பதிவர் தொகுப்புகள்

பன்னாட்டு பல்துறை மாநாடு – வரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடு –சைவம் “தமிழர் சமயம்” ஆகி, சித்தாந்தம் நீர்த்தது! [7]

ஓகஸ்ட் 22, 2019

பன்னாட்டு பல்துறை மாநாடுவரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடுசைவம் தமிழர் சமயம்” ஆகி, சித்தாந்தம் நீர்த்தது!  [7]

Saiva Siddhanta Conference 2019-Dinathanti 17-08-2019

நீதிபதி பேசியது, சான்றிதழ்கள் கொடுக்கப் பட்டது, மாநாடு முடிந்தது: மாண்புமிகு திரு. நீதிபதி எம். கோவிந்தராஜ் ஜனாதிபதி உரையாற்றுவார் என்றிருந்த்ச்து, ஆனால், அவர் பேசவில்லை. மாண்புமிகு திரு. நீதிபதி கே. கல்யாணசுந்தரம் வாழ்த்துரை வழங்குவார் என்று போடப்பட்டிருந்தது, ஆனால், அவர் அவ்வாறு செய்யவில்லை. மாண்புமிகு திரு. நீதிபதி ஆர். மகாதேவன் மட்டும் சைவ சித்தாந்தத்தைப் பற்றி சுருக்கமாக பேசி முடித்தார். “சமத்துவ சிந்தனையோடு கூடிய சித்தாந்த தத்துவமே  சைவ சித்தாந்தம். சைவ சித்தாந்தத்தின் இறைத்தன்மையில் உண்மையான முழுமையான முக்தி கிடைக்கும். சமூக சிந்தனையோடு சமுதாய வளர்ச்சியிலும் சைவ சித்தாந்தம் செயல்பட்டு தனித்தன்மை வாய்ந்ததாக உள்ளது,” என்றார். பிறகு, சான்றிதழ்கள் நீதிபதிகளால் விநியோகிக்கப்பட்டன. சிறிது நெரம் கழித்து, அவர்கள் சென்றுவிட்டார்கள், அதனால், இரண்டு மடாதிபதிகளால் அனைவருக்கும் விநியோகிக்கப்பட்டன.

Saravanan - Deivawayagam, what works behind

தமிழர் சமயம்வாதம் போலித்தனமானது: மு. தெய்வநாயகம், சைவ சித்தாந்தத்தை திரிபுவாதத்திற்கு உட்படுத்தியது, சைவ ஆராய்ச்சியாளர்களுக்கு தெரிந்திருக்கும். அந்த திருபுவாதத்தை மறுத்து, அருணை வடிவேலு முதலியாரின் மறுப்பு புத்தகம் வெளியிடப் பட்டது. கத்தோலிக்கர் ஆதரவுடன், “தமிழர் சமயம்” என்ற மாநாட்டை கத்தோலிக்க பிஷப்புகளில் டையோசிஸ் வளாகத்தில் 15-08-2007 முதல் 19-08-2007 வரை நடத்தியது சரவணனுக்கு தெரிந்திருக்கும். இதைப் பற்றிய என்னுடைய விவரமான கட்டுரையை இங்கே படிக்கலாம்[1]. அதன் விளைவுகளைப் பற்றிய கட்டுரையை இங்கே படிக்கலாம்[2]. இதில் வேடிக்கை அல்லது பொருந்திய விசயம் என்னவென்றால், அடுத்த கட்டுரையே, “கிருத்துவர்கள் செஞ்சியைத் தாக்கும் மர்மம் என்ன?” என்பது தான்[3].  அதில்தான், மைலம் மடாதிபதி, கோவில் நிலத்தை, கிருத்துவர்களுக்கு விற்ற பிரச்சினை வருகிறது. “சிவாக்கியா பாலய சுவாமி” யார் என்று கவனிக்க வேண்டியுள்ளது. 1971 மற்றும் 2018 தீர்ப்புகளில் அவரது பெயர் இருக்கிறது[4]. நீதிமன்ற ஆவணங்கள் படி சரி பார்த்தால், அவரும், இவரும் ஒருவரே என்று தெரிகிறது[5]. 2018 தீர்ப்பை மாண்புமிகு திரு. நீதிபதி ஆர். மகாதேவன் தான் கொடுத்துள்ளார். மாநாட்டிற்கு, முந்தைய விழாக்களுக்கு வந்துள்ளார். இதெல்லாம் தற்செயலாக நிகழ்ந்தனவா, தெய்வம் தீர்மானித்து, நடத்தி வைத்த நிகழ்வுகளா என்று தெரியவில்லை.

Saravanan-approach towards Tirukkural

திருக்குறள், சைவ சித்தாந்தம், வேதங்கள்: சரவணன் அன்ட் கம்பெனி, இப்பிரச்சினையையும் எடுத்துள்ளது, மேலும் கேள்விகளை எழுப்புகின்றன. மு.தெய்வநாயகம், தூஷித்த போது, கோழைகளாக பதுங்கியிருந்த இக்கூட்டம், இப்பொழுது, திடீரென்று ஓலமிடுவது ஏன் என்று தெரியவில்லை. குறளா-குரானா என்றெல்லாம் அச்ங்கப் படுத்தியபோதும், இவர்களுக்கு சூடு-சொரணை எதுவும் இல்லாமல் இருந்தது போலும். ஆனால், இப்பொழுது, வரிந் து கட்டிக் கொண்டு வந்துள்ளது, இவர்கள் உண்மையிலேயே, யாருக்கு ஆதரவாக செயல்படுகின்றனர், என்ற கேள்வி எழுகின்றது. ஒரு பக்கம், சைவம் இந்து அல்ல என்பது; சித்தாடந்தம் தனி வழி என்பது; பிரிவினைவாதிகளுடன் கூட்டு வைத்துக் கொள்வது; பிறகு, குறளுக்கும் வேதங்களுக்கும் தொடர்பு என்றால் குதிப்பது…இவையெல்லாம் ஏன், எப்படி, எவ்வாறு, எதற்காக? சரவணன் அன்ட் கம்பெனி நேரிடையாக பதில் சொல்ல முடியுமா? அருணை வடிவேலு முதலியார் புத்தகம் இருட்டடிக்கும் ரகசியம் இதுதானா?

Saravanan, deceit Saivite or true devotee

எஸ். சரவணனின் நிலைப்பாடு என்ன?: ஆர்.எஸ்.எஸ் மற்றும் இந்து அமைப்புகள் பெயர்களை சொல்லி, விளம்பரம் தேடுவதும் தெரிகிறது. ஏனெனில், அவர்கள் சைவர்களுக்கு விரோதமானவர் அல்ல. இம்மாநாட்டில் பேசிதைப் போல, ஏசு சித்தர், என்௷றெல்லாம் உளர மாட்டார்கள். எனவே இளங்கோ மற்றும் சரவணன் இதை ஞாபகத்தில் வைத்துக் கொள்ள வேண்டும். விபூதி பூசிக் கொண்டு, ருத்ராக்ஷம் கட்டி, சிவன் கோவில்களில் தத்துவம் பேசி, மக்களை ஏமாற்றிக் கொண்டே இருக்க முடியாது.  சரவணனின் பேச்செல்லாம் சைவத்திற்கு எதிராக உள்ளவை தான். 200-300 பேரை வேண்டுமானால், அவர் ஏமாற்றி காலத்தை ஓட்டலாம். ஆனால், முடிவில் உண்மை தெரியத்தான் போகிறது. ஆர்.எஸ்.எஸ், இந்துத்துவ அமைப்புகள் இவற்றையெல்லாம் ஒதுக்கி, பாரம்பரிய சைவனாக, சைவ சித்தாந்தியாக இருந்து பார்த்தாலே, இவர் மற்றும் இவருக்கு பின்னால் இருக்கும் கூட்டம், மாபெரும் சைவ தூஷணத்தை செய்து வருகிறது என்பதை அறிந்து கொள்வர். யாழ்பாணம் ஆறுமுக நாவலர் போன்றோர் இருந்திருந்தால், வள்ளலாரை கேள்வி கேட்டது போல கேட்டிருப்பார். ஒருவேளை தெய்வநாயகம் படுத்து விட்டதால், இவர் எழுந்து, அந்த வேளையை செய்கிறார் போலும். நிச்சயமாக, சிவபெருமான் சும்மா விட மாட்டார்.

Saravanan-confronting RSS for publicity

முடிவுரைமாநாட்டைப் பற்றிய கருத்துகள்: பால்வரை தெய்வம் நல்வினை தீயவினைகளை வகுக்குந் தெய்வமா, பிரிக்கும் கடவுளா, நம்பிக்கையாளர்களைக் குழப்பும் இறைவனா? திரு. அருணைவடிவேலு முதலியார் எழுதிய மறுப்பு நூலை மறைக்க, தருமபுர ஆதீனம் வெளியிட்டதை, “சைவ சித்தாந்த பெருமன்றமே” சதி செய்கின்றது! இப்பொழுதெல்லாம் நிறைய பேர் நான் விவேகானந்த கல்லூரியில் படித்தவன் என்று வேறு மாதிரியாக பேசுவது, சித்தாந்தம் சொல்லி அலைவது என்று ஆரம்பித்துள்ளனர்.  திராவிட கழக கருணானந்தம் விவேகானந்த கல்லூரியில் படித்தவராம், என்ன பிரயோஜனம்? நல்லூர் சரவணன் பனாரஸ் இந்து பல்கலைக்கழகத்தில் படித்தவராம்! இந்த இளங்கோவும் விவேகானந்த கல்லூரியில் பாடம் சொல்லிக் கொடுக்கிறாராம்! இந்தியா நாடல்ல, ஒன்றியம்……..370 எடுத்தது, லடாக்கை உருவாக்கியது…. தவறு என்றெல்லாம் பேசிய விவேகானந்த கல்லூரி ஆசிரியர் – கணபதி இளங்கோ! இதெல்லாம் கூட சைவ சித்தாந்தத்தில் வரும் போல!

Saravanan-ignoring Deivanagam and mudaliar

சைவ சித்தாந்தப் பெருமன்றம், எண்.7, முதல் மாடி, வேங்கடேச அக்கிரகாரம் சாலை மயிலாப்பூர், சென்னை – 600 004 – இத்தகைய போலி சித்தாந்திகளிடமிருந்து மீட்கப் படவேண்டும்! சாது சண்முக அடிகள், சிவஞான பாலாய சுவாமிகள், சரவணனுக்கு ஆதரவு கொடுப்பதால் அம்மடங்களும் இந்து அல்ல என்று அறிவிக்குமா? சைவம் இந்து அல்ல என்று பழனியில் தீர்மானம் போட்டார்களாமே, எஸ். சரவணன் சொல்கிறார்! இந்துத்துவ வாதிகள், ஒன்றும் சொல்ல காணோமே? சிவனே இல்லாத சைவ சித்தாந்தத்தை வைத்துக் கொண்டு, தமிழர் சமயம் என்றால், “இந்துக்கள்” என்ற சான்றிதழ்களை கிழித்துப் போடலாம்! இங்கு – பேஸ் புக்கில், உங்களது வீராப்பு காட்டிக் கொண்டிருந்தால், ஒன்றும் பிரயோஜனம் இல்லை, சென்னை பல்கலைக்கழகத்தில் நடந்து கொண்டிருக்கும் சைவம், மற்றும் சைவ சித்தாந்த மாநாட்டில் வந்து காட்ட வேண்டும்.

© வேதபிரகாஷ்

21-08-2019

Saravanan-opposing Nagasamy

[1]  வேதபிரகாஷ், தமிழர் சமயம்: கிருத்துவர்கள் நடத்திய மாநாடு, 2008, மே.18, 2010, https://christianityindia.wordpress.com/2010/05/18/religion-of-tamils-conference-conducted-to-subvert-hindu-religion/

[2] வேதபிரகாஷ், தமிழர் சமயம் – 2: அதன் பிரச்சினைகளும, விளைவுகளும், மே.18,2010,https://christianityindia.wordpress.com/2010/05/18/%E0%AE%A4%E0%AE%AE%E0%AE%BF%E0%AE%B4%E0%AE%B0%E0%AF%8D-%E0%AE%9A%E0%AE%AE%E0%AE%AF%E0%AE%AE%E0%AF%8D-2-%E0%AE%85%E0%AE%A4%E0%AE%A9%E0%AF%8D-%E0%AE%AA%E0%AE%BF%E0%AE%B0%E0%AE%9A%E0%AF%8D%E0%AE%9A/

[3] வேதபிரகாஷ், கிருத்துவர்கள் செஞ்சியைத் தாக்கும் மர்மம் என்ன?, என்பது தான், 19-05-2010.

https://christianityindia.wordpress.com/2010/05/19/%E0%AE%95%E0%AE%BF%E0%AE%B0%E0%AF%81%E0%AE%A4%E0%AF%8D%E0%AE%A4%E0%AF%81%E0%AE%B5%E0%AE%B0%E0%AF%8D%E0%AE%95%E0%AE%B3%E0%AF%8D-%E0%AE%9A%E0%AF%86%E0%AE%9E%E0%AF%8D%E0%AE%9A%E0%AE%BF%E0%AE%AF%E0%AF%88/

[4] Madras High Court, Srila Sri Sivagnana Balaya … vs The State Of Tamil Nadu By The … on 9 March, 1971

Equivalent citations: (1972) 2 MLJ 605, Author: K Palaniswamy, ORDER K.S. Palaniswamy, J.

[5] Madras High Court, Sri Math Sivagnana Balaya … vs The State Of Tamil Nadu on 14 September, 2018; IN THE HIGH COURT OF JUDICATURE AT MADRAS DATED : 14.09.2018, CORAM, THE HONOURABLE MR. JUSTICE R.MAHADEVAN, W.P.No.23948 of 2018
Sri Math Sivagnana Balaya Swamigal , Thirumadam Thirukailaya Parambarai , Mailam Pommapura Aathenam Mailam,, Tindivanam Taluk, Villupuram District. .. Petitioner Vs

1. The State of Tamil Nadu,

rep. by Principal Revenue Secretary,

St. George Fort, Chennai.

 

2.The District Collector,

Kancheepuram District,

Kancheepuram.

 

3.The Assistant Settlement Officer (North),

The Commissioner of Survey and

Settlement Office, Survey Illam,

3rd Floor, Chepauk, Chennai-5.

 

4.The District Revenue Officer,

Kancheepuram District,

Kancheepuram.

 

5.The Tahsildar,

Chengalpattu Taluk,

Kancheepuram District.

 

6.The Tahsildar,

Thirukazhukundram Taluk,

Kancheepuram District. .. Respondents

 

Advertisements

பன்னாட்டு பல்துறை மாநாடு – வரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடு – சித்தாந்த ஆய்வுக்கட்டுரைகள் வாசிப்பும், “சித்தாந்தத்திற்கு” எதிரான வாத-விவாதங்களும், கண்டன-கண்டனங்கள்  [7]

ஓகஸ்ட் 22, 2019

பன்னாட்டு பல்துறை மாநாடுவரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடுசித்தாந்த ஆய்வுக்கட்டுரைகள் வாசிப்பும், “சித்தாந்தத்திற்குஎதிரான வாதவிவாதங்களும், கண்டன-கண்டனங்கள்  [7]

Lemuria, Revathy etc part of the Manram

13-08-2019 – நான்காவது நாள் –  முதல் அமர்வுசெவ்வாய் கிழமை: முதல் அமர்வில் ஒன்பது கட்டுரைகள் வாசிக்கப் பட்டன:

  1. லெமூரியா[1] – மா. ரங்கநாதன் கதையின் மீது ஆதாரமாக, அரைமணி நேரம் கதையை வாசித்தார். மாநாடு தலைப்பு மற்றும் பொருளுக்கும், இதற்கும் எந்த சம்பந்தம் என்று தெரியவில்லை.
  2. அடுத்து பேசிய பெண்மணி, தனக்கு சைவசித்தாந்தம் என்றாலே என்னவென்று தெரியாது, சைவம் என்றால், மாமிச உணவு புசிக்கக் கூடாது என்றெல்லாம் நினத்தாராம். பிறகு பசி, பட்டினி என்றெல்லாம் பேசினார்.
  3. அருளம்பாள், சைவ இலக்கியத்தின் தொன்மை பற்றி படித்தார்.
  4. கே. பி. ரவி, சைவ சித்தாந்தத்தில் மனிதம் என்று வாசித்தார்.
  5. எஸ். விக்னேஸ், ஈஸ்வர மூர்த்தி முத்துப்பிள்ளை என்பவ்ரைப் பற்றி வாசித்தார்.
  6. பாலகுரு, சைவ சித்தாந்தமும், திருக்குறளும் என்று படித்தார்.
  7. ஶ்ரீராம், பல ஆத்மாக்கள் இருக்கின்றன என்று படித்தார்.
  8. பாலசிகாமணி என்பவர் முதன்முதலாக மறுப்பு, கண்டனம் போன்றவற்றைப் பற்றி கட்டுரை படித்தார். கண்டனம், நிராகரணம் பற்றி பேசியது இவர் ஒருவர் தான் எனலாம். ஆனால், கட்டுரை வாசித்தப் பிறகு, அவரிடம் கேள்வி / சந்தேகம் கேட்பதற்கு மறுப்புத் தெரிவிக்கப் பட்டது. சித்தாந்தம், சித்தாந்த கண்டனம், சித்தாந்த கண்டன கண்டனம், சித்தாந்த கண்டன கண்டன கண்டனம், பற்றி கே.வி. ராமகிருஷ்ண ராவ் கேட்டார். ஆனால், மறுக்கப் பட்டது.
  9. ரேவதி, சங்க இலக்கியத்தில் சுற்றுச் சூழல் என்று ஆரம்பித்து, படித்தார்.

Ilango, Saravanan, students of Vivekananda college

ஏதோ கட்டுரையை வாசித்தே ஆகவேண்டும் என்று வெறி பிடித்தது போல படித்தது விசித்திரமாக இருந்தது. அமர்வுகளின் தலைவர்கள், பொதுவாக விஷயங்களையும், அவற்றில் உள்ள விவரங்கள் கட்டுரை வழங்குநர்களையும் முதலியவற்றை பொருட்படுத்தாமல் பாராட்டுகிறார்கள்.  நிச்சயமாக, அவர்கள் மீண்டும் மீண்டும் ஒரே விசயத்தைப் பற்றி பேசுவது, இயந்திர வாசிப்பு போன்று படிப்பது, உண்மைத் தவறுகள் போன்றவற்றைப் பற்றியும் கவலைப்படாமல் வாசிப்பது, முதலியன விசித்திரமாக இருந்தன. ஆனால், இவ்வாறு சைவ சித்தாந்தம் தெரியாதவர்களை வைத்து, சரவணன், சைவ சித்தாந்தம் பற்றி கட்டுரைகளை வாசிக்க வைத்ததே, பெரிய சாதனையாகும் என்று பாராட்டினார். நல்லது, ஆனால், பெரும்பான்மையான கட்டுரைகள் அவ்வாறு இருந்தது ஏற்புடையது அல்ல. பிறகு, அனைத்துலக-பன்னாட்டு பல்துறை போன்ற தம்பட்டங்கள் தேவையில்லை. ரூ 1000/- கொடுத்து, புதியதாக விசயங்களைத் தெரிந்து கொள்ளலாம் என்று வந்தவர்களுக்கு பெரிய சோதனையாக இருந்தது.

Requirements for arguement

கண்டன-கண்டன, வாத-விவாதம் புரிய தர்க்கமுறை, ஞானம் வேண்டும்: சபாபதி நாவலர் சித்தாந்த மரபு கண்டன கண்ட னம், வைரக்குப்பாயம், சிவசமய வாத உரை மறுப்பு முதலிய சமயக் கண்டன நூல்களைச் சிதம்பரத்திலிருந்து வெளியிட்டார். 19ம் நூற்றாண்டில் சமயக் கண்டனங்களும் மறுப்பு நூல்கள் பலவும் வெளிவந்துள்ளன. அவற்றுள் ஒருவரை ஒருவர் வன்மையாகவும் தாக்கிக் கொண்டனர். வைரக்குப்பாயம், குதர்க்கவிபஞ்சனி, கண்டனம், கண்டன கண்டனம் என்ற வகையில் பல நூல்கள் வெளிவந்தன. தர்க்கரீதியில்  மற்றும் கணிதம் வைத்துக் கொண்டு விவாதங்கள் நடந்தன. துகளறுபோதம்மென்ற சித்தாந்த நூலை சீகாழிச் சிற்றம்பல நாடிகள் ஆக்கினார் என்று பெரியோர் கூறுகின்றனர். மெய் கண்ட நூல்களின் கருத்தையே இந்நூல் விரிக்க வந்தது என்பது பாயிரத்தால் தெரிகிறது. சிவஞானபோதம் முதலிய நூல்களில் அரிதினுணர்தற் பாலனவாய்க் கிடந்த அருங்கருத்துக்கள் இந்நூலில் தெளிவுற விளக்கப்பட்டிருக்கின்றன. மற்றும், சைவ சித்தாந்த நூல்களைப் பயிலுவதற்குத் தொடங்குமுன் இந்நூலிற் பயிற்சி சிறிதிருக்குமேல் அது மிகவும் பயன்படும். சைவ சித்தாந்தத்தில் இன்றியமையாதன அறிந்து தத்துவங்களில் தெளிவாகவும் விரிவாகவும் கூறும் நூல்களை படிக்க வேண்டும்.

Requirements for arguement-1

திருத்தணியைத் தாண்டி ஏன் சைவ சித்தாந்தம் பிரபலமடையவில்லை?: திருமுருகா கிருபானந்தாவாரியார் அறக்கட்டளை சொற்பொழிவு 2019-20, சாது சண்முக அடிகள், பழனி சாது சுவாமிகள் வழங்கினார். முதலில் அவர் பழனி சைவ மாநாடு எவ்வாறு நடைபெற்றது என்பதையும், அதற்காக லட்சங்கள் செலவிடப்பட்டது என்பதையும் சுருக்கமாக விளக்கினார். சுமார் 1,000 பேர் கொண்ட கூட்டம் இருந்தது, மூன்றாம் நாளில் மட்டுமே கூட்டம் குறைந்தது, என்றார். பிறகு, 780 ஆண்டுகளாக தமிழ்நாடு எவ்வாறு வெளிநாட்டினர் மற்றும் பிற மாநிலங்களால் ஆட்சி செய்யப்பட்டது என்பதை அவர் விளக்கினார்; 1335 வாக்கில் பாண்டிய ஆட்சி முடிவுக்கு வந்தது, 1730 வாக்கில் சோழர் ஆட்சி; மற்றும் பல. சைவ சித்தாந்திற்கு ஆதரவு இருந்தபோதிலும், அது திருத்தணிக்கு அப்பால் வளரவும் பரவவும் முடியவில்லை, ஏனெனில், இது ஒரு குறிப்பிட்ட சாதியைச் சேர்ந்தது என்று கருதப்படுகிறது. மதத்தை சாதிக்கு மட்டும் கட்டுப்படுத்தக்கூடாது, ஆனால், ஒரு மதத்திற்குள் சாதிகளை ஒன்றிணைக்க வேண்டும். இப்படி இதை ஏதோ ஒரு “சுலோகன்” விளம்பர வாசகம் / கூப்பாடு போன்று உபயோகப் படுத்தப் படுவது தெரிகிறது. வெள்ளாளர்களை ஆதரிக்கிறார்களா, எதிர்க்கிறார்களா என்ற கேள்வியும் எழுகின்றது.

S. Radhakrishnan did not recognize Siddhanta

சைவசித்தாந்தத்தை இடையில் வைக்க வேண்டும் என்றால், “இந்து இல்லை” என்று வேறு வருகிறதே?: சாது சண்முக அடிகள் தொடர்ந்து பேசும்போது, “எஸ். ராதாகிருஷ்ணன் சைவ சித்தாந்தத்தை ஒரு தனி தத்துவ அமைப்பாக ஏற்றுக்கொள்ளவில்லை, ஏனெனில் இது விஷிஸ்தாத்வைதமாகத் தோன்றியது. அவர் யாழ்பாணம் எழுத்தாளர் எழுதிய “இந்தியா தத்துவ ஞானம்” என்ற புத்தகத்தைக் குறிப்பிட்டு, அதைப் படிக்க வேண்டும் என்று வலியுறுத்தினார். சைவ சித்தாந்தத்தைப் பற்றி சுவாமி விவேகானந்தருடன் வாக்குவாதம் செய்ததாகக் கூறப்படும் சோமசுந்தரா நாயக்கரைப் பற்றியும் அவர் குறிப்பிடுகிறார். பிரம்மத்தை இவ்வாறு காட்சிப்படுத்த முடிந்தால் –

  1. மிகப் பெரியது
  2. பெரியது
  3. இடைப்பட்டது
  4. சிறியது
  5. மிகவும் சிறியது

எனக் கொண்டால், பின்னர், அந்த “இடையில்” “சைவ சித்தாந்தம்” என்று எடுத்துக் கொள்ளப்பட வேண்டும்”, என்று கூறி அவர் முடித்தார். ஆனால், சைவமே “இந்து அல்ல” எனும்போது, ஏன் இதைப் பற்றியெல்லாம் கவலைப்படவேண்டும் என்று தெரியவில்லை.

Shanmuga adigal anf Mylam sami

மடங்கள் பள்ளிகளையும் கல்லூரிகளையும் நடத்த வேண்டும்: பேராசிரியர் தேவ நடராஜன் நினைவு சொற்பொழிவு 2018—19, சிவஞான பாலாலய சுவாமிகள், பொம்மபுரம் மடம், மைலம் வழங்கினார். அவருக்கு உடல்நிலை சரியில்லாததால் 10-08-2019 அன்று வர முடியவில்லை. இன்று கூட, அவர் தாமதமாக வந்தார், சாது சண்முக அடிகள் தனது உரையாற்றிக் கொண்டிருந்த போது வந்தார். கர்நாடக மடங்கள் செய்து வருவதைப் போல, தமிழக மடங்கள் சமூக சேவையைச் செய்ய வேண்டும் என்று அவர் வலியுறுத்தினார். 111 வயதில் இறந்த மரியாதைக்குரிய சிவகுமார சுவாமியின் இறுதி சடங்கு விழாவில் இவர் கலந்து கொண்டார். அவரது மடம் அனைவருக்கும் கல்வி வழங்கும் பள்ளிகளையும் கல்லூரிகளையும் நடத்தி வருகிறது, எனவே கர்நாடக மக்கள் அவரை “நடக்கும் கடவுளாக” மதித்தனர். அதே வழியில், பள்ளிகளையும் கல்லூரிகளையும் நடத்துவதன் மூலமும், மதத்தை கற்பிப்பதன் மூலமும் தமிழக மடங்கள் கல்வி கொடுக்க வேண்டும். அவர்கள் சமூக சேவைகளையும் செய்ய வேண்டும், என்று பேசினார்.

Pazhani, Saiva siddhanta conference, 19-21, July 2019 saivam not Hindu

சாப்பாடு போட்டால் கூட்டம் வரும், என்று கடுமையாக விமர்சித்த சரவணன்: வழக்கம் போல, மதியம் 1.50 மணியளவில் நீதிபதிகள் வரவிருந்த நிலையில், நேரத்தை சரிசெய்ய, சரவணன் “சாப்பிடுவது” பற்றி பேசத் தொடங்கினார், எத்தனை பேர் பழனி மாநாட்டில் சாப்பிட்டார்கள் என்று விவரித்தார். சாப்படு பரிமாறும் நேரம் கூட முடிந்தது, ஆனால், மக்கள் சாப்பிட வந்தார்கள், ஆகவே, அவர் அவர்களைக் நோக்கி கூச்சலிட்டுக் கொண்டிருந்தார்……திட்டினார்… ..என்று பெருமையாக சொல்லிக் கொண்டார். கையில் நெய் வழியும் வண்ணம் நக்கி-நக்கி சாப்பிட்டனர்…இந்த மாதத்தில் தினமும் நடத்தப்படவுள்ள “குரு பூஜை” பற்றி அறிவித்த அமைப்பாளர்களை அவர் விமர்சித்தார், ஏனெனில், அந்நாட்களில் உணவு வழங்கப்படும் என்று குறிக்கிறது. மக்கள் சாப்பிடுவதற்காக வருகிறார்கள், உணவு பரிமாறப்பட்டால் அதிக கூட்டம் வரும் ……… .. இந்த வழியில் அவர் கடுமையான மற்றும் பிற சொற்களைப் பயன்படுத்தி விமர்சித்தார். ஆனால், இங்கு, பன்னாட்டு மாநாடு, இவ்வாறு நடந்துள்ளது பற்றி யோசிக்க வேண்டும். இங்கு அவ்வாறு கேவலமாக பெசியது அநாகரிகமானது என்றுதான் சொல்ல வேண்டும்.

Pandyan, Controller of Exams

டாக்டர் கே. பாண்டியன், தேர்வு ஆணையாளர், சென்னைப்பல்கலைக்கழகம்: கோவில்கள் இருந்த தஞ்சாவூர் தனது ஊர் என்பதால், ஆண்டு முழுவதும் கொண்டாட்டங்களை நடந்தன, அத்தகைய கோயில் சூழலில் அவர் சிறுவதிலிருந்து எவ்வாறு வாழ்ந்தார் என்று குறிப்பிட்டு, தனது அனுபவத்தை விளக்கினார். அவர் “இந்து” மதத்தைக் குறிப்பிட்டு தனது தனிப்பட்ட அனுபவத்தை விவரித்தார். சரவணன் இவர் பேசியதை கவனித்தாரா என்று தெரியவில்லை. இவர்கள் தாங்கள் இந்து இல்லை எனும்போது, அவர் தா இந்து என்று பேசியது, தமாஷாகத்தான் இருந்தது. ஒருவெளை. உண்மையை இவர், பல்கலை நண்பர்கள், அதிகாரிகளிடம் சொல்லவில்லை போலும். ஆக, சரவணனுக்கு, இதில் ஏதோ பிரச்சினை உள்ளது என்று தெரிகிறது.

© வேதபிரகாஷ்

21-08-2019

Pazhani, Saiva siddhanta conference, I am not Hindu-Shiva

[1]  “சித்தாந்தம்” இதழ் ஆலோசனைக் குழுவில் இருக்கும் “சிவத்திரு மா. லெமூரியா”வும், இவரும் ஒன்று என்றால், சரவணனுக்கு வேண்டியவர் என்பதால், அவர் ஒரு மணி நேரம், பிடிவாதமாக கட்டுரை வாசித்தாலும், யாரும் ஒன்று செய்ய முடியாது.

பன்னாட்டு பல்துறை மாநாடு – வரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடு – சித்தாந்த ஆய்வுக்கட்டுரைகள் வாசிப்பும், “இந்தியா” பற்றிய வாத-விவாதங்களும் [6]

ஓகஸ்ட் 22, 2019

பன்னாட்டு பல்துறை மாநாடுவரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடுசித்தாந்த ஆய்வுக்கட்டுரைகள் வாசிப்பும், “இந்தியாபற்றிய வாதவிவாதங்களும் [6]

Saiva vellala dominance

சைவ வெள்ளாளர், இந்தியர் அல்லாத குழுக்கள் குழப்பம் ஏற்படுத்த முடியாது: சைவ சித்தாந்தம் இன்று தென்னிந்தியா மற்றும் இலங்கையின் சைவர்களிடைய, குறிப்பாக வெள்ளாளர் சமூகத்தைச் சேர்ந்தவர்களிடையே பரவலாக நடைமுறையில் பின்பற்றபட்டு வருகிறது. உலகெங்கிலும் உள்ள தமிழ் புலம்பெயர்ந்தோரின் சைவர்களிடமும் இது நடைமுறையில் உள்ளது. முக்கிய சித்தாந்த சங்கங்கள், கோயில்கள் மற்றும் மடங்கள் பல நாடுகளிலும் உள்ளன. அமெரிக்கத் தீவான, ஹவாயில் இந்து மதம், உலகளாவிய இந்துக்களின் சங்கத்தை ஊக்குவிக்கும் சைவ சித்தாந்த பீடம் என்ற அமைப்பின் கீழ் செயல்பட்டு வருகிறார்கள். இதை சத்குரு சிவாய சுப்ரமுனியஸ்வாமி (1927-2001) நிறுவினார், இது தற்போது சுப்ரமுணியஸ்வாமியின் நியமிக்கப்பட்ட வாரிசான சத்குரு போதிநாத வேலன்ஸ்வாமியின் (1942-) அனுசரணையில் உள்ளது. அவர்கள் “இந்து” என்று தான் பின்பற்றுகிறாற்கள்[1]. வட இலங்கையின் சைவ சித்தர்களிடம் தங்களது மூலங்களை தொட்சர்பு படுத்திக் கொள்கின்றனர். திருமுலரால் விளக்கப்பட்ட அசல் சைவ சித்தாந்தம் தத்துவ நிலைப்பாட்டைக் கடைப்பிடிக்கிறது, அது தனித்துவமானது, மேலும் இந்த போதனையை அத்வைத சைவ சித்தாந்தம் என்று பரப்புகிறது.

Pro separatist proest outside Sri Lanka

இலங்கை சைவமும், பிரினைவாதமும்: இலங்கை சைவ முனிவரின் புகழ்பெற்ற பாடல்கள், சிவயோகசாமி, கடவுள், ஆத்மா மற்றும் உலகத்தின் தன்மை குறித்த இந்த பார்வையை இறுதியில் ஒன்று என்று சான்றளிக்கின்றன. முரண்பாடாக, நவீனமயமாக்கலின் காரணமாக, அவர்களுக்கு சைவம் மற்றும் அசைவ உணவு உண்ணும் நம்பிக்கை உள்ளது. அவைத்தான் கிரியை, சடங்குகளில் குழப்பங்களை உண்டாக்குகின்றன. ஶ்ரீலங்கா பிரிவினைவாதம், தனி-ஈழம் போன்ற காரணங்களினால், எல்.டி.டி.ஈ மற்றும் பணக்கார-அதிகாரம் கொண்ட தமிழர் ஊக்குவிப்பதால், சைவம் தனியான மதம், இந்து அல்ல என்று சொல்லிக் கொள்ள இந்தியா அல்லாத மற்ற நாடுகளில் வாழும் இந்துக்களுக்கு சில சலுகைகள், முக்கியத்துவம் கிடைக்கும் என்ற ரீதியில், அவர்கள் இப்பொழுது, சைவத்தைத் திரித்து வருகிறார்கள். ஆறுமுக நாவலர் போன்றோர் இருந்த இடத்தில் தான் அத்தகைய திரிபுவாதங்களை சிலர் உருவாக்குகின்றனர்.

Siva in Sumeria

மூன்றாவது  அமர்வு: இருவர் வாசித்தனர். சடங்கு போன்று படிக்கப் பட்டதால், விவரங்கள் தெரியவில்லை.

மதிய உணவிற்குப் பிறகு, ஆங்கில மற்றும் PPTயுடன் கூடிய கட்டுரைகள் வாசிக்க நேரம் ஒதுக்கப் பட்டது. மாநாடு ஏற்பாடு செய்தவர்கள், PPT காட்டுவதற்கான புரொஜெக்டர் இல்லை என்று தள்ளிப் போட்டனர் . இவ்வமர்வில் ஐந்து பேர் தங்களது கட்டுரைகளை சமர்ப்பித்தனர்:

  1. எஸ். நடராஜன் – concept, precept in Saiva siddhanta, அவர் சித்தாந்தத்தின் கருத்து, கருத்துருவாக்கம் மற்றும் வளர்ச்சி பற்றி பலவற்றை விளக்க முயன்றார். அவரது பேச்சு மிகவும் சுருக்கமாக இருந்தது, அதுவும் PPT இல்லாமல் பார்வையாளர்களால் அவரைப் பின்தொடர முடியவில்லை. உண்மையில், அவர் இரண்டாவது முறையாக ஆய்வுக்கட்டுரை வழங்கினார்.jains-persecuted-sculpture-from-chidambaram
  2. நீலககேசி – ஆய்வுக்கட்டுரை மதுரையில் சமணர்களின் தண்டனைக்குள்ளானது / துன்புறுத்தல் குறித்து வழங்கப்பட்டது. அவரது PP விளக்கக்காட்சியை ஏற்கனவே இரண்டு இடங்களில் வழங்கியிருக்கிறார் என்று தெரிகிறது[2]. பெரும்பாலான படங்கள் / புகைப்படங்கள் இணையத்தில் கிடைக்கின்றன. எந்தவொரு மத விவாதத்திற்கும் பின்னர் மதுரையில் தண்டிக்கப்பட்டதற்கு வரலாற்று ஆதாரங்கள் எதுவும் இல்லை[3]. இத்தகைய கற்பனையான துன்புறுத்தல்களுக்கு தமிழ் எழுத்தாளர்கள் இலக்கிய விவரிப்புகளை பெரிதுபடுத்தி வருகின்றனர். தற்செயலாக, சமணர்கள் சூனியம் நுட்பங்களைப் பின்பற்றி, தர்மசேனா / அப்பர் மீது தொடுத்தனர். Samana-natham, where Jains impaledஒரு சமணர் சம்பந்தரின் வீட்டிற்கு தீ வைத்தார், அவர் உடனடியாக அத்தீயை, நோயாக மாறி, ஜைன மன்னருக்கு கடுமையான வயிற்று வலியாக மாற்றினார். இதனால், அவரைக் கொல்ல ஜைனர்கள் பல முறைகளில் ஈடுபட்டனர். மேலும், சிற்பங்கள், கோயில் ஓவியங்கள் மற்றும் பிற சான்றுகள் 17 முதல் 18 ஆம் நூற்றாண்டுகளுக்கு முந்தையவை. உண்மையில், கவிதை குறிப்புகளை மட்டும் வைத்துக் கொண்டு, உண்மையான துன்புறுத்தலுக்கு உட்படுத்த முடியாது என்று நீலகேசி தானே கூறுகிறார்.Samana-natham, where Jains impaled or mastrubating
  3. – சுமேரியாவில் சிவன் – சுமேரியாவில் தமிழ் பேசப் பட்டது, கில்காமிஷ் பாட்டு தமிழில் பாடப்பட்டது…… சுமேரியாவில் சிவா வழிபாடு இருப்பதாக அவர் கூற முயன்றார். அவர் அக்காடியன் முத்திரைகள் மற்றும் வரிவடிவங்கள்-சித்திர எழுத்துக்ளைக் காட்டி, அவர்கள் தமிழ் என்று உறுதியாக சொன்னார். கில்காமிஷ் கவிதையை தமிழில் பாடியது மிக தமாஷாக இருந்தது. அதே தலைப்பில் அவரது கட்டுரை இங்கே கிடைக்கிறது. அவருக்கு முன், டாக்டர் கே. லோகநாதன் அதைப் பற்றி பேசியது, வீடியோ மற்றும் பிற இடுகைகளை இணைதளங்களில் பார்க்கலாம்[4]. ஆகவே அவர் அதையே திரும்பத் திரும்பச் சொன்னார் என்பது தெளிவாகிறது[5].  இத்தகைய கட்டுரைகள் இணைதளங்களில் காணக்கிடக்கின்றன[6]. சரித்திர ஆதாரங்கள் இல்லாமல், மொழிக்கூறு, மொழி விளக்கம், வாதம் முதலியவற்றின் மீது ஆதாரமாக இவை இருப்படால், சரித்திராசிரியர்கள் ஏற்றுக் கொள்வதில்லை.
  4. ராதா – தன்னுடைய புத்தகத்தைப் பற்றி விளம்பரப் படுத்தினார். குமரிக்கண்டத்தைப் பற்றி அவர் சொன்னதெல்லாம் ஏற்புடையதாக இல்லை. அது மூழ்கிய போது, அகத்தியர் முகம் தெரிந்தது, அதில் விபூதி தெரிந்தது, அந்த வீடியோ உள்ளது என்றெல்லாம் பேசியது வியப்பாக இருந்தது.12-08-2019 PPT presentation.Nilakesi.KVR
  5. ராமகிருஷ்ண ராவ் – பிரம்மதேசத்தில் சைவம், பர்மாவில் சைவ கோவில்கள்-சிலைகள் மற்றும் மியன்மாரில் சைவர். – பிரம்மதேசத்தில் சிவா கோயில்கள், பர்மாவில் சைவம் மற்றும் மியான்மரில் உள்ள சிவா சின்னங்கள் ”என்ற தனது கட்டுரையை பிபிடி மூலம் பிரம்மதேசத்தில் சைவ மதம் எவ்வாறு செழித்து வளர்ந்தது, பின்னர் தேரவாத புத்தமதத்தின் எழுச்சியுடன் காணாமல் போனது என்பதை எடுத்துக் காட்டினார். பர்மா பண்டைய காலங்களில் பிரம்மதேசம், இடைக்காலத்தில் ஸ்வர்ணத்விபம் மற்றும் இப்போழுது மியான்மர் என்றாகி, கலாச்சாரம், பாரம்பரியம், பாரம்பரியம் மற்றும் நாகரிகத்தின் தெளிவான மாற்றத்துடன் அறியப்படுகிறது. பௌத்த -தாந்த்ரீக கலப்பு வழிபாட்டின் எழுச்சி மூலம் இடைக்காலம் வரை இருந்த பிரம்மா வழிபாடு அழிக்கப்பட்டது. சிவ-விஷ்ணு நம்பிக்கை இடைக்காலத்தில் தேரவாத புத்தமதத்தை அறிமுகப்படுத்தியதன் மூலம் குறைக்கப்பட்டது. இராணுவ ஆட்சி அறிமுகப்படுத்தப்பட்டதன் மூலம், இந்திய இந்து நம்பிக்கை சிறுபான்மை மட்டத்திற்குக் குறைக்கப்பட்டு, அந்த நேரத்தில் பெரும்பாலான கோயில்களும் உருவங்களும் அழிக்கப்பட்டு எஞ்சியவை அருங்காட்சியகங்களுக்கும், தெரியாத சேகரிப்பாளர்களுக்கும் சென்றுவிட்டன என்பதை பல புகப்பட ஆதாரங்களுடன் எடுத்துக் காட்டினார்.

Impalement of Jains refuted-1

தத்துவத்தின் விவாதம் அல்லது மந்திரங்கள் Vs சூனியம் ஆகியவை மரண தண்டனைக்கு வரலாற்று ஆதாரமாக எடுத்துக் கொள்ளப்படலாமா ?: நிலகேசியின் விளக்கக்காட்சியைப் பொறுத்தவரை, சூழலில் பல அம்சங்கள் தெளிவுபடுத்தப்பட வேண்டியுள்ளது. மதுரையில் சமண துறவிகளை தண்டித்த புராணக்கதை சோழர் காலத்திலிருந்து சமணர்களின் பிரபலமான தமிழ் சைவ இலக்கிய கட்டுமானங்களில் நீடித்த தாக்கத்தை ஏற்படுத்தியுள்ளது. பால் டன்டாஸ் (1992, 109-110) சுட்டிக்காட்டியுள்ளபடி, ஒரு உண்மையான படுகொலை நடந்ததாக எந்த பதிவும் இல்லை. பால் டன்டாஸ் (1992, 109-110) சுட்டிக்காட்டியுள்ளபடி, ஒரு உண்மையான படுகொலை நடந்ததாக எந்த பதிவும் இல்லை என்றாலும், புராணக்கதை, பாரம்பரியத்தில் ஒரு கட்டத்தில் அந்த எண்ணிக்கை எட்டாயிரமாக நிர்ணயிக்கப்பட்டது. இது சமண சன்யாசத்தின் மீது ஆகம சைவ மதத்தின் வெற்றியின் பிரதிநிதித்துவமாக சித்தரிப்பாகக் கொள்ளலாம். ஒருநிலையில், ஜைனர்கள் மதுரையிலிருந்து, ஒருளாதாரக் காரணங்களுக்காக வெளியேறிய நிலையை அவ்வாறு உருவகப் படுத்திக் காட்டப் பட்டிருக்கலாம். இவையெல்லாமே, ஒட்டக்கூத்தர், தக்கயாகப் பரணியில் குறிப்பிட்டாலும், நம்பிக்கு முந்தைய கட்டுக்கதைகள் போன்றிருக்கிறன. சம்பந்தரின்  பங்கு அதில் சொல்லப்படவில்லை. இருப்பினும், அது சமணத்தின் மீதான சைவத்தின் வெற்றியாகக் கருதப் பட்டு, திருவிளையாடல் புராணத்தில் குறிக்கப் பட்டு, ஆண்டுதோறும் கொண்டாடப் படுகிறது.

Impalement of Jains refuted-2

சமணர்களை அழிப்பதற்காக சம்பந்தர் முருகன் ஆனார் என்ற கதை இருக்க முடியுமா?: கொடூரமான தண்டனைகளில் சம்பந்தர் உடந்தையாக இருக்க வேண்டும் என்ற எண்ணத்தில் சேக்கியாருக்குக் கூட அசௌகரியம் இருந்தது தெரிகிறது. சமணர்கள் தாங்கள் இறக்கும் முறையை தானாக முன்வந்து தேர்வு செய்வதிலும், தோல்வியைத் தாங்குவதிலும், இதனால் அவர்களின் தண்டனையை ஏற்றுக்கொள்வதிலும் திருப்தி இல்லை, சேக்கியார் தண்டனையை நிறைவேற்றுவதில் சம்பந்தரின் சம்பந்தத்தைக் குறைத்து மதிப்பிடுகிறார். நெருங்கிய சமகாலத்தவரான சோழரவை கவிஞர் ஒட்டக்கூத்தர், மதுரை ஜெயின சர்ச்சை பற்றிய விளக்கத்தை தனது தக்கயக்கப்பரணியில் (தக்காயக்கப்பரணி 6: 169-220) உள்ளடக்கியுள்ளார், இது சிவனை ஒரு போர்வீரனாக சித்தரிக்கிறது. ஒட்டக்கூத்தர் சம்பந்தரை போர் கடவுள் முருகன்- அவதாரமாக சித்தரித்து, ஜைனர்களை ஒழிக்க வந்தவர் போல சித்தரிக்கிறார்.

 

நான்காவது  அமர்வு: கீழ்கண்டவர் / தலைப்புகளில் ஆய்வுக்கட்டுரைகள் வாசிக்கப் பட்டனர். ஒருவர் வரவில்லை என்றாலும், அவரது கட்டுரை வாசிக்கப் பட்டது. அத்தகைய “In absentia papr presentation,” அனுமதிப்பதிலை.

  1. தில்லி பல்கலைக்கழகம் மாணவியர்
  2. ஆனந்த லஹரி
  3. In absentia paper – தில்லி பல்கலைக்கழகம்
  4. சைவ சித்தாந்தம்
  5. வீர சைவம்

© வேதபிரகாஷ்

21-08-2019

Siva in Sumeria-2 seal

[1] https://www.himalayanacademy.com/livespiritually/global-fellowship

[2]  டிசம்பர் 2018ல் ஐ.ஐ.டியில், சுவதேசி இந்தியவியல் மாநாடு நடந்த போது, இத்தகைய கட்டுரை- மற்றும் படங்கள் காண்பித்தார் – இவரங்களை இந்த வீடிடோவில் பார்க்கலாம் –  https://youtu.be/yvEY5GQ78wo; https://www.youtube.com/watch?v=yvEY5GQ78wo&feature=youtu.be

[3] Paul Dundas, The Jains, Routledge, London, Second edition, 2002, pp.127-128.

[4] https://www.academia.edu/33637869/SUMERIAN_AND_TAMIL_-_A_COMPARISON_AND_STUDY_WITH_REFERENCE_TO_A_TRANSLITERATED_TEXT_AND_STANDARD_TRANSLATIONS

[5] Siva and Sakti in Sumeria, http://mssubashinik.tripod.com/sivaalayam/sumer1.htm

[6] https://www.academia.edu/6741373/Fifty_names_of_the_Sumerian_god_Marduk

பன்னாட்டு பல்துறை மாநாடு – வரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடு – சித்தாந்த ஆய்வுக்கட்டுரைகள் வாசிப்பும், “இந்தியா” பற்றிய வாத-விவாதங்களும் [5]

ஓகஸ்ட் 21, 2019

பன்னாட்டு பல்துறை மாநாடுவரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடுசித்தாந்த ஆய்வுக்கட்டுரைகள் வாசிப்பும், “இந்தியா” பற்றிய வாத-விவாதங்களும் [5]

Lokanayaki

11-08-2019 – சனிக்கிழமை இரண்டாவது நாள்மூன்றாவது  அமர்வு:  பொதிகை வள்ளலாராக நடித்தவர் என்று தன்னை அறிமுகப் படுத்திக் கொண்டார்.  பாவம்-புண்ணியம், அவரவர் அனுபவம் அவருக்கு, மக்களுக்கு செய்யும் காரியங்களில் அகம்பாவம் இருக்கக் கூடாது; என்றெல்லாம் பேசினார். ஆய்வுக்கட்டுரைகள் மிகவும் பொதுவானவையாக இருந்தன, மீண்டும் மீண்டும் சொன்ன விசயங்களை திருப்பிச் சொல்வாத இருந்தன, இதனால், பார்வையாளர்கள், கேட்பவர்களுக்கு ஆர்வமற்றவர்களாக ஆக்கியது. ஆய்வுக்கட்டுரைகளின் பட்டியல் வழங்கப்படாததாலும், அவர்களின் வசதிக்கு ஏற்ப மாற்றப்பட்டதாலும், எதையும் கண்காணிக்க முடியவில்லை. ஷீபா சீனிவாசன்,  ஒரு கட்டுரையை வாசித்தார். கட்டுரை வாசித்தவர்ரும், உடனே சென்று விட்டார். மற்றவர் வாசிப்பைக் கேட்க தயாராக இல்லை என்று தெரிந்தது.

Vasuki, Vijayalakshmi

நான்காவது அமர்வு – 3.00 மணி முதல்…..:

  1. அருணகிரிநாதர்- பற்றியது – புதியதாக ஒன்றும் இல்லை.
  2. விவேகானந்த கல்லூரியைச் சேந்த கணபதி இளங்கோ[1], சைவ சிந்தாந்தம் மற்றும் சிவாவின் வேத வழிபாடு இவற்றை வேறுபடுத்திக் காட்ட முயன்றார். “தமிழர் சமயம்” என்பதை வலியுறுத்துவது, தமிழர்கள் பின்பற்றும் மதம் அதிலிருந்து வேறுபட்டது போல வாசித்தார். அவர் ஒரு மார்க்சியவாதியைப் போல கோசாம்பி, சர்மா என்றெல்லாம் குறிப்பிட்டு விளக்குகினார். இந்தியா இல்லை என்றும், எனவே எந்த மதமும் இல்லை என்றும் அவர் கூறிக்கொண்டிருந்தார். அதேசமயம், தமிழ் என்பது பண்டைய மொழி, இதனால் தமிழின் மதம் வேறுபட்டது. தொடர்ந்து எம்.எம். அடிகளைக் குறிப்பிட்டு, சைவம் மற்றும் சித்தாந்தம் மாறுபட்டது என்றார்.

கே. வி. ராமகிருஷ்ண ராவ் இந்தியாவே இல்லை என்றால், கொலம்பஸ் எதைக் கண்டு பிடிக்க போனார் என்று கேட்டதற்கு பதில் சொல்லாமல் மழுப்பினார். அதாவது, “இந்தியா” இருந்ததினால் தான், இந்தியாவுடன் வியாபாரம் செய்ய, கம்பெனிகளை உருவாக்கிக் கொண்டு வந்தன. “East India Company” என்று பெயர் வைத்துக் கொண்டபோது, தெற்காசிய நாடுகளையும் சேர்த்து தான் “இந்தியா” என்றது.

  1. செல்வி – திருவருட்பா.
  2. மர-வழிபாடு பற்றி ஒரு கட்டுரை வாசிக்கப்பட்டது.

India intra and extra gangem - 1

ஐந்தாவது அமர்வு: முருகேசன் தலைமையில் கட்டுரைகள் படிக்கப்பட்டன.

  1. ஔவையார் – பல ஔவையார்கள் இருந்தது பற்றி கவலிப் படவில்லை.
  2. வெறியாடல் – இது பற்றி படித்த பெண்மணிக்கு பல விசயங்கள் தெரியாமலே இருந்தன. முருகு, முருகன் வேறு என்று தெரியாமலே குழப்பிக் கொண்டிருந்தார். மரியறுத்தல் பற்றி குறிப்பிடவில்லை. மரியறுத்தல், கழங்கு நிறம் மாறுதல், நெய்யணி மயக்கம் முதலியவை இருந்தன. கே. வி. ராமகிருஷ்ண ராவ், இவற்றையெல்லாம் எடுத்துக் காட்டினார். சரவணன் இடைமறித்து தனது விளக்கத்தைக் கொடுத்தார். இருப்பினும், கே. வி. ராமகிருஷ்ண ராவ் சே-சேஎய்-சேய், சேயோன்[2] மற்றும் கந்து-கந்தழி-கடம்பா[3] போன்றவற்றை குறிப்பிட்டு தெளிவு படுத்தினார். இவை பற்றிய அவரது ஆராய்ச்சி கட்டுரைகள் இணைதளத்தில் உள்ளன[4]. ஆனால், எதையும் குறிப்பிடாமல், பொதுப்படையாக வாசிப்பது வியர்த்தமான செயலாக இருக்கிறது.
  3. மாணிக்கவாசகர்……
  4. பிரியா – சைவசித்தாந்தத்தில் சமய வளர்ச்சியில் ஸ்தல புராணங்கள்.
  5. திருவந்திபுரம் – ஆண்பனை, பெண்பனையாக மாற்றியது

India intra and extra gangem - 2

12-08-2019 – மூன்றாவது நாள், சனிக்கிழமைமுதல் அமர்வு:

  1. வாசுகி கண்ணப்பன் – திருக்குறளில் சைவ சித்தாந்தம் (படித்துச் சென்று விட்டார்[5]), இது பற்றி பல கட்டுரைகள் ஏற்கெனவே வாசிக்கப் பட்டு விட்டன.
  2. விஜயலட்சுமி – வினைத் தீர்க்கும் திருப்பதி, நேரம் மற்றும் இடம் பற்றி விவாதிக்காமல் அற்புதங்களை விவரித்து நியாயப்படுத்திக் கொண்டிருந்தார். சரவணன் ஒருபுறம் புராணத்தை விமர்சித்து வருவதும், மறுபுறம் பாராட்டுவதும், விஞ்ஞான ரீதியாகவோ அல்லது வரலாற்று ரீதியாகவோ தனது நிலைப்பாட்டை வெளிப்படுத்த எந்த முயற்சியும் எடுக்கவில்லை, இதனால் இத்தகைய கதைகள் இன்றைய இளைஞர்களுக்கும் சமூகத்திற்கும் ஏற்றுக்கொள்ளத்தக்கவையா என்று தெரியவில்லை.
  3. சரஸ்வதி ஐயப்பன் – கண்ணதாசன் பாடல்களில் முப்பொருள்,
  4. சந்தியா – வள்ளலாரின் சிந்தனைகள்,
  5. சரோஜா – மாணிக்கவாசகரின் இலக்கிய சிறப்பு,
  6. கீதா – காரைக்கால் அம்மையாரின் பாடல்களில் முப்பொருள்,

How Siddhanta came

இரண்டாவது அமர்வு: பாலு (அண்ணாமலைப் பல்கலைக்கழகம்)

  1. பாலு,
  2. வீர சைவம்
  3. ஆரோக்கிய மேரி –
  4. சைவசித்தாந்தத்தில் பக்தி இலக்கியம்.

சைவ சித்தாந்த சூழலில் “வீரசைவம்” கொள்கைகளை விளக்கவும், வித்தியாசப் படுத்திக் காட்டவும், அணுகவும் ஆராய்ச்சியாளர்கள் வசதியாக இல்லை. பல சமயங்களில், சமணர்களுக்கும் வீரசைவர்களுக்கும் இடையிலான மோதல்களை ஆராய்வதில் அவர்கள் அதிக ஆர்வம் காட்டினர். சமஸ்கிருதம் மற்றும் கன்னடம் இல்லாமல், வீரசைவ இலக்கியங்களைப் படித்து ஆராய்ச்சி செய்ய முடியாது. எவ்வாறாயினும், இந்த தமிழ் சார்பு ஆராய்ச்சியாளர்கள் இரண்டாம் நிலை மூலங்களிலிருந்து விளக்குவதற்கு முயற்சித்து வருகின்றனர், ஆகவே, அவை ஜீவகாருண்யம், புலால்-மறுப்பு போன்ற அடிப்படை பிரச்சினைகளை அணுகும் போது,  வெளிப்படுகின்றன. பசவர் சாதி அமைப்புக்கு எதிராக வழிநடத்தி கர்நாடகாவில் சிவ வழிபாட்டை பிரபலப்படுத்தினார். அவரைப் பின்பற்றுபவர்கள் லிங்காயத்துகள் என்று அழைக்கப்பட்டனர். இறுதிக்கடன், இறந்தவர்களின் தகனம் போன்ற பல இந்து மத நடைமுறைகளை அவர்கள் கடைப்பிடிப்பதில்லை. அவர்கள் சடலங்களை அடக்கம் செய்கிறார்கள். வேதங்களையும் பிற புனித நூல்களையும் ஓதினால் மட்டுமே கடவுளை உணர முடியாது. ஆசைகளை கைவிடுவதன் மூலம் மட்டுமே கடவுள் மனதில் உணரப்பட வேண்டும் என்று அவர்கள் பரிந்துரைக்கிறார்கள்.

Bssaveswara, Veera Saiva

சித்தாந்தத்தை நோக்கிய அகோரசிவாச்சார்யாரின் அணுகுமுறை: சிதம்பரத்தில் அமர்தக ஒழுங்கின் கிளை மடத்தின் தலைவரான அகோரசிவாச்சார்யா, 12 பன்னிரண்டாம் நூற்றாண்டில், சமஸ்கிருதம் மற்றும் தமிழ் சித்தாந்த மரபுகளை ஒன்றிணைக்க முடிவு செய்தார். சித்தாந்தத்தின் ஒற்றை விளக்கங்களை கடுமையாக மறுத்து, அகோரசிவாச்சார்யா முதல் ஐந்து கொள்கைகளை அல்லது தத்துவங்களை (நாத, பிந்து, சதாசிவா, ஈஸ்வர மற்றும் சுத்தவித்யா) பாசம் (பத்தங்கள்) வகைக்கு மறுவடிவமைப்பதன் மூலம் சிவாவைப் புரிந்துகொள்வதில் மாற்றத்தைக் கொண்டு வந்தார். பண்டைய ஒருமித்த பாரம்பரியத்தின் சமஸ்கிருத சடங்குகளை பாதுகாப்பதில் அகோராசிவா வெற்றி பெற்றார். ஆக, அகோரசிவாவின் சித்தாந்த தத்துவத்தை கிட்டத்தட்ட அனைத்து பரம்பரை கோயில் சிவாச்சார்யார்கள் பின்பற்றுகிறார்கள், மேலும் அகமங்கள் குறித்த அவரது நூல்கள் நிலையான பூஜை கையேடுகளாக மாறிவிட்டன. சைவத்தின் அன்றாட வழிபாடு, அவ்வப்போது சடங்குகள், தீட்சை சடங்குகள், இறுதி சடங்குகள் மற்றும் திருவிழாக்கள் உட்பட ஷைவ சித்தாந்த சடங்கின் கிட்டத்தட்ட அனைத்து அம்சங்களையும் உள்ளடக்கிய ஒரு பரந்த படைப்பு அவரது கிரியக்ரமாதியோதிகா ஆகும்.

How Siddhanta came-vs Vedanta

மூலங்கள், அசல் ஆதாரங்கள் இல்லாமல் தமிழ் சைவ சித்தாந்தம் இருக்க முடியாது: 13 ஆம் நூற்றாண்டில், தமிழ் சைவ சித்தாந்தம், மெய்கந்தர், அருள்நந்தி சிவாச்சார்யார், மற்றும் உமபதி சிவாச்சார்யா ஆகியோர் தமிழ் சைவ சித்தாந்தத்தை மேலும் பரப்பினர். 13 மற்றும் 14 ஆம் நூற்றாண்டுகளில் கூறப்படும் மெய்கந்தரின் பன்னிரண்டு சூத்திரங்கள் கொண்ட, சிவஜனபோதம் மற்றும் பிற எழுத்தாளர்களின் படைப்புகள், மெய்கண்டார் சம்பிரதாயத்தின் (பரம்பரை) அடித்தளத்தை அமைத்தன, இது கடவுள், ஆத்மாக்கள் மற்றும் உலகம் ஒன்றிணைந்து ஆரம்பத்தில் இல்லாமல் ஒரு பன்மைத்துவ யதார்த்தத்தை முன்வைக்கிறது. சிவன் ஒரு திறமையான ஆனால் பொருள் காரணமல்ல. சிவாவில் ஆன்மா ஒன்றிணைவது தண்ணீரில் கரையும் உப்பு போன்றது, என்று அவர்கள் கருதுகிறார்கள், இது ஒரு நித்திய ஒற்றுமை, இது இரட்டையர். எனவே, ஒரு மெல்லிய வித்தியாசத்தால், அவர்கள் வேறுபட்டவர்கள் என்றும், அசல் இலக்கியம், வேதங்கள் போன்றவற்றுடன் அவர்களுக்கு எந்த தொடர்பும் இல்லை என்றும் கூற முடியாது. எதிரான திராவிட சித்தாந்தத்தை இங்கு கொண்டு வந்து ஆய்வு கட்டுரைகளை குழப்ப முடியாது.

© வேதபிரகாஷ்

20-08-2019

Siddhanta in tiruvacakam

[1] தமிழ் துறையைச் சேர்ந்தவர்- இவருக்கு மற்ற விசயங்கள் தெரிந்திருக்க வேண்டும், ஆனால், இந்தியா என்ற தேசம் இல்லை, பல நாடுகள் கொண்ட தேசம் போன்ற கொள்கைகளுடன், இவர் படித்த கட்டுரை இருந்தது.

[2]  K.V. Ramakrishna Rao, The Development of Muruku-Muruka-Vēlan and Ce-ce-cey-Ceyon in Cankam Literature, http://murugan.org/research/rao.htm

[3] http://murugan.org/research/rao-zodiac.htm

[4] http://murugan.org/events/2003_synopses/synopses.htm#rao1

http://murugan.org/events/2003_synopses/synopses.htm#rao2

http://murugan.org/events/2003_synopses/synopses.htm#rao3

[5] அவருக்கு அடுத்த நாள் “கலைமாமணி” விருது கொடுப்பதால் சென்று விட்டாராம்!

பன்னாட்டு பல்துறை மாநாடு – வரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடு – ஆய்வுக்கட்டுரைகள் வாசிப்பும், வாத-விவாதங்களும் [4]

ஓகஸ்ட் 21, 2019

பன்னாட்டு பல்துறை மாநாடுவரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடுஆய்வுக்கட்டுரைகள் வாசிப்பும், வாத-விவாதங்களும் [4]

Karaikkar Ammaiyar going to Kailash

 10-08-2019 – முதல் நாள் அமர்வு [மாலை 5.00 முதல் 6.00 மணி வரை] ஆய்வுக் கட்டுரை வாசிப்பு: அதன் பிறகு, ஒரு ஆய்வுக்கட்டுரை வாசிப்பு அமர்வு இருந்தது. புதுச்சேரி பல்கலைக்கழகத்தைச் சேர்ந்த திருமதி உஷா ராணி, 2017 வரை, பாம்பன் சுவாமிகள் பற்றி தனக்கு எதுவும் தெரியாது என்று கூறினார், ஆனால், பின்னர், அவரது படைப்புகளைப் படித்து ஆராய்ச்சி செய்யத் தொடங்கினார். அவள் “குமார கவசம்” என்பதை விளக்க முயன்றார், ஆனால் அதை சரியாக செய்ய முடியவில்லை. அடுத்து, முகுந்தன் தனது ஆய்வுக்கட்டுரையை மிகவும் பொதுவான முறையில் படித்தார். எப்படியிருந்தாலும், ஆய்வுக்கட்டுரை வாசிப்பு அமர்வு இருந்தது என்ற நோக்கத்திற்காக, இவை மாலை 6.30 மணி வரை சடங்கு போல இழுக்கப்பட்டது. உணவை எதிர்பார்த்துக் கொண்டிருந்ததால், சரவணன் தலையிட்டு பல விஷயங்களைப் பற்றி பேச ஆரம்பித்தார்.

Raising the dead - Indian way-kailash

11-08-2019 – சனிக்கிழமை இரண்டாவது நாள்முதல் அமர்வு: திருமதி லலிதா தலைமை அமர்வில், நடைபெற்ற அமர்வில் கீழ்கண்டவர்கள் ஆய்வுக்கட்டுரைகளைப் படித்தனர். இடையிடையே பேசிய லலிதாவின் கருத்துகள் முன்னுக்கு முரணாக இருந்தன. ஏசுநாதரே ஒரு சித்தர் என்றெல்லாம் பேசியது திகைப்பாக இருந்தது. போகர் சீனாவிலிருந்து வந்தார், தமிழ் படித்தார், சைவ சித்தாந்த நூல்களைக் கொடுத்தார் என்றெல்லாம் பேசினார். சரித்திர நோக்கில் / வரலாற்றுக் கண்ணோட்டத்தில் என்றால் இதெற்கெல்லாம் ஆதாரங்களைக் கொடுக்க வேண்டும். ஆனால், அவ்வாறெல்லாம் இல்லாமல், வெற்று மேடை பேச்சு போன்று கட்டுரை வசித்தது பலனற்றதாக இருந்தது.

  1. லட்சுமி (மலேசியா) – அப்பர் காலத்து வழிபாடு, என்று பேச ஆரம்ப்பித்தார். சைவர்கள் குலம், கோத்ரம் என்று பிரிக்கப் பட்டிருந்தனர். அகத்தவ வழிபாடு இருந்தது. எட்டு நிலைகளைப் பற்றி அல்ல. யமா, நியமா, ஆசனா, பிராணாயாமா, ப்ரத்யாஹாரா, தாரணா, தியானா, சமாதி இவற்றையே யோகத்தின் எட்டு அங்கங்கள், அஷ்டாங்க யோகம்எனப்பட்டது. திருமூலரும் குறிப்பிட்டுள்ளார்.
  2. வேங்கட கலையரசி – சிவவாக்கியர், 6ம் நூற்றாண்டை சேர்ந்தவர் என்று பொதுப்படையாக தெரிந்த விசயங்களையே கூறினார்.
  3. எஸ். நடராஜன் – சிவஞானபோதம், பற்றி தெரிந்த விசயங்களையே தொகுத்துப் படித்தார்.
  4. லலிதா – சிவவாக்கியர் பற்றி படித்தார். கலையரசி படித்ததை சொல்லிக் கொண்டு, அலுத்துக் கொண்டே படித்தார்.
  5. ஆனூர் தேவி – திருமூலரும், தற்காலமும், என்று இக்கால பள்ளி மற்றும்கல்லூரி மாணவர்களின் பிரச்சினைகளை அளைவதற்கு, சித்தாந்தம் உபயோகப் படுத்த வேண்டும் என்று படித்தார்.
  6. ஆசின் விசாபா (நேபாளம்) – Saiva philosophy of Pasupathi, Nepal, என்று ஆங்கிலத்தில் படித்தார். அவரது ஆங்கிலத்தைப் புரிந்து கொள்ள கடினமாக இருந்தது. கே. வி. ராமகிருஷ்ண ராவ் நேபாள சைவ தத்துவம், எப்படி தமிழக சைவ சித்தாந்ததுடன் ஒத்துப் போகும், மேலும் பலியிடுதலை சைவ சித்தாந்தம் ஏற்காது என்று எடுத்துக் காட்டினார். உடனே நடராஜன், பலியிடுதல் எல்லாம் இன்றும் இருக்கின்றன. கொடுபவர்கள் கொடுத்துக் கொண்டே இருக்கிறார்கள் என்று வாதிட்டார். உடனே சரவணனும் நடராஜனை ஆதரித்துப் பேச ஆரம்பித்தார். அப்பொழுது, ராவ் சைவ சித்தாந்தம் உயிர்கொலையை ஏற்காது, அதையும் மீறி, பலிகள் நடத்தலாம் என்றால், அது முரண்பாடாகும் என்றார். தாங்கள் அவ்வாறு வாதிடுவது, சைவ சித்தாந்தத்தின் அஹிம்சை கொள்கைக்கு முரணானது என்பதை அறிவீரா என்று கேட்டதும், அமைதியானார்..

ஆய்வுக்கட்டுரைகளை வாசித்தவர், பொதுப்படையாக, ஏற்கெனெவே தெரிந்த விசயங்களையே, மறுபடி-மறுபடி படித்தது, விசித்திரமாக இருந்தது. பக்தி பூர்வமான விசயங்களை விவரித்துச் சொல்வதனால், ஆராய்ச்சியில் என்ன முடிவு சொல்லமுடியும் என்று தெரியவில்லை. சரவணன் அரங்கத்தில் இருந்து கேட்பதற்கு விருப்பமில்லாதவர்கள் வெளியேறலாம், ஏனெனில், அப்படி நாற்காலிகள் காலியாகும் போது, சித்தர்கள் வந்து அமர்ந்து கொள்வார்கள் என்றார். சக்கரையம்மாள் சித்தர் பறக்கும் சக்தியைக் கொண்டவர் என்று திருவிக தனது நூலில் குறிப்பிட்டுள்ளதாக சொன்னார். அதாவது, ஒருவேளை, அவரே பறந்து வந்து உட்காருவார் என்பது போல பேசினார்!

Raising the dead - Indian way

இரண்டாவது அமர்வு: மாணிக்கம், [?] அமர்வில் ஆய்வுக்கட்டுரைகளை படித்தனர்.

  1. பெரியபுராணத்தில் சைவசித்தாந்தம் – புதியதாக ஒன்றும் இல்லை.
  2. பால்வரைத் தெய்வம் பற்றி ஒரு பெண்பணி படித்தார். அரைகுறையான விசயங்கள வைத்து படித்தார்.

முனைவர் கோ..முத்துக்குமாரசுவாமி, இதைப் பற்றி கீழ்கண்டவாறு ஏற்கெனவே விளக்கியுள்ளார். வினை, விதி, ஊழ், பால் என்னும் சொற்கள் தம்முள் சிறு வேறுபாட்டுடன் ஒரேபொருளைத் தருவன. சங்க இலக்கியங்கள், இவற்றுள், பால் என்ற சொல்லையே பெரிதும் எடுத்து வழங்கும். “பால்தர வந்த பழவிறற் றாயம்” (புறம்75, விதி தரப்பட்டுத் தம்பால் வந்த அரசுரிமை), “நல்லியக் கோடனை உடையை வாழியெற் புணர்ந்த பாலே” (புறம்176, நல்லியக் கோடனைத் துணையாக நீ உடையையாதலான், என்னைப் பொருந்திய விதியே).

“நல்லைமன் றம்ம பாலே மெல்லியற்

றுணைமலர்ப் பிணைய லன்னவிவர்

மணமகிழ் இயற்கை காட்டியோயே” (குறுந்-229

இத்தலைமக்களின் திருமணத்தைக் காட்டிய விதியே நீ நல்லை ).

“ஒன்றே வேறே யென்றிரு பால்வயின்

ஒன்றி யுயர்ந்த பால தாணையின்

ஒத்த கிழவனுங் கிழத்தியுங் காண்ப”(களவியல்-2)

இத்தொல்காப்பிய சூத்திரத்தில் வரும் முதலிலுள்ள ‘பால்,’ இடம் என்று பொருள்படும். ‘பாலதாணை’ என்பதற்குப் ‘பால்வரை தெய்வத்தின்’ ஆணையாலே’ என்பது பொருள். பால்வரை தெய்வமென்பது எல்லார்க்கு மின்பத் துன்பத்திற்குக் காரணமாகிய இருவினையையும் வகுக்கும் தெய்வம் என்பது பொருள். (தொல்.சொ.54.சேனா) அதாவது வினை தானே பலனையூட்டாது. வினை செய்தானையும் வினையையும் வினை செய்தவனையும் அறிந்து அவ்வினைக்கும் மேலாம் தெய்வம் பலனை வகுத்து ஊட்டும் என்பது பண்டைத் தமிழர் கருத்து. தெய்வப் புலவர் திருவள்ளுவரும் வகுத்தான் வகுத்த வகையல்லால் கோடி, தொகுத்தாருக்கும் துய்த்த லரிது”(377) என்றார். தெய்வம் வகுத்த வகையானல்லது ஒருவனுக்கு நுகர்தலுண்டாகாது. அத்தெய்வம், ஓருயிர் செய்த வினையின் பயன் பிறிதோருயிரின்கட் செல்லாமல் அவ்வுயிர்க்கே வகுத்தலின், வள்ளுவர் ‘வகுத்தான்’ என்றார். அதனையே தொல்காப்பியர், ‘பால்வரைத் தெய்வம்என்றார்.

Selfl sacrifice, hero-stones

अक्षஎன்ற வார்த்தைக்கு தவறான பொருள்விளக்கம் கொடுத்தது: “अक्ष” என்ற வார்த்தைக்கு போதாகுறைக்கு “अक्ष” என்ற வார்த்தைக்கு தப்பு-தப்பான விளக்கம் கொடுத்து, எதையோ பேசினார். கே.வி. ராமகிருஷ்ண ராவ் இதனை எடுத்துக் காட்டினார். ஆனால், மறுபடியும், தவறை ஒப்புக்கொள்ளாமல், அப்பெண்ணிற்கு அறிவுரை கூறாமல், “அவ்வாறு கூற உங்களுக்கு உரிமை இல்லை,” என்றெல்லாம் வாதம் செய்தார். அதற்காக, என்னவேண்டுமானாலும், ஆய்வுக்கட்டுரை என்று படிக்கலாமா, என்று கேட்டதற்கு, திசைத் திருப்பப் பார்த்தார். ஒரு அனைத்துலக மாநாடு இவ்வாறு நடக்கும், நடத்தும் விதம் கண்டு ஆச்சரியமாகத் தான் இருந்தது.

Raising the dead - Day of judgment

  1. உலக மதங்களில் கர்மவினை கோட்பாடு – “உலக மதங்களிடையே கர்மாவின் கருத்து” என்ற தலைப்பில் மணிக்கம் ஒரு கட்டுரையை வழங்கினார். அவர் உண்மையில் தனது கட்டுரை வேறுபட்டது என்பதை வெளிப்படுத்தினார், ஆனால் சரவணன் இந்த தலைப்பில் ஒரு கட்டுரையை படிக்க பரிந்துரைத்தார். பொதுவாக, அவர் வாழ்க்கை, ஆத்மா, உடல் போன்ற கருத்துகளை சுட்டிக்காட்டினார், ஆனால், மேற்கத்திய மதங்கள் விசயத்தில், ​​அவர் குழப்பமடைந்தார். எனவே, இறுதியாக, ராமகிருஷ்ண ராவ் யூத-கிருத்துவ-முகமதிய கொள்கைகள் எவ்வாறு மாறுபட்டவை என்று எடுத்துக் காட்டினார்., யூத மதம், கிறிஸ்தவம் மற்றும் இஸ்லாம் போன்ற கருத்துக்களை கிழக்கு மதங்களுடன் ஒப்பிட முடியாது என்பதை தெளிவுபடுத்தினார். அவர்கள் உடல்களை எரிப்பதில்லை, ஆனால் புதைக்கிறார்கள். கடைசி நாள் நியாயத்தீர்ப்பு வரும்போது, ​​அவர்களின் உடல்கள் எழுப்பப்பட்டு, உயிர்த்தெழுப்பப்பட்டு, சொர்க்கத்திற்குச் சென்று, கடவுளின் கிருபையினால், அவர்களுக்கு தண்டனை அல்லது மீட்பு கிடைக்கும் என்று அவர்கள் நம்புகிறார்கள். வல்லளாருக்கும் அத்தகைய பார்வை இருப்பதைக் காட்ட சரவணன் முயன்றார்.

 

© வேதபிரகாஷ்

20-08-2019

Raising the dead - tomb

பன்னாட்டு பல்துறை மாநாடு – வரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடு – சைவம் போர்வையில் சைவ-விரோதம் அரங்கேறுகிறதா? [3]

ஓகஸ்ட் 21, 2019

பன்னாட்டு பல்துறை மாநாடுவரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடுசைவம் போர்வையில் சைவவிரோதம் அரங்கேறுகிறதா? [3]

Saravanan - Deivawayagam, what works behind

தமிழர் சமயம், சைவசித்தாந்தம், இந்து அல்ல: எஸ். சரவணன், சைவ சித்தாந்தத் துறைத் தலைவர், “சோமசுந்தர நாயக்கர்” (1846–1901) வைத்து, குறுகிய சைவ சித்தாந்தத்தை உருவாக்கப் பார்க்கிறார். மறைமலை அடிகளுக்கு அவர் தான் குரு, ஆனால், அவர், தனித்தமிழ் இயக்கம் மூலம் பிரபலம் அடைந்ததால், இவர் பின்னுக்குத் தள்ளப் பட்டார். ஆனால், நாயக்கரின் சைவம், வைணவ விரோதமாக இருந்ததை மறைத்துப் பேசியது, திகைப்படையச் செய்தது. சைவ-வைணவ துவேசத்தை வளர்த்து சித்தாந்தம் உருவாக முடியாது, அதற்கு எந்த மாநாடும் துணை போக முடியாது என்பதை ஞாபகத்தில் வைத்துக் கொள்ள வேண்டும். தமிழகத்தில் இருக்கும் சைவர்களுக்கு, சைவ சித்தாந்திகளுக்கு, சைவ போராளிகளுக்கு இத்தகைய சிந்தனைகள் ஏன் வருவதில்லை என்று தெரியவில்லை. சென்னையில் இருக்கும் சைவர்கள், சைவ சித்தாந்திகள், சைவ போராளிகள் இங்கே வரலாமே? கடவுள் இல்லை என்ற தோரணையில் எஸ்.சரவணன், பேசுவதற்குத் தான் சைவ சித்தாந்த மன்னாட்டுப் பல்துறை மாநாட்டின் நோக்கமா? சைவசித்தாந்திகளும், இந்துவிரோத தெய்வநாயக கிருத்துவ கூட்டமும் “தமிழர் சமயம்” என்கின்றன[1], பிறகு இவர்களுக்குள் என்ன கூட்டோ? இத்தகைய ஆராய்ச்சியில் ஈடுபட்டு, கிருத்துவர்களுக்குத் துணைப் போகும் நிலைப்பாடு என்னெவென்று புரியவில்லை[2]. 2008லேயே எச்சரித்து, கட்டுரைகளில் எழுதியிருந்தேன். இப்பொழுது 2019ல் அப்படியே நடக்கிறது[3]. ஆட்கள் மாறினாலும், சித்தாந்தம் மாறவில்லை. அப்பொழுது, தெய்வநாயகத்திற்கு பின்புலமாக கத்தோலிக்க சர்ச் வேலை செய்தது வெளிப்படையாக இருந்தது[4]. இப்பொழுது, சரவணனை, தெய்வநாயகமாக்கியது யார் என்று தெரியவில்லை.

Pazhani, Saiva siddhanta conference, 19-21, July 2019 saivam not Hindu

தமிழர் சமயமான சைவத்திற்கும் அணுவளவும் தொடர்பில்லை என்பதனைத் தனது ஆய்வுகளின் மூலம் நல்லூர் சரவணன் மெய்ப்பித்து வருவது[5]: நாம் தமிழர் கட்சி சீமான் கூறியது, “சென்னைப் பல்கலைக்கழகத்தின் சைவ சித்தாந்தத் துறை தலைவர் பேராசிரியர் முனைவர் நல்லூர் சரவணன் அவர்களின் சைவச் சமயக் கருத்தியல் பரவலையும், அதுதொடர்பான ஆய்வுகளையும் முடக்கும் நோக்கோடு அவரை அச்சுறுத்தி ஒடுக்க நினைக்கும் இந்துத்துவ அடிப்படைவாதிகளின் கொடுஞ்செயல் வன்மையான கண்டனத்திற்குரியது. இந்து என்கிற கோட்பாட்டுக்கும்தமிழர் சமயமான சைவத்திற்கும் அணுவளவும் தொடர்பில்லை என்பதனைத் தனது ஆய்வுகளின் மூலம் நல்லூர் சரவணன் மெய்ப்பித்து வருவதே காவிப் பயங்கரவாதிகளின் இத்தகைய போக்குக் காரணமாகும். இதனால், தனது அதிகாரத்தினைப் பயன்படுத்தி அவரைப் பணியைவிட்டு நீக்கம் செய்யவும், பணியினைத் தொடரவிடாது இடையூறு செய்யவுமானச் செயல்களில் தொடர்ந்து ஈடுபட்டு வருகின்றனர். இந்துத்துவத்தின் கோர முகத்தையும், அதன் போலித்தனத்தையும் முற்றுமுழுதாகத் துகிலுரித்து மக்களிடையே கருத்தியல் பரப்புரையை மேற்கொண்டதற்காகக் காவிப்பயங்கரவாதிகளால் படுகொலை செய்யப்பட்ட கல்புர்கி, கோவிந்த் பன்சாரே, நரேந்திர தபோல்கர், கௌரி லங்கேசு போன்றவர்கள் எத்தகைய அச்சுறுத்தலையும், அடக்குமுறைகளையும் சந்தித்தனரோ அதற்கு நிகரான ஒரு கொடும் எதிர்வினையை நல்லூர் சரவணன் அவர்களும் சந்தித்து வருகிறார் என்பதிலிருந்து இச்சிக்கலின் தீவிரத்தன்மையை உணர்ந்து கொள்ளலாம்”.

Seeman supports Saravanan Dec.2018

நல்லூர் சரவணன் அவர்களுக்குப் பக்கபலமாகவும், உறுதுணையாகவும் நாம் தமிழர் கட்சி இறுதிவரை உறுதியோடு நிற்கும்: நாம் தமிழர் கட்சி சீமான் தொடந்து கூறியது, “முனைவர் .பத்மாவாதி அவர்கள் எழுதிய, ‘மாணிக்கவாசகரின் காலமும் கருத்தும்என்கிற நூல்வெளியீட்டு விழாவில், ஆரியத்திற்கெதிரான மாணிக்கவாசகரின் கருத்துக்களை மேற்கோள்காட்டிப் பேசியதற்காக முனைவர் நல்லூர் சரவணன் அவர்களைத் தரக்குறைவாக விமர்சித்தும், மிரட்டல் விடுத்தும் வருகின்றனர். இதுமட்டுமல்லாது அவரைப் பல்கலைக்கழகத்திலிருந்து பணிநீக்கம் செய்யக்கோரி ஆளுநரிடம் மனுவும் கொடுத்துள்ளனர். மக்களாட்சித் தத்துவத்தை அடிப்படையாகக் கொண்டு நிறுவப்பட்டுள்ள ஒரு சனநாயக நாட்டில் பல்கலைக்கழகப் பேராசிரியர் ஒருவருக்கே இத்தகைய நெருக்கடிகளும், அச்சுறுத்தல்களும் இருக்கிறதென்றால் கருத்துச்சுதந்திரமும், தனிமனித உரிமைகளும் எந்தளவுக்குப் பாதிக்கப்பட்டிருக்கின்றன என்பதனை உணர்ந்து அதற்கெதிராகச் சனநாயக ஆற்றல்கள் அணிதிரள வேண்டியது அவசியமாகிறது.

Seeman supports Saravanan Dec.2018.2

கல்வியாளர்களை அச்சுறுத்துவதும், கல்வி நிறுவனங்களைக் காவிப்படுத்த முயல்வதுமானக் கொடுஞ்செயல்களை எதிர்த்து கருத்தியல்ரீதியாகவும், அரசியல்ரீதியாகவும் நாம் தமிழர் கட்சியும், அதன் பண்பாட்டுப் படைப்பிரிவான வீரத்தமிழர் முன்னணியும் சமரசமின்றிச் சமர் செய்து அதனை வீழ்த்தி முடிக்கும் எனச் சூளுரைக்கிறேன். ஆகவே, இத்தருணத்தில் சைவ சித்தாந்தப் பேராசிரியர் முனைவர் நல்லூர் சரவணன் அவர்களுக்குப் பக்கபலமாகவும், உறுதுணையாகவும் நாம் தமிழர் கட்சி இறுதிவரை உறுதியோடு நிற்கும் எனவும், காவிப்பயங்கரவாதிகளின் மதத்துவேச நடவடிக்கைகளையும், சதிச்செயல்களையும் களத்தில் எதிர்கொண்டு முறியடிக்கும் எனவும் பேரறிவிப்புச் செய்கிறேன்.”

Seeman supports Saravanan Dec.2018.3

சரவணன் சைவவிரோத செயல்கள் செய்வது எப்படி?: பிறகு சி.பி.ஐ.எம்.எல் போன்ற தீவிரவாத நக்சலைட் ஆதரவாளர்களும் இவருக்கு துணையாக இறங்குகிறார்கள்[6].  பல்கலைக் கழகத்திலேயே ஏ.பி.எஸ்.சி பேனரில் ஆர்பாட்டம் செய்கிறார்கள்[7]. கடந்த 18ம் தேதி ஒரு கும்பல் சென்னைப் பல்கலைக் கழகத்தின் உள்ளே அத்துமீறி நுழைந்து போராட்டம் நடத்தியதுடன் பேராசிரியர் நல்லூர் சரவணன் மீது பல்கலைக் கழக துணை வேந்தரிடம் மனுவும் கொடுத்துள்ளனர். அந்த மனுவை பெற்ற துணை வேந்தர், பேராசிரியர் நல்லூர் சரவணன் விளக்கம் கொடுக்க வேண்டும் என்று கேட்டுள்ளார். அத்துமீறி பல்கலைக் கழகத்தில் நுழைந்த கும்பல் மீது துணை வேந்தர் நடவடிக்கை எடுக்க வேண்டும். மேலும் பேராசிரியருக்கு போலீசார் பாதுகாப்பு கொடுக்க வேண்டும். அந்த கும்பல் மீது வழக்கு தொடர வேண்டும். இல்லை என்றால் தமிழகம் முழுவதும் மாணவர்களை ஒன்று திரட்டி போராட்டத்தில் ஈடுபடுவது குறித்து அறிவிப்போம்[8]. இவ்வாறு சென்னைப் பல்கலைக்கழக சைவசித்தாந்த துறையின் மாணவரும் தமிழ் தேசிய மாணவர் இயக்கத்தின் ஒருங்கிணைப்பாளருமான   கோபிநாதன் தெரிவித்தார்[9].

Arunai Vadivelu Mudaliar, his book

சரவணன் ஆதரவு கோஷ்டிகள் ஒரே பாணியில் இருப்பது எப்படி?: அதே பாட்டை மற்ற இணைதளங்களும் பாடி வருகின்றன[10]. அவற்றின் பின்னணி, இந்திய-விரோதமும் இருப்பதை கவனிக்கலாம்[11]. பிறகு, இவர்களின் திட்டம் என்ன? சைவ சித்தாந்த ஆராய்ச்சியா? சரவணன் இதற்கெல்லாம் மறுப்புத் தெரிவிக்கவில்லை. அதாவது, அரசியலுக்கும் தனக்கும் சம்பந்தம் இல்லை. பல்கலைக்கழகத்தில் இருந்து கொண்டு, தான், இத்தகைய இந்துவிரோத ஆராய்ச்சிகளை செய்யவில்லை, சைவத்தை அவ்வாறு தூஷிக்கவில்லை, சைவ சித்தாந்தத்தை திரித்து கூறவில்லை என்று மறுக்கவில்லை. மாறாக ஊடகங்களுக்கு அவ்விதமாகவே பேட்டிக் கொடுத்தார்[12]. விளைவு, பழனியில் இந்துவே இல்லை என்ற ரீதியில் வந்துள்ளார்[13]. இத்தகைய சைவ-விரோத கருத்துகளை வைத்துக் கொண்டு, இவர் எப்படி, சைவ மகாஜனம் மன்றத்தின் தலைவர் ஆனார் என்று தெரியவில்லை. அருணை வடிவேலு முதலியார் புத்தகத்தை மறைக்கும், இவரது போக்கே, வியப்பாக இருக்கிறது. முதலில், சைவத்தை ஆதரிப்பதாக இருந்தால், அப்புத்தகத்தை மறுபடி பதிப்பித்திருக்க வேண்டும் ஆனால் செய்யவில்லை. முன்பு அவரது புத்தகத்தை வரவிடாமல் தடுத்த அதே சக்திகள் மறுபடியும் வேலை செய்கின்றன போலும். அதற்கு, இந்த சரவணன் வேலை செய்வது நிச்சயமாகிறது.

© வேதபிரகாஷ்

20-08-2019

Arunai Vadivelu Mudaliar

[1]  வேதபிரகாஷ், தமிழர் சமயம்: கிருத்துவர்கள் நடத்திய மாநாடு, 2008, ஆகஸ்ட்.15, 2008.

[2] https://christianityindia.wordpress.com/2010/05/18/religion-of-tamils-conference-conducted-to-subvert-hindu-religion/

[3] வேதபிரகாஷ், தமிழர் சமயம் – 2: அதன் பிரச்சினைகளும், விளைவுகளும், 2008, ஆகஸ்ட்.15, 2008.

[4]https://christianityindia.wordpress.com/2010/05/18/%E0%AE%A4%E0%AE%AE%E0%AE%BF%E0%AE%B4%E0%AE%B0%E0%AF%8D-%E0%AE%9A%E0%AE%AE%E0%AE%AF%E0%AE%AE%E0%AF%8D-2-%E0%AE%85%E0%AE%A4%E0%AE%A9%E0%AF%8D-%E0%AE%AA%E0%AE%BF%E0%AE%B0%E0%AE%9A%E0%AF%8D%E0%AE%9A/

[5] நாம்.தமிழர்.கட்சி, சைவ சித்தாந்தப் பேராசிரியர் முனைவர் நல்லூர் சரவணன் அவர்களுக்குப் பக்கபலமாய் நின்று, அவருக்கெதிரான இந்துத்துவ அடிப்படைவாதிகளின் சதிச்செயல்களை முறியடிப்போம்! – சீமான், நாள்: செப்டம்பர் 17, 2018

https://www.naamtamilar.org/%E0%AE%9A%E0%AF%88%E0%AE%B5-%E0%AE%9A%E0%AE%BF%E0%AE%A4%E0%AF%8D%E0%AE%A4%E0%AE%BE%E0%AE%A8%E0%AF%8D%E0%AE%A4%E0%AE%AA%E0%AF%8D-%E0%AE%AA%E0%AF%87%E0%AE%B0%E0%AE%BE%E0%AE%9A%E0%AE%BF%E0%AE%B0%E0%AE%BF/

[6] வினவு, சிவனடியார்கள் போர்வையில் பேராசிரியர் நல்லூர் சரவணன் மீது தாக்குதல் தொடுக்கும் இந்துத்துவம் !, By புமாஇமு – October 1, 2018

[7] https://www.vinavu.com/2018/10/01/organise-against-hindutuva-attack-on-mu-professor/

[8] தினகரன், மாணிக்கவாசகர் குறித்து கருத்து தெரிவித்த பல்கலைப் பேராசிரியரை மிரட்டிய கும்பல் மீது நடவடிக்கை எடுக்க வேண்டும்: மாணவர்கள் கோரிக்கை, 2018-09-25@ 00:17:28

[9] http://www.dinakaran.com/News_Detail.asp?Nid=438223

[10] கருப்பு.தமிழ்.ஸ்டூடியோ, தமிழர்கள் ஆரியருக்கு எதிரானவர்கள் என நிறுவிய பேராசிரியருக்கு தொடர் அச்சுறுத்தல், By Shanmuga Vasanthan at Monday, September, 17, 2018 7:39 PM.

[11] https://karuppu.thamizhstudio.com/news/professor-nallur-saravanan-threatened-by-hindutva

[12] பிபிசி தமிழ், மாணிக்கவாசகர் புத்தகம்: சைவ சித்தாந்த பேராசிரியரை இந்துத்துவ அமைப்புகள் எதிர்ப்பது ஏன்?, முரளிதரன் காசிவிஸ்வநாதன், 4 அக்டோபர் 2018

[13] https://www.bbc.com/tamil/india-45734041

பன்னாட்டு பல்துறை மாநாடு – வரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடு – சைவம் போர்வையில் சைவ-விரோதம் அரங்கேறுகிறதா? [2]

ஓகஸ்ட் 21, 2019

பன்னாட்டு பல்துறை மாநாடுவரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடுசைவம் போர்வையில் சைவவிரோதம் அரங்கேறுகிறதா? [2]

Saiva Siddhanta Conference 2019-banner

10-08-2019 அன்று, பன்னாட்டு பல்துறை மாநாடுவரலாற்றுக் கண்ணோட்டத்தில் சைவம் மற்றும் சைவ சித்தாந்தம்: இனி அந்த பின்னணியில், இதை கவனிக்கலாம். 10-08-2019 அன்று, பன்னாட்டு பல்துறை மாநாடு – வரலாற்றுக் கண்ணோட்டத்தில் சைவம் மற்றும் சைவ சித்தாந்தம் என்ற மாநாடு F-50 அரங்கத்தில் துவக்கி வைக்கப் பட்டது. பதிவு செய்ய ரூ 1000/- வசூலிக்கப் பட்டது, ஆனால், ரசீது கொடுக்கப் படவில்லை. சாதாரண துணிப்பைக் கொடுக்கப் பட்டது. அதில் மாநாட்டைப் பற்றிய கட்டுரை வாசிப்பவர், தலைப்பு, அமர்வுகள், நேரம் போன்ற எந்த விவரங்களும் இல்லை, பேனா கூட கிடையாது. அனைத்துலக மாநாடு எனும்போது திகைப்பாக இருந்தது. “அயல்நாட்டவர்” எவரையும் காணவில்லை. 2.00 மணி என்று குறிப்பிட்டாலும், மூன்று மணிக்கு மேலே தான் வர ஆரம்பித்தனர். பிரபலமானவர்கள் யாரும் வரவில்லை. சிவபெருமான் படத்தை வைத்து ஒரு மேஜை மீது வைத்து, விளக்கேற்றி, வலது பக்க மூலையில் வைத்து விட்டனர்.

Saiva Siddhanta Conference 2019-Nataraja in corner

மாநாடு ஆரம்பம் சடங்குகள்: சரவணன், சைவ சித்தாந்தத் துறை தலைவர், சென்னைப் பல்கலைக் கழகம், வரவேற்புரை ஆற்றினார்.

வழக்கறிஞர் எஸ். நடராஜன், தான் எதையும் புதியதாக சொல்ல வரவில்லை என்று பேச ஆரம்பித்தார். பிறகு சித்து + ஏகாந்தம் = சித்தாந்தம் என்று விளக்கம் அளித்தார்.

எஸ்.எஸ். சுந்தரம், வரலாற்றுத்துறை தலைமை மற்றும் பேராசியரும், புதியதாக எதையும் சொல்லவில்லை. சரவணனுக்கு பிரச்சினைகள் வந்தபோது[1], நாங்கள் ஆதரவாக இருந்தோம் என்று ஆரம்பித்து[2], தமிழ் தான் உலகத்தின் முதல் மொழி என்று பேசினார். சிவலிங்க வழிபாடு உலகம் முழுவதும் பரவியிருந்தது. ராஜராஜன் தான், ஓதுவார் முறையை அறிமுகப் படுத்தினான் என்று எடுத்துக் காட்டினார்.

தமிழ்நாடு சித்த மருத்துவர்கள் சங்கச் செயலாளரும், சித்த மருத்துவருமான வேலாயுதம், ஏதோ அரசியல்வாதி போன்று பேசியது வியப்பாக இருந்தது. காஷ்மீர்-லடாக் பற்றியெல்லாம் கமென்ட் அடித்து, சித்த மருத்துவம் மறைக்கப் படுகிறது என்றார். சிவனைத் தவிர தெய்வமும் இல்லை, சைவத்தைத் தவிர மதமும் இல்லை.  சமயத்தில் சாதி வரலாம், ஆனால், சாதிக்குள் சமயம் வரக்கூடாது.  “தமிழர் சமயம்” தான் தொன்மையானது, என்றெல்லாம் பேசியது வியப்பாக இருந்தது.

சிவஞான பாலாய சுவாமிகள் பெயர் போடப் பட்டிருந்தாலும், உடல் அசௌகரியம் என்பதால் வரவில்லை என்று தெரிந்தது.

Naxals CPIML supports Saravanan oct.2018.

போலி சிவனடியார்கள், போலி சித்தாந்திகள் இருப்பதை ஒப்புக் கொள்ளும் எதிர்-சித்தாந்திகள்!

Why Raja was against Saravanan

சரவணன் போன்றவர் இந்து இல்லை என்றால், சான்றிதழை மாற்றி, மாறி விடலாம், இந்துவாக இருக்க வேண்டிய அவசியம் இல்லை.

Hindu group oppose Saravanan

Ambedkar group supprt Saravanan

சுந்தரம் குறிப்பிட்ட சரவணனுக்கு வந்த பிரச்சினைகள் என்ன?: தமிழக அரசின் தொல்லியல் துறையில் கல்வெட்டு ஆய்வாளராக இருந்து ஓய்வுபெற்ற ஆ. பத்மாவதி என்பவர் எழுதிய ‘மாணிக்கவாசகர்: காலமும் கருத்தும்’ என்ற புத்தகத்தை சரவணன் வெளியிட்டது தான் பிரச்சினை[3].

  • பத்மாவதி கல்வெட்டுகளை ஆராய்ந்ததன் மூலம் அந்தக் கோவில் மாணிக்கவாசகரது காலத்தில் கட்டப்பட்டதில்லை,
  • கோவில் 13-14ஆம் நூற்றாண்டுகளில் கட்டப்பட்டது,
  • நரியைப் பரியாக்கிய கதைவெறும் புராணம் என்றும் வரகுண பாண்டியனுக்கு நாட்டை மீட்டுக் கொடுத்தவரே மாணிக்கவாசகர் என்பதால், கதையில் வருவதைப் போல மன்னன் அவரை தண்டித்திருக்க வாய்ப்பில்லை,
  • அந்தப் புத்தகத்தில் மாணிக்கவாசகரின் காலம் 9ஆம் நூற்றாண்டு என்கிறார்கள். ஆனால், அவரது காலம் 4-5ஆம் நூற்றாண்டு.
  • மாணிக்கவாசகரை சூழ்ச்சிக்காரர் என்று பொருள்படும்படி வாதித்திருப்பது,
  • அந்தக் கோவிலில் லிங்கம் இல்லை என்பதால், அதனை சிவன் கோவில் இல்லை என்றது.

இப்படி அப்புத்தகம் சித்தாந்தரீதியில் முழுக்க முழுக்க தவறான தகவல்களை முன்வைக்கிறது. புத்தகத்தை எழுதிய பத்மாவதி ஒரு மாவோயிஸ்ட் – லெனினிஸ்ட். அவர் அப்படித்தான் எழுதுவார் என்கின்றனர் இந்து அமைப்பினர்[4]. ஆனால், சைவ சித்தாந்தப் பெருமன்றமே இந்த நூலை எப்படி வெளியிடலாம் என்றும் கேள்வி எழுந்தது. சரவணனே, இந்த ரகசியத்தை மதுசூதனன் என்பவர் வெளிப்படுத்தியதாக வீடியோவில் ஒப்புக் கொண்டுள்ளார்.

Arunai Vadivelu Mudaliar

சைவ சித்தாந்தப் பெருமன்றம் சைவைவிரோத புத்தகத்தை வெளியிடுவது: புத்தகத்தை சென்னையிலிருந்து செயல்படும் சைவ சித்தாந்தப் பெருமன்றம் என்ற அமைப்பு வெளியிட்டுள்ளது. இந்த சைவ சித்தாந்தப் பெருமன்றத்தின் தலைவராக நல்லூர் சா. சரவணன் என்பவர் செயல்பட்டுவருகிறார். சரவணன் சென்னைப் பல்கலைக்கழகத்தின் சைவ சித்தாந்தத் துறையின் தலைவராகவும் இருந்துவருகிறார். 2018 மே மாதம் 27ஆம் தேதியன்று இந்தப் புத்தகம் வெளியான நிலையில், அடுத்த சில நாட்களிலேயே சிலர் இந்தப் புத்தகத்தை எதிர்த்து துண்டுப் பிரசுரங்களை வெளியிட ஆரம்பித்தனர். இதற்குப் பிறகு ஜூலை 13ஆம் தேதியன்று சென்னை மயிலாப்பூரில் உள்ள சைவ சித்தாந்தப் பெருமன்றத்திற்குள் சிலர் புகுந்து, புத்தகத்தைத் திரும்பப் பெறும்படி தகராறு செய்தனர். முன்னர் மு.தெய்வநாயகம் என்பவர் கிருத்துவத்தைப் பழித்து, தூஷித்து எழுதியபோது, திரு அருணை வடிவேலு முதலியார் எழுதிய மறுப்பு நூல் இதே மன்றத்தின் அறையில் வெளியிடப்பட்டது. அந்நிலையில், சரவணன், அத்தகைய புத்தகதை வெளியிடுவது, இந்து அல்ல என்பது, அவரைப் பற்றி பற்பல சந்தேங்களை எழுப்பின / எழுப்புகின்றன, அதன் பிறகு, செப்டம்பர் 18ஆம் தேதியன்று சென்னைப் பல்கலைக்கழகத்திற்குள் புகுந்த ஒரு பிரிவினர், சரவணனை பேராசிரியர் பணியிலிருந்து நீக்க வேண்டுமெனக் கோரி மனு கொடுக்க வந்திருப்பதாகக் கூறினர்[5]. இதையடுத்து சென்னைப் பல்கலைக்கழகத்தின் அம்பேத்கர் – பெரியார் வட்டத்தைச் சேர்ந்த மாணவர்கள் சரவணனுக்கு ஆதரவாகத் திரண்டதால் தள்ளுமுள்ளு ஏற்பட்டது – ஆனால் போட்டோவில் எண்ணி பார்த்தால் 13 பேர் தான் உட்கார்ந்திருக்கின்றனர்[6]. ஆக, சரவணன் என்றால், ஊடகங்களும் குஷியாக உள்ளன போலும்!

Somasundara Naicker apology letter-paid penalty.100 rs

வரலாற்று முன்னோக்குடன் மாநாடு, ஆனால், உண்மைகளை மறைக்கும் முறையில் நடந்தது: ஒவ்வொரு பேச்சாளருக்கும் இடையில், பேசும்போது, சரவணன் அவர்கள் அரசியல் தொடர்பான புறம்பான விவரங்களைச் சேர்த்துக் கொண்டார். தேவையில்லாமல், அவர் “அத்தி வரதர்” மற்றும் பலவற்றைப் பற்றி கருத்து தெரிவித்தார். ஓரங்கட்டப்பட்ட சோமசுந்தர நாயக்கர் முன்மொழியப்பட்ட “தமிழர் சமயம்” பற்றி அவர் குறிப்பிடுகிறார், மறைமலை அடிகளுக்கு முக்கியத்துவம் அளிக்கப்பட்டது, இருப்பினும், “தனித்தமிழ் இயக்கம்” [தனி / தூய தமிழ் இயக்கம்] பிரச்சாரம் செய்வதில் அவர் முன்னோடியாக இருந்தார். சோமாசுந்தர நாயக்கர் வைஷ்ணவத்தையும் பிற நம்பிக்கைகளையும் எதிர்த்ததாக அவர் கூறினாலும், அத்தகைய விரோத-வாதத்திற்காக அவர் தண்டிக்கப்பட்டு அபராதம் விதிக்கப்பட்டதாகவும், நீதிமன்றத்தால் மற்றவர்களின் உணர்வை புண்படுத்தியது பற்றியும் அவர் குறிப்பிடவில்லை. மெட்ராஸ் பிரசிடென்சி மாஜிஸ்திரேட்டுக்கு அளித்த புகார் எண் 22349/1890 அடிப்படையில், அவர் ஜனவரி 8, 1891 அன்று ஏ.வி.ராமானுஜ நாவலருக்கு மன்னிப்புக் கடிதம் கொடுத்து ரூ. 100 /- தண்டம் செல்லுத்தினார். இவர், ஆஞ்சநேய ராமவைபவ பங்கம், 1900, ஆபாச ஞான நிரோதம், 1880, இராமதத்வ தீபிகையினது ஆபாச விளக்கம்., 1888, இராமானுஜ மதசபேடிகை போன்ற புத்தகங்களை எழுதி, கலவரத்தை மூட்டும் போக்குக் கொண்டவராகத் தெரிகிறார்.இது ஒரு எடுத்துக்காட்டாக குறிப்பிடப்படுகிறது, ஆனால், எந்தவொரு வரலாற்று ஆதாரமும் இல்லாமல் பல கூற்றுக்கள் உள்ளன.

© வேதபிரகாஷ்

19-08-2019

Somasundara Naicker abusing Vaishnavism

[1]  விகடன், சென்னைப் பல்கலைக்கழக சைவசித்தாந்தத் துறைத் தலைவருக்கு கொலை மிரட்டல்!, லட்சுமணன்.ஜி, Published:18 Sep 2018 1 PM; Updated:18 Sep 2018 1 PM

[2]  https://www.vikatan.com/news/controversy/137257-get-lifethreatening-calls-alleges-madras-university-hod-nallur-saravanan

[3] பிபிசி.தமிழ், மாணிக்கவாசகர் புத்தகம்: சைவ சித்தாந்த பேராசிரியரை இந்துத்துவ அமைப்புகள் எதிர்ப்பது ஏன்?, முரளிதரன் காசிவிஸ்வநாதன், பிபிசி தமிழ், 4 அக்டோபர் 2018

[4] https://www.bbc.com/tamil/india-45734041

[5] விகடன், மாற்றப்பட்டதா மாணிக்கவாசகர் கருத்து? – கொலை மிரட்டல் ஆபத்தில் பேராசிரியர், ஐஷ்வர்யா-குணவதி,  Published:26 Sep 2018 5 AMUpdated:26 Sep 2018 5 AM

[6] https://www.vikatan.com/social-affairs/controversy/144467-controversy-about-maanikkavaasagar-book

பன்னாட்டு பல்துறை மாநாடு – வரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடு – சைவம் போர்வையில் சைவ-விரோதம் அரங்கேறுகிறதா? [1]

ஓகஸ்ட் 21, 2019

பன்னாட்டு பல்துறை மாநாடுவரலாற்றுக் கண்ணோட்டத்தில் அனைத்துலக சைவம் மற்றும் சைவ சித்தாந்த மாநாடுசைவம் போர்வையில் சைவவிரோதம் அரங்கேறுகிறதா? [1]

Pazhani, Saiva siddhanta conference, 19-21, July 2019

2019 ஜூலையில் சைவர் இந்து அல்ல என்று தீர்மானம் போட்டு, ஆகஸ்டில் சென்னை பல்கலைக்கழகத்தில் மாநாடு நடத்தியது: சென்னை பல்கலைக் கழக மாநாட்டிற்கு முன்பாக, இதே குழு, பழனியில் மாநாடு நடத்தியதாலும், அது இம்மாநாட்டின்  மீது தாக்கத்தை ஏற்படுத்துவதாலும், அதைப் பற்றி குறிப்பிட வேண்டிய அவசியம் உள்ளடு. ஜூலையில் பழநியில் சென்னை சைவ சித்தாந்தப் பெருமன்றத்தின் 114 ஆண்டு மாநாடு துவங்கியது. பழநி தெற்கு கிரிவீதியில் சாது சாமி மடத்தில் மூன்று நாட்கள் – 19 முதல் 20 வரை [வெள்ளி, சனி, ஞாயிறு] மாநாடு நடைபெற்றது. உயர்நீதிமன்ற நீதிபதிகள், சாதுக்கள் ஆன்மிகப் பெரியோர்கள் உட்பட பலர் பங்கேற்றனர். பெருமன்ற தலைவர் நல்லூர் சரவணன் கூறுகையில், நாங்கள் அந்தந்த நாடுகளுக்குச் சென்று மாநாடு நடத்துவோம், இவ்வருடம் இங்கு நடத்துகிறோம்[1]. சைவம் இந்து அல்ல; சைவர்களும் இந்து அல்ல, அது தமிழர் அருள்நெறி மரபு என அறிவிக்கவும் மாநாட்டின் வாயிலாக கோரிக்கை வைத்துள்ளோம், தீர்மானமும் நிறைவேற்றப் பட்டது என்றார்[2]. முன்பு “லிங்காயத்துகள்” விவகாரத்தை வைத்து, பிபிசிக்கும் அத்தகைய கருத்தை சொல்லியிருப்பது கவனிக்கத் தக்கது[3]. அது அரசியல் என்பதும், இப்பொழுது அடங்கி விட்டது என்பதும் தெரிந்த விசயம்[4]. ஆகஸ்டில் சென்னை பல்கலைக் கழகத்தில் நடந்த மாநாட்டின் பின்புலமாக, இதனை அறிய வேண்டிய தேவையாகிறது. மேலும், இதில் கலந்து கொண்டவர்கள், அங்கு, சென்னையிலும் கலந்து கொண்டுள்ளனர்.

Pazhani, Saiva siddhant conference, July 2019

சித்தாந்தம் என்பதை விட மெய்யியல் என்பதே மிகச்சரிபழ.நெடுமாறன்: 20-07-2019, சனிக்கிழமை இரண்டாம் நாள் நிகழ்ச்சிக்கு பழனி ஆதீனம் சாது சண்முக அடிகளார் தலைமை வகித்தார்[5].  முன்னாள் சட்டப்பேரவை உறுப்பினரும் விழா தலைவருமான வேணுகோபாலு முன்னிலை வகித்தார். சைவ சித்தாந்த பெருமன்றத்தின் தலைவர் நல்லூர் சரவணன் வரவேற்றார். காலையில் நடைபெற்ற கலந்துரையாடல் நிகழ்ச்சியில் உலகத்தமிழ் பேரவை நிறுவனர் பழ.நெடுமாறன் பங்கேற்று பேசியதாவது[6]: “…., சித்தாந்தம் என்பதன் பொருளே நன்கு நிறுவப்பட்ட கொள்கை. எனவே சித்தாந்தம் என்பதை விட மெய்யியல் என்பதே மிகச்சரி. திருவள்ளுவரும் மெய்ப்பொருள் என்றே கூறியுள்ளார். சித்தாந்தத்தில் சமூக வளர்ச்சிக்கான அனைத்து கருத்துக்களும் உள்ளன. சித்தாந்தம் குறித்து பல கல்லூரிகளில் பாடங்கள் நடத்தப்படுகிறது. இவற்றை உலகம் முழுக்க கொண்டு செல்ல தமிழக அரசு முயற்சி செய்ய வேண்டும். அப்பர், சுந்தரர், காரைக்கால் அம்மையார் கருத்துக்கள் தமிழ் பெருமைக்கு சான்றாக உள்ளன. இயல், இசை, நாடகம் என முத்தமிழையும்,  நுண்நூல்களையும் பாதுகாத்து வரும் சந்ததிக்கு வழங்க வேண்டும்,” என பேசினார்.

Saivas not Hindus Pazhani, Saravanan july 2019

புத்தக  வெளியீட்டுமாயாவாதம் எனும் சங்கர வேதாந்தம்: மாலையில் நடைபெற்ற நூல் வெளியீட்டு விழாவில் முப்பொருள் விளக்கம், திருமுருகாற்றுப்படை, சைவ ஆகமங்கள், மாயாவாதம் எனும் சங்கர வேதாந்தம் உள்ளிட்ட பல்வேறு நூல்கள் வெளியிடப்பட்டன. சென்னை உயர்நீதிமன்ற நீதிபதிகள் கே.கல்யாணசுந்தரம், தெ. கிருட்டிணகுமார் ஆகியோர் நூல்களை வெளியிட, ஓய்வு பெற்ற காவல்துறைத் தலைவர் சிதம்பராசமி, சாது சண்முக அடிகளார் ஆகியோர் பெற்றுக் கொண்டனர்.  நீதிபதி கிருஷ்ணகுமார் பேசுகையில், சைவர்கள் சிவன் தலைமையை ஏற்றுக்கொண்டவர்கள். உலகில் உள்ள ஐந்து பொருள்களான கடவுள், உயிர், சடப்பொருள்களான ஆணவம், கன்மம் மற்றும் மாயை வாழ்க்கையில் நடக்கும் பிரச்னைகளை உள்வாங்கி எதையும் மறுக்காமல் பொறுப்பேற்று தெளிவடைந்து பிறப்பில் இருந்து விடுபடுவது தான் சைவ சித்தாந்தத்தின் கொள்கை. நீதிபதிகளும் மடாதிபதிகளைப் போல தான் இருக்க வேண்டும். சுதந்திரம் இருந்தாலும் சமூகக் கட்டுப்பாட்டிற்கு உட்பட்டு  சுயக் கட்டுப்பாடும் இருக்க வேண்டும் என்றார்[7].  நீதிபதி கல்யாணகுமாரும் பேசினார். நீதிபதிகளுக்கு மற்ற படித்தவர்களுக்கு, “மாயாவாதம் எனும் சங்கர வேதாந்தம்,” என்பது எவ்வளவு அபத்தமானது என்று தெரிந்திருக்கும், இருப்பினும் கலந்து கொண்டுள்ளார்கள். ஏனெனில், அத்வைதம் அப்படியில்லை, பௌத்தம் மற்றும் ஜைனம் தான் அத்தகைய கொள்கைகளைக் கொண்டுள்ளன. சம்பந்தர், அப்பர் முதலியோர் அதனால் தான் அவற்றை எதிர்த்தனர்.

Pazhani, Saiva siddhanta conference, 19-21, July 2019 .2

சைவ மடாதிபதிகள், மடங்கள் “இந்து அல்லஎன்றால், அவ்வாறே அறிவித்துக் கொள்ளலாம்: சைவ மடாதிபதிகள், மடங்கள் இந்து சமயத்தில் இருந்து கொண்டு தான், சட்டதிட்டங்களுடன் செயல்பட்டு வருகின்றன. “இந்து அல்ல” என்றால் இந்த பழனி, மைலம் மற்றும் இதர மடாதிபதிகள் தாராளமாக வெளியேறி விடலாம். ஏனெனில், இது மதம் சுத்தமாகும். சரவணன் மற்றும் அவரது கூட்டத்தாரும் வெளியேறி விடலாம். சித்தாந்தம் குழமாமல் இருக்கும். நல்.முருகேச முதலியார் போன்றவர்களை விட, இவர்கள் ஒன்றும் பெரிய சித்தாந்திகளும் இல்லை, சைவ நம்பிக்கையாளர்களும் இல்லை, என்பது அவர்களது பேச்சுகளிலிருந்தே வெளிப்படுகிறது. ஆகவே, இவர்கள் இந்துக்களாக இருப்பது, கேடு தான். உள்ளே இருந்து கொண்டு, மற்றவர்களைக் குழப்புவதால் தான் மற்ற நாத்திக, இந்துவிரோத, கம்யூனிஸ்ட், நக்சலைட் இத்யாதிகள் இவர்களுக்கு ஆதரவாக உள்ளனர். ஆக, முந்தைய சமண-பௌத்தர் எப்படி போலி சைவர்களாக இருந்து, குழப்பினார்களோ, அதே போல, இந்த போலி சித்தாந்திகள் குழப்ப வந்து விட்டார்கள்!

Pazhani, Saiva siddhanta conference, 19-21, July 2019 Nalvar

சைவத்தின் நிலையறியாரோ?: சைவர் மற்றும் சைவ சித்தாந்திகள், கடந்த காலங்களில் போலி சைவர்-போலி சித்தாந்திகள், வேடதாரிகள் முதலியோரைப் பற்றி எச்சரித்துள்ளனர். குறிப்பாக சில பாடல்களைக் குறிப்பிட்டு உண்மையினை விளக்கியுள்ளனர்.  அவிழ்க்கின்றவாரும், அதுகட்டு மாறும் சிமிட்டலைப் பட்டு உயிர் போகின்றவாறும் தமிழ்ச்சொல் வடசொல் எனும் இவ்விரண்டும் உணர்த்தும் அவனை உணரலும் ஆமே, என்பதறியாமல், சித்தாந்தம் பேசும் பொய்யர்கள்! உயிர்களைப் பந்தத்திலிருந்து நீக்கும் முறையையும், உயிர்களை பந்தத்தில் கட்டும் முறையையும், இமைக்கும் தொழில் ஒழித்து உயிர் போகும் முறையையும், தமிழ்ச் சொல், வடசொல் இரண்டிலும் கூறி உணர்த்துகின்ற சிவனை ஆகம அறிவால் மட்டும் அறிந்து கொள்ள முடியுமோ?

மூரி முழங்கொலிநீ ரானான் கண்டாய்
முழுத்தழல்போல் மேனி முதல்வன் கண்டாய்
ஏரி நிறைந்தனைய செல்வன் கண்டாய்
இன்னடியார்க் கின்பம் விளைப்பான் கண்டாய்
ஆரியன் கண்டாய் தமிழன் கண்டாய்
அண்ணா மலையுறையெம் அண்ணல் கண்டாய்
வாரி மதகளிறே போல்வான் கண்டாய்
மறைக்காட் டுறையும் மணாளன் தானே [திருமறைக்காடு பாடல் எண்:5]
ஆனால், இவற்றையெல்லாம் மீறி, முறையற்ற விளக்கங்கள் கொடுத்து, சைவர்-சைவ சித்தாந்திகள் இந்துக்கள் அல்லர் என்ற அளவிற்கு பிதற்ற இவர்கள் வந்து விட்டனர். தமது சுயரூபத்தை வெளிக்காட்டி விட்டனர்.

தமிழ் தெரியாதா, தமிழருக்கு தமிழ் படித்து, புரிந்து கொள்ள முடியாதா, என்றெல்லாம் அறிந்தும்-அறியாதார் போல, பல்கலைக் கழகத்தில் இருக்கிறேன் என்ற மமதையில் பொய்களை சொன்னால், சிவபெருமான் நிச்சயமாக தண்டிப்பார்.

மாரியும் கோடையும் வார்பனி தூங்கநின்று
ஏரியும் நின்றங்கு இளைக்கின்ற காலத்து
ஆரிய முந்தமி ழும்உட னேசொலிக்
காரிகை யார்க்குக் கருணைசெய் தானே” – (திருமந்திரம் – 65)
இறைவன் ‘தமருகம்’ என்னும் தனது தோற்கருவியின் ஒரு புறத்தில் ஒலியெழுப்பித் தமிழையும், மறுபுறத்தில் ஒலியெழுப்பி ஆரியத்தையும் வெளிப்படுத்தினன் என்பர்.

இவ்விரண்டு மொழிகளையும் சிவபெருமான் உமையம்மைக்கு அருளினான் என்ப தாகத் திருமூலர் திருமந்திரம். இதற்கெல்லாம் கூட வேறு விளக்கம் கொடுப்பரோ?

வானவன்காண் வானவர்க்கும் மேலா னோன் காண் வடமொழியும் தென்தமிழும் மறைகள் நான்கும் ஆனவன்காண்” [திருச்சிவபுரம் – 1] –என்ற திருநாவுக்கரசரசரை எதிர்ப்பரோ?

© வேதபிரகாஷ்

18-08-2019

Pazhani, Saiva siddhanta conference, I am not Hindu-Shiva

[1] தினமலர், பழநியில் சைவ சித்தாந்த மாநாடு,  ஜூலை 19,2019 00:00 IST.

[2] https://www.dinamalar.com/video_main.asp?news_id=169759&cat=32

[3] பிபிசி தமிழ், நாங்கள் ஏன் இந்துக்கள் இல்லை’ – லிங்காயத்துகள் அடுக்கும் காரணங்கள், பிரமிளா கிருஷ்ணன், 22 மார்ச் 2018

[4] https://www.bbc.com/tamil/india-43489113. காங்கிரஸ் தேர்த நேரத்தில் அதனை பிரச்சினையாக்கியது. ஆனால், விளைவை அறிந்த பின்னர் அடங்கி விட்டது.

[5] தினமணி, பழனி சைவ சித்தாந்த மாநாட்டில் நூல்கள் வெளியீடு, By DIN | Published on : 21st July 2019 01:17 AM |

[6] பழ.நெடுமாறனைப் பற்றி ஒல்ல வேண்டிய அவசியம் இல்லை. முன்பு, இந்துவிரோத-கிருத்துவ தெய்வநாயகத்தின் கூட்டத்தில் பங்கு கொண்டது போல, இங்கும் கலந்து கொண்டுள்ளார். இதைப்பற்றி மாநாடு ஏற்பாடு செய்தவர்கள் தான் பதில் சொல்லியாக வேண்டும். மற்றவர்கள், எப்பட், “இனம் இனத்தோடு சேர்கிறது,” என்பதை உன்னிப்பாகக் கவனிக்கலாம்”

[7]  ஒருவேளை, இவருக்கு சரவணனின் சைவத்தின் மீதான கருத்துகள் தெரியாது போலும். சரி, அந்த தீர்மானம் பற்றியுமா தெரியாது, அல்லது ஊடகங்களில் வந்த விசயங்களையும் படிக்காமலா இருந்தார்கள்?

தஞ்சாவூர் சரசுவதி மகால் நூலகத்தில் உள்ள ஓலைச்சுவடி புத்தகங்கள் காணாமல் போவது எப்படி?:

மார்ச் 19, 2019

தஞ்சாவூர் சரசுவதி மகால் நூலகத்தில் உள்ள ஓலைச்சுவடி புத்தகங்கள் காணாமல் போவது எப்படி?:

Saraswati Mahal -library

தஞ்சாவூர் சரசுவதி மகால் நூலகத்தில் உள்ள ஓலைச்சுவடிகள், புத்தகங்கள்: தஞ்சாவூர் சரசுவதி மகால் நூலகத்தில் ஏறத்தாழ 13 ஆண்டுகளுக்கு முன்பு பழைமையான நூல் திருட்டு போன சம்பவம் குறித்து சிலை கடத்தல் தடுப்புப் பிரிவு போலீஸார் புதன்கிழமை விசாரணை மேற்கொண்டனர்[1]. நாளந்தா பல்கலைக்கழகத்துக்கு இணையான பெருமையுடைய இந்த நூலகம் கி.பி. 1535 – 1675 ஆம் ஆண்டுகளில் தஞ்சாவூரை ஆண்ட நாயக்க மன்னர்கள் ஆட்சிக் காலத்தில் உருவாக்கப்பட்டது. இந்த நூலகத்தில் சோழர்கள், நாயக்கர்கள், மராட்டியர்களின் ஆட்சிக் காலத்தைச் சார்ந்த ஒரு லட்சத்துக்கும் அதிகமான ஓலைச்சுவடிகள், காகிதச் சுவடிகள், சுமார் மூன்று லட்சம் மோடி ஆவணங்கள் ஆகியவை உள்ளன. நூலகத்தில் 49 ஆயிரம் ஓலைச்சுவடிகள் உள்ளன. இவற்றில் தமிழ், சமஸ்கிருதம், தெலுங்கு, மராட்டி ஆகிய மொழிகளில் காணப்படும் ஓலைச்சுவடிகள் பெரும்பாலானவை. கன்னடம், மலையாளம் மொழிகளில் ஓரிரு எண்ணிக்கையிலும், பர்மா மொழியில் ஒரு ஓலைச்சுவடியும் உள்ளது. 70 ஆயிரம் புத்தகங்கள் உள்ளன. தமிழ், ஆங்கிலம், இந்தி, சமஸ்கிருதம், தெலுங்கு, கன்னடம், மலையாளம் உள்ளிட்ட இந்திய மொழிகள் மட்டுமின்றி 200 ஆண்டுகளுக்கு முன்பு அயல்நாடுகளில் அச்சிடப்பெற்ற ஜெர்மன், இத்தாலி, டச்சு, ஆங்கில மொழியில் அமைந்த நான்கு ஆயிரத்திற்கும் மேற்பட்ட புத்தகங்களும் உள்ளன. இதில் பண்டைய தமிழர்களின் பண்பாடு பற்றிய தகவல்கள், ஜோதிடம், மருத்துவக் குறிப்புகள் உள்ளிட்டவை இடம்பெற்றுள்ளன[2].

Ziegenbalg book

புதிய ஆகமங்களின் முதலாம் பங்குஎன்ற புத்தகம் காணாமல் 2006ல் போனது: ஜெர்மனியை சேர்ந்த பாதிரியார் சீகன்பால்கு, தரங்கம்பாடியில் புதிய அச்சுக்கூடத்தை நிறுவினார். அங்கு 1810-ம் ஆண்டு ‘புதிய ஆகமங்களின் முதலாம் பங்கு’ என்னும் நூலை 3 பிரதிகள் மட்டும் அச்சிட்டார். முதல் பிரதி லண்டன் அருங்காட்சியகத்திலும், மற்றொரு பிரதி தஞ்சை சரசுவதி மகால் நூலகத்திலும் பாதுகாக்கப்பட்டு வந்தது. 3-வது பிரதி எங்கே இருக்கிறது? என்று தெரியவில்லை. இந்நிலையில், 2006, அக். 8-ம் தேதி இந்நூலை பார்ப்பதற்காக ஜெர்மன் நாட்டைச் சேர்ந்த இரு சுற்றுலா பயணிகள் சிறப்பு அனுமதி பெற்று வந்தனர். கண்ணாடிப் பேழையிலிருந்த இந்நூலை இருவரும் பார்த்து, ஒவ்வொரு பக்கமாகப் புகைப்படம் எடுத்துக் கொண்டனர். நீண்ட நேரமாக புகைப்படம் எடுத்து கொண்டிருந்ததால் ஊழியர்களின் கவனம் வேறுபக்கம் திரும்பியது. இருவரும் சென்ற பிறகு இந்நூல் காணாமல்போனது தெரிய வந்தது. சுற்றுலா பயணிகள் 2 பேர் தான் அந்த நூலை கொள்ளையடித்து சென்று இருக்கலாம் என சந்தேகம் ஏற்பட்டது. அப்போது, நூலக பாதுகாவலர் பெருமாள், நூலகர் சுதர்சன் ஆகியோர் மீது நடவடிக்கை எடுக்கப்பட்டது.

Saraswati Mahal Library- mss and book

ஓலைசுவடி திருட்டு வழக்கமாக இருந்து வந்துள்ளது[3]: இதற்கு முன்பு அரிய   ஓலைச்சுவடிகளும், பழைமையான சித்த மருத்துவம், ஆன்மிக ஜோதிட புத்தகங்களும் காணாமல் போயுள்ளன[4]. இதுகுறித்து யாரும் கவலைப்படவில்லை. அவையெல்லாம் பதிவாகவும் இல்லை. அப்படியென்றால், தமிழர்களின் பற்று எப்படியிருக்கும் என்பதனை  கண்டு கொள்ளலாம். கலைகளையும், பாரம்பர்யத்தையும் இழந்து நவீனத்தின் திசையில் நிற்கும், நம் சந்ததியினருக்கு வரலாற்றுச் சிறப்புமிக்க நூல்கள், ஒரு சிறந்த வழிகாட்டியாக இருக்கும் என்பதால் பள்ளிக்கல்வித் துறை உடனடியாக தஞ்சை சரஸ்வதி மகால் நூலகத்தை ஆய்வு செய்து கணக்கெடுத்து கண்காணிப்புக்கான ஏற்பாடுகளையும் செய்ய வேண்டும் என்று கோரிக்கை விடுக்கிறார்கள் தஞ்சாவூர் மக்கள்!

Saraswati Mahal Library- mss and book Dinakaran

2006லிருந்து 2019 வரை நடவடிக்கை எடுக்காமல் இருந்தது: திருடு போன நூலைக் கண்டுபிடிக்க வேண்டும் என பொதுமக்கள், சரஸ்வதி மஹால் நூலக ஊழியர்கள், வரலாற்று ஆய்வாளர்கள் சார்பாக அரசுக்கு புகார்கள் சென்றன. ஏனெனில், நூலகத்தில் வேலை செய்யும் பணியாளர்களுக்குத் தெரியாமல், இது நடக்க முடியாது. கேமராக்களும் பொறுத்தப் பட்டிருப்பதால், அவர்களுடைய உதவி இல்லாமல் நடக்காது என்பது தெரிந்தவிசயம் தான். இது தொடர்பாக கடந்த 2014-ம் ஆண்டு மேற்கு போலீஸில் வழக்கு பதிவு செய்யப்பட்டன. இதற்குள், வி,ஜெயகுமார் என்பவர் தம் நண்பர்களுடன், இட்தைப் பற்றி புகார் கொடுத்தனர்[5]. அக்டோபர் 8, 2006லிருந்து அப்புத்தகம் காணாமல் போயிருக்கிறது. அதே போல, ரத்தினங்கள்  பதிக்கப்பட்ட கிருஷ்ணர் ஓவியம் 1968லிருந்து காணவில்லை என்று எடுத்துக் காட்டினர்[6].

Enquiry at Saraswati Mahal - 13-03-2019

மார்ச் 2019ல் நடந்த விசாரணை: இந்த நிலையில், சிலைக் கடத்தல் தடுப்பு பிரிவு, ஐ.ஜி., பொன்.மாணிக்கவேல், கடந்த 2017-ம் ஆண்டு முதல் தொடர் விசாரணை நடத்தி வந்தார். இதுதொடர்பாக நூலகத்தைச் சேர்ந்த சிலர் மீது நடவடிக்கை எடுக்கப்பட்டது. இந்நூல் பல கோடி ரூபாய்க்கு விற்கப்பட்டதாகப் புகார்கள் எழுந்தன. எனவே, இதுதொடர்பாக விசாரணை நடத்தி, தொடர்புடையவர்களைக் கைது செய்ய வேண்டும் என பல்வேறு தரப்பினரும் வலியுறுத்தி வந்தனர். இதுகுறித்து மேற்கு காவல் நிலையத்தில் 2014 ஆம் ஆண்டில் புகார் செய்யப்பட்டது. இந்நிலையில், இச்சம்பவம் தொடர்பாக சிலை கடத்தல் தடுப்புப் பிரிவுக் காவல் துணைக் கண்காணிப்பாளர் சந்திரசேகர் மற்றும் இரு உதவி ஆய்வாளர்கள் உள்ளிட்டோர் புதன்கிழமை விசாரணை நடத்தினர். இதில், சம்பவம் நிகழ்ந்த காலத்தில் இருந்த ஊழியர்களிடம் விசாரணை செய்யப்பட்டது.

Saraswati Mahal Library- mss and book - complaint given

சிலை கடத்தல் தடுப்பு பிரிவு .ஜி. பொன்மாணிக்கவேல் இருமுறை விசாரித்தது: இதேபோல 1968-ம் ஆண்டு பல லட்சம் ரூபாய் மதிப்புள்ள நவரத்தினங்கள் பொறிக்கப்பட்ட கிருஷ்ணர் படம் கொள்ளை போனது. சரசுவதி மகால் நூலகத்தில் கொள்ளை போன நூல், கிருஷ்ணர் படத்தையும் மீட்க வேண்டும் என வரலாற்று ஆய்வாளர்கள், சமூக ஆர்வலர்கள் சார்பில் அரசுக்கு புகார்கள் அனுப்பி வைக்கப்பட்டன. இந்தநிலையில் சிலை கடத்தல் தடுப்பு பிரிவு ஐ.ஜி. பொன்மாணிக்கவேல் இந்த புகார் தொடர்பாக 2 முறை ரகசியமாக சரசுவதி மகால் நூலகத்திற்கு வந்து விசாரணை நடத்தினார்[7]. இந்த நிலையில் சிலை கடத்தல் தடுப்பு பிரிவு துணை போலீஸ் சூப்பிரண்டு சந்திரசேகர் மற்றும் 2 சப்-இன்ஸ்பெக்டர்கள் உள்பட 5 பேர் சரசுவதி மகால் நூலுகத்துக்கு 13-03-2019 அன்று காலை 11 மணிக்கு வந்தனர்[8]. அவர்கள் அங்கு பணியாற்றி வரும் ஊழியர்களிடம் கொள்ளை போன நூல் குறித்து தீவிர விசாரணை நடத்தினர்.  தொடர்ந்து திருடு போன சமயத்தில் நூலகத்தில் பாதுகாவலராக பணியாற்றி வந்த பெருமாளிடம் 3 மணி நேரத்துக்கும் மேலாக விசாரணை நடத்தினர்[9]. அப்போது ஊழியர்கள் அளித்த வாக்குமூலத்தை தட்டச்சு மூலம் உடனுக்குடன் போலீசார் பதிவு செய்தனர்.

Harshavardhan at Saraswati Mahal Library

காணாமல் போன நூல் ரூ.18 கோடிக்கு விற்கப்பட்டதா?: விகடன் இவ்வாறு புரளி கிளப்பியுள்ளது. இந்த விசாரணை மாலை 4.15 மணி வரை நடைபெற்றது. விசாரணை முடிந்து வெளியே வந்த துணை போலீஸ் சூப்பிரண்டு சந்திரசேகரிடம் நிருபர்கள் கேட்டபோது, நூல் கொள்ளை போனது குறித்து புகார் வந்ததன் அடிப்படையில் விசாரணை நடைபெற்று வருகிறது. வேறு எதை பற்றியும் சொல்ல முடியாது. விசாரணை தொடர்ந்து நடைபெறும் என்றார். காணாமல் போன நூல் ரூ.18 கோடிக்கு விற்கப்பட்டதாக விசாரணையில் கண்டுபிடிக்கப்பட்டதாக நூலக வட்டாரத்தில் பேசிக்கொண்டனர். ஆனால், இதன் உண்மைத்தன்மை குறித்து உறுதியான தகவலும் இல்லை[10]. பிறகு எதற்கு விகடன் புரளி செய்தியை வெளியிடுகிறாது என்றூ தெரியவில்லை.

© வேதபிரகாஷ்

19-03-2019

Ziegenbalg New testament book - complaint given

[1] தினமணி, சரசுவதி மகால் நூலகத்தில் நூல் திருட்டு சம்பவம்: சிலை கடத்தல் தடுப்புப் பிரிவு போலீஸார் விசாரணை, By DIN | Published on : 14th March 2019 08:44 AM

[2] https://www.dinamani.com/all-editions/edition-trichy/tanjore/2019/mar/14/%E0%AE%9A%E0%AE%B0%E0%AE%9A%E0%AF%81%E0%AE%B5%E0%AE%A4%E0%AE%BF-%E0%AE%AE%E0%AE%95%E0%AE%BE%E0%AE%B2%E0%AF%8D-%E0%AE%A8%E0%AF%82%E0%AE%B2%E0%AE%95%E0%AE%A4%E0%AF%8D%E0%AE%A4%E0%AE%BF%E0%AE%B2%E0%AF%8D-%E0%AE%A8%E0%AF%82%E0%AE%B2%E0%AF%8D-%E0%AE%A4%E0%AE%BF%E0%AE%B0%E0%AF%81%E0%AE%9F%E0%AF%8D%E0%AE%9F%E0%AF%81-%E0%AE%9A%E0%AE%AE%E0%AF%8D%E0%AE%AA%E0%AE%B5%E0%AE%AE%E0%AF%8D-%E0%AE%9A%E0%AE%BF%E0%AE%B2%E0%AF%88-%E0%AE%95%E0%AE%9F%E0%AE%A4%E0%AF%8D%E0%AE%A4%E0%AE%B2%E0%AF%8D-%E0%AE%A4%E0%AE%9F%E0%AF%81%E0%AE%AA%E0%AF%8D%E0%AE%AA%E0%AF%81%E0%AE%AA%E0%AF%8D-%E0%AE%AA%E0%AE%BF%E0%AE%B0%E0%AE%BF%E0%AE%B5%E0%AF%81-%E0%AE%AA%E0%AF%8B%E0%AE%B2%E0%AF%80%E0%AE%B8%E0%AE%BE%E0%AE%B0%E0%AF%8D-%E0%AE%B5%E0%AE%BF%E0%AE%9A%E0%AE%BE%E0%AE%B0%E0%AE%A3%E0%AF%88-3113523.html

[3] விகடன், சீகன்பால்கு அச்சிட்டபுதிய ஆகமங்களின் முதலாம் பங்குநூல் எங்கே? – தஞ்சை சரஸ்வதி மகாலில் களவுபோகும் பொக்கிஷங்கள்!, வெளியிடப்பட்ட நேரம்: 12:10 (01/09/2017) கடைசி தொடர்பு:12:10 (01/09/2017)

[4] https://www.vikatan.com/news/spirituality/100946-old-scripts-theft-in-thanjavur-saraswathi-mahal-library.html

[5] On Wednesday, a group of RTI activists and lawyers, led by V Jeevakumar, submitted a petition to T Senthilkumar, SP, in which, they pointed out that a rare Tamil book titled “Puthiya Agamangalin Muthalam Pangu” printed in 1810 was missing from the library since October 8, 2006. The petitioners suspected two German tourists to whom the book was taken out from the showcase and shown to them. Similarly, a Thanjavur Painting, which depicted Krishna, studded with precious stones was also stolen from the library in 1968.

[6] https://www.dtnext.in/News/TamilNadu/2018/03/15033603/1065121/Ancient-treasures-missing-from-Saraswathi-Mahal.vpf

[7] தினத்தந்தி, தஞ்சை சரசுவதி மகால் நூலகத்தில் கொள்ளை போன அரிய நூல் குறித்து ஊழியர்களிடம் 5 மணி நேரம் விசாரணை, பதிவு: மார்ச் 14,  2019 04:45 AM.

[8] https://www.dailythanthi.com/Districts/Chennai/2019/03/14001410/The-5hour-investigation-was-conducted-by-the-employees.vpf

[9] விகடன், தஞ்சை சரஸ்வதி மஹாலில் திருடு போன நூல்ரூ.18 கோடிக்கு விற்பனையா?, வெளியிடப்பட்ட நேரம்: 22:00 (13/03/2019) கடைசி தொடர்பு:22:00 (13/03/2019)

[10] https://www.vikatan.com/news/tamilnadu/152227-thanjavur-saraswathi-mahal-book-stolen-and-sales-in-18-crore.html

கம்போடியாவில், மே 19,-20, 2018 தேதிகளில் நடந்த உலகத் தமிழர் மாநாடும், விவரங்களும் – வியாபார-முதலீடு மாநாடா, பிரிவினைவாதம் பேசும் மாநாடா? (2)

மே 25, 2018

கம்போடியாவில், மே 19,-20, 2018 தேதிகளில் நடந்த உலகத் தமிழர் மாநாடும், விவரங்களும்வியாபாரமுதலீடு மாநாடா, பிரிவினைவாதம் பேசும்  மாநாடா? (2)

World Tamil conference - 22-05-2018-thankar bachan

திராவிடம், திராவிடன் என்ற சொல்லை தமிழன் உச்சரிக்கக் கூடாது என என்றைக்கு முடிவெடுத்து செயல் படுகிறோமோ அன்று வரை தமிழனுக்கு விடிவே இல்லை: தங்கர்பச்சான், காகிதத்தில் இருந்தத்தைப் படித்தார்[1], “பிழைப்பிற்காக தமிழைக் கற்றுக் கொண்டு, வெளியில் தமிழ் பேசிக்கொண்டிருக்கிறார்கள்…இத்தகைய மாநாடுகளில் கூட தனிழரல்லாதர் தான் கலந்து கொள்கிறாற்கள்….இனி ஒருநாள் கூட தமிழர் அல்லாதவர்களை சேர்த்துக் கொண்டு தமிழ் சங்கங்கள் செயல்பட கூடாது.. [கைதட்டல்…….]…அவர்கள் / அவை மாற்றப்பட வேண்டும்… அதாவது ”உலக தமிழர் சங்கம்”   மாற்றினால் தமிழர் அதிகாரம் தமிழருக்கு வந்து விடும்….அதற்குத் தேவை தமிழனுக்கு வேண்டிய ஒற்றுமை….ஜாதியை ஒழிக்க வேண்டும்….5% தமிழர் தமிழில் பேசுவதில்லை….பள்ளிகளில் தமிழில் பேசினால், கண்டிக்கப் படுகிறார்கள்….தமிழில் மட்டும் பேசு என்றால் ஒரு நிமிடம் பிறமொழி கலப்பில்லாமல், 1% தமிழன் கூட பேச மாட்டான்…திராவிடன் என்று ஒருபோதும் மலையாளி, கன்னடர், தெலுங்கர்களும் தம்மை அழைத்துக் கொள்வதில்லை.அப்படி சொல்லி சொல்லி வாழ்கையினையும், அதிகாரத்தையும் இழந்தவன் தமிழன் மட்டுமே.இதற்குப் பிறகாவது, திராவிடம், திராவிடன் என்ற சொல்லை தமிழன் உச்சரிக்கக் கூடாது என என்றைக்கு முடிவெடுத்து செயல் படுகிறோமோ அன்று வரை தமிழனுக்கு விடிவே இல்லை……..இன்னும், பழம்பெருமை பேசி எத்தனை நாள் தாம் காலம் கழிக்கப் போகிறோம்..”. “திராவிடத்தால் வீழ்ந்தோம்” பாணியில் ஆரம்பித்து, தமிழ் பிரிவினைவாதத்தை தெளிவாக பேசி வெளிப்படுத்தினார்.

World Tamil conference - 22-05-2018-saratkumar

மாநாட்டில் பங்கு கொண்டவர்: இம்மாநாட்டில் சிறப்பு விருந்தினர்களாக இயக்குநர் தங்கர்பச்சான், நடிகர் சரத்குமார்[2] உள்ளிட்டோர் பங்கேற்றனர். மேலும் ஈழத்தமிழ் மன்றமான சைவநெறிக்கூடம், ஈழத்தமிழர் தனித்துவத்தையும், தமது தமிழ்வழிபாட்டுத் தீர்மான நோக்கத்தினையும் வெளிப்படுத்தியது. பேர்ன் நகரில் அமையவிருக்கும் ‘தமிழர் களறி” எனும் நூலகம் மற்றும் ஆவணக்காப்பகம் திட்டத்தினை விரிவாக விளக்கியது. இம்மாநாட்டிற்கு வருகை தந்த அனைவருக்கும் இவ்விளக்கம் இதழாகப் பதிப்பெடுத்து கையளிக்கப்பட்டது. உலகெங்கினும் தமிழர்கள் வழிபடும் திருக்கோவில் முழுவதும் கருவறையில் செந்தமிழ்த் திருமறை ஒலிக்க இங்கு கூடியுள்ள தமிழார்வலர்கள் முயலவேண்டும் என சைவநெறிக்கூடத்தின் வேண்டுகோள் இந்மாநாட்டில் முன்வைக்கப்பட்டது. சைவநெறிக்கூடத்தின் பேர்ன் சுவிற்சர்லாந்து நடுவத்தின் சார்பில் தில்லையம்பலம் சிவகீர்த்தி, ஐக்கியராச்சியக் கிளையின் சார்பில் ஸ்ரீரஞ்சன் பங்கேற்று உரையாற்றினர்.

World Tamil conference - 22-05-2018-Kannan

60-க்கும் மேற்பட்ட நாடுகளில் இருந்து மாநாட்டிற்கு வருகை தந்த தமிழர்: உலகிலேயே மிகப் பெரிய வழிபாட்டுத்தலம் என்ற பெருமைக்குரிய அங்கோர்வாட் கோவிலுக்கு அருகில் உணவகம் ஒன்றில் பண்டைத் தமிழரின் வர்த்தகப் பாதைகளில் முக்கிய இடமான   கம்போடியாவில் “உலகத் தமிழர் மாநாடு” நடைபெற்றது[3]. மலேசியா, சிங்கப்பூர், தாய்லாந்து, பர்மா, இந்தோனேசியா, பிலிப்பைன்ஸ், வியட்னாம், லாவோஸ், புருனே மற்றும் பப்புவா நியூகினியா நாட்டில் வசிக்கும் தமிழர்கள் என 60-க்கும் மேற்பட்ட நாடுகளில் இருந்து வருகை தந்தனர்[4]. தென்கிழக்காசியாவின் பெருமை, பழமை வாய்ந்த தமிழர் கோவில்கள், இன்றைய தென்கிழக்காசிய மக்கள் வாழ்க்கையோடு, பின்னிப் பிணைந்து கிடக்கும், பண்டைத் தமிழர்களின் கலை, கலாச்சாரம், இசை, நடனம், உணவு, உடை, விளையாட்டு, விவசாயம், கட்டடக்கலை, மற்றும் தமிழ் மொழியின் பரவல் போன்ற தமிழரின் பெருமைகளைப் பறைசாற்றும் மாநாடாக இது அமைந்தது[5]. பிற ஆசிய நாடுகளான, சீனா, ஜப்பான், கொரியா, தைவான், இலங்கை, மற்றும் கனடா, அமெரிக்கா, பிரான்ஸ், ஜெர்மனி, பெல்ஜியம், டென்மார்க், லண்டன், ஆப்ரிக்கா, ஆஸ்திரேலியா, துபாய், சவுதி, போன்ற பல்வேறு நாடுகளில் இருந்தும் தமிழர்கள் வருகை தந்தனர்[6].

World Tamil conference - 22-05-2018-Balakrishnan, Ranjan, Srinivasa Rao, Sadasivan

மாநாட்டை ஆதரித்த குழுமங்கள்: முன்னர் “பிடா” – The Federation of International Tamizh Association (FITA) சார்பில் இம்மாநாடு நடக்கும், அதில் ஆயிரக்கணக்கில் தமிழர் கலந்து கொள்வார் என்று செய்தி வெளியாகியது என்று குறிப்பிடப் பட்டது[7]. தென்புலத்தார் பன்னாட்டுத் தமிழர் கூட்டமைப்பின் நிறுவனர் ஒரிசா பாலுவின் தொடக்க முயற்சியாலும், மற்ற தமிழ் அமைப்புகளான கம்போடியா தமிழர் பேரவை, Federation of International Tamil Association, தென்கிழக்காசியத் தமிழ்ச் சங்கம், கோட்டோ (Global organization of Tamil Origin) மற்றும் “Global organization for Tamil youth” போன்ற அமைப்புகளின் கூட்டு முயற்சியாலும் இந்த மாநாடு மிகச் சிறப்பாக நடைபெற்றது[8]. ஆய்வுக் கட்டுரைகளை கொண்ட விழா மலர் வெளியிடப்பட்டது. உலகத் தமிழர் ஒன்றிணைந்த பன்னாட்டு வணிக மையம் தொடங்குவது குறித்து விவாதிக்கப்பட்டது.

World Tamil conference - 22-05-2018-Kokilam, Sindhiya, Subashini, Malarvizhi

பேச்சாளர்களின் விவரங்கள் முதலியன: 152 நாடுகளில் பரவி உள்ள தமிழர்களுக்கு இடையே வணிக சங்கிலியை ஏற்படுத்தும் வகையில் உலக தமிழர் வணிக மாநாடாக நடத்தப்பட உள்ளதாக பன்னாட்டு தமிழர் நடுவத்தின் தலைவர் திருத்தணிகாசலம் தெரிவித்தாலும், அரைத்த மாவையே அரைத்தது தான், கட்டுரை வாசித்தவர்கள் மூலம் தெரிந்தது.  புதியதாக சொன்ன விவரங்கள் அடைப்புக் குறிகளில் கொடுக்கப்பட்டுள்ளன.

  1. சுபா சசிதரன்[9] (பொதுவாக பேசியது……….),
  2. சிந்தியா லிங்கஸ்வாமி (கம்போடியாவும், தமிழரும், முதல் நூற்றாண்டு கடல் வணிகத்திற்கு முக்கியமானது, கண்ணாடி மணிகள், தங்கத் தகடு இறந்தவர் கணிகளின் மீது வைத்தல், …..)[10],
  3. ஆர்.ஜே. பொன் கோகிலம்[11] (வானொலி…..பற்றி பேசியது…..),
  4. மலர்விழி பாஸ்கரன்[12] (கடல்வழி பட்டுப்பாதை)
  5. செபாஸ்டியன்[13] (வடக்கிலிருந்து தமிழகத்திற்கு கோவில் கட்டும் முறை வந்தது, மந்தகப்பட்டு உதாரணம், தமிழரின் வழிபாட்டு மரபில் பல்லவகளின் தாக்கம்)
  6. கா. தணிகாச்சலம்[14] (அரிசி, அரசு, அரசியல்….கட்டுமரம், யானை, ……..வேளாண்மை செய்த குடி தமிழர்…உலகத்தை ஆண்டவர் தமிழர்…)
  7. ராமர்[15] (இலங்கலையில் தமிழ் கல்வெட்டுகள்),
  8. தேவதாஸ்[16],
  9. ஞானசேகரன்[17] (சைக்கிளில் உலகம் சுற்றியவர், பீகாரில் இருந்து வந்தவர் பெயரைக்க் கெடுத்ததால், தமிழர் கூட “கொசுவலை தமிழன்” என்றது, போன்றவற்றை சொன்னார்), சோழன் நாச்சியார்[18],
  10. காமராஜ்[19] (தமிழரின் எதிர்காலம்),
  11. சதாசிவம்[20] (ஆசியநாடுகளில் தமிழர் வர்த்தகம் கட்டமைப்பு, குஜராத்திய வியாபாரிகளுடன் ஒப்பிட்டது, டாக்காவிற்கும்-கொல்கொத்தாவிற்கும் நடக்கும் படகு போக்குவரட்த்து போன்று, தமிழகம்-இலங்கைக்கு ஏன் நடத்தக் கூடாது),
  12. சீனிவாச ராவ்[21] (சைக்கிளில் உலகம் சுற்றியவர், 2000 வருடங்களுக்கு முன்னர் பூம்புகார் போன்ற துறைமுகங்கள்மூலம் 80% தமிழகம் ஏற்றுமதி செய்தது), வீடியோக்களில் அவர்களது பேச்சை, வாசிப்பை உன்னிப்பாக, கவனித்த பிறகே இக்கருத்து பதிவு செய்யப்படுகிறது.
  13. அழகு துரை[22] [அணைக்கட்டு, நீர் மாசுப் படுவது…மாசுக் கட்டுப்பாடு…]

ஆய்வுக்கட்டுரைகள் படிப்பது போல இருந்தாலும், மேடைப் பேச்சாகத்தான் இருந்தது.

© வேதபிரகாஷ்

25-05-2018

World Tamil conference - 22-05-2018-Inauguration

[1] Shruti TV, உலகத் தமிழர் மாநாடுகம்போடியா, இயக்குனர் தங்கர்பச்சான் உரை, Published on May 19, 2018

https://www.youtube.com/watch?v=6ikBiz-DWUE

[2] Saratkumar speech – https://www.youtube.com/watch?v=4FLJRR0gw3g

[3] https://tamil.oneindia.com/art-culture/essays/world-tamilar-conference-held-cambodia-320403.html

[4] 4தமிழ்.மீடியா, கம்போடியாவில் விமரிசையாக நடைபெற்ற உலகத் தமிழர் மாநாடு, NAVAN 20 MAY 2018 CREATED: 20 MAY 2018.

[5] http://4tamilmedia.com/newses/world/11444-world-tamil-conference-in-cambodia

[6] புதியதொலைகாட்சி, உலக தமிழர் மாநாடு : 60 நாடுகளின் தமிழர்கள் சங்கமம்!, Web Team, Published : 20 May, 2018 09:13 pm

[7] The Hindu, World Tamil conference on May 19, 20, STAFF REPORTER PUDUCHERRY, APRIL 16, 2018 01:010 IST; UPDATED: APRIL 16, 2018 01:01 IST

The Federation of International Tamizh Association (FITA) is organising World Tamizh Conference 2018 at Angkor Wat in Cambodia on May 19 and 20, 2018. Thanikatchalam, president, FITA, in a press statement said thousands of Tamilians are expected to participate in the conference, which will be held next to the famous temple complex

[8] http://www.puthiyathalaimurai.com/news/world/45562-world-tamil-s-conference-contain-in-cambodia.html

[9] https://www.youtube.com/watch?v=nTVgcLcDk0U

[10] https://www.youtube.com/watch?v=4u_CyWDEMXE

[11] https://www.youtube.com/watch?v=BKezP0r4hYU

[12] https://www.youtube.com/watch?v=5JLQGk7SOQ4

[13] https://www.youtube.com/watch?v=DWY5mpWXEkw

[14] https://www.youtube.com/watch?v=TqwWBTKB_uc

[15] https://www.youtube.com/watch?v=qNyB8YSA_EY

[16] https://www.youtube.com/watch?v=EDLKaRu-LYA

[17] https://www.youtube.com/watch?v=OJB6QsqaKN8

[18] https://www.youtube.com/watch?v=a001htlfbPs

[19] https://www.youtube.com/watch?v=btYakqgfvDM

[20] https://www.youtube.com/watch?v=221fIZ0owg8

[21] https://www.youtube.com/watch?v=UqfolrB8RnY

[22] https://www.youtube.com/watch?v=Y0RN7CXLCK0