Archive for the ‘அழகான குடும்பம்’ Category

ஒற்றுமையின் அடையாளமாக விளங்கும் தாலி : தமிழரை மணந்த செர்பிய பெண் பெருமிதம்!

ஏப்ரல் 10, 2010
ஒற்றுமையின் அடையாளமாக விளங்கும் தாலி : தமிழரை மணந்த செர்பிய பெண் பெருமிதம்
ஏப்ரல் 10,2010,00:13  IST

http://www.dinamalar.com/humantrustdetail.asp?news_id=247

Human Intrest detail news

ராமநாதபுரம் : ஒற்றுமையின் அடையாளமாக விளங்கும், ‘தாலி’ கட்டும் முறைக்காக தமிழரை மணப்பதாக, ‘செர்பிய’ நாட்டு பெண் தெரிவித்துள்ளார். தஞ்சை மாவட்டம், மன்னார்குடி, மேல நத்தத்தை சேர்ந்தவர் குணசேகரன் மகன் பிரபாகரன் (24). கேட்டரிங் டெக்னாலஜி முடித்த இவர், கோவா ஓட்டல் ஒன்றில் பணியாற்றி வந்தார். லண்டனில் எம்.பி.ஏ., படிக்கும் வாய்ப்பு கிடைத்தது. லண்டன் சென்ற அவருக்கு, வகுப்பு தோழியாக ‘செர்பிய’ நாட்டை சேர்ந்த மெரியா அர்ஜினா (22) என்பவர் அறிமுகமானார். இவர்களது நட்பு காதலாக மலர்ந்தது. சந்திக்கும் போதெல்லாம், தமிழகத்தின் திருமண முறை பற்றியும், சடங்குகள் குறித்தும், மெரியா அர்ஜினாவுக்கு பிரபாகரன் விளக்கியுள்ளார். இதை கேட்டு வியப்படைந்த அர்ஜினா, தங்கள் திருமணமும் இந்து முறைப்படி நடக்க வேண்டும் என, விருப்பம் தெரிவித்தார். இதன்படி, பிரபாகரன் 20 நாட்கள் விடுமுறையில், அவரை அழைத்து கொண்டு தமிழகம் வந்தார். பெற்றோரிடம் தனது திருமணம் குறித்து தெரிவித்தார்.

மூத்த சகோதரருக்கு திருமண ஏற்பாடு செய்யப்பட்டிருந்ததால், இவர்களது திருமணத்தை ஏற்க மறுத்தனர். ’20 நாட்களுக்கு மட்டுமே விசா இருப்பதால், மற்றொரு முறை வர வாய்ப்பில்லை’ என, பிரபாகரன் மன்றாடினார்.வேறு இடம் சென்று திருமணம் செய்து கொள்ளுமாறு, பெற்றோர் தெரிவித்தனர். கோவாவில் பழகிய, ராமநாதபுரத்தை சேர்ந்த சரவணன் என்பவரை தொடர்பு கொண்டு விவரங்களை கூறினார். அவரது ஏற்பாட்டில், ராமநாதபுரம் வழிவிடுமுருகன் கோவிலில் நேற்று இருவருக்கும் இந்து முறைப்படி திருமணம் நடந்தது. நண்பர்கள் மட்டும் பங்கேற்றனர். மணப்பெண் மெரியா அர்ஜினா கூறுகையில், ”தாலி என்பது கயிறாக இருந்தாலும், அதை கழுத்தில் போட்ட பிறகு, அந்த கணவரை நினைத்து கடைசி வரை வாழும் முறை, என்னை மிகவும் கவர்ந்தது. ஒற்றுமையின் அடையாளம் சொல்லும் தாலியை கட்டி தான், எனது திருமணம் நடக்க வேண்டும் என்பதற்காக தமிழகம் வந்தோம். இந்த நிமிடத்தை என்னால் மறக்க முடியாது,” என்றார். மொபைல் போனில் தொடர்பு கொண்ட பிரபாகரனின் பெற்றோர், மணமக்களை வாழ்த்தினர்.

Advertisements

150 ஆண்டுகளாக கூட்டுக் குடும்பத்திற்கு முன்னுதாரமாக விளங்கும் குடும்பம்

ஜனவரி 2, 2010
150 ஆண்டுகளாக கூட்டுக் குடும்பத்திற்கு முன்னுதாரமாக விளங்கும் குடும்பம்
ஜனவரி 01,2010,23:56  IST
http://www.dinamalar.com/humantrustdetail.asp?news_id=141

இன்று படித்த செய்திகளில் மனதுக்கு ஆறுதலாகவும், நிம்மதியகவும், சந்தோஷமாகவும் இருந்தது இதுதான்!

அக்குடும்பத்தாரின் பெரியவர்கள் வாழ்க பல்லாண்டு!

அவர் வழி வந்தவர்களும் அவர்கள் மூதாதையர் போலவே, ஆலமரத்தை வளர்க்க இறைவனிடம் அனைவரும் பிரார்த்திப்போமாக!

* ஒருவருக்கொருவர் அன்பை பரிமாறிக் கொள்கிறோம்;

* குடும்பத்தின் சுக, துக்கங்களில் பங்கேற்கிறோம்.

* இதனால், உறவுகளில் விரிசல் ஏற்படாமல், ஆலமரத்தின் விழுதுகள் போல் உள்ளோம்.

உண்மையில் இதைத்தான் ரத்தினங்களால் இழைத்து பட்டயத்தில் பதிக்கவேண்டும்!

ஆனால், எதையெதையோ பதிக்கவேண்டும் என்று ஒரு பெருசு கூறுகிறது!

Human Intrest detail newsஅழகர்கோவில் : தனிக்குடித்தன மோகம் அதிகரித்துள்ள தற்போதைய சூழலில், 150 ஆண்டுகளாக ஏழு தலைமுறைகளாய், ஒன்றாக சேர்ந்து பிரார்த்தித்து கூட்டுக் குடும்பத்தின் அவசியத்தை மற்றவர்களுக்கு உணர்த்துகின்றனர், திருநெல்வேலியைச் சேர்ந்த விசுவாசம் குடும்பத்தினர்.

மதுரை மாவட்டம் அழகர்கோவில் மலைப்பகுதிக்கு, 1860ம் ஆண்டு, வனத் துறை அதிகாரியாக, விசுவாசம் என்பவர், குடும்பத்துடன் வந்தார். இவருக்கு இயேசுதாஸ், துரைராஜ், மேரியம்மாள், செல்லையா, ரெத்தினவதி, தாயம்மாள், பொன்னையா என, ஏழு குழந்தைகள். வெவ்வேறு தொழில்கள் செய்து வந்தாலும், அனைவரும் ஒரே குடும்பமாக வாழ்ந்தனர். இவர்கள் குழந்தைகள், தற்போது பல்வேறு நாடுகளில் பணியில் உள்ளனர். ஒவ்வொரு ஆண்டும் டிச., 30ம் தேதி, அனைவரும், அழகர்கோவில், பொய்கைக்கரைப் பட்டியில் உள்ள ஜெபத்தோட்டத்தில் ஒன்று கூடி, அன்று முழுவதும் கூட்டுப் பிரார்த்தனை செய்கின்றனர். இதற்காக, முதல்நாளே, ஒரே வீட்டில் ஐக்கியமாகி விடுகின்றனர். தற்போது, இந்த குடும்பத்தில், 150 பேர் உள்ளனர்.

இதுகுறித்து, மூத்த குடும்பத் தலைவி பத்மாவில்சன் கூறியதாவது: இறைவன் நமக்கு கொடுத்த பொக்கிஷம் உறவுகள்; அதை நாம் பாதுகாக்க வேண்டும். ஏழு தலைமுறையாக, உறவுகளை பாதுகாத்து வருகிறோம். பேரன், பேத்திகள் சிலர், வெளிநாடுகளில் வேலை பார்க்கின்றனர். அனைவரும் ஒன்று சேரும் இந்த நாளில், ஒருவருக்கொருவர் அன்பை பரிமாறிக் கொள்கிறோம்; குடும்பத்தின் சுக, துக்கங்களில் பங்கேற்கிறோம். இதனால், உறவுகளில் விரிசல் ஏற்படாமல், ஆலமரத்தின் விழுதுகள் போல் உள்ளோம். இவ்வாறு பத்மா வில்சன் கூறினார்.

நூற்றாண்டு கண்ட தாத்தாவிற்குவிழா கொண்டாடிய பேரன்கள்
ஜனவரி 04,2010,00:00  IST

http://www.dinamalar.com/General_detail.asp?news_id=20497

General India news in detailசெஞ்சி:செஞ்சி அருகே 100 வயதை நிறைவு செய்த தாத்தாவுக்கு, பேரக்குழந்தைகள் விழா கொண்டாடினர்.விழுப்புரம் மாவட்டம் செஞ்சி தாலுகா, அவியூரை சேர்ந்தவர் முனுசாமி. இவர், 1910ம் ஆண்டு ஜனவரி 2ம் தேதி பிறந்தார். நேற்று முன்தினம் தனது 100 வயதை நிறைவு செய்தார்.முனுசாமியின் மனைவி கண்ணம்மாள், கடந்த இரண்டு ஆண்டுக்கு முன் இறந்து விட்டார். கணபதி (65), ராமகிருஷ்ணன் (59) என்ற மகன்கள் உள்ளனர். பரசுராமன் என்ற மகனும், லட்சுமி என்ற மகளும் இறந்து விட்டனர். சீனுவாசன் (98) என்ற தம்பியும், ஜானகி (93) என்ற தங்கையும் உள்ளனர்.

முனுசாமிக்கு எட்டு பேரன்கள், ஆறு பேத்திகள், 11 கொள்ளுப்பேரன்கள், 10 கொள்ளு பேத்திகள் உள்ளனர். மேலும் தம்பி மகன், மகள் வழியிலும் 15க்கும் மேற்பட்ட பேரன், பேத்திகள் உள்ளனர்.சென்னை உட்பட பல ஊர்களில் உள்ள பேரப்பிள்ளைகளும், கொள்ளு பேரக் குழந்தைகளும் சேர்ந்து முனுசாமிக்கு நேற்று நூற்றாண்டு நிறைவு விழா நடத்தினர். உறவினர்கள் அனைவருக்கும் அழைப்பு அனுப்பியதுடன், போஸ்டர் அடித்து ஊர் முழுவதும் ஒட்டினர். காலையும், மதியமும் விருந்துக்கு ஏற்பாடு செய்திருந்தனர். உறவினர்கள் அனைவரும் முனுசாமியின் காலில் விழுந்து ஆசி பெற்றனர்.

திண்ணைப்பள்ளியில் எட்டாம் வகுப்பு வரை படித்த முனுசாமி, அவியூர் ஊராட்சித் தலைவராக ஐந்து ஆண்டுகள் பதவி வகித்தார். வெற்றிலை பாக்கு போடும் பழக்கம் கூட இல்லாதவர். இளம் வயது முதல், அனைத்து இடங்களுக்கும் நடந்து செல்லும் பழக்கம் உடையர். இவருக்கு சமீபத்தில் நடத்திய மருத்துவ பரிசோதனையில் சர்க்கரை, ரத்த அழுத்தம் உள்ளிட்ட எந்த நோய்களும் இல்லை என்பது உறுதியாகியுள்ளது.நேற்று நடந்த விழாவில், முன்னாள் மத்திய அமைச்சர் செஞ்சி ராமச்சந்திரன், ம.தி.மு.க., மாவட்ட பொறுப்பு குழுத் தலைவர் மணி உள்ளிட்டவர்கள் சால்வை அணிவித்து, வாழ்த்து பெற்றனர்.நூறு வயதை கடந்த பின்னரும் கண்ணாடி அணியாமல் பேப்பர் படிப்பதும், மற்றவர்கள் துணை இல்லாமல் நடந்து செல்வதும் முனுசாமியின் நல்ல பழங்கங்களுக்கு கிடைத்த பரிசாக கிராம மக்கள் பாராட்டினர்.