவித்துவிட்டர்கள்[18]. அதே மாதிரி லிங்கங்களிலிருந்து சைத்தியங்கள் உருவாக்கப்பட்டிருக்கலாம். இங்குதான் வேலை அதிகம், அதாவது வெறும் லிங்கத்தின் புறப்பரப்பில் அலங்கார சின்னங்கள், வடிவங்கள் முதலியன உருவாக்கவேண்டும். எனவே உள்ள வடிவத்தைவிட சிறிய அளவாகத்தான் அவ்வாறான சிலைகள், சிற்பங்கள், சைத்தியங்கள் உருவாகும். மேலைநாடுகளில், கிருத்துவர்கள், உள்ள பழைய லிங்கம் போன்ற கற்கள், கல்தூண்கள் முதலியற்றின்மீதே சிலுவைகளைச் செதுக்கினர். முஹம்மது நபி கூட மெக்காவில் இருந்த 360 விக்கிரங்களை உடைத்தாலும், அரேபியர்களது வேண்டுக்கோளிற்கு இணங்கி காபா என்ற விக்கிரத்தை விட்டுவைத்தாராம்[19]. அதனை இன்றுவரை முஸ்லிம்களும் விடவில்லை. உடைக்காமல் பத்திரமாகவே வைத்திருக்கிறார்கள்.

இந்தியாவின் நிலை: லிங்கவழிபாடு, கல்லுருவம், நாகம்[20], மரம், திரிசூலம் முதலியற்றின் தொடர்பு[21], சிவலிங்கமாக வழிபட்டது, முதலியவை அகழ்வாய்வு ஆதாரங்கள், காலக்கணக்கியல் மற்றும் இலக்கிய அத்தாட்சிகளுடன் தொடர்பு படுத்தி ஆராயப்படுகிறது. நூற்றுக்கும் மேலாக உலகமெலாம் பல நாடுகளில் அவ்வாறு இருந்த, இருக்கின்ற அத்தகைய அத்தாட்சிகளின் புகைப்படங்களுடன் விளக்கம் கொடுக்கப்படுகிறது.

அகழ்வாய்வு ஆதாரங்கள்: அகழ்வாய்வு ஆதாரங்கள் உலகமெலாம் லிங்க வழிபாடு பரவியிருந்ததை எடுத்துக் காட்டுகின்றன[22]. சரித்திரகாலத்திற்கு முந்தைய ஐரோப்பியக் குத்துகற்கள் (menhirs) மற்றும் cromlechs ளில் பாம்பு வடிவம் பொறிக்கப்பட்டுள்ளன, இவையெல்லாம் லிங்கவழிபாட்டின் அறிகுறிகளே[23]. லிங்கவழிபாட்டைக் கொண்டிருந்த கஸார் என்ற நாகரிகம் முழுவதுமாக அழித்தொழிக்கப்பட்டுவிட்டது.

அகழ்வாய்வுகள் பல நாடுகளில் அத்தகைய லிங்க உருவ சிற்பங்கள், முழுவதுமாகவோ, பாகங்களாகவோ, கல், உலோகம் முதலியவற்றில் கிடைக்கின்றன. பாகிஸ்தான், ஆப்கானிஸ்தான் பகுதிகளில் கிடைத்த “ஏகமுக லிங்கங்களை”ப் பற்றி விவரங்கள் வெளியிடப்படுகின்றன[24]. பாபிலோனியாவில் ஸியூன். எகிப்தில் சிவா / செவா / ஐஸிஸ் / ஒரிஸிஸ், ஃபிஜியில் சிவா / சிவஜ்யா, ரோமில் பிரியபஸ், சீனாவில் ஹுஹே-ஹைஃபுஹா, யூனானில் ஃபல்லஸ், தாய்லாந்தில் அகோனிஸ் / அஸ்தர்ஜெரிஸ், இஸ்ரேலில் பெல்ஃபெகோ என்று அழைக்கப்பட்டன. ஓ. ஏ. வால்[25] ஸோஹப் பள்ளத்தாக்கில் 3000 BCக்கு முன்பு விவசாயம் செய்யும் குடிமக்களால் வழிபட்டுவந்த லிங்கம் கிடைத்ததாகக் குறிப்பிடுகிறார். ஜே. எம், அல்லெக்ரோ[26], ரோமானியர் வழிபட்டுவந்த லிங்கத்தை அவர்கள் ஃப்ஸினஸ் என்றழைத்தனர் என்று குறிப்பிடுகிறார். டேவிட்ஸன்[27], லிங்கங்கள் வடக்கு ஐரோப்பாவில் அதிகமாகக் காணப்படுகின்றன. உப்பசாலாவிலுள்ள கோவிலுள்ள விக்கிரமானது லிங்கம்தான் என்று பிரெமனைச் சார்ந்த ஆடம்ஸ் என்பவர் கூறுகிறார்.

பாலியல் ரீதியிலான சிந்தனைகள், விளக்கங்கள், சிற்பங்கள் உருவான நிலை: சிவலிங்கவழிபாடு எனும்போது கவனிக்கவேண்டியது ஆண்குறி வழிபாட்டிற்கும், சிவலிங்க வழிபாட்டிற்கும் உள்ள வேறுபாட்டைத்தான். மேன்னாட்டு ஆராய்ச்சியாளர்கள் பொதுவாக ஆண்குறி / பிறப்புறுப்பு வழிபாடு என்று குறிப்பிட்டதால், இன்றும் அவ்வாறே குறிப்பிடுவதால், அத்தகைய எண்ணத்திலிருந்து விடுபட்டு ஆராயவேண்டியுள்ளது. மேனாட்டவர் கல்லுருவம், நாகம்[28], மரம் முதலியற்றின் தொடர்பு[29] பற்றி ஆராயும்போது, அவர் நாகரிகம், கலாச்சாரம், பண்பாடு நிலைகளில் அவர்கள் எண்ணங்கள் இருந்ததால், அவர்கள் அவற்றை ஆண்குறி என்று கொண்டு அவ்வாறேப் பார்த்தனர், விளக்கங்களும் கொடுத்தனர். மேனாட்டுத் தட்பவெப்பநிலை, அவ்வாறான சிந்தனைகளை வளர்த்தது. கடுங்குளிர் காலங்களில் அவர்கள் தங்களைக்காத்துக் கொள்ள மரங்களினால் ஆன வீடுகளில் வசித்தனர். அதுமட்டுமல்லாது, ஓவ்வொரு வீட்டிலும் குளிர்காய்வதற்காக நெருப்பெரியும் கூடு மற்றும் நிலவறையும் இருக்கும். மிகக்கடுங்குளிர் காலங்களில், குறிப்பாக இரவு நேரங்களில் நிலவறையில் தூங்கி சூரியன் உதித்தப்பிறகு வெளியே வருவர். எனவே மேனாட்டு ஆராய்ச்சியாளர், எழுத்தாளர் மற்றும் சரித்திராசியர்களின் எழுத்துகள் அத்தகைய பாலியல் விளக்கங்களுக்குள் கட்டுண்டன. சிலர் உண்மையறிந்தாலும், சித்தாந்த மன-இருக்கங்களினால் இந்தியநிலைக்கு எதிராகவே அத்தகையக் கருத்தைப் பரப்பினர். ஆகவே அத்தகைய மனநிலையின் வெளிப்பாடு அவ்வாறே இருந்தது வியப்பில்லை. உதாரணத்திற்கு ஒன்று எடுதுக் கொள்ளப்படுகிறது.

“ஸிஸ்ன தேவாஹ்” என்பது ஆண்குறியுள்ள கடவுளா அல்லது லிங்கமா? ஆண்குறிவழிபாடு இந்தியாவில் நாகரிகமற்ற எனக்கருதப்படும் காட்டுவாசிகளிடம்கூட இருந்திருக்கவில்லை[30]. மேக்டொனல் என்பவர்தாம் ரிக்வேதத்தில் இரு இடங்களில் காணப்படும் “ஸிஸ்ன தேவாஹ்” என்ற வார்த்தையை எடுத்துக் கொண்டு “ஸிஸ்ன தேவாஹ்” என்றால் “ஆண்குறியுள்ள வணங்கும் கடவுள்” எனப்பொருள்கொண்டு வேதகாலத்திலேயே ஆண்குறிவழிபாடு இருந்தது என்று வாதித்தார். ஆனால் வேடிக்கையென்னவென்றால், இந்திரன் “ஸிஸ்ன தேவாஹ்” என்பவன் யக்ஞ நெருப்பிற்கு அருகிலே வரவிடக்கூடாது[31] என்று பணித்ததுடன், அவன் நூறு கோட்டைகளில் இருந்த புதையல்களை அடைந்தபோது அவனை (“ஸிஸ்ன தேவாஹ்” என்பவனை) கொன்றுவிடுகிறான்[32]! பிறகு மூய்ர் என்பவரும் அவ்வாறெ எழுதுகிறார்[33]. சாயனர், யக்ஸர் என்பருடைய ஆதாரத்தைச் சுட்டிக்காட்டி, “ஸிஸ்ன தேவாஹ்” என்றால், “யார் அதனுடன் தொடர்பு வைக்குக் கொண்டுள்ளார்களோ அவர்கள் அதாவது ஒழுக்கமில்லாத ஆண்கள்” என்று பொருள் தருகிறார்[34]. நிருக்தா என்ற நூலில், துர்கா என்ற விளக்கவுரை ஆசிரியரும் அதே பொருளைத்தருகிறார். இருப்பினும், இந்த விளக்கங்களுக்குத் திருப்தியடையாமல் “தேவாஹ்” என்று முடியும் வார்த்தைகளையெல்லாம் ஆய்ந்து, “வேதகால ரிஷிகளுடன் இந்த ஆண்குறிவழிபாடு இருந்தற்கான ஆதாரங்களை ஆயும்போது, அத்தகைய அத்தாட்சிகள் இல்லை” என்று முடிவிற்கு வருகிறார். இருப்பினும் பிறகு வந்தவர்கள் ஆண்குறிவழிபாடு இருந்தது என்றும் அதனை லிங்கவழிப்பாட்டுடன் தொடர்பு படுத்தியும் எழுதிவருகின்றனர்[35].

சிவன்-ருத்திரன்; சைவசித்தாந்தத்தின் தொன்மை முதலியப் பிரச்சினைகள்: சங்க இலக்கியத்தில் சிவன் மற்றும் லிங்கம் என்ற வார்த்தைகள் காணப்படுவதில்லை. ஆகவே, அத்தகைய சித்தாந்தங்கள் மற்றும் அவற்றின் உருவ அமைப்புகள், பதிவுகள் பிற்காலத்தில்தான் தோன்றிருக்கக்கூடும். இப்பிரச்சினைகளும் உருவவழிபாடு, அதாவது சிற்பங்கள் முதலிய ஆதாரங்களை வைத்து ஆராய்ந்தால் அத்தகைய பிரச்சினைகள் தீரும். ஒரு குறிப்பிட்ட மொழியில் ஒரு தத்துவம் திடீரென்றுக் காணப்படும்போது, அது இந்தியாவில் இல்லை அல்லது வேறொரு மொழியில் உள்ளதால் வெளியேயிருந்து நுழைந்தது என்ற சிந்தனைகள், வாதங்கள் இந்தியாவிற்கு வெளியேக் காணப்படும் சிவலிங்கங்களைப் பார்க்கும்போது, தவறு என்று விளங்கும். இடத்திற்கேற்றாற்போல மக்களின் பாவங்கள் அவற்றில் பிரதிபலித்திருந்தாலும் அதிலுள்ள இந்தியத் தாக்கத்தை, தொடர்பை, பிணைப்பை மறுக்கமுடியாது. ஆகவே இந்தியாவிற்கு வெளியேயுள்ள அத்தாட்சிகளே இந்தியாவுடன் இணையும்போது, இந்தியவிலுள்ள ஆதாரங்கள் அவற்றை மறுக்கும்போது வேடிக்கையாக உள்ளது.

மேலும் சிற்பிகள் மற்றும் அத்தகைய உருவங்களை மனத்தில் உருவாக்கி, அதனை கல்லில் செதுக்கி உயிர்தரும்போது, அத்தகைய எண்ணங்களில் வேறுபாடு இருந்திருக்குமேயானால் அது வெளிப்பட்டிருக்கும். ஆனால் அத்தகைய கோளாறுகள் மாற்று மதத்தினர் சிலைகளை, சிற்பங்களை, கோவில்களை மாற்றும்போதோ, இடிக்கும்போதோ, மாற்றிக் கட்டும்போதோ அவ்வாறு நேருகின்றன என்பது முன்னமே சுட்டிக் காட்டப்பட்டது. ஆகவே சித்தாந்தரீதியிலுள்ளப் போராட்டங்கள், கருத்து மோதல்கள், மரபு கண்டனங்கள்[36] இக்காலத்தில் தேவையில்லை. நம்பிக்கையுள்ள மக்களை இணைக்க, கட்டுக்கோப்புடன் வைத்திருக்க, வருங்கால சந்ததியரை நம்பிக்கையுடன் இருக்க, அத்தகைய சித்தாந்தங்களின் விளக்கங்களைக் கொடுத்தாலே போதும்.

புராணங்களும், அகழ்வாய்வு ஆதாரங்களும்: தொல்லியல் ஆராய்ச்சியும், அகழ்வாய்வும் இலக்கிய ஆதாரங்கள் இல்லாமல் புரிந்து கொள்ளமுடியாது என்று ஆராய்ச்சியாளர்கள் பலதடவை எடுத்துக்காட்டியுள்ளார்கள். விஷ்ணு, பிரம்மன் சிவனின் அடி-முடியைத்தேடிசென்ற கதை அகழ்வாழ்வு-தொல்லியில் துறைகளில் பல புதிர்களுக்கு விடைதருகிறது எனலாம். உலகத்தில் ஓரளவிற்கு வடபகுதிகளில் பிரம்மன், தென்பகுதிகளில் விஷ்ணு மற்றும் நடுப்பகுதிளில் சிவன் வழிபாடுகள் இருந்திருப்பதைக் காணாலாம். இத்தகைய பதிவுகள் சைவம் மேலோங்கியிருந்தபோது, எப்படி பிரம்மா மற்றும் விஷ்ணு சிலைகள் மாற்றப்பட்டன என்ற சூட்சுமத்தைக் காட்டுகின்றன எனலாம். பிரம்மதேசத்தில் இருந்த பிரம்மனின் சிற்பங்கள் மற்ற இடங்களில் உள்ள சிற்பங்களுடன் ஒப்பிடும்போது, எவ்வாறு அவை சிவனாக மாற்றப்பட்டிருக்கலாம் எனத்தெரிகிறது துருவங்கள் மாறுவதைப்போல இவற்றின் வழிபாடும் மாறியிருக்கலாம். ஆத்தல், அழித்தல், காத்தல் என்ற செயல்கள் தெய்வீகத்துடன் தொடர்புபடுத்தி, இயற்கை வழிபாட்டை அதனுடன் இணைத்தப்பொது, மனிதர்கள் உபயோகப்படுத்திய பொருட்களும் அவ்வாறே மாறியன, வடிவங்களைப் பெற்றன. பூகோளாரீதியில், அந்தந்த கலாச்சார, பாரம்பரிய, நாகரிகங்களில் அவ்வாறே உருவெடுத்தன. ஆகையால்தான் கற்களில்கூட இந்த மூன்று தொழிலதிபர்களுக்கு உண்டானது என்றுப் பிரிக்கப்பட்டது போலும். பிறகு விதைகள், பூக்கள், மரங்கள், பறவைகள், விலங்குகள் முதலிவனவெல்லாம்கூட அவர்களுக்குரித்தானது என்று தனித்தனியாக, பிரத்யேகமாக அடையளங்காணப்பட்டுப் பயன்படுத்தப்பட்டன. இவ்வாறே அவை அந்தந்த கடவுளர்களின் சிற்பங்களிலும் எடுத்தாளப்பட்டுள்ளதைக் காணலாம். மனிதன் என்றுமே தான் அறிந்திருந்ததலிருந்துதான் அறியாததை அறிந்து கொள்கிறான் என்பதினால், புதிய சித்தாந்தவாதிகள், மதவாதிகளும் முன்பறிந்திருந்தவற்றையே மக்களுக்கேற்றபடி மாற்றியமைத்து கொடுத்திருக்கலாம்.

முத்தொழில்கள், மூன்று தெய்வங்கள், மும்மூர்த்திகள், முத்தேவியர் பகுக்கப்பட்டது: பகுத்தல், விரித்தல், தொகுத்தல் என்ற காரியங்கள் தொடர்ந்து நடைபெறும் செயல்பாடுகள் எனலாம். இந்த லிங்கத்தத்துவத்தில் அது காணப்படுகிறது என்றால் மிகையாகாது. முதல் மூன்று நிறங்கள் சிவப்பு, மஞ்சள், நீலம் இயற்கையிலுள்ளப் பொருட்களுடன் சம்பந்தப்படுத்தியபோது, இறைத்ததுவங்களும் அவ்வாறேப் பகுக்கப்பட்டது போலும். பிறகு ஒற்றுமையேற்பட்ட பிறகு, மறுபடியும் லிங்கவழிபாட்டில் மும்மூர்த்தி வழிப்பாட்டை இணைத்திருக்கலாம். அதனால்தான், லிங்கமே மூன்று பாகங்கள் –சதுரமான அடிப்பாகம்:பிரம்மா, எண்கோண நடுப்பகுதி:விஷ்ணு, வட்டமான மேற்பாகம்:சிவன் – கொண்டதாக உருவாக்கப்படுகிறது. மேலும் நீளுருண்டையாக இருக்கும் தலைப்பகுதி பூஜாபாகம் எனப்படும் மற்றும் அதன்மீது பிரம்மசூத்ர எனப்படும் குறிப்பிட்ட கோடுகளும் காணப்படும்.  அந்த கோடுகள் இல்லையென்றால், அந்த லிங்கம் வழிபாட்டிறுப் பயன்படாது[37], என்றேல்லாம் விதிமுறைகள் ஏற்படுத்தப்படுகின்றன.

மேலும் சல = நகரக்கூடியது மற்றும் அசல = நகராதது என்ற இருவகை லிங்கங்கள் உள்ளன. ஏகமுகலிங்கம், சதுர்முகலிங்கம், பஞ்சமுகலிங்கம் என்ற பிரிவுகளும் உள்ளன. அதுமட்டுமல்லாது, நான்கு பகுதிகளில் நான்குவிதமான தெய்வங்கள் அல்லது தேவியர் காணப்படும் லிங்கங்களும் உள்ளன. சதாசிவன் என்ற பஞ்சமுக லிங்கம் – 1. தத்புருஷ, 2. அகோர, 3. வாமதேவ, 4. சதயோஜத, 5. ஈஸான – என் ஐந்து முகங்களைக் கொண்டது. ஒரு சதுர்முகலிங்கத்தில் – 1. பிராஹ்மணி, 2. வைஷ்ணவி, 3. மஹேஸ்வரி 4. இந்திராணி என நான்கு தேவியர்கள் செதுக்கப்பட்டுள்ளன. ஒரு தட்சசீல லிங்கத்தில் ஒருபக்கம் மூன்றுதலைகளுடன் புத்தர் காணப்படுகிறார்! மறுபக்கத்தில் சிவன். மற்றொரு குப்தர்கால லிங்கத்திலன் நான்கு பக்கங்களில் – சிவன், விஷ்ணு, பிரம்மா மற்றும் சூரியதேவன் என்று நான்கு மூர்த்திகள் காணப்படுகின்றனர்.  இந்த முக்கியமான வேறுபாடும் ஆண்குறிவழிபாடு என்ற வாதத்தைப் பொய்யாக்குகிறது

உலகமுழுவதும் சிவன்: சிவனின் அருவுருவ வழிபாடு, லிங்க வழிபாடாக உலகம் முழுவதும் இருந்து வந்துள்ளது. ஆனால், இதனை மறைத்தும், பழித்தும் எழுதியும், பேசியும் வருவது, மேனாட்டைய ஆராய்ச்சியாளர்களின் போக்கு. லிங்க வழிபாட்டை “ஆண்குறி” வழி பாடு என்று இன்றளவிலும் அவர்கள் பேசியும்-எழுதியும் வருகின்றனர். ஆனால், உண்மையில் லிங்க வழிபாட்டிற்கும் அத்தகைய வம்சவிருத்தி வழிபாட்டிற்கும்  (fertility rites)  உள்ள வித்தியாசங்களை அவர்கள் எடுத்துக் காட்டி விவாதிப்பதில்லை. வம்சவிருத்தி வழிபாடு, சடங்குகள், பூஜாவிதானங்கள், பலி முதலிய காரியங்கள், கிரியைகள், லிங்க வழிபாட்டிலிருந்து வேறுபட்டுத் தனித்திருப்பதை காணலாம்.

லிங்க வழிபாட்டிற்கும், ஆண்குறி வழிபாட்டிற்கும் உள்ள வேறுபாடுகள்:  உலகமுழுவதும் பல இடங்களில் லட்சக்கணக்கில், ஏன் கோடிக்கணக்கில் நீள்-உருண்டை, சிலிண்டர் போன்ற குத்துக்கற்கள் வடிவங்களைப் பார்த்த மேனாட்டு ஆராய்ச்சியாளர்கள், அவை ஆண்குறிபோல தோற்றமளித்ததால், அதனை  Phallic என்றும் அத்தகைய வழிபாட்டை -phallic worship – என்றும் குறிப்பிட்டு எழுத ஆரம்பித்தனர் [38]. ஆனால், அத்தகைய வழிபாடும், சிவன் வழிபாடும் வேறு என்று இந்திய நூல்களைப் படித்த பிறகு மற்றும் லிங்கங்களைப் பார்த்தப் பிறகுத் தெரிந்து கொண்டனர். அதுமட்டுமல்லாது, யூத-கிருத்துவ-முகமதிய மதங்களில் மறைந்திருக்கும் லிங்கவழிபாட்டிற்கும் இந்திய லிங்க வழிபாட்டிற்கும் உள்ள வித்தியாசம் அத்தகைய இறையியல் தத்துவங்களில் தெளிவாக வெளிப்படுகிறது என்பதனையும் அறிந்து கொண்டனர். நன்றான விளைச்சலுக்கு எதிர்பார்த்து கொடுக்கும் தலைமகன் பலி (sacrifice of the first son), மனிதன் ஆண்டவனுக்கு கொடுத்தற்கான செய்யும் பலி, முதல் மனிதன் செய்த பாவத்திற்கான பிராயசித்தம்  (redemption from the original sin), குழந்தைக்காக பெண்கள் செய்யும் ஆராதனை-வழிபாடுகள்  (fertility rites)[39], ஆண்துணையன்றி குழந்தை பிறப்பு (immaculate conception), முதலியன அத்தகைய பாலியில் ரீதியிலான, மகப்பேறு கிடைக்க செய்யப்படும் சடங்குகள், பலிகள் கீழே வரலாம்[40]. மேனாட்டு மதங்களிடையே அதற்கான பல இலக்கிய, தொல் பொருள் ஆதாரங்கள் உள்ளன. ஆனால், மும்மூர்த்திகளின் வழிபாடும் – லிங்கம் பிரம்மா, விஷ்ணு, சிவன் என மூன்று பாகங்களாக / தத்துவங்களாக குறிப்பிடுவதால் – இணைத்திருக்கிறது.

சிற்பிகள்-சித்தாந்திகளின் வெளிப்பாடு: உலகமெலாம் இருந்த, இன்றுமுள்ள லிங்கங்களின் உருவங்கள், அமைப்புகள் அவற்றுடன் தொடர்பு படுத்திக் காட்டியுள்ளச் சின்னங்கள் முதலியவற்றை வைத்து பார்க்கும்போது, உருவங்களிலுள்ள ஒற்றுமையை, அடிப்படையிலுள்ள இணைப்பை, மக்களின் பிணைப்பை உணரலாம். மனத்தில் ஒரு உருவத்தை நினைத்தல், அதனை கருத்துருவாக்கத்துடன் சமைத்தல், கல்லில் அவ்வாறே உருவாக்கல், பிறகு மக்களால் ஏற்றுக் கொள்ளப்படுதல் என்பது முதலா அல்லது, ஒரு சித்தாந்தி ஒரு அருவத்திற்கு உருகொடுத்து, அருவுருவாக்கி, அது இப்படித்தான் இருக்கவேண்டும் என்று வரையறை செய்தபிறகு தான், சிற்பி அவ்வாறு செய்யமுடியும் என்பது முதலா எனும் தர்க்கம் ஆரம்பம்-முடிவில்லாத வாதத்தில்தான் முடியும் அல்லது தொடரும். ஆகவே உள்ள ஆதாரங்களை வைத்துப் பார்க்கும்போது குறிப்பாக எடுத்துக் காட்டப்பட்ட ஒற்றுமையை எற்றுக் கொண்டு, லிங்கவழிபாடு, இந்திய நோக்கில் இறையியல்-ரீதியாக சிவலிங்க வழிபாடாக இருந்துவந்துள்ளது. அதனுடன் சம்பந்தப்படுத்தும் அடையாளங்கள், சின்னங்கள், குறியீடுகள் அதை சிறப்பாக எடுத்துக் காட்டுகிறது. லிங்கங்கள் பல ஆயிரக்கணக்கான கிலோமீட்டர் தூரத்தில் இருந்தாலும் அவற்றை செதுக்கியவர்கள், உருவாக்கியவர்கள் மற்றும் அதற்கான அடிப்படையைத் தந்தவர்கள், அவர்களின் மனங்களில் பதிவானதற்கான மூலங்கள் இவை இந்தியாவைத்தான் காட்டுகிறது.

மக்கள் பெருக்கத்தில் வளர்ந்து, பரந்து பல இடங்களில் வாழும் நிலையில், அவ்வாறே அந்தந்த இடங்களில் உள்ளவாறு அவர்களது வெளிப்பாடுகள் வழிபாடுகளில் தகவமைத்துக் கொண்டனர். இருப்பினும் அடிப்படையிலுள்ள ஒற்றுமை, பிணைப்பு பாரம்பரிய, கலாச்சார, காலக்கிரியமாக நடந்துவரும் பூஜைகள், விழாக்கள், சடங்குகள், தீர்த்தயாத்திரைகள் முதலியனற்றின் மூலம் வெளிப்படுகின்றது.

முடிவுரை: இன்றுள்ள நிலையில், இந்திய மக்கள் தங்களது பாரம்பரியச் சின்னங்களை பாதுகாக்கவேண்டும். எடுத்துக்காட்டப்பட்ட ஆதாரங்களினின்று எப்படி, உலகம் முழுவதும், இந்திய கலாச்சாரம், பாரம்பரியம், நாகரிகம் பரவியிருந்தன என்பதை அறியலாம். ஆனால் ஆயிரக்கணக்கான வருடங்களில் அவை மறைந்து விட்டன. எஞ்சியவைதாம் அருங்காட்சியகங்களில் பார்வைக்கு உள்ளன. இந்தியாவில் உள்ளவையோ மிகவும் பாதுகாப்பற்ற நிலையில் உள்ளன. மதசார்பற்ற அரசு என்ற நிலையிலும், நாத்திகம், கம்யூனிஸம் முதலிய சிதாந்தங்கள் பேசிக்கொண்டு குறிப்பிட்டக் காரணைகளை எதிர்த்து வருகிறார்கள். எனவே அந்நிலையில், மடாதிபதிகள், பெரியவர்கள், மற்றவர்கள் நம்பபக்கையாளர்களை வழிநடத்திச் செல்லவேண்டியுள்ளது. அதற்கு இந்திய சரித்திரத்தை ஆழ்ந்து படிக்கவேண்டியுள்ளது. உள்ள ஆதாரங்களை, அத்தாட்சிகளைப் போற்றிக் காப்பாற்றவேண்டியுள்ளது. உள்சமய பிரச்சினைகளை முன்வைத்து மேலும் பிரிவினைவாதிகளுக்கு, எதிரிகளுக்குத் துணை போகாமல், நம்பிக்கையாளர்களைக் கட்டுக்குள் வைத்திருக்க மடாதிபதிகள், பெரியவர்கள், மற்ற நலம்-விரும்பிகள் பாடுபடவேண்டும். குறிப்பாக இக்கால இளைஞர்களுக்கு அதன் முக்கியத்துவத்தை உணர்த்தவேண்டும்.


[1] இந்தியர்களது சரித்திரம் ஐரோப்பிய, குறிப்பாக ஆங்கிலேயர்களால் எழுதப்பட்டுள்ளது, இப்பொழுது பல ஆண்டுகள் ஆகியும், பல்வேறு ஆதாரங்கள் கிடைத்தும், நன்றாகத் தவறு என்று அறிந்த பலவற்றை இன்றும் சரித்திரம் என்று படித்து, பட்டங்கள் பெற்று, பதவிகளில் அமர்ந்து, அந்த பழங்கதைகளையே உண்மையென்று பிடித்துக் கொண்டு வாதிட்டு வருகின்றனர்.

[2] அதாவது மற்ற படிப்புகள் போன்று புதிய ஆதாரங்கள் கிடைத்தவுடன் பழையவற்றை, குறிப்பாக தவறான, பிழையான கருதுகோள்கள், சித்தாந்தங்கள் முதலியவற்றை கழித்து, உண்மைகளை வெளியிடுவதில்லை.

[3] சரித்திரம், காலக்கணக்கீட்டியல், சரித்திர நிகழ்ச்சிகளை காலக்கிரயமாகப் பார்ப்பது, சமகாலத்தைய நிகழ்வுடன் ஒப்பிட்டு, குறிப்பிட்ட நிகழ்ச்சிகள் அவ்வாறே நிகழ்ந்திருக்குமா, நிகழ சாத்தியமா, என்றெல்லாம், தமிழ் எழுத்தாளர்கள் பார்ப்பது கிடையாது. ராஜராஜ சோழன் எப்படி கப்பல் கட்டினான், கப்பற்படையை சரியாக நடத்திக் கொண்டு தெற்காசிய நாடுகளுக்குச் சென்று போரிட்டு வென்றான், திரும்ப வந்தான் என்பதை அறிவுப்பூர்வமாக ஆராய்ச்சி செய்யாமல், இனம், மொழி, சாதி விளக்கங்கள்தாம் இன்னும் கொடுக்கப்படுகின்றன.

[4] V. G. Ramachandran, Siva Around the World, International Society for the Investigation of Ancent Civilizations, Guindy, Chennai, 1983.

இதில் சிவனைப்பற்றிய குறிப்புகள் கொடுக்கப்பட்டிருந்தாலும் – கலிஃபோர்னியாவில் சாஸ்தாமலை, அமெரிக்காவில் சிவன் கோவில் எனக்குறிப்பிட்டு – லெமூரியா, குமரிக்கண்டம் என்ற கோணத்தில் விளக்கங்கள் கொடுக்கப்பட்டுள்ளன.

[5] இதன் பின்புலம்தான் எண்ணும் எழுத்தும் சேரும் தத்துவமும், கணிதமும் உள்ளன. பூஜ்யம் ம்குதல் எண்ணிலி வரையிலான எண்கள் உருவானது, மற்றும் வட்டத்தைச் சதுரமாகவும், சதுரத்தை வட்டமாகவும் மற்றூகின்ற ரகசியங்களும் உள்ளன. மற்ற நாகரிகங்களில் அவ்வாறு இல்லை. இதுதான் முக்கியமான வேறுபாடு ஆகும்.

[6] மணிமேகலையிலேயே இத்தகைய விவரங்கள் காணப்படுகின்ரன.

[7] John Mitchell, The Earth Spirit: Its ways, Shrines and Mysteries, AVON Booka, New York, USA, 1975,  pages.39,41,  78-79, 82-84.

[8] K. V. Ramakrishna Rao, Magic, Myth and connected Practices of the Ancient Tamils, Proceedings of the Indian History Congress, 58th Bangalore Session, 1997, pp.164-165.

[9] எப்படி கிருத்துவர்களும், முகமதியர்களும் முந்தைய நாகரிகங்களின் அத்தகைய கல்-உருவங்களை, சிற்பங்களை மாற்றின அல்லது தகவமைத்துக் கொண்டன என்பதை பின்னால் விளக்கப்பட்டுள்ளது.

[10] உருவ வழிபாட்டை வைத்துக் கொண்டே மற்றவர்களின் உருவ வழிபாட்டைக் குறை கூறுவது, ஏதோ செய்யக்கூடாததைச் செய்வதாக தூஷிப்பது, அவர்களுடைய விக்கிரங்கள், கோவில்களைத் தாக்குவது, இடிப்பது, அழிப்பன போன்ற செயல்களில் ஈடுபடுவது முதலிய காரியங்கள்.

[11] K. V. Ramakrishna Rao, Stone – Work, Art, Architecture, Style and Dating in Indian Context, a paper presented  at the ICIH -2009, New Delhi,  p.78. Full paper can be accessed and downloaded from website.

[12] P. K. Acharya, Hindu Architecture in India and Aboard, LPP, New Delhi, 1998

………….…..,  An Encyclopedia of Hindu Architecture, LPP, New Delhi, Vol.VII, 2001.

[13] A. Foucher, The Beginnings of the Buddhist Art, Paris / London, 1917.

W. W. Tarn, The Greeks in Bactria and India, pp395ff.

H. Heras, The Origin of So-called Greceo-Buddhist School of Sculpture of Gandhara, JBBRAS, Vol.12, 1936, pp.77-97.

S. N. Chakravarti, The Origin of the Buddha Image, JUPHS, Vol.XVI, 1943, pp.63-75.

P. C. Jain, Putting the Ocean in a Bowl: The Origin of the Buddha Image, in Exotic India website, 2004.

J. C. Huttington, The Origin of Buddha Image: Early Image Traditions and the Concept of Buddhadatsanapunya,  in A. K. Natain, Studuies in Buddhist Art of South Asia, New Delhi, 1985.

[14] குடையிருந்தால் மஹாவீரர், இல்லாவிட்டால் புத்தர் என்ற நிலையில் இருவரது சிலைகளும் ஒத்துப் போகின்றன.

[15] “உள்கலாச்சாரமயமாகல்” என்ற திட்டத்தில் அவர்கள், கிருத்துவ மதத்தை இந்துக்களுக்குத் தர அவ்வாறு செய்கின்றனர். சர்ச்சுகளை கோவில்போல கட்டுகிறார்கள். இந்து சாமியார்=சந்நியாசிகள் போல காவி உடுத்து, பெயர்கள் வைத்துக் கொண்டு உலா வர்கிறார்கள்.

[16] K. V. Ramakrishna Rao, The Chola-Chinese Connection, A paper to be presented during the 29th session of the South Indian History Congress to be held at Tirunelveli from January 30th to February 1, 2009.

[17] Tim Turpin, Innovation, Technology Policy and Regional Development: Evidence from China and Australia, Edward Elgar Publishing, 2002, p.89.

[18] John Guy, Tamil Merchant Guilds and the Quanzhou Trade, in The Empire of the World Maritime Quanzhou, 1000-1400, edited by Angela Schottenhammer, Brill, 2001, pp.283-305.

[19] இதைத்தவிர அல்லாவின் மகள்கள் என்று மூன்று விக்கிரங்கள் அ—ல்லத், அல்-மனத், அல்-உஜ்ஜா என்றிருந்ததாகக் குறிப்பிடப்படுகின்றன. இவையெல்லாம் இந்தியாவில் உள்ளன என்றறிந்துதான் முஹம்மதுகஜினி அவற்றை ஒழிக்க படையெடுத்துவந்து வந்தான்.

[20] J. H. Rivett-Carnac, Rough Notes on the Snake Symbol in India in connection with the worship of Siva, Journal of the Asiatic Society of Bengal, Calcutta, 1879.

[21] James Fergusson, Tree and Serpent worship: Illustrations of mythology and art in India and fourth century after Christ, 1873.

[22] Hyde Clarke, Serpent and Siva worship and mythology  in Central America, Africa and Asia,  Journal of Anthropological Institute, London, 1876.

[23] J. H. Rivett-Carnac, The Snake Symbol in India, Journal of the Asiatic Society of Bengal, Calcutta,

[24] Farid Khan, The Ekamukhalinga from Wanda Shahabhel Northwest Frontier, Pakistan, South Asian Studies, Volume.p, 1993, pp.87-91.

[25] Otto Augustus Wall, Sex and Sex Worship, St. Louis, C. V. Mosby & co., 1922, USA.

[26] John Marco Allegro

[27] . As Davidson mentioned in his book God and Myths’. ‘According to Adam of Bremen the statue of Freyr in the temple at Uppsala was phallic.’

[28] J. H. Rivett-Carnac, Rough Notes on the Snake Symbol in India in connection with the worship of Siva, Journal of the Asiatic Society of Bengal, Calcutta, 1879.

[29] James Fergusson, Tree and Serpent worship: Illustrations of mythology and art in India and fourth century after Christ, 1873.

[30] C. V. Narayana Ayyar,  Origin and early history of Saivism in South India, Uversty of Madras, Madras, 1936. p.49.

[31] ரிக்வேதம்.மண்டலம்,VII.21.5

[32] A. A. MacDonnell, Vedic Mythology, p.155.

[33] Muir (Trans.), Vedic Hymns, Vl. IV, p.409.

[34] Ibid.

[35] நாராயண ஐயர் அப்பொழுது ஆர். ஜி. பண்டார்கர் தமது புத்தகத்தில் Vaisnanism, Saivism, etc., p.115, எழுதியதை விமர்சித்து எடுத்துக் காட்டியுள்ளார்.

[36] சித்தாந்த மரபு, சித்தாந்த மரபு கண்டனம், சித்தாந்த மரபு கண்டன கண்டனம், ஆதினம்,

[37] Swami Harshnanda, Hindu Gods and Goddesses, Sri Ramakrishna Ashrama, Mysore, 1982,  p.84

[38] http://www.sacred-texts.com/sex/pw/pw.htm

[39] http://www.worldhistorysite.com/humansacrifice.html

[40] Frazer, Golden Bough, Penguin, 2007.

நடராஜர் ஆலயத்தின் புராதன கட்டமைப்புகளில் மாற்றம் செய்யக்கூடாது: உச்ச நீதிமன்றம்

மார்ச் 16, 2010

நடராஜர் ஆலயத்தின் புராதன கட்டமைப்புகளில் மாற்றம் செய்யக்கூடாது: உச்ச நீதிமன்றம்

First Published : 16 Mar 2010 02:54:12 AM IST
http://www.dinamani.com/edition/story.aspx?SectionName=Tamilnadu&artid=212223&SectionID=129&MainSectionID=129&SEO=&Title=

சிதம்பரம், மார்ச் 15: சிதம்பரம் நடராஜர் கோயிலில் பழமையை சீர்குலைக்கும் வகையில் கட்டடத்தை இடிப்பது போன்ற செயல்பாடுகளில் அறநிலையத் துறையினர் ஈடுபடக்கூடாது என உச்ச நீதிமன்றம் தெரிவித்துள்ளது.

சிதம்பரம் நடராஜர் கோயில் கடந்த ஆண்டு பிப்ரவரி 2-ந் தேதி இந்து அறநிலையத் துறையினரால் கையகப்படுத்தப்பட்டு புதிய செயல் அலுவலர் நியமிக்கப்பட்டார். அதன் பின்னர் ஆலய வளாகத்தில் 9 உண்டியல்கள் வைக்கப்பட்டு ஓராண்டில் ரூ.17 லட்சம் வசூலானது. ரூ.27 லட்சத்துக்கு பிரசாதக் கடைகள் ஏலம் விடப்பட்டன. பழமையான கட்டடம் இடிக்கப்பட்டு புதிய செயல் அலுவலர் கட்டடம் கட்டும் பணி நடைபெற்று வருகிறது.

இந்நிலையில் கோயிலை இந்து அறநிலையத் துறையினர் கையகப்படுத்தியதற்கு தடை கோரி ஆலய பொது தீட்சிதர்கள் உச்ச நீதிமன்றத்தில் மேல்முறையீடு செய்தனர். மார்ச் 15-ந் தேதி நீதிபதிகள் அல்டாமஸ் கபீர், சிரியாக் ஜோசப் ஆகியோர் முன்னிலையில் இவ்வழக்கு விசாரணைக்கு வந்தது. இவ்வழக்கில் தீட்சிதர்களுக்கு ஆதரவாக சுப்பிரமணியம்சுவாமி வாதாடினார். மேலும் தீட்சிதர்கள் தரப்பில் வழக்கறிஞர்கள் வைத்தியநாத ஐயர், வெங்கட்ராம ஐயர் ஆகியோரும், சிவனடியார் ஆறுமுகசாமி தரப்பில் காலிஸ்கன்சால்வேள், பி.ஆர்.கோவிலன் பூங்குன்றம், சி.ராஜூ ஆகியோர் ஆஜரானார்கள். அரசுத் தரப்பில் அசோக்தேசாய், மரிய அற்புதம், நெடுமாறன் ஆகியோர் ஆஜரானார்கள்.

வாதங்களைக் கேட்ட நீதிபதிகள், இவ்வழக்கில் பல்வேறு விஷயங்களை ஆராய கால அவகாசம் தேவை. அதனால் இவ்வழக்கை ஆகஸ்ட் 3-ந் தேதிக்கு ஒத்தி வைப்பதாகவும், வழக்கு விசாரணை முடியும் வரை அறநிலையத் துறையினர் கோயிலின் பழமையை சீர்குலைக்கும் வகையில் கட்டடங்களை இடிப்பதோ, புதிய பணிகளை மேற்கொள்ளவதோ கூடாது. பழுதுநீக்கம் செய்யலாம். அதற்கு நீதிமன்றத்தில் அனுமதி பெறவேண்டும் என நீதிபதிகள் தெரிவித்தனர்.

திருவாவடுதுறை ஆதீனத்தின் ஆன்மீகப் புரட்சி!

மார்ச் 2, 2010

“ஆதீனங்களும் மடாதிபதிகளும் தாழ்த்தப்பட்டோரைத் தேடிச் செல்லவேண்டும்!

திருவாவடுதுறை ஆதீனத்தின் ஆன்மீகப் புரட்சி

– அ.துரைசாமி, குமுதம் ரிப்போர்ட்டர் (04-03-2010)

திருவாவடுதுறை ஆதீனம் செய்திருக்கும் ஆன்மீகப் புரட்சியைப் பார்த்து மூக்கின் மேல் விரலை வைக்கிறார்கள் மக்கள். அருந்ததியர் கிராமத்திற்குச் சென்று அவர்களோடு அமர்ந்து, அவர்களைத் தொட்டு திருநீறு பூசி அவர் ஆசீர்வதிப்பதே இதற்குக் காரணம்.

கும்பகோணத்திலிருந்து மயிலாடுதுறை செல்லும் சாலையில் அமைந்துள்ள திருவாவடுதுறை ஆதீனம், சுமார் 600 ஆண்டுகளுக்கு முன்பு அருட்திரு நமச்சிவாய மூர்த்தி ஸ்வாமிகளால் ஸ்தாபிக்கப் பட்டது. திருநெல்வேலி, கன்யாகுமரி, காஞ்சிபுரம், திருநள்ளாறு, ராமேஸ்வரம், மதுரை, திருச்செந்தூர் தவிர காசி, காளஹஸ்தி உட்பட 50 இடங்களில் இதன் கிளை மடங்கள் உள்ளன.

நெல்லையில் பிரபலமான சந்திப்பிள்ளையார், குறுக்குத்துறை முருகன் கோவில், திருவாவடுதுறை, திருநள்ளாறு, திருவிடைமருதூர் உள்ளிட்ட 35-க்கும் மேற்பட்ட இடங்களில் திருவாவடுதுறை மடத்திற்குச் சொந்தமான கோயில்கள் உள்ளன. குறிப்பாக திருநள்ளாறு, சூரியனார் கோயில், ஆதீனத்தின் கட்டுப்பாட்டில் தான் இருக்கின்றன.

திருவாவடுதுறை ஆதீனத்தின் 23-வது குருமாஹாசன்னிதானமாக கடந்த 25 ஆண்டுகளாய் பொறுப்பேற்றிருப்பவர் சீர்வளர்சீர் சிவப்பிரகாச தேசிக பரமாச்சார்ய ஸ்வாமிகள். அறுபது வயதாகும் ஸ்வாமிகளுக்குத் தமிழ் மீது அதீத ஆர்வம். மடாதிபதிகள் தங்கள் பெயருக்கு முன்னால் ‘ஸ்ரீலஸ்ரீ’ என்கிற அடைமொழியைப் போடுவது வழக்கம். ஆனால், இவர் ஆதீனமாகப் பொறுப்பேற்றுக் கொண்டவுடன் செய்த முதல் காரியமே ‘ஸ்ரீலஸ்ரீ’யைத் தமிழ் படுத்தி ‘சீர்வளர்சீர்’ என்று மாற்றிக் கொண்டதுதான். ‘காலம் காலமாக இருந்து வந்த பழக்கத்தை எப்படி மாற்றலாம்?’ என்று இதற்குப் பல இடங்களிலிருந்தும் எதிர்ப்புகள் வந்தாலும் ஆதீனம் அசைந்து கொடுக்கவில்லை. அதனைத் தொடர்ந்து ஆதீனம் செய்த இன்னொரு தடாலடி காரியம் தான் அவரைப் ‘புரட்சி ஆதீனம்’ என்று அழைக்க வைத்திருக்கிறது.

மடாதிபதிகள் பல்லக்கில் வலம் வந்து பக்தர்களுக்கு ஆசி வழங்குவது வழக்கம். ஆனால் இவர் ஆதீனமானவுடன் அந்த வழக்கத்திற்குத் தடா போட்டுவிட்டார். மனிதனை மனிதன் தூக்குவது சரியல்ல என்பது அவரது வாதம். தேவாரத்தைத் தமிழ் வேதம் என்று சொல்லும் இவர், கடந்த 15-ஆம் தேதியன்று தூத்துக்குடி மாவட்டம் தாமிரபரணிக் கரையிலுள்ள முறப்பநாடு மடத்திற்கு வந்தார். பின்னர் அங்கிருந்து புறப்பட்டு வடக்குத் தாழையூத்து கிராமத்திற்குத் திடீர் விஸிட் அடித்திருக்கிறார். அங்கு முழுக்க முழுக்க அருந்ததியர் இன மக்களே வசிக்கிறார்கள். ஆதீனம் அங்கு வந்து சேர்ந்த போது இரவு மணி 7.45. அப்போது நாமும் அங்கே இருந்தோம்.

அங்கிருந்த அருந்ததியர் இன மக்களுக்கு அவரைப்பற்றிப் பெரிதாய் எதுவும் தெரியவில்லை. ‘ஏதோ ஒரு காவி வேட்டி சாமி வருகிறார். ஊரைத் தேடி வருபவரை வரவேற்க வேண்டும். அவ்வளவு தான்’ என்கிற ரீதியிலேயே இருந்தனர். ஸ்வாமிகளும் அதைப் பற்றியெல்லாம் கவலைப் படாமலும், எந்த சங்கோஜமும் இல்லாமலும், ஊர்த்தலைவர்களிடம் பேசிவிட்டு அங்குள்ள காளியம்மன் கோவிலுக்குச் சென்றார். அங்கு அவருக்காக விசேஷ பூஜைகள் நடந்தன. நின்றபடியே பூஜையில் பங்கேற்ற ஸ்வாமிகளுக்கு அருந்ததியின பூசாரி தீபத்தைக் காட்டி மாலை அணிவித்ததோடு அவரது நெற்றியில் திருநீறும் இட்டது வேறு எங்கும் நடைபெறாத விஷயம்.

பின்னர் கோயில் முன்பாகவே ஒரு சேரில் அமர்ந்தார் ஸ்வாமிகள். அப்போது அவருடன் வந்த பாளையங்கோட்டை தமிழ் ஆசிரியர் கணபதி சுப்ரமணியன், “வந்திருப்பது மகா மகா சன்னிதானம். அவர் சுட்டு விரலசைத்தால் ஆன்மீக உலகில் பல விஷயங்கள் சுலபமாக நடக்கும்” என்று சின்னதாய் ஒரு அறிமுகம் செய்த பிறகு தான் ஊர் மக்களுக்கு அவரது சக்தி தெரியவந்துள்ளது. அதன் பிறகே ஆங்காங்கு நின்று கொண்டிருந்தவர்களும் கோயிலுக்கு வந்து அவரைச் சுற்றி ஆர்வத்துடன் அமர்ந்து கொள்ள, சுருக்கமான சமயச் சொற்பொழிவொன்றைச் செய்தார் சுவாமிகள்.

பிறகு ஊரில் உள்ள சிறுவர், சிறுமியர்களுக்கு திருக்குறள் புத்தகத்தை வழங்கிய சுவாமிகள், அதன் பின்னர் செய்த காரியம் தான் நம்மை வியப்பின் எல்லைக்கே அழைத்துச் சென்றது. பொதுவாக மடாதிபதிகள் பிறர் கையைத் தொடாமல் திருநீறு, குங்குமம் கொடுப்பது தான் வழக்கம். ஆனால் சுவாமிகளோ, பெண்களுக்கு மட்டும் விபூதியைக் கொடுத்துவிட்டு, மற்றபடி எல்லா அருந்ததியர் ஆண்களுக்கும் தனது கையாலேயே திருநீறு பூசிவிட்டார். தவிர, இருக்கையை விட்டு எழுந்து, தானே போய் ஒவ்வொருவருக்கும் திருநீறு பூசிவிட்டதைப் பார்த்து, ஊர் மக்களே நம்பமுடியாமல் திகைத்தனர். இப்படி சுமார் ஒன்றரை மணிநேரம் அருந்ததியின மக்களிடம் செலவிட்ட சுவாமிகளிடம், ஊர்மக்கள் காளியம்மன் கோவிலுக்குப் பிராகாரம் கட்டித் தருமாறு கோரிக்கை விடுத்ததைக் கேட்டு புன்சிரிப்புடன் விடை பெற்றார்.

“தாழ்த்தப்பட்ட மக்கள் வசிக்கும் கிராமத்திற்குப் போய் அவர்களுடன் அன்னியோன்யமாய்ப் பேசிக் கலந்தது ஏன்?” என முறப்பநாடு மடத்தில் தங்கியிருந்த சீர்வளர்சீர் சிவப்பிரகாச தேசிக பரமாச்சாரிய சுவாமிகளை நேரில் சந்தித்துக் கேட்டோம். நம்மையும் அவருக்கு இணையான நாற்காலியில் அமரச் சொல்லிவிட்டு, நிதானமாய் பதில் சொன்னார்.

“நான் திருவாவடுதுறையை விட்டுக் கிளம்பி எந்த ஊருக்குப் போனாலும் அங்குள்ள அனாதை ஆசிரமம் மற்றும் தாழ்த்தப்பட்டோர் கிராமங்களுக்குச் செல்வதை வழக்கமாகவே கொண்டிருக்கிறேன். பொதுவாக தாழத்தப்பட்ட மக்களுக்கு ஏதாவது பிரச்சனை என்றால் கிறுஸ்துவர்கள் முதல் ஆளாய் ஓடிவந்து, “பார்த்தீர்களா, உங்கள் பிரச்சனகளைத் தீர்க்க நாங்கள் தான் வருகிறோம். இந்து மடாதிபதிகள் வருவதில்லை, என்று கிண்டல் கேலி செய்வதோடு மதமாற்றமும் செய்கிறார்கள். மக்களும் மதமாற்றத்திற்குத் தயாராகிறார்கள். சுனாமி வந்தால் கிறுத்துவப் பாதிரியார்கள் ஓடோடிப்போய் பணம் கொடுத்து மக்களோடு தொடர்பிலிருக்கிறார்கள்.

இந்து மதத்தில் பாகுபாடே கிடையாது என்று திருஞான சம்பந்தரே கூறியிருக்கிறார். சுவாமிகள், துறவிகள், சாமானியர்கள் என்கிற பாகுபாடும் கிடையாது. ஆனால் உண்மை நிலை அப்படியா இருக்கிறது? அதனால் தான் ‘சுவாமிகள் நம்மை எல்லாம் பார்க்க மாட்டார், பேச மாட்டார், தொட மாட்டார்’ என எண்ணி ஆதீனத்தை மக்கள் விலக்கியே பார்க்கிறார்கள். அந்த எண்ணத்தை மாற்றவேண்டும். ஆதீனமும் மனிதர் தான், இறைவனின் அருளால் தான் ஆதினமாகியிருக்கிறார், என்கிற என்ணத்தை மக்களிடம் விதைக்க வேண்டும். சாமானியர்கள் பொருட்செலவு செய்து திருவாவடுதுறைக்கு வருவது சிரமமான காரியம். எனவே தான் நாமே அவர்களைத் தேடிப் போகிறோம்.

கடந்த 5, 6, 7 ஆகிய தேதிகளில் சிதம்பரத்தில் ‘உலக சைவ மாநாடு’ நடைபெற்றது. அதில் கூட ‘நம்மிடம் தீண்டாமை இருக்கிறது. அதைப் போக்கத் தாழத்தப்பட்டோரைத் தேடிப் போக வேண்டும். அப்போது தான் மதமாற்றம் நடக்காது’ என்று பேசியிருக்கிறேன். இலங்கையில் பல இந்துக் கோயில்கள் இடித்துத் தள்ளப் பட்டிருக்கின்றன. அவற்றைப் புதுப்பிக்க வேண்டும். அங்கு துன்பப்படுவோருக்கு உதவி செய்ய வேண்டும். அதுபோல குக்கிராமங்களிலுள்ள பூஜை நடைபெறாத கோயில்களில் உள்ளூர்க்காரர்களுக்கே பயிற்சி கொடுத்து பூஜை புனஸ்காரங்களைச் செய்யவேண்டும் என்கிற தீர்மானங்களும் நிறைவேற்றப் பட்டிருக்கின்றன” என்றார் அவர்.

தாழ்த்தப்பட்ட மக்களைத் தேடிச்சென்று புதிய ஆன்மீகப் புரட்சிக்கு வித்திட்டிருக்கும் திருவாவடுதுறை ஆதீனத்தை மற்றவர்களும் பின்பற்றினால் தீண்டாமை ஒழியும் என்பதில் எள்ளளவும் சந்தேகமில்லை.

சிதம்பரத்தில் 12வது உலக சைவ மாநாடு

பிப்ரவரி 7, 2010

சிதம்பரத்தில் 12வது உலக சைவ மாநாடு

12வது சிதம்பரத்தில் உலக சைவ மாநாடு: சிதம்பரத்தில் 12வது உலக சைவப் பேரவை மாநாடு வெள்ளிக் கிழமைத் துவங்கி மூன்று நாட்கள் நடக்கிறது; 13 நாடுகளில் இருந்து சைவ சான்றோர் 200 பேர் பங்கேற்கின்றனர். தமிழர்கள், சிவ நெறியில் சிறக்க வேண்டும்; சைவ சமயத்தின் தொன்மை, பெருமைகள், உலகில் உள்ள அனைவரும் உணர வேண்டும் என்பதற்காக உலக சைவப் பேரவை அமைப்பு, லண்டனில் சிவநந்தியடிகள் என்பவரால் துவக்கப்பட்டது. இந்த அமைப்பு, இரண்டு ஆண்டுக்கு ஒரு முறை உலக சைவப் பேரவை மாநாட்டை, ஒவ்வொரு நாட்டிலும் நடத்தி வருகிறது. லண்டன், சிங்கப்பூர், பிரான்ஸ், இலங்கை, தென்னாப்ரிக்கா, மொரீசியஸ், மலேசியா, ஆஸ்திரேலியா, சுவிட்சர்லாந்து உள்ளிட்ட நாடுகளில் மாநாடு நடத்தப்பட்டுள்ளது. இந்தியாவில் ஆறாவது மாநாடு, தமிழகத்தில் தஞ்சை பல்கலைக் கழகத்தில் நடத்தப்பட்டது. இரண்டாவது முறையாக, தமிழகத்தில் சிதம்பரத்தில் நடத்தப்படுகிறது. சிதம்பரம் அண்ணாமலை பல்கலைக் கழகத்தில் சாஸ்திரி அரங்கில், மாநாடு 5ம் தேதி துவங்கி 7ம் தேதி வரை நடக்கிறது. தமிழகம் மற்றும் வெளிநாடுகளில் உள்ள திருமுறை, சைவ சித்தாந்த குழுக்கள், ஆதீனங்கள், சிவநெறி சிந்தனையாளர்கள், அறிஞர்கள் என 1,500 பேர் பங்கேற்கின்றனர்; 13 நாடுகளைச் சேர்ந்த 200 பேர் பங்கேற்கின்றனர். மாநாட்டில், சைவம் பற்றிய சிறப்பு சொற்பொழிவுகள், கருத்தரங்குகள், திருமுறை இசை, கலை நிகழ்ச்சிகள் நடக்கின்றன.

5ம் தேதி மாலயில் பேரணி: சிதம்பரத்தில் 12வது உலக சைவப் பேரவை மாநாடு பிரம்மாண்ட பேரணியுடன் துவங்கியது. சிதம்பரம் அடுத்த திருநாரையூர் பொல்லாப்பிள்ளையார் கோவில் மற்றும் சிதம்பரம் நடராஜர் கோவிலில் திருமஞ்சனம் மற்றும் வழிபாடு நடந்தது. மாலை சிதம்பரம் கீழ வீதியில் இருந்து ஆதினங்கள், சிவநெறியாளர்கள், திருமுறை, சைவ சிந்தாந்த குழுக்கள், அறிஞர்கள், சிவ தொண்டர்கள், வெளி நாட்டு அறிஞர்கள் என 2000 பேர் பங்கேற்ற பிரம்மாண்ட பேரணி துவங்கியது.சிதம்பரம் மவுன சுந்தரமூர்த்தி சுவாமிகள் தலைமை தாங்கினார். சுந்தரேசம்பிள்ளை திருமுறைகள் ஓதினார். அவரை தொடர்ந்து, 63 நாயன்மார்கள் உருவச் சிலைகள் மற்றும் நாயன்மார்கள் வேடமிட்ட சிறுவர்கள் பேரணியில் பங்கேற்றனர். இசை வாத்தியங்கள் முழங்க, மேள தாளத்துடன் பேரணி நடந்தது.பேரூர் இளைய மடாதிபதி மருதாச்சல அடிகள், திருப்பனந்தாள் ஆதினம் சுந்தரமூர்த்தி தம்பிரான்,கோவை சின்னவளம்பட்டி சிரவை ஆதினம் குமருகுரு, தருமை ஆதினம் திருநாவுக்கரசு தம்பிரான், பழனி சாது சண்முக அடிகளார், திருப்பனந்தாள் முத்துக்குமாரசாமி தம்பிரான், விழா ஒருங்கிணைப்பாளர் பத்மினி கபாலிமூர்த்தி பேரணியை வழிநடத்தி சென்றனர். முக்கிய வீதிகள் வழியாக, அண்ணாமலை பல்கலை மாநாட்டு திடலை அடைந்தது. பின்னர் சாஸ்திரி அரங்கில் மாநாடு துவங்கியது.

06-02-2010 (சனி): முற்பகல் மாநாடு துவங்கி வைக்கப் பட்டது. முக்கியமான சைவப் பெரியோர்களின் திருவுருவப் படங்கள் திறந்து வைக்கப்பட்டன.

12-வது உலக சைவப் பேரவை மாநாட்​டில் பேசு​கி​றார் பழனி சாது​சண்​மு​க​அ​டி​க​ளார் ​(வலது கோடி)​.​ உடன் ​(வல​மி​ருந்து)​ பேரூர் சாந்த​லிங்க ராம​சாமி அடி​க

சிதம் ​ப​ரம்,​​ பிப்.​ 6:​ சைவ சம​யம் உல​க​ள​வில் பர​வி​ய​தற்கு முக்​கிய கார​ண​மாக உள்​ள​வர்​கள் இலங்கைத் தமி​ழர்​களே என பழனி சாது சண்​முக அடி​க​ளார் தெரி​வித்​தார்.​சி​தம்​ப​ரம் அண்​ணா​ம​லைப் பல்​க​லைக்​க​ழக சாஸ்​திரி ஹாலில் 12-வது உலக சைவப் பேரவை மாநாடு வெள்​ளிக்​கி​ழமை தொடங்​கி​யது.​ மாநாட்டு தொடக்க நிகழ்ச்​சி​யாக குன்​றக்​குடி தெய்​வ​சி​கா​மணி பொன்​னம்​பல தேசிக பர​மாச்​சா​ரிய சுவா​மி​கள் மாநாட்டு கொடி​யினை ஏற்​றி​னார்.​ நகர்​மன்​றத் தலைவி ஹெச்.பௌ​ஜி​யா​பே​கம் தேசி​யக் கொடியை ஏற்​றி​னார்.​ திரு​முறை பண்​ணிசை அமுது நிகழ்ச்​சி​யு​டன் மாநாடு தொடங்​கி​யது.​பழனி சாது சண்​முக அடி​க​ளார் வர​வேற்று பேசி​யது:​ இலங்​கை​யில் தமி​ழர்​கள் துணி​ம​ணி​கள் உள்​ளிட்ட வாழ்​வா​தா​ரங்​களை இழந்​த​னர்.​ ஆனால் அவர்​க​ளி​ட​மி​ருந்து தமிழ் மற்​றும் சம​யத்​தைப் பிரிக்க முடி​ய​வில்லை.​ அந்​த​ள​வுக்கு அவர்​கள் வாழ்க்கை முறை​யில் தமிழ் மற்​றும் சம​யத்தை கடை​பி​டித்து வாழ்ந்து வந்​த​னர் என தெரி​வித்​தார்.​லண்​டன் மெய்​கண்​டார் ஆதீ​னம் மற்​றும் உலக சைவப் பேர​வைத் தலை​வர் யோகா​னந்த அடி​கள் பேசி​யது:​​ தமி​ழர்​கள் மேலை நாடு​க​ளில் கல்வி,​​ வணி​கம்,​வேலை மற்​றும் தூது​வர்​க​ளாக சென்​றார்​கள்.​ அங்கு தான் கற்​றுக் கொண்ட கல்வி,​​ கலா​சா​ரம்,​​ மதத்​தை​யும் பின்​பற்றி வந்​த​னர்.​ முதல் முத​லாக சைவ சித்​தாந்த அமைப்பு இங்​கி​லாந்​தில் உரு​வாக்​கப்​பட்​டது.​பின்​னர் லண்​ட​னில் சிவ​நந்தி அடி​க​ளா​ரால் உலக சைவப் பேரவை தொடங்​கப்​பட்​டது.​ கொழும்பு, ​​ தென்​ஆப்​பி​ரிகா,​​ மொரி​ஷி​யஸ்,​​ மலே​சியா,​​ இந்​தியா ​(தஞ்​சா​வூர்)​,​​ ஆஸ்​தி​ரே​லியா,​​ சுவிட்​சர்​லாந்து உள்​ளிட்ட நாடு​க​ளில் உலக சைவப் பேரவை மாநா​டு​கள் நடத்​தப்​பட்​டுள்​ளது.​÷இந்​தி​யாவி​லி​ருந்து 24 வயது இளை​ஞர் ஒரு​வர் தென்​ஆப்​பி​ரி​கா​வுக்​கும்,​​ 30 வயது இளை​ஞர் ஒரு​வர் அமெ​ரிக்​கா​வுக்​கும் சென்​ற​னர்.​அங்​கி​ருந்த திரும்பி வரும்​போது ஒரு​வர் மகாத்மா காந்​தி​யா​க​வும்,​​ மற்​றொ​ரு​வர் விவே​கா​னந்​த​ராக திரும்பி வந்​த​னர்.​ அது​போன்று இலங்​கையி​லி​ருந்து 2 பேர் இங்​கி​லாந்து மற்​றும் பிரான்​சுக்கு சென்​ற​னர்.​ அவர்​க​ளில் ஒரு​வர்​தான் சிவ​நந்தி அடி​க​ளார்,​​ மற்​றொ​ரு​வர் யோகா​னந்த அடி​கள் என்​றார்.​த​ரு​ம​பு​ரம் ஆதீ​னம் சண்​முக தேசிக ஞான​சம்​பந்த பர​மாச்​சா​ரிய சுவா​மி​கள் தலைமை வகித்​துப் பேசி​யது:

எல்​லோ​ரும் ஒருங்​கி​ணைந்து ஒரே குர​லாக ஒலித்​தால்​தான் சம​யத்தை வளர்க்க முடி​யும்.​ வெறும் கூட்​டத்தை கூட்​டி​னால் மட்​டும் வளர்க்க முடி​யாது.​ அறி​ஞர்​கள் சொல்​வதை மற்​ற​வர்​கள் பின்​பற்ற வேண்​டும்.​ சைவத் தூணாக இருந்த ஆறு​முக நாவ​ல​ரின் வழியை நாம் பின்​பற்ற வேண்​டும்.​ கிறிஸ்​த​வர்​க​ளின் சூழ்ச்​சி​யில் சிக்கி பணி​யாற்​றிய அவர் அதன் பின்​னர் அதை உதறி விட்டு இந்​தியா வந்து சைவ சம​யத்தை வளர்த்​தார்.​வே ​தம்,​​ ஆக​மம்,​​ புரா​ணம் இவை மூன்​றும் முக்​கி​யம்.​ பேசு​ப​வர்​கள் ஒரு வட்​டம்,​​ அரங்​கம் அமைத்​துக் கொள்ள வேண்​டும்.​ சம​யத்​துக்கு அள​வு​கோல் கிடை​யாது.​ சம​யம் என்​பது பக்​கு​வப்​பட்ட சமை​யல் போன்​றது.​ தற்​போது கல்​வித் துறை​யில் வர​லாறு,​​ பூலோ​கம் யாரும் படிப்​ப​தில்லை.​ மருத்​து​வம்,​​ பொறி​யி​யல்,​​ கணினி ஆகி​ய​வற்​றை​தான் படிக்​கின்​ற​னர்.​ படித்​து​விட்டு வேலைக்கு போய் கண் பார்வை பறி​போய் விடு​கி​றது.​ இடுப்பு வலி வந்து விடு​கி​றது.​ பணம் சம்​பா​திப்​பதை முக்​கி​ய​மாக வைத்து படிப்​ப​தால் இத்​த​கைய இன்​னல்​க​ளில் அடை​கின்​ற​னர்.​ சம​யத்தை பற்றி எத்​தனை ஆண்​டு​கள் படித்​துள்​ளீர்​கள்.​ எனவே சம​யத்தை பற்றி நன்​றாக படிக்க வேண்​டும் என சண்​முக தேசிக ஞான​சம்​பந்​தர் தெரி​வித்​தார்.

தி​ரு​வண்​ணா​மலை துறை​யூர் ஆதீ​னம் கல்​யா​ண​சுந்​தர சிவப்​பி​ர​காச பர​மாச்​சா​ரிய சுவா​மி​கள் தொடக்​க​வு​ரை​யாற்​றி​னார்.​ நிகழ்ச்​சியை டாக்​டர் பத்​மினி கபா​லி​மூர்த்தி தொகுத்து வழங்​கி​னார்.​ மாநாட்​டில் மதுரை ஆதீ​னம் அரு​ண​கிரி ஞான​சம்​பந்​தர்,​​ இலங்கை யாழ்ப்​பா​னம் நல்​லை​யா​தீ​னம் சோம​சுந்​தர தேசிக ஞான​சம்​பந்​தர்,​​ குன்​றக்​குடி பொன்​னம்​பல தேசிக பர​மாச்​சா​ரி​யார்,​​ திருப்​ப​னந்​தாள் ஆதீ​னம் முத்​துக்​கு​மா​ர​சாமி தம்​பி​ரான்,​​ பேரூர் ஆதீ​னம் சாந்த​லிங்க ராம​சாமி அடி​க​ளார்,​​ மரு​தா​சல அடி​க​ளார்,​​ ஊரன் அடி​க​ளார்,​​ அண்​ணா​ம​லைப் பல்​க​லைக்​க​ழக பதி​வா​ளர் எம்.ரத்​தி​ன​ச​பா​பதி உள்​ளிட்​டோர் பங்​கேற்​ற​னர்.

மாநாட்டில் கலந்து கொண்டவன் என்ற முறையில் சொல்வதாவது, மடாதிபதிகள் இப்பொழுதைய நாத்திக ஆட்சியின் பிடியில் கட்டுண்டுள்ளார்கள். இங்கும் “சைவர்கள்”, “சைவம்” என்ற போர்வையில் பல புல்லுருவிகள் இருப்பது (அதாவது சித்தாந்த ரீதியில் இந்துக்களைப் பிரிக்கும் கோஷ்டிகள்) தெரிகின்றது. முதலில், இந்துக்கள் என்ற உணர்ச்சியிலாமல், மடாதிபதிகள் அல்லது அவர்களைச் சேர்ந்த அடியார்கள் பிரிந்து கிடப்பது யாருக்கும் நல்லதல்ல. மதுரையாதீனம், அன்று முகமதியரிடம் “சரண்டர்” ஆகி, இங்கோ “ரஜினிகாந்த்” ஸ்டைலில் கைகளை உயர்த்திக் காட்டி, உடலை ஆட்டி ஆட்டிப் பேசுகிறார். அத்தகைய வீரத்தை அன்று காட்டியிருக்கவேண்டும் (குமர குருபரர் டில்லி சுல்தானிடம் காட்டியது போன்று).

சில மடாதிபதிகள் நேற்று (06-02-2010) மாலை வெளிப்படையாக பேசியுள்ளது ஓரளவிற்கு மகிழ்ச்சியாக உள்ளது. முனைவர் சாமி தியாகராஜன் பேசிய மாதிரி, அத்தகைய உணர்வினைக் கொள்ளாமல், இப்பொழுதுள்ள மடங்கள் மக்களுக்கு ஒன்றும் செய்யமுடியாது. ஆறுமுக நாவலரைப் போன்றவர்கள்தாம் நமக்குத் தேவை (அடிக்கடி இலங்கைப் பிரச்சினையை இங்கு நுழைத்து குதர்க்கம் பேசும் தமிழர்களையும் சேர்த்து). சைவத்தால் தமிழில் குறுகிய எண்ணத்துடன் கட்டுண்டுக் கிடக்க முடியாது.

முனைவர் சாமி தியாகராஜன்

முனைவர் சாமி தியாகராஜன்

இன்றைய உலகமயமாக்கல் நிலையில் உலக சைவ மாநாடு நடக்கும் நிலையில், பரந்த நிலையில் இருக்கவேண்டும். அதற்கு மடங்கள் அரசின் பிணைப்புகளினின்று விடுப்பெற்றால்தான், மதம் சிறந்து செழுக்க, செழுமையாக்க, சிறக்க முடியும். வசதியுள்ள மடங்கள் பிரச்சினைகளைப் பற்றிப் பேசுவதில்லை. வசதியில்லாத மடங்களோ தங்களது பிரச்சினைகளிலேயே உழன்றுக் கஷ்டப்பட்டுக் கொண்டுள்ளனர். ஆகவே, அவர்களை குறை சொல்லவேண்டிய அவசியம் இல்லை. கோவில், கோவில் நிலம், அசையும்-அசைய சொத்துகளை அனுபவிக்கும், கொள்ளையடிக்கும் அரசியல்வாதிகளை முதலில் வெளியேற்ற வேண்டும். அப்பொழுதுதான், இந்துக்கள் தங்களது உரிமைகளை உண்மையாகப் பெற முடியும்

12வது உலக சைவ மாநாடு ஆய்வுக் கோவை

12வது உலக சைவ மாநாடு ஆய்வுக் கோவை

பிற்பகல் ஐந்து அமர்வுகளில் ஆய்வுக் கட்டுரைகள் சமர்ப்பிக்கப் பட்டன. “ஆய்வுக் கோவை” (இரண்டு தொகுதிகளில்)வெளியிடப்பட்டுள்ளது. தொகுதி -1ல் 96 கட்டுரைகள், 2ல் 208 கட்டுரைகள் உள்ளன. 70% அரைத்த மாவையே அரைத்துள்ளன. பேரூர் ஆதீனம் மிக்கச் சிரமுத்துடன் பாடுபட்டு, இந்த மாநாட்டை, மிகவும் செம்மையாக நடத்தியுள்ளார். அவர் கட்டுட்ரைகளை சரிபார்த்து, திருத்தி வெளியிட்டிருந்தால் நன்றாக இருந்திருக்கும். மேலும், அடிக்குறிப்புகள் விடுபட்டிருப்பது, சில அருமையான ஆய்விக் கட்டுரைகளின் ஆதாரங்கள் அரிய முடியாமல் போகின்றது. படங்களையும் சேர்த்திருக்கவேண்டும். ஏனெனில், அவை அத்தாட்சிகள். இன்றே பல மறைந்து விட்டன. இனி இருப்பவையும் காணாமல் போய்விட்டால் ஒன்றும் செய்யமுடியாது!

07-02-2010 (ஞாயிறு): மாநாட்டின் 3-ம் நாள் நிகழ்ச்சியை ஞாயிற்றுக்கிழமை கோவை சிரவை ஆதீனம் குமரகுருபர அடிகளார் தொடங்கி வைத்து பேசியது:​​ “சைவத்தின் பெருமைகளையும்,​​ பண்பாட்டின் பெருமைகளையும் பாதுகாக்கும் நோக்கில் சைவப் பேரவை செயல்பட்டு வருகிறது.​​ பண்பாடு,​​ கலாசாரம் மற்றும் வழிபாட்டு முறைகளை நாம் காலத்தால் அழித்து வருகிறோம்.​ அதனைப் பாதுகாக்க இளைஞர்களை சமயத்தில் ஈடுபாடு செய்திட வேண்டும்.​ இளைஞர்கள் சைவத்தின் பெருமைகளையும்,​​ தத்துவங்களையும் தெரிந்து கொள்வதற்கு வழிவகுத்து கொடுக்க வேண்டும்.​ காலம்,​​ நேரம்,​​ அறிவியல் உள்ளிட்ட அனைத்தையும் நாம் வென்றுவிட்டோம்.​ மனித மனங்களின் இடையே உள்ள வேறுபாடுகளை வெல்ல முடியவில்லை.​ நாணயத்துக்கு இருபக்கம் உள்ளது போல் மனித வாழ்க்கையில் ஆன்மிகமும்,​​ உலகியலும் இருபக்கமும் இணைந்து செயல்பட வேண்டும்.​ அதனை இளைஞர்களுக்கு கொண்டு செல்ல வேண்டும் என்றார்”.

12-வது உலக சைவப் பேரவை மாநாட்டு நிறைவு விழாவில் தொடக்கவுரையாற்றுகிறார் பேரூர் ஆதீனம் சாந்தலிங்க ராமசாமி அடிகளார் ​(இடமிருந்து 4வது).(இடமிருந்து)​ யாழ்ப்பாணம் நல்லை ஆதீனம் சோமசுந்தரதேசிக ஞானசம்பந்தர்,சிரவை ஆதீனம் குமரகுருபரஅடிகளார்,​​ திருப்பனந்தாள் காசிவாசி முத்துக்குமாரசாமி தம்பிரான்,​​ திருவாவடுதுறை ஆதீனம் சிவப்பிரகாசதேசிக பரமாச்சாரிய சுவாமிகள்,​​ குன்றக்குடி பொன்னம்பல அடிகளார்,​​ தூத்துக்குடி செங்கோல் ஆதீனம் கல்யாணசுந்தர சத்தியஞான தேசிகர்,​​ பழனி சாது சண்முகஅடிகளார்,​​ லண்டன் மெய்கண்டார் ஆதீனம் யோகானந்த அடிகளார்.

மதமாற்றம் ஏன்? தூத்துக்குடி செங்கோல் ஆதீனம் கல்யாணசுந்தர சத்தியஞான தேசிக பரமாச்சாரிய சுவாமிகள் தலைமை வகித்துப் பேசியது:​ “84 வகையான பிறப்புகளில் மனித பிறப்பு மேன்மையானது.​ ஆனால் மனிதன் மட்டும்தான் அனைத்து கெட்ட நோக்கிலும் செயல்படுகிறான்.​ அதனை நெறிப்படுத்ததான் இந்த மாநாடு.​ மற்ற ஜீவன்களுக்கு சமயம் கிடையாது.​ நமக்கு சமயம் உண்டு.​ மனிதனை நெறிப்படுத்ததான் சமயம் உருவாக்கப்பட்டது.​ பிற ஜீவன்கள் விதிக்கப்பட்ட முறைப்படி வாழ்கின்றன.​ மனிதன் அப்படி அல்ல.​ மனிதனை அறநெறிப்படுத்த மதங்களால் மட்டுமே முடியும்.​ அதுவும் குறிப்பாக சைவ சமயத்தால்தான் முடியும்.​ அறநெறி,​​ ஆன்மிகம்,​​ திருபேறு ​(மோட்சம்)​ ஆகிய மூன்றையும் தரவல்லது சைவ சமயமாகும்.​ இந்தியாவில் பெரியளவில் மதமாற்றங்கள் ஏற்பட்டு வருகிறது.​ அதற்கு இந்து சமயம் குறித்து பிரசாரங்கள் இல்லாததே காரணம்.​ தற்போதைய பிரசாரம் மக்களை சென்றடையவில்லை.​ மதமாற்றம் சூழ்நிலைகளால் ஏற்படுகிறது.​ அந்த சூழ்நிலைகளை கண்டறிந்து அதனை முறைப்படுத்த ஆதீனங்கள் பணிகளை மேற்கொள்ள வேண்டும் என்றார் கல்யாணசுந்தர சத்தியஞான தேசிகர் தெரிவித்தார்“.

உலக-சைவ-மாநாடு-சிதம்பரம்

உலக-சைவ-மாநாடு-சிதம்பரம்

டாக்டர் பத்மினி கபாலிமூர்த்தி வரவேற்றுப் பேசினார்.​ சென்னை பல்கலைக்கழக கோபாலகிருஷ்ணன்,​​ லண்டனைச் சேர்ந்த முனைவர் கணேசலிங்கம்,​​ திருவாவடுதுறை ஆதீனப்புலவர் குறிஞ்சிதபாதம்,​​ முனைவர் கா.அரங்கசாமி,​​ தென்காசி கணபதிராமன் உள்ளிட்டோர் வாழ்த்துரை வழங்கினர்.​ இசைத்தமிழ் என்ற ஆங்கில மொழிபெயர்ப்பு நூலை அண்ணாமலைப் பல்கலைக்கழகப் பதிவாளர் எம்.ரத்தினசபாபதி வெளியிட்டார்.​ முதல்பிரதியை சுந்தரமூர்த்தி தம்பிரான் பெற்றுக் கொண்டார்.